1 Corintios 11

1 ToÆta’a cainihuequi Cristo. Imanc’ lihuejla’ iya’. 2 Unc’aipimaye, tixoqui neta iya’ aixina’ aicalimenc’ecojma. Ti’hua aÆ‘nujuaitsi, ma to laÆcuxe’epolhuo’ toÆta’a lonÆ‘epa. Tonlihuejyi laimuc’ipolhuo’. 3 Jouc’a aipic’a ti’iÆa’ coÆsina’ Cristo copa’a Nocuxepa cal xans. Cal xans ti’hua limane ticuxe’ma Æaca’no’, iÆque Æipeno. ȽanDios ti’hua limane ticuxe Cristo. 4 Cal xans mipalaic’o ȽanDios o mu’iyale lonespa ȽanDios, texijla’ Æijuac. Ja’ni tetemica Æijuac tetets’i Cristo, iÆque Nocuxepa. 5 Ƚaca’no’ mipalaic’o ȽanDios o mu’iyale lonespa ȽanDios, tetemijla’ Æijuac. Ja’ni texijla’ Æijuac tetets’i Æipe’ailli’, iÆque nocuxepa. Ja’ni texijla’ Æijuac tocomma to isuaf’pa. 6 Ja’ni Æaca’no’ aimetemijya Æijuac, ne’, tetec’eÆa’ Æijuac. Ja’ni ticua: “A’i, aimalatec’e’ma Æaijuac, aimalisuaf’ma, catai’ma lalaic’ata”, ne’ tetemijla’ Æijuac. 7 Cal xans mipalaic’o ȽanDios aimetemij’ma Æijuac. Cal xans ti’onÆcospa to ȽanDios. Timuqui te ts’i’ic’ iÆque Ƚilanc’epa. Ƚaca’no’ ituca’, iÆque tixhuaicospa Æipe’ailli’. 8 ȽanDios lolanc’eyacola’ lan xanuc’ ate’a ilanc’epa cal xans, a’i Æaca’no’. IÆque Æaca’no’ aiquipa’e anuli lipecaÆ lolanc’ecoya cal xans. Ipa’epa lipecaÆ cal xans ilanc’ecopa Æaca’no’. 9 ¿Ja’ni Æaca’no’ ehue’epa quipe’ailli’ lijoupa ȽanDios ilanc’epa cal xans? A’i. Cal xans ehue’epa quipeno. Lijoupa ȽanDios ilanc’epa Æaca’no’. 10 ToÆiya ticuicomma tetemijla’ Æijuac Æaca’no’. Timuj’ma a’i micuxeyoxi iÆque quituca’. Timuj’ma Æipe’ailli’ xonca ti’hua limane. ToÆta’a tetenÆcoco’mola’ lapaluc’ quema’a jouc’a. IÆne nahuelojmpá lapimaye lafot’ÆepoÆtsi. 11 Iya’ aicatets’ila’ lacaÆ‘no’. Cacua: Ticuicomma loquexi’, cal xans jouc’a Æaca’no’. Cal xans ticuicomma quipeno, Æaca’no’ ticuicomma quipe’ailli’. ToÆta’a lapajnya molihuejyi ÆaÆPoujna. 12 ToÆta’a aÆmuc’iponga’ ȽanDios: Al te’a ipa’apa Æaca’no’ licuerpo cal xans. Lijoupa limajnlita lan xanuc’ iÆne caipalyomma liÆcuerpo lacaÆ‘no’. Jahuay, ma’ anuli ȽanDios tepi’ila’ liÆpitine, axanuc’, acaÆ‘no’. 13 Imanc’ coÆtuca’, ¿te coÆcuapa? ¿Te ja’ni ac’a lo’epa Æaca’no’ mipalaic’o ȽanDios exiqueya Æijuac? ¿Te ja’ni latenÆcocoya toÆiya? 14 Joupa oÆsina’ a’ij nuli liÆsans Æaca’no’ y cal xans. Cal xans ja’ni itoqui juaiconapa Æijuac, aiquetenÆma, alaic’ata. 15 Ƚaca’no’, ja’ni itoqui juaiconapa Æijuac, ma’ etenÆma, i’huáqui ac’a juaiconapa. IÆque Æitoqui Æijuac ȽanDios epi’icopa Æaca’no’ tipoxc’ixoxi. 16 ToÆta’a iya’ laicuapa, lainu’ipolhuo’. Ja’ni anuli aimicueca, ja’ni tinesla’: “LacaÆ‘no’ mipalaic’oyi ȽanDios aimetemij’me ÆiÆjuac”, cami’ma iÆque: “Illanc’ a’i toÆta’a maÆ‘eyi. Jouc’a aimi’eyi lapimaye lefot’Æepola’ ȽanDios ni petsi lomana’." 17 Itsiya capalaico’molhuo’ lonÆ‘epa pe aicalatenÆcocojma. Aicamilhuo’: “Ac’a iÆe loÆ‘ejma’”. Munlafot’ÆeyoÆtsi aimoÆtoc’iyoÆtsi, aimoÆfa’eyoÆtsi loÆpicuejma’. Lijou’ma xonca a’ijc’a loluyalaicopa. 