1 Corintios 12

1 Unc’aipimaye aipic’a ti’iÆa’ coÆsina’ te ts’i’ic’ laÆ‘eyacu ja’ni cal Espíritu aÆcuxenga’, lapi’iponga’ laÆpicuejma’. 2 Imanc’ toÆ‘nujuaisyi te ts’i’ic’ loÆ‘ejma’ iÆne Æitiné ma’ aimolimetsaicoyi ȽanDios. Icuxe’molhuo’ landiosla’ pe aimipalaiyi. Unlihuejco’me iÆniya. 3 IÆne Æitiné aicoÆsina’ litaiqui’ cal Espíritu Santo. Itsiya camilhuo’: Cal xans nonespa: “TecaniÆa’ Jesús”, aiminesqui locuapa cal Espíritu Santo. Jouc’a camilhuo’: Ma le’a cal xans pe joupa epenufpa cal Espíritu Santo ti’i’ma tuya’a’ma: “Jesús aiPoujna. MaÆque anDios.” Ja’ni aiquepenufi cal Espíritu Santo aimi’iya muya’aya toÆta’a. 4 Tama ituca’ ituca’ laÆ‘eyacu ma to malapi’inga’ cal Espíritu, ailopa’a oquexi’ afantsi lan Espíritu Santo, ma’ anuli le’a. 5 Tama ituca’ ituca’ laÆpenic’, iÆe laÆtoc’iyacola’ laÆpimaye, ma le’a anuli ÆaÆPoujna. 6 Tama a’ij nuli calapi’inga’ laÆmane, iÆque ȽanDios ma le’a anuli. Ma’ iÆque lapi’inga’ jahuay iÆiya. ToÆta’a aÆpaxnenga’ jahuay illanc’. 7 Cal Espíritu Santo aÆmuc’inga’ laÆ‘eyacu anuli anuli illanc’. ToÆta’a illanc’ ninc’apimaye ti’i’ma aÆtoc’i’moÆtsi. 8 Anuli Æapima, cal Espíritu Santo tepi’i’ma tuhuaÆ‘ma litaiqui’ ȽanDios. Ƚocuena capima, maÆque cal Espíritu Santo tepi’i’ma tuya’a’ma al cueca’ ts’ixina’. 9 Ƚocuena capima, maÆque cal Espíritu Santo tepi’i’ma ti’huaiyijnla’ juaiconapa ÆaÆPoujna Jesucristo. Ƚocuena capima, maÆque cal Espíritu tepi’i’ma limane tixaÆ‘me’mola’ lafcualÆay. 10 Ƚocuena capima, tepi’i’ma ti’eÆa’ al cueca’ ma to mi’ay ȽanDios. Ƚocuena capima, tepi’i’ma ti’iÆa’ quixina’ loxpic’epa ȽanDios, tu’itsola’ lapimaye. Ƚocuena, tepi’i’ma timetsaicoÆa’ ja’ni ma’ aÆinca cal Espíritu Santo ticuxe anuli Æapima o ja’ni ticuxe ocuena ’espíritu, iÆque Æixcay. Ƚocuena capima, tepi’i’ma tipalaiÆa’ ipaijma litaiqui’ pe aiquixina’. Ƚocuena capima, tepi’i’ma ticuejla’ iÆe lataiqui’ linespa Æipima, tu’itsola’ locuenaye capimaye. 11 Jahuay iÆiya ti’ay cal Espíritu Santo. Ituca’ ituca’, ma to lixpic’epa, lapi’inga’ laÆpicuejma’ jouc’a laÆ‘eyacu. 12 Anuli al cuerpo Æinca axpe’ mipa’a. Tama axpe’ mipa’a licuerpo cal xans a’i oquej fanej licuerpo, anuli le’a. ToÆta’a Cristo. Illanc’ icuerpo iÆque. 13 Illanc’ ja’ni ninc’ijudío, ja’ni ninc’ocuenaye xanuc’, ja’ni fa’a li’a lamats’ tipa’a ÆaÆpoujna o ailopa’a caÆpoujna, illanc’ nalapolipá aÆ‘onÆcosponga’ to anuli al cuerpo, iÆe icuerpo Cristo. Ma’ anuli joupa aÆsnapá al c’a caja’, iÆque cal Espíritu Santo Æalapenufpa. 14 Ƚinca, anuli al cuerpo mipa’a axpe’, a’i anuli ne’a. 15 Cal xans ja’ni li’mis timixoxi: “Iya’ a’i namane, toÆta’a iya’ a’i qui’huexi iÆe al cuerpo”, ¿te iÆe li’mis a’i qui’huexi al cuerpo? 16 Jouc’a ja’ni lix’mas timixoxi: “Iya’ a’i na’u, toÆta’a iya’ a’i qui’huexi iÆe al cuerpo”, ¿te iÆe lix’mas a’i qui’huexi al cuerpo? 