Paisowa 7

1 Yo fede Tau Antalasam Baêisana Sitiwin ya fatiêoi iyen, “Ite liba te, moêisa?" 2 Alinana, Sitiwin ya bui fafuyo iyen, Afa haidagu yo afa tamagu au ataêatahima! Hola hige wahada Abelaham i lau Halan yai i gogo na Hewa Wananaha Yaubadana ya taumahata lebena yai, Mesopotamia nuêuna yai 3 be ya libalau lisina iyen, “Em nuêu yo am boga u lau afuledi na u lau be nuêuna haba E faêitam ainiya u miya." 4 Yo fede, Kaladiya dodogadi edi nuêu ya lau afulen na ya lau Halan yai ya miya. Abelaham tamana ya peêi na mulina yai Yaubada ya duiyama eda aba miyamiya yai te. 5 Yaubada hige tanohina laêi, Abelaham i felen be ai ena, hige itawa piêana laêi, higeêe wananaha! In moho Yaubada ya liba fasunuma mate haba ya felen ma afa wahawahana, enehedi. Yaubada liba fasunuma lahaina yai ni, ya ginauli mate Abelaham hola hige natuna. 6 Yaubada ya faliba doha ite, “Wahawaham haba ai nuêu hesa sa gogo. Ainiya haba sa lau fayofayoêedi yo sa fahisu faheyayadi eeâ, bolima oulina 400 yo. (Aba Fatubu 37-50 yo Auêaulaha 1-12 yo Paisowa 7:9-36 hinaga). 7 In moho dodoga ni, haba E fakasadi. Ai mulina haba nuêu ni, sa lau afulen na ai nuêu te, haba sa fadebasaegu." 8 Yaubada hinaga mwagisa dududi êwapidi tomofahina yalina Abelaham ya felen be fuyanna Abelaham natuna Isako ya tubu na ena lahai faligigi-faihona mate mwagisana duduna êwapina ya ibo papa. Doha mate ya laulauêi fuyanna Isako natuna Iyakobo yo Iyakobo nanatuna safuhudohudoêi-luwaga sa tubuma. Isalaela dodogadi wahawahadi fafasaedi ouêoulidi 12 tamadi mate Iyakobo. (Gen 32:28) 9 Iyakobo nanatuna, tasidi Diyosepa sa nuwa elaêelaêen be sa uneêuneêen bena ai Idipi haba sa lau fayofayoêen. In moho Yaubada hige i nuwa afulen 10 be ena kamkamna mahudoêidi lisidi yai ya fofofofahi. Yaubada, Diyosepa ya fasonoga yo ena sagu yai Idipi edi Kin nuwana ya abi be Diyosepa ya ita faloholoho. Na Baêisa Falo, Diyosepa ya famwaito Gawana be Idipi nuêuna mahudoêina yo Kin ena luma yo ginauli mahudoêidi ya ita watanidi. 11 Idipi yo Kanana nuêudi yai galamo wesawesasa be kamkamna laêilaêi sa fahoina. Wahawahada hige gonowana bena kalahe ti lobahi, 12 na Iyakobo wasa ya atahiyen mate Idipi yai kalahe. Yo fede nanatuna ya fatamalidi. Nanatuna mate ita wahawahada na edi fuya bwaêibwaêina ya fatamali lawedi niya. 13 Fuyanna afa haidana sa fuyo mate Diyosepa ya liba famahata fuyoi lisidi yai in hidadi. Lahaina yai Idipi edi Kin, Diyosepa ana boga ya sibaidi. 14 Mulina yai, Diyosepa wasa ya fatamali lawen tamana Iyakobo lisina yo ana boga ouêoulidi 75 lisidi bena mahudoêidi sa laoma Idipi. 15 Habahim Iyakobo maêana boga sa aulaha sa lau Idipi sa miya eeâ, sa peêi, amainiya. 16 Silandi sa lawedi eda lofalofa yai be somo yai duyufi hesa Abelaham haêa ya famaisa sulu Hamoli lisidi yai mate amainiya sa toledi. Duyufina Sekem yai, Kanana nuêuna ganahewana yai. (Aba Fatubu Peina 23) 17 Eda dodoga Idipi yai haêa sa ouli na Yaubada ena liba fasunuma Abelaham lisina yai fawananahana mate ya hanahanau. 