1 Corintios 10

1 Unc’aipimaye, camilhuo’ aimolimenc’eco’me li’ipola’ laÆtatahueló. Jahuay iÆniya unxamu’ela’ Æummahuay lipo’nopa ȽanDios lema’a. Jahuay uyalaico’me Æaja, ȽanDios ilanc’e’epola’ liÆpene. 2 IÆniya lunxamu’epola’ Æummahuay, nuyalaicopá Æaja, toÆta’a i’ipola’ lixanuc’ Moisés. Jahuay ilihuequi iÆque. 3 Jahuay iÆne ma’ anuli nitepá Æa’i, iÆque Æi’huayomma lema’a. 4 Jahuay ma’ anuli noxnapá laja’ lepi’ipola’ ȽanDios. IÆe laja’ tipayomma Æapic Æipo’nopa ȽanDios. Ni petsi loyepa lan xanuc’ jouc’a ti’hua’ma Æapic, tiyeyi anuli. Ƚapic ma’ iÆque Cristo. 5 Jahuay iÆniya ȽanDios itoc’i’mola’ ma’ anuli. A’i jahuay letenÆcocopa ȽanDios liÆ‘ejma’. Imanapola’ jiÆpe ÆijuÆ camats’. ToÆta’a liteÆ‘mipola’ ȽanDios. 6 IÆe li’ipola’ laÆtatahueló ȽanDios aÆ‘onÆiconga’ to illanc’ laÆ‘iyaconga’ ja’ni a’ij c’a laÆ‘ejma’. Lu’inga’: “ToÆpo’noÆe loÆpicuejma’ aimoÆjanaj’me molihuej’me lixcay to lihuejpa iÆniya”. 7 Imanc’ aimolaxc’onÆingoÆai’mola’ landiosla’. ToÆta’a li’epa hualca iÆne lan xanuc’. Tuya’e’ al Paxi LiniÆingiya ticua: I’epá liÆjuic landiosla’, icutsoÆai’me, itetso’me, ixna’me. Lijou’ma itsolinanca quixojma cata, i’e’me nixpiya. 8 Jouc’a aimoÆ‘noÆ‘mola’ lacaÆ‘no’. Hualca iÆne lan xanuc’ toÆta’a li’epa. ȽanDios iteÆ‘mi’mola’. Anuli litine imana’mola’ anuxans fane’ mil lan xanuc’. 9 Jouc’a aimolahuai’me ÆaÆPoujna. ToÆta’a li’epa hualca iÆniya. ȽanDios umme’mola’ lainofat’Æ. IÆne ima’a’me lan xanuc’. 10 Jouc’a aimoÆtac’ui’me cajunac’ ȽanDios. Hualca toÆta’a li’epa. ȽanDios umme’ma Æepaluc quema’a, ima’a’mola’. 11 Jahuay iÆiya li’ipola’ laÆtatahueló, ȽanDios aÆ‘onÆiconga’ to illanc’ laÆ‘iyaconga’ ja’ni a’ij c’a laÆ‘ejma’. JiÆpe al Paxi LiniÆingiya ȽanDios aÆsc’ai’inga’ illanc’ laÆmana’ iÆna’a Æitiné ma mi’hua mijou’ma li’a Æamats’. Lu’inga’ aimaÆ‘e’me to iÆniya. 12 ToÆ‘nujuaitsa li’ipola’ laÆtatahueló. Ja’ni tocua: “Iya’ ma quihuequi. Ailopa’a caÆ‘iya”, iya’ camihuo’: Ne’, topo’noÆa’ cuenna. Aimixcai’mo’. 13 Itsiya toÆteÆcoyi ma le’a to laÆteÆcopa maÆmana’ fa’a li’a Æamats’. ȽanDios joupa lu’ipolhuo’: “Iya’ catoc’i’molhuo’”. ToÆta’a lo’eya. IÆque aimipaiya lipicuejma’. Ja’ni toÆsinyi acueca’ iÆe loÆteÆcopa, ja’ni toÆnesle: “Aimi’iya caixnet’Æconaya”, ȽanDios timuc’i’molhuo’ lonÆ‘eyacu. Timuc’i’molhuo’ te co’iya molulijyacu. ToÆta’a ti’hua toÆsnet’Æ‘me. 14 Maicunc’aipimaye, aimolihuej’me landiosla’. TolanajtsoÆtsi nulemma. 15 Imanc’ a’i cunc’amac’ta. Tipa’a loÆpicuejma’. Itsiya aÆquimf’eÆa’ iÆta’a laifmiyacolhuo’. TijouÆa’ toÆspic’eÆe al c’a lonÆ‘eyacu. 16 Illanc’ ninc’apimaye tipa’a laÆvaso, jiÆpe maÆsnayi aÆ‘nujuaisyi li’epa Cristo. AÆs’najtsi’i’me ȽanDios, aÆsna’me al vino lopa’a jiÆpe al vaso. MaÆsnayi al vino jahuay anuli aÆ‘nujuaisyi lijuats’ Cristo. MaÆteji Æa’i ÆaÆsquejpa jahuay anuli aÆ‘nujuaisyi licuerpo Cristo. 