17 Ja’ni laÆcuerpo pangay ca’u’, ¿te co’iya maÆcuejyacu? Ja’ni laÆcuerpo pangay cax’mats’i’, ¿te co’iya malujuenufyacu? 18 A’i toÆta’a laÆcuerpo. ȽanDios joupa ixpic’epa lo’eya, ipo’no’ipola’ anuli anuli pe lopanc’eya. 19 Ja’ni a’i coÆa’ toÆta’a qui’e’e ȽanDios, ¿pe copa’a al cuerpo? Ailopa’a. 20 Ƚinca axpe’ tipa’a lipo’no’ipola’ ȽanDios, tama anuli le’a laÆcuerpo. 21 ToÆiya laÆ‘u’ aimi’iya mimiya laÆmane’: “Aicaxhuicolhuo’. TonÆenÆe’. Iya’ caituca’ ca’e’ma lanic’.” Jouc’a ÆaÆjuac aimi’iya mimiyacola’ laÆ‘mitsi’: “Aicaxhuiyacolhuo’. TonÆenÆe. Iya’ caituca’ ca’e’ma lanic’." 22 JiÆpe laÆcuerpo ticuicomma jahuay lipo’no’ipola’ ȽanDios. IÆniya pe tocomma ailopa’a quiÆpujfxi, iÆne xonca ticuicomma. 23 JiÆpe laÆcuerpo tipa’a pe aimalimetsaicoyi xonca, jiÆna’a xonca aÆ‘eyi cuenna. Jouc’a iÆna’a petsi ticuicomma temiyaquenni aimalixocoyi iÆniya. 24 Petsi xonca latenÆcoconga’ aimaÆsinyi cuanuc’, aimalamiyi. ȽanDios lilanc’epa laÆcuerpo ixpic’epa petsi lopo’no’iyacola’ anuli anuli. Ja’ni ipic’a temiyaquenni, ti’enÆe cuenna, ipo’nopa maÆpe petsi aÆ‘e’me cuenna. 25 ToÆta’a, jiÆpe laÆcuerpo anuli aimi’iya miÆof’eyacoxi, locuena mi’oc’eyacoxi. Jahuay tixinyoÆtsi cuanuc’, jahuay ti’eyoÆtsi cuenna. 26 Ja’ni laÆcuerpo tipa’a anuli titeÆma, jahuay titeÆcoyi jouc’a. Ja’ni anuli tixoqui queta, jahuay tixojma quileta. 27 ToÆta’a imanc’, icuerpo Cristo. Anuli anuli imanc’ i’huexi iÆe licuerpo. 28 Jahuay nalafot’Æeponga’ ȽanDios lapi’iponga’ anuli anuli laÆpicuejma’, ituca’ ituca’ laÆpenic’. Ate’a ipo’nopola’ lan apóstole, iÆne lummepola’ Cristo tuya’aÆe Lataiqui’. Lijoupa ipo’nopola’ lam profeta, iÆne tuya’ayi lataiqui’ lomipola’ ȽanDios. Lijoupa ipo’nopola’ lomxiye, iÆne tuhuaÆyi Lataiqui’, timuc’iyaleyi. Lijoupa ipo’nopola’ iÆne petsi lepi’ipola’ liÆmane, ti’e’me ma to lo’epa ȽanDios. Lijoupa ipo’nopola’ iÆne petsi lepi’ipola’ liÆmane tixaÆ‘meÆe lafcualÆay. Lijoupa ipo’nopola’ iÆne pe lepi’ipola’ liÆpicuejma’ titoc’iÆe liÆpimaye. Jouc’a ipo’nopola’ iÆne pe lepi’ipola’ liÆpicuejma’ ticuxe’me liÆpimaye, tu’i’mola’ te co’iya mi’eyacu lanic’ lepi’ipola’ ȽanDios. Jouc’a ipo’nopola’ iÆne pe lepi’ipola’ liÆpicuejma’ tipalaiÆe ipaijma liÆtaiqui’. 29 ¿Te jahuay illanc’ ninc’apóstole? ¿Te jahuay ninc’iprofeta? ¿Te jahuay ninc’omxiye? ¿Te jahuay aÆ‘eyi al cueca’ ma to lo’epa ȽanDios? 30 ¿Te jahuay aÆsaÆ‘mela’ lafcualÆay? ¿Te jahuay aÆpalaiyi ipaijma laÆtaiqui’? ¿Te jahuay nipajnya aÆcuej’me loya’apa lapimaye nopalaipá ipaijma lataiqui’? A’i. Ituca’ ituca’ mi’hua laÆmane, ituca’ ituca’ laÆpicuejma’ lalapi’iponga’. 31 Imanc’ toÆpo’noÆe loÆpicuejma’, toÆsahue’eÆe ȽanDios tepi’itsolhuo’ al c’a juaiconapa. Itsiya camuc’i’molhuo’ te ts’i’ic’ aÆ‘ejma’ xonca al c’a.