18 Habahim kin hesa Diyosepa hige i sibai, ena fuya ya ita wata be Idipi ya ita watan, 19 na wahawahada edi dudulai ya faleleêedi be ya fakamkamnadi. Ya duduidi be nanatudi kikiluka sa bahe lawedi mulimuli yai sa faêota toledi be haba ainiya sa peêi. 20 Fuyana yai ni Mose sa yosi hewalina loholohona. Nawalahi faihona tamana yo tinana edi luma yai sa simosimoi. 21 Fuyanna sa faêota tole mulimuli yai, Idipi edi Kin natuna waihin ya lawen ya abi falaêi be ya famala natuna. 22 Idipi edi sibasiba mahudoêina sa fatalaha be ya famala doga hesa laêilaêi, libaliba yai yo abiêabi yai. 23 Fuyana Mose ena bolima 40, nuwatuhu ya abi mate bena falena Isalaela dodogadi ya kepaidi. 24 Idipi dogana hesa falena Isalaela dogana ya fahisu faheyaya ya ita. Yo fede ya lau ana ya fofo be Idipi dogana ya wunui. 25 (Mose ena nuwatuhu bena ena dodoga haba sa nuwatuhu lobahi mate in, Yaubada, ya fafapaisowa be ya fofofo fahidi, in moho higeêe). 26 Bobonna Isalaela dodogadi luwaga sa lululu be bena ya lau biliyedi na ya liba iyen, “Hola au ataêatahi. Umi Isalaela eseêesegamiu. Sidohana be ami lulu fuyoêimiu?" 27 Tau antala mate Mose ya dem fapululu lawen sadai yai na iyen, “Sai ya faêobiyom bena um ema baêisa yo tau fafadudulaimai? 28 Wa fanuha bena wa wunuigu doha bon Idipi dogana wa wunui?" 29 Fuyana Mose liba ni ya atahiyen mate Idipi ya gela afulen na ya lau Midiyan nuêuna yai ya gogo taêotaêowawa. Amainiya ya nahi be nanatuna tatau luwaga sa yosidi. 30 Bolima 40 sa ofi na mulina yai nuêu pitapitalina atiêatipuna yai tuêa hesa hesana Sainai mate amainiya oyagi kiukiu ya ala balebalelem na ganahewana yai anelu ya taumahata lau Mose lisina. 31 Mose ginauli ni ya ita mate ya noêo be ya sigilau oyagi sadaina yai bena ya ita komakomaniêi na Guyau alinana ya atahi, 32 “Wahamiu Abelaham, Isako yo Iyakobo yau edi Yaubada.” (Auêaulaha 3:14) Mose êwasabu ya kamfafatabubu be hige gonowana i itaêitai. 33 Habahim Guyau ya libalau lebena iyen, “Am sendolo u kamfahidi paêana em aba obiêobiyo ni nuêu fafagabina. 34 Egu dodoga Idipi yai edi kamkamna haêa E ita wananahai yo edi tan haêa E atahi be E laoma bena E fofo fahidi. Matabahim u laoma, haba E fatamalim wa fuyo Idipi." 35 Mose in logena Isalaela dodogadi sa waiyoêoêen, be sa fatiêoi tiyen, “Sai ya faêobiyom bena um ema baêisa yo tau fafadudulaimai?” In logena, Yaubada ya fatamaliyama bena edi baêisa yo tau fofofahidi anelu ena sagu yai fuyana ya taumahata lau lisina oyagi balebalelemna yai. 36 Dodoga Idipi yai ya foya fahidi. Fafaêilala yo noêo ya lau ginauli Idipi yai, Gabogabo Balebalelemna yai yo bolima 40 nuêu pitapitalina yai. 37 Mose, in logena, Isalaela dodogadi ya falibadi iyen, “Yaubada haba emi peloweta ya fatamaliyama, gonogonowana doha yau na in haba ami boga hesa." 38 In logena maêena Isalaela dodogadi nuêu pitapitalina yai sa faêoigogo esega. Wahawahada hinaga ma afa haidana yo maêena anelu ya libalau lisina Sainai Tuêana. Amainiya mwahuli wasana Yaubada lisina yai ya abi be ya fatadada ya lau eeâ, ita aho te lisida yai. 39 In moho wahawahada sa waiyoêoêen be ena liba sa moêa peiyedi na nuwadi sa fuyofuyo Idipi. 40 Yo fede Elon sa faliba tiyen, “Mose ya somo? In Idipi yai ya foyafahimai na aho te, sidohana? Beti! Ema yaubada haisa u lau ginauli be haba sa foyahimai." 