1 Corintios 14

1 ToÆpo’noÆe loÆpicuejma’ tonÆ‘etsola’ capic’a loÆpimaye. Jouc’a toÆsahue’eÆe cal Espíritu Santo tepi’itsolhuo’ coÆmane coÆpicuejma’. Xonca toÆjanajle, toÆsahue’eÆe ti’etsolhuo’ profeta, tepi’itsolhuo’ loÆpicuejma’ tolu’itsola’ lapimaye lataiqui’ lomiyacolhuo’ ȽanDios. 2 Ƚapima nopalaipa ipaijma litaiqui’, iÆe lapi’ipa cal Espíritu Santo a’i ma quitaiqui’, iÆque tipalaic’o’ma ȽanDios. Lan xanuc’ aimicuec’e’me. Cal Espíritu Santo ticuxe lipicuejma’, iÆne pe noquimf’epá aimi’iya muhuaÆqueyacu lonespa, aimuhuaÆqueyacu loya’apa. 3 Ƚapima ja’ni aprofeta, iÆque tipalaic’ola’ lan xanuc’, xonca tifa’ela’ liÆpicuejma’, tixc’ai’ila’, tixoc’ila’ quileta. 4 Ƚapima nopalaipa ipaijma litaiqui’ xonca tifa’eyoxi quituca’ lipicuejma’. Cal profeta lopalaipa xonca tifa’ela’ liÆpicuejma’ lipimaye, jahuay iÆniya nafoÆumma. 5 Camilhuo’: Ja’ni jahuay imanc’ ipaijma ipaijma loÆtaiqui’ toÆpalai’me, Æinca tixoj’ma neta iya’. Xonca tixoj’ma neta ja’ni coÆa’ jahuay unc’iprofeta. Ƚapima nopalaipa ipaijma litaiqui’, iÆe lepi’ipa cal Espíritu Santo, ja’ni timuc’ila’ lapimaye te ts’i’ic’ linespa, acueca’ al c’a lo’epa, acueca’ titoc’ila’ lipimaye, tifa’ela’ liÆpicuejma’. Ja’ni aimi’iya mimuc’iyacola’ loya’apa iÆe linespa, litaiqui’ aimitoc’ila’ lipimaye. Xonca acueca’ al c’a ti’e’ma cal profeta, lapimaye ticuec’eyi iÆque. 6 Unc’aipimaye, cacuaitsi jiÆpiya, ja’ni capalay pangay ipaijma laitaiqui’, ¿te ja’ni catoc’i’molhuo’? A’i. Ticuicomma cu’itsolhuo’ laÆmuc’ipa ȽanDios, o cu’itolhuo’ laixina’, o cu’itolhuo’ laÆmipa ȽanDios, o camuc’itolhuo’. Ja’ni toÆe ca’etsi, Æinca catoc’itolhuo’. 7 IÆiya al pito o al ‘arpa, tama aiquiÆmaf’i’, ja’ni tifus’minÆe al pito o tunanÆe al ‘arpa tocomma to tipalaiyi. Ticuicomma tifus’minÆe o tunanÆe al c’a. Ja’ni a’i, aimi’iya micuejyacu te loya’apa. 8 Tijoc’intsola’ lan soldado ticuaiyunca tifuleta, ja’ni a’i munanni al c’a al trompeta, ¿te ticuec’e’me lan soldado? A’i. Aimicuec’eyacu. 9 Jouc’a imanc’, ja’ni toÆpalaiyi ipaijma loÆtaiqui’ iÆne noquimf’epolhuo’ aimi’iya quiÆsina’ te ts’i’ic’ loluya’apa. Tocomma to toÆpalaic’oyoltsi coÆtuca’, to toÆpalaic’oyi Æahua’ le’a. 10 Ƚinca, fa’a li’a Æamats’ tipa’a axpe’ quiÆtaiqui’ lan xanuc’. Anuli anuli tipa’a loya’apa. 11 MaÆpalaic’o’moÆtsi ja’ni aicaÆcuec’eyoÆtsi, ¿te iya’ latenÆcoco’ma iÆque linespa? O iÆque, ¿te tetenÆcoco’ma iya’ lainespa? A’i, aimaÆsinc’neyacoÆtsi. Caxim’ma iÆque to aine, iÆque aÆsim’ma to naine. 