Maleko 2

1 Lahai fisa sa ofi mulidi yai, Yesu ya fuyo Kapanayum na wasana sa atahiyen mate In ya mahano fuyoma luma. 2 Yo fede dodoga boludi sa faêoigogoma be luma sa lau fafamohafu. Hige solasola laêi edaêeda hafohafona yai. Yesu mate Yaubada ena liba ya fafalibadi. 3 Yo fede tatau fati taumoho ahe peêipeêina sa baheiyama Yesu lisina. 4 Hige gonowadi bena ti lawen lisina paêana dodoga sa ouli wananaha. Yo fede luma hewana yai solasola sa ginauli be doga wa sa fadalolo Yesu ena aba obiêobiyo yai. 5 Edi sunuma laêina ya ita yo fede Yesu doga ahena sa peêipeêi ya faliba iyebom, Natugu, em heyaheyaya haêa E liba afuledi. 6 Laugagayo tau lau faêataena haisa amainiya sa taêataêai nuwadi yai itebom, 7 Sidohana be ya liba doha? Ataêatahina doha Yaubada hesana i kaiwegowegogoêen! Yaubada iyabona gonowana heyaheyaya ya liba-afuledi! 8 Edi nuwanuwatuhu Yesu haêa ya sibai yo fede ya libalau lisidi, Paêana somo be ami nuwanuwatuhu doha ite? 9 Somo ya malaha? Ibe tawa, “Taumoho tauna sa peêipeêi, em heyaheyaya E nuwatuhu afuledi,” e haba tawa, “U obiyo! Em aba eno u abi na u aulaha." 10 Bena ami sibai mate Doga Natuna ena gigibwali tanoêubu yai te gonowana heyaya ya liba afuledi. 11 Logena tau asiyebo E faliba yawa, “U obiyo! Em aba eno u abi na u lau em luma." 12 Matadi yai ya obiyo be ena aba eno ya abi na ya aulaha. Ouêoulidi sa noêo na Yaubada sa fadebasae tiyen, Hige somo laêi ai ita doha ite! 13 Yesu ya fuyo Galili Gabogabona sadaina yai na baiwa laêilaêi sa laoma lisina be ya lau faêataidi. 14 Ya laulau na takesi tau tanotano Lewi, in Alefaiyesi Natuna, ena ofesi yai ya taêataêai ya ita. Yesu ya libalau lebena iyen, U famuli watanigu. Yo fede Lewi ya aulaha be Yesu ya famuli watan. 15 Dodoga boludi Yesu sa famuli watan. In hola Lewi ena luma yai na takesi tau tanotano yo dodoga heyaheyayadi maidadi Yesu yo tau famuli watanina sa kalahe gogo. 16 Laugagayo tau lau faêataenna yo Falesiya Yesu sa ita ya kalakalahe maidana takesi tau tanotano yo dodoga heyaheyayadi. Yo fede sa fatiêo lau ana hewahewali lisidi, tiyen, Paêana somo be maidana takesi tau tanotano yo tau heyaya sa kalahe? 17 Edi fatiêo Yesu ya atahiyen yo fede iyebom, Yau hige ya laoma dodoga dudulaidi adi halulu. Tau heyaya debadi yai E laoma. Tau asiêasiyebo doketa sa fanuha. Tau asiêasiyebo gesa doketa hige ti fanuha. 18 Diyon Babasito ana hewahewali yo Falesiya sa andabu na Yesu ana hewahewali higeêe. Yo fede dodoga haisa sa lau Yesu lisina be sa fatiêoi, iyen, Paêana somo Diyon Babasito ana hewahewali yo Falesiya adi hewahewali sa andabu? Na um em hige. 19 Yesu alinadi ya bui iyebom, Ami sibai bena taumana ibege ti kalahe fafanahi ganahewana yai? Hige gonowana! Tau nahi fwaufwau maêedi ibege ti ginauli doha. 20 In moho ana lahai ya laolaoma haba tau nahi ni sa lawe-hudoêiyen. Lahaina yai ni haba afa haidana sa andabu. 21 Hige hola sai laêi kaleko senana fwaufwau i abi be luhuluhu beyabeyana i lau polaêen. Paêana lau pola fwaufwauna haba ya tanoêunoêu be kaleko beyabeyana ya eli gigi falaêi. 22 Hige hola sai wain fwaufwauna i fagoi lawen ile beyabeyana yai. 23 Sabati yai Yesu ya lau witi gabuna yai. Tau famuli watanina sa lau watan be witi anêandi sa fufudi. 24 Yo fede Falesiya dodogadi sa libalau Yesu lisina tiyen, Am hewahewali hola u itadi! Eda Sabati laugagayona sa utusi. (Auêaulaha 34:21) 25 Yesu iyen, Fuyana Deiwidi maêana hewahewali sa guliyam, somo sa ginauli? Bukana nuwana hige au fatili? (1 Samuwela 21:1-6) 26 Tau Antalasam Baêisana Abiyata ena fuya yai, Deiwidi ya lau Yaubada ena Luma yai be fwalawa fafatabuna ana ya an. Eda laugagayo ya libaen mate tau antalasam moho ibodi bena adi sa an. In moho Deiwidi ana hewahewali adi ya feledi sa an. 27 Habahim, Yesu ena liba ya falafusofa iyen, Yaubada Sabati ya ginauli dodoga debadi yai. Hige dodoga i ginaulidi Sabati debana yai. (Auêaulaha 20:8-11: Auêaulaha 23:12; Kolosi 2:16) 28 Logena Doga Natuna mate Sabati Guyauna.