1 Samuwela 3

1 Samuwela mate Guyau ena ya paisowa na ana tanuwaga Eli. Fuyandi yai mate Guyau hige fuya ouêouli i libalibalau dodoga lebedi yo tautau hige ti tautaumahata dodoga ai lisidi. 2 Eli matana haêa sa heyaya wananaha. Begana haba sa tou. Iêipa hesa ya enoêeno ena bili yai. 3 Samuwela mate ya enoêeno Guyau ena luma yai, Yaubada ena Laugagayo Aba Husanina bilina sadaina yai. Hola ma iêipana na Yaubada ena luma lampana hola ma malamalana. 4 Habahim, Guyau Samuwela ya yogai. Iyen, Samuwela! Alinana Samuwela ya bui iyen, Ho? Yau ite. 5 Ya obiyo be ya tafo lau Eli lisina, iyen, Wa yogaigu. Yau ite. Na Eli iyen, Yau hige ya yogaim; u fuyo u eno. Be Samuwela ya fuyo ya eno. 6 Guyau ya yoga fuyo, iyen, Samuwela! Samuwela ya obiyo be ya lau Eli lebena, iyen, Wa yogaigu. Yau ite. Eli ya faliba iyen, Natugu, yau hige ya yogaim; u fuyo u eno. 7 Samuwela hola hige Guyau i sibai paêana beyabeyana hola hige Guyau i libalau lisina. Logena, Guyau alinana hige i atahi lobahi. 8 Guyau Samuwela ya yogai fafaihonana be Samuwela ya obiyo ya lau Eli lebena, na iyen, Wa yogaigu be E laoma. Habahim, Eli ya nuwatuhu lobahi mate Guyau gwama kiukiu ni, ya yogayogai. 9 Yo fede ya libalau Samuwela lisina, iyen, U lau u eno na yena ya yoga fuyoim uwen, “Guyau, u liba. Yau, em tau paisowa, E ataêatahi.” Habahim, Samuwela ya lau be ena aba eno yai ya eno-fuyo. 10 Guyau ya laoma ya obiyo amainiya na Samuwela ya yogai doha bwaêibwaêina ena yogayogaina, iyen, Samuwela! Samuwela! Yo fede Samuwela iyen, U liba! Yau em tau paisowa, E ataêatahi. 11 Habahim, Guyau iyen, Isalaela dodogadi ai ganahewadi haba ginauli heyaheyayana E ginauli. Yena sa atahiyen haba aluwadi sa potifahi, be ibege somo hesa ti ginauli. 12 Eli afa nanatuna tatau hesagu sa kai wegowegogoêen yo laulau heyaheyayadi sa ginaulidi be egu laugagayo hige ti famuli watandi. In moho Eli hige i falibadi ti fatautau. Be, ai maihalana ni haba Eli maêana boga E faêankamkamnadi, doha ginauli mahudoêina haêa E falibadi yo laulauwewena haba E faêankamkamnadi hige anadan. 14 Logena, E angwala Eli maêana boga lebedi yai yawa, “Emi ainauya e emi antalasam ami ledima lebegu yai, mate hige gonowana emi heyaya ni ya nuwatuhu afuledi." 15 Samuwela liba ni ya atahi mulina yai ya lau ya eno eeâ, hwalahwalala habahim ya obiyo be Guyau ena luma edaêedadi ya soêedi. Tautau ya ita ni, mate ya êwasabu be Eli hige ena i liba, 16 in moho Eli ya yogai be iyen, Natugu, Samuwela! Alinana Samuwela ya bui iyen, Ho, Yau ite! 17 Eli ya fatiêo iyen, Guyau somo ya falibam? U libaen. Tabu u simo. Yena hige u falibagu Yaubada haba ya faêankamkamnam. 18 Yo fede, Samuwela ginauli mahudoêina ena ya liba. Hige laêi i simo. Habahim Eli iyen, In Guyau. Somo ya nuwatuhui ya dudulai mate i ginauli. 19 Samuwela ya laêi mate Guyau maêena, be somo mahudoêina Samuwela ya libalibaen mate Guyau ya fawananahadi. 20 Dan nuêuna sigasigana yai ya hasai eeâ, Belesiba nuêuna sigasigana. Isalaela dodogadi mahudoêidi sa sibai mate Samuwela, Guyau ena peloweta. 21 Silo nuêuna yai, Guyau ya taumahata be ya libaliba famahata Samuwela lebena yai. Na Samuwela ena liba ya laoma Isalaela mahudoêidi lisidi yai.