12 Imanc’ ma toÆta’a lo’ipolhuo’ jiÆpe. Ja’ni juaiconapa toÆjanajyi Æocupa cal Espíritu Santo toÆsahue’eÆe tepi’itsolhuo’ coÆmane, coÆpicuejma’ toÆtoc’itsola’ loÆpimaye, toÆfa’etsola’ liÆpicuejma’. 13 Ƚapima nopalaic’opa ȽanDios, ja’ni tipalay ipaijma litaiqui’ jouc’a tixahue’eÆa’ cal Espíritu Santo tepi’iÆa’ lipicuejma’ tu’itsola’ lapimaye loya’apa iÆe lonespa. 14 Iya’ ma capalaic’o ȽanDios ipaijma laitaiqui’ lalapi’ipa cal Espíritu Santo, Æinca tama jiÆpe Æainunxajma’ aixina’ capalaic’o ȽanDios aicaixina’ loya’apa laifnespa, toÆta’a aicatoc’ila’ laipimaye. 15 ¿Te caif’eya? Capalaic’o’ma ȽanDios ipaijma laitaiqui’, ma to maÆcuxe cal Espíritu Santo, jouc’a cu’i’mola’ laipimaye loya’apa iÆe laipalaic’opa ȽanDios. Cunac’co’ma ȽanDios ipaijma laitaiqui’, ma to maÆcuxe cal Espíritu Santo, jouc’a cu’i’mola’ laipimaye loya’apa iÆe lainunac’copa ȽanDios. 16 Ima’, mox’najtsi’i ȽanDios ja’ni ma le’a ipaijma lotaiqui’, ¿te co’eya cal xans noquimf’epa, iÆque pe aimihuequi? Aimicuec’eya lofnespa. ¿Te co’iya minesya: “Amén, toÆe ti’iÆa’”? A’i, aimi’iya. 17 Ima’ Æinca juaiconapa ac’a ox’najtsi’ipa ȽanDios. Ƚopima ipanemma ma to mipa’a. Aicofa’e lipicuejma’. 18 Cax’najtsi’i ȽanDios iya’ culiquilhuo’ imanc’. Capalay xonca ipaijma laitaiqui’. 19 ¿Te co’iya? ¿Te ja’ni capalai’ma pangay ipaijma Æaitaiquí jiÆpe lalafot’ÆeyopoÆtsi anuli laipimaye? A’i. Tama nipajnya capalaiÆa’ imbamaj mil Æataiquí, iÆe ipaijma Æaitaiquí, xonca aipic’a capalaiÆa’ ma le’a amaquej Æataiquí ma le’a laÆtaiqui’. ToÆta’a aÆcuec’e’ma lapimaye, camuc’ila’. 20 Unc’aipimaye, aimonlihuej’me liÆ‘ejma’ la’uhuay. IÆne aiquicuaiya quiÆpicuejma’. Ƚinca ma to mi’eyi lan tsocay, iÆne pe aimihuejyi lixcay, imanc’ jouc’a ti’iÆa’ toÆta’a loÆ‘ejma’. ToÆ‘nujuaitsa tipa’a loÆpicuejma’, toÆspic’eÆe al c’a. 21 Petsi liniÆijmpa loya’apa locuxepa ȽanDios ticua: ȽanDios tuya’e’: “IÆne petsi aimepenufyi laifmuc’ipola’, cumme’e’mola’ lan xanuc’ ocuena quiÆraza, ituca’ quiÆtaiqui’, iÆniya tu’innola’ laifnuya’apa. TijouÆa’, tama tiquimf’e’me ma’ anuli tuyalaico’me, aimihuejyacu." 