18 Ate’a cu’i’molhuo’ iÆe lonescompolhuo’, aÆmimpa: “Lapimaye nomana’ liÆya’ Corinto mefot’ÆeyoÆtsi a’ij nuli liÆpicuejma’, a’ij nuli lonespa”. Iya’ cacua: Aga al Æinca iÆe lataiqui’ lonescompolhuo’. 19 Ƚinca aimi’iya moÆmajnyacu ma le’a anuli capicuejma’. Ticuicomma tolanajtsoÆtsi. ToÆiya ti’huájtola’ naitsi iÆniya latenÆcocoya ȽanDios. 20 Imanc’ lonlafot’ÆepoÆtsi anuli aicoÆspic’e moÆtetsoyacu Ƚixmocojma’ ÆaÆPoujna. 21 Imanc’ aimoÆ‘huaicoyi anuli anuli, ma toÆteji ÆoÆtaic’. TijouÆa’ anuli Æapima tipanehuo tunle’e, Æocuena timeyoqui. 22 Imanc’, ¿te ailopa’a colajut’Æi? JiÆpiya ti’i’ma toÆtetsota, toÆsnata. Xonca oÆpic’a tolatets’itsola’ loÆpimaye, iÆniya jouc’a lefot’Æepola’ ȽanDios. Imanc’ tolahuelongila’ to ninaitsi xanuc’, tijouÆa’ iÆniya tixinyi calaic’ata juaiconapa. ¿Te caifmiyacolhuo’? ¿Te cami’molhuo’: “Ac’a lonÆ‘epa”? A’i, aicamiyacolhuo’ toÆta’a. 23 Iya’ joupa aimuc’ipolhuo’ iÆe laÆmipa ÆaÆPoujna. Nu’ipolhuo’: Lipuqui’ licum’me ÆaÆPoujna Jesús iÆque epef’ma anuli Æa’i. 24 Ix’najtsi’i’ma ȽanDios, ixquej’ma Æa’i, timila’ ts’ilihuequi’: “IÆta’a aicuerpo. Cacu’moxi, cunÆu’e’molhuo’. Ma toÆta’a tonÆ‘e’me imanc’. ToÆsquej’me Æa’i, toÆte’me, aÆ‘nujuaisco’ma iya’." 25 Lijoupa lixmocopa ÆaÆPoujna timila’ ts’ilihuequi: “IÆta’a al vaso, al vino lonango, iÆe aijuats’ laifxcuajaiya. ToÆiya caÆinc’i’ma al ts’e cataiqui’ lopo’no’ipolhuo’ ȽanDios, imanc’ ixanuc’. ToÆsnaÆe. Ti’hua tonÆ‘e’me toÆta’a. Ma moÆsnayi aÆ‘nujuaisco’ma." 26 MaÆ‘eyi toÆta’a, maÆteji Æa’i ÆaÆsquejpa, maÆsnayi al vaso, luya’ayi limayopa ÆaÆPoujna jiÆpe lancruz. Ma toÆta’a maÆ‘eyi aÆ‘huaijma ticuaiyoconno. 27 ToÆiya aimi’iya maÆtejacu Æa’i to nij tintsi ca’i, aimi’iya maÆsnayacu al vino to nij tintsi vino. Ja’ni toÆta’a li’ejma’ cal xans, iÆque tetets’ila’ licuerpo jouc’a lijuats’ ÆaÆPoujna. 28 Ai’a toÆte’me Æa’i, ai’a toÆsna’me al vino tolimetsaicotsoÆtsi, te ts’i’ic’ loÆ‘ejma’, te ts’i’ic’ loÆpicuejma’. TijouÆa’ toÆteÆe Æa’i, toÆsnaÆe al vino. 29 Naitsi notepa Æa’i, noxnapa al vino, ja’ni aimimetsaijma jiÆpe licuerpo Cristo, litepa Æa’i, lixnapa al vino aimitoc’iya. TiteÆco’ma loteÆ‘miya ȽanDios. 30 ToÆiya, jiÆpe pe loÆmana’ timana’ axpela’ lapimaye titafquemmola’, axpela’ textafquila’ o joupa imanapola’. 31 LimetsaicotsoÆtsi, aÆsintsoÆtsi te ts’i’ic’ laÆ‘ejma’. Ja’ni a’ijc’a laÆ‘ejma’ aÆsuej’menanca. TijouÆa’ aimaÆteÆ‘miyaconga’ ȽanDios. 32 Ja’ni aÆteÆ‘minga’ ȽanDios aÆmuc’inga’ aimetenÆma laÆ‘ejma’, ipic’a aÆsuej’menca. ToÆta’a aimalacani’eyaconga’ to locuenaye naihuejpá quiÆtuca’ liÆpicuejma’. 33 Unc’aipimaye toÆ‘nujuaitsa iÆe laifnu’ipolhuo’. Litine molafot’ÆeyacoÆtsi, toÆtetso’me anuli, toÆcuaitsa petsi lolafot’ÆeyacoÆtsi, toÆ‘huaicota ticuaiyunca loÆpimaye, tijouÆa’ toÆtetso’me. 34 Ƚapima Æonle’epa juaiconapa, titetsoÆa’ jiÆpe lejut’Æ. ToÆta’a ac’a toluyalaico’me jiÆpe lolafot’ÆepoÆtsi. ȽanDios aimiteÆ‘miyacolhuo’. Litine cacuaitsi jiÆpiya aÆpalaic’otoÆtsi xonca. Catalai’etolhuo’ jahuay lalicuis’epa.