Maleko 11

1 Sa mahano lau Betifegi yo Betani, Oliwe Piuna sadaina yai, na Yelusalem sa hanahanaui be Yesu ana hewahewali luwaga ya fatamalidi. 2 Na iyen, Au lau nuêu hesa matamiu yai. Yena ami mahano lau haba donki natuna ami ita. Amainiya sa fadaêi na hola hige sai i awai. Au tatafahi be au leyama. 3 Yena sai iyen, “Somo ami ginaginauli?” Mate au faliba auwe, “Guyau ya fanuha. Na haba êe fatamali fafuyoyama." 4 Yo fede sa lau be donki natuna sa ita edaêeda yai, na sa auêaui luma hafohafona yai. Sa tata 5 na dodoga haisa amainiya sa obiêobiyo tiyen, Hei! Ami tata be? 6 Na Yesu somo ya falibadi, enehedi sa liba be donki wa sa nuwaêen. 7 Sa lawen Yesu lebena. Adi luhuluhu donki taulina yai sa hesedi, habahim Yesu ya taêai hiti. 8 Dodoga boludi adi luhuluhu sa hesedi edaêeda yai na haisa oyagi lagadi ma lugulugudi gabu yai sa talafahidi, be edaêeda yai sa hesedi. 9 Tau bwaêi yo haisa tau lau wata sa laulau yogayoga, tiyen, Hosana, Yaubada te fadebasae! In, Guyau hesana yai ya laoma - Yaubada ena loholoho i felen! 10 Yaubada ena loholoho ya feleda paêana aho te ada ulutubu Deiwidi ena tanuwaga laulaudi haba Yesu ya abi hitin fuyoi! Hosana, hewa wananahana yai! Yaubada te fadebasae! 11 Yesu ya mahano lau Yelusalem, be ya luhulau Dubu Tabuna dobidobina yai, be ginauli mahudoêidi ya ita sipoidi. Maihala ya ofi, yo fede maêana hewahewali safuhudohudoêi luwaga sa lau Betani. 12 Bobonna Betani yai sa fuyo Yelusalem na Yesu ya guliyam. 13 Manamanaêa yai ya itaêita lau be oyagi hesa doha kuhou luguna ya ita, yo fede ya lau be ya ita mate lugu afaêafana paêana hige ana fuya. 14 Habahim Yesu ya libalau oyagi ni lisina iyen, Tabu u fuwa! Tabu sai hesa anêanim i an! Na tau famuli watanina somo ya libaen, sa ataêatahi. 15 Sa mahano lau Yelusalem yai na Yesu ya lau Dubu Tabuna dobidobina yai. Tau uneêune yo tau maketi mahudoêidi ya fadabalaladi. Nuêu hahaisa edi moni tau laulau senisi edi tebolo ya buidi, yo ataiêa doha waliliya tau uneêuneidi edi aba taêai hinaga ya buidi. 16 Yo Yesu iyen, Tabu sai hesa somo laêi u leyama ai Dubu Tabuna dobidobina. 17 Na habahim dodoga ya fatalahadi iyen, Buka Tabuna yai sa uli mate Yaubada iyen, “Egu Dubu Tabuna mate nuêu mahudoêina edi aba lauêuêula. Na umi ami fapaisowa be ya famala tau angafu edi aba alasimo.” (Isaiya 56:7; Delamaiya 7:11) 18 Tau antalasam babaêisadi yo laugagayo tau lau faêataena liba ni sa atahiyen yo fede edaêeda sa yoêo bena Yesu sa wunui. Sa êwasabuwen paêana baiwa mahudoêina ena lau faêata sa noêoêen. 19 Maimailafina Yesu maêana hewahewali taonna sa lau afulen. 20 Bobonna ma hwalahwalalana edaêeda yai sa laulau na oyagi doha kuhou sa ita ya peêi. (Diyobi 18:16) 21 Pita ya nuwatuhui yo fede Yesu ya faliba iyen, Tanuwaga, oyagi wa kaumananai wa, u ita, ya peêi! 22 Yesu iyebom, Yaubada au kawawananahaêen. 23 E faliba dudulaimiu mate sai yena ya kawawananaha na tabu i nuwa luwaluwaga na ya libalau tuêa lisina iyen, “U lau, u lofe lidiyem ai gabogabo.” Mate somo ya libaen haba ya tubu. 24 Logena, E falibamiu yawa, “Lauêuêula yai, somo ami anêetai, bena ami kawawananaha mate haêa ami abi, haba Yaubada ya felemiu. 25 Somo ami ita faheyaya haidamiu lisadi yai fuyana ami mwaito be ami lauêuêula mate au nuwatuhu afuledi. Haba Tamamiu Galewa yai emi heyaya ya nuwatuhu afuledi. 26 “Yena dodoga edi heyaya hige au nuwatuhu afuledi mate Tamamiu galewa yai emi heyaya ibege i nuwatuhu afuledi." 27 Sa mahano fuyoma Yelusalem, be Yesu ya lau Dubu Tabuna dobidobina ya laulau tiga na tau antalasam babaêisadi, laugagayo tau lau faêataena, yo babada hahaisa sa laoma lisina. 28 Sa fatiêoi tiyen, Dudulai somo wa fapaisowa be ginaulidi te wa ginaulidi? Yo sai dudulai te ya felem be wa ginauli doha? 29 Yesu alinadi ya bui, iyebom, Fatiêo esega haba E fatiêoimiu, na buina au felegu. Habahim dudulai somo E fapaisowa be laulau te E ginaulidi emi E liba. 30 Au falibagu! Diyon ena fafababasito somo yai ya laoma? Galewa yai e dodoga lisidi yai? 31 Yo fede tau antalasam babaêisadi yo laugagayo tau lau faêataena ibodi sa fadosi tiyen, Yena tawa, “Galewa yai,” haba iyen, “Sidohana Diyon hige au kawawananahaêen?" 32 Na yena tawa, “Dodoga lisidi yaiâ, mate sa êwasabuwedi paêana dodoga mahudoêidi edi nuwatuhu mate Diyon in peloweta wananaha." 33 Yo fede Yesu alinana sa bui tiyen, Hige ai siba. Yesu ya falibadi iyen, Yau hinaga dudulai somo E fapaisowa be laulau te E ginaulidi ibege ya falibamiu.