1 Samuwela 2

1 Na Hana ya lauêuêula iyen, Nuwagu ya amna Guyau lisina yai, paêana ya faêadidiligu. Ya fofofahigu, logena nuwagu ya amna, be agu waiyunu E liuhwaêedi. 2 Hige sai hesa fafatabuna doha Guyau; Hige sai hesa sadaim yai. Hige poêa hesa, tau bobodiyenda, doha eda Yaubada, Hige sai hesa i itaêita wata doha Um, ema Yaubada. 3 Tabu keke hesana au atahi; Nuwa saesae au fatautau. Paêana Guyau Yaubada ginauli mahudoêina ya sibaidi, be emi laulau haba ya fakasadi. 4 Guyau, um tau hiyala edi kukupidu tau dem pwaipwaidi; na dodoga belubeludi wa faêadidilidi. 5 Dodoga mahumahuladi sa guliyam, aho te adi kalahe monina sa paisowaidi, in moho, tau guliguliyam, aho te sa mahula. Waihin hamohamoêafina wa ya fanatu be nanatuna faligigi luwaga, na waihin fanafanatuna ya baêe be ya nuwa kalapi. 6 Guyau, peêi yo mwahuli fuyo ya leyama, Dodoga ya toledi boêusa yai yo ya famwahuli fuyoêidi. 7 Haisa Guyau ya fagogo gesagesadi na haisa ya fagogodi; haisa ya tole lidilidiyedi, na haisa ya tole hitinidi. 8 Tau gogo gesagesa ya faêobiyo fuyoêidi afusa yai na tau kuêu mate afusa yai ya lau hitinidi. Be haba baêisa lalaêi nanatudi, ma afa haidadi sa taêai gogo. Na nuêudi yai haba dodoga sa faêatitiyedi. Tanoêubu mahudoêina mate Guyau enehena, yo ginauli mahudoêina edi aba ota yai ya toledi. 9 Dodoga loholoho ya ita watanidi, na tau laulau heyaya haba sa tauyamuhi ai kamumu. In moho dodoga adiêadidilidi edi adidili ibege i ota esegahi. 10 Safalumadi Guyau sa fawaiyunu, In haba ya faheyayadi doha gulewa sa dem golu. Ena manabala ataêatahina haba doha palele galewa yai. Guyau haba tanoêubu mahudoêina ya fakasa. Ena kin haba ya faêadidili yo ena fafasinabo ni, haba ya fanuwa adidili. 11 Habahim, Elikana yo ena dodoga sa lau edi nuêu Lama yai, na gwama Samuwela sa lau afulen be Guyau ena ya paisowa. Ana tanuwaga mate, Tau antalasam Eli.