17 Ƚa’i ÆaÆsquejpa ti’onÆcospa to licuerpo Cristo. IÆque Æa’i ma le’a anuli. ToÆta’a timuqui tama ninc’xpela’ illanc’ ma le’a anuli. IÆque anuli Æa’i ahualca ahualca aÆteji jahuay. 18 Lan xanuc’ Israel miteji lixic’ litsufcompa jiÆpe al cuecaj xoute’, ti’nujuaisyi iÆe al altar pe laipa’ayompa lixic’ i’altar ȽanDios. 19 Ƚinca aica’onÆicola’ ÆalanDios to lilendiosla’. Jouc’a aica’onÆicola’ lotsufcompola’ lilendiosla’ to lotsufcopa ȽanDios. 20 Mane cacua: Lan xanuc’ pe aimimetsaicoyi ȽanDios aimitsufcoyi ȽanDios, titsufcoyi lontahue. Cacua: AmoÆtetso’me anuli lontahue, aimoÆÆejmale’me anuli iÆniya. 21 Imanc’ ja’ni toÆsnayi livaso ÆaÆPoujna Cristo aimi’iya moÆsnayacu jouc’a liÆvaso iÆne lontahue. Ja’ni toÆtetsoyi jiÆpe lacui’impa “limesa ÆaÆPoujna”, toÆtetsoyi anuli iÆque. Aim’iya moÆtetsoyacu anuli lontahue jiÆpe liÆmesa. 22 O, ¿ja’ni lahuaiÆe ÆaÆPoujna? ¿Ja’ni xonca ti’hua laÆmane? 23 Ƚinca tama jahuay nipajnya aÆ‘e’me, tipa’a latenÆcocoya jouc’a tipa’a pe aimetenÆcocojma. Tama jahuay nipajnya aÆ‘e’me a’i jahuay mitoc’iyacola’ lapimaye. 24 Imanc’, aimoÆ‘e’me loÆpic’a coÆtuca’. ToÆ‘e’me iÆe lotoc’iyacola’ loÆpimaye. 25 Locuquimpa laplaza ti’i’ma toÆ‘nata, toÆte’me. AimoÆsueÆmot’Æe’me, aimolicuitsuf’me: “¿Te iÆe litsufcompola’ landiosla’?” Ma le’a toÆ‘natsa. 26 ToÆ‘nujuaitsa: “Li’a Æamats’ jouc’a jahuay lopa’a i’huexi ÆaÆPoujna”. 27 Lan xanuc’ pe aimimetsaicoyi ȽanDios, ja’ni tijoc’itsolhuo’ toÆtetsota, ja’ni oÆpic’a tonÆeÆe, ne’, tonÆe’me. ToÆtetsa Æapi’inyacolhuo’. AimoÆsueÆmot’Æeta, aimolicuitsufoÆ‘me: “¿Te iÆta’a itsufcompola’ landiosla’?” Ma le’a toÆtetsa. 28 Ja’ni anuli ÆoÆpima timitsolhuo’: “IÆta’a itsufcompola’ landiosla’, aimi’iya moÆtejacu”, aimoÆte’me. ToÆ‘nujuaitsa ÆoÆpima Æimipolhuo’ toÆta’a. AimoÆscai’e’me iÆque Æunxajma’. 29 Imanc’ Æinca aimoÆsueÆcoyacu, ma’ iÆque ÆoÆpima tixhueÆco’ma. Iya’ cacua: Ƚinca nipajnya toÆte’me. TijouÆa’, ¿te co’iya? ȽoÆpima aga tixim’ma a’ijc’a loÆ‘epa, tihuotso’ma. Joupa oÆs’najtsi’ipá ȽanDios, toÆteji moÆ‘nujuaisyi ȽanDios, ÆoÆpima aiquixoqui queta, ixtuc’opo’. ¿Ja’ni ac’a iÆe li’ipa? A’i. 31 Cacua: Ja’ni toÆte’me, ja’ni toÆsna’me, jahuay lonÆ‘eyacu, tonÆ‘eÆe ma le’a latenÆcocoya ȽanDios. ToÆta’a lan xanuc’ tines’me: “ȽilenDios iÆniya ma’ ac’a lipicuejma’”. 32 Ja’ni ajudío o ja’ni a’ij judío, o ja’ni loÆpimaye Æefot’Æepola’ ȽanDios, imanc’ aimoluc’uilitsuf’e’mola’. 33 ToÆta’a laif’epa iya’. Ca’nujuaitsila’ jahuay laif’as xanuc’. Aicacua: “¿Te caif’eya? Aipic’a cuyaiÆa’ al c’a iya’.” Ma caxpic’e, camiyoxi: “IÆe laif’eya, ¿te tetenÆcocojma Æaipima?” Aipic’a tuyalaiÆe al c’a laipimaye, tunÆulâle iÆniya.