41 Habahim oitau sa ginauli nenena doha bulumakau natuna. Antalasam sa angabu lau lisina na sa anêangogo be somo sa ginauli nimadi yai ni mate sa fadebasae. 42 Yo fede Yaubada ya taêai mulimuliyedi yo ya nuwa afuledi be galewa kipwaladi sa fadebasaedi doha peloweta edi buka yai sa uli tiyen, “Isalaela dodogadi! Boliman 40 nuêu pitapitalina yai antalasam ami ledima lisigu, e higeêe? (Auêaulaha 32:1) 43 “Higeêe! Emi yaubada Moleka ami husai aba husanina yai be ami bahebahe asiêasiyen yo emi yaubada hesa hesana Lefan, oitauna kipwala, ami ginauli. Oitaudi ami ginaulidi be ami fadebasaedi. Haba E duimiu be ami lau Babilon ai mulina na yalayalawen ainiya ami miya hudoêi.” (Eimosi 5:25-27) 44 “Yaubada Aba Lobahina Palaina” ginaginaulina nuwatuhuna Yaubada, Mose ya felen mate wahawahada sa fapaisowa be Gwaêu ni sa ginauli na sa lawelawen nuêu pitapitalina yai. 45 Diyesuwa ena fuya foyafoya yai afa wahawahada Gwaêu ni sa abi na sa bahe lawen taêowawa dodogadi edi nuêu fuyana Yaubada ya weêaidi wahawahada nuwanuwadi yai be edi nuêuna sa eli halahalaen. Amainiya ya ota esegahi eeâ, Deiwidi ena fuya yai yo. 46 Yaubada, Deiwidi ya ita faloholoho be Deiwidi ya anêetai iyen, Guyau! Ibe gonowana em “Luma Tabuna” E ginauli? 47 In moho Solomon lumana ya faêobiyo, enehena. (I Kin 6:1) 48 In moho Hewa Wananaha Yaubadana hige luma dodoga ti ginaulidi ganahewadi i miyamiya; doha peloweta haêa ya libaen iyen, 49 Yaubada ya liba doha ite, “Galewa mate Yau egu aba taêataêai na tanoêubu mate ahegu aba tolena. Luma somo - somohena haba ami ginauli, enehegu, e ai somo haba E anyawasi? 50 Yau nimagu yai ginauli mahudoêina te, E ginauli!” (Aba Fatubu 1, yo Isaiya 66:1-2) 51 Sitiwin ya liba ya lau iyen, Nuwamiu haga ti poêi yo nuwamiu doha dodoga hige Yaubada ti sibai! Beyamiu sa doêo wananaha be Yaubada wasana hige au atahi didin! Umi emi laulau doha wahawahamiu, Yaluwa Tabuna ami gudugudui! 52 Peloweta mahudoêidi Yaubada ya fatamali leyawa lisimiu mate wahawahamiu sa fahisu faheyayadi yo Tau Laulau Dudulai ena laoma wasana tau libaenna hinaga sa wunuidi. In logena, Keliso, Fasinabo Dogana, na aho ite ana ami liba talu be ami wunui. 53 Umi logemiu laugagayo anelu lisidi yai ami abi na hige au lau watan! 54 Fuyana Sanhedeli Konisela babada, Sitiwin ena liba sa atahi mate manadi sa bala be nima gigidi sa noêudi na sa fafaêita. 55 Sitiwin haêa Yaluwa Tabuna ya mohafu be ya itaêita hasa galewa be Yaubada ena namanamali ya ita na Yesu hinaga ya ita ya obiêobiyo Yaubada tefa sibana. (Au itaêita lau Paisowa 2:33) 56 Iyen, Au itaêita hasa! Galewa ya tasoêe E ita na Doga Natuna ya obiêobiyo Yaubada sibana yai! 57 Makai, ma esega! Diusi edi Konisela dodogadi sa halabo fahi. Nimadi yai beyadi sa tipa buluhidi na sa tulufi lawen. 58 Sa solu weêa lawen taon mulimulina yai be sa laulau umeêehui amainiya. Tau itana adi luhuluhu sa toledi mate hewali hesana Saulo, ya itaêitaidi. 59 Sa laulau umeêehui na Sitiwin ya yoga lau Guyau lisina iyen, Guyau Yesu yaluwagu u leyawa! 60 Ya tulibono na ya yoga laêilaêi iyen, Guyau! Tabu edi heyaya ai lisina u sadidi! Yo fede ya peêi.