ZABURA 6

SIM

¹ Dikiri, ǹsun patama kũ pɛ̃tɛ̃oro, ǹsun ma toto kũ pↄfɛ̃oro.

² Ǹ ma wɛ̃nda gwa, Dikiri, zaakũ ma gↄ̃ fɛ̃fɛ̃na, ǹ ma gba aafiaa, Dikiri, zaakũ ma wánↄ tɛn wímɛ.

³ Ma pↄ yàka manamana, Dikiri, ĩni kpámai bↄrɛmɛɛ?

⁴ Ǹ ɛra ǹ ma mì sí, Dikiri, ǹ ma sura ba n gbɛ̃kɛ yãi.

⁵ Zaakũ gɛ̀ ni le à n tↄ́ kpáro, oni n sáabu kpá mira gũnlo.

⁶ Ma ndana ma kpasa, ma mìbↄkↄↄ dì yaku kũ wɛ́'io, ma wutɛbↄ dì yĩda kũ ari gu gɛ́ dↄo.

⁷ Ma wɛ́ kakana kũ pↄsira ↄ́ↄdↄnaao, àtɛn ga kũ ma ibɛrɛnↄn dasi yãi.

⁸ À go ma kĩnaa yãvãnikɛrinↄ, zaakũ Dikiri ma ↄ́ↄ dↄ mà.

⁹ Dikiri ma wikilɛnaa mà, Dikiri ma aduakɛnaa sì.

¹⁰ Wé'i ni ma ibɛrɛnↄ kũ ò gↄ̃ bídi gũn, oni fua kãnto ò kpɛ li ń pínki.