22 ȽanDios ipic’a timujla’ nulemma naitsi iÆne aimi’huaiyijnyi. ToÆta’a ummepola’ nopalaipá ipaijma liÆtaiqui’. Lummepola’ a’i mimujyacu naitsi iÆne no’huaiyijmpá. Lam profeta, iÆne Æinca timuc’iyaleyi no’huaiyijmpá, a’i petsi aimi’huaiyijnyi. 23 Itsiya, ¿te co’iya? Cacua: Petsi lolafot’ÆepoÆtsi anuli, jahuay toÆpalaiyi ipaijma ipaijma loÆtaiqui’, iÆe lepi’ipolhuo’ cal Espíritu Santo, tijouÆa’ titsuflaiÆe iÆne petsi aimicuec’eyi iÆe loÆ‘ejma’ o petsi aimihuejcoyi ȽanDios, ¿te cocuayacu? Tines’me: “IÆne ma’ amac’ta”. 24 Ituca’ lo’iya ja’ni jahuay imanc’ toluya’ayi iÆe lu’ipolhuo’ ȽanDios. TitsufaiÆa’ anuli pe aimihuejma ȽanDios, o aimihuequilhuo’ imanc’ lonÆ‘ejma’, iÆque tiquimf’e’molhuo’ anuli anuli imanc’ loÆnespa. LoÆtaiqui’ titsufai’ma lipicuejma’ iÆque cal xans. ToÆta’a tixhuej’menahuo, ti’i’ma quixina’ te ts’i’c’ li’ejma’. 25 Lemiya jiÆpe Æunxajma’ ti’huájta. TijouÆa’ texc’onÆquehuo tixpats’huaita Æamats’, tix’najtsi’i’ma ȽanDios, tuya’e’: “Ƚinca ma fa’a tipa’a ȽanDios”. 26 Itsiya, cunc’aipimaye, ¿te co’iya? JiÆpe molafot’leyoÆtsi, jahuay imanc’ anuli anuli tipa’a loÆpalaiyacu. Anuli tunac’co’ma ȽanDios, Æocuena tipa’a lomuc’iyacola’ lapimaye, Æocuena tu’i’mola’ lapimaye te ts’i’ic’ iÆe lu’ipa ȽanDios, Æocuena tipalai’ma ipaijma litaiqui’, iÆe lepi’ipa cal Espíritu Santo, Æocuena tipa’a lipicuejma’ tuhuaÆ‘ma iÆe lipaijma lataiqui’, tuya’a’ma te loya’apa. Ne’, jahuay iÆna’a ti’i’ma tonÆ‘e’me ja’ni toÆta’a toÆtoc’i’mola’ loÆpimaye, ja’ni toÆfa’e’mola’ iÆniya liÆpicuejma’. 27 Ja’ni toÆpalai’me ipaijma loÆtaiqui’, iÆe lepi’ipolhuo’ cal Espíritu Santo, toÆpalaiÆe oquexi’ afantsi le’a, xonca a’i. Anuli anuli toÆpalai’me. TijouÆa’ anuli Æapima tu’i’mola’ lapimaye te loya’apa iÆe lipaijma lataiqui’. 28 JiÆpe, ja’ni ailopa’a anuli no’iyalepa toÆta’a, aimoÆpalaiyacu ipaijma loÆtaiqui’. Ma jiÆpe loÆpicuejma’ toÆpalaic’o’me ȽanDios. 29 Jouc’a lam profeta, tipalai’me oquexi’ afantsi le’a, xonca a’i. Locuenaye lapimaye noquimf’epá tixpif’me, ti’iÆa’ quiÆsina’ ja’ni itaiqui’ ȽanDios o a’i. 30 Mipalaic’olhuo’ ÆaÆpima ja’ni aprofeta, ja’ni ȽanDios tu’iÆa’ o timuc’iÆa’ Æocuena capima nocutsuya jiÆpe, iÆque nopalaic’opolhuo’ tiâch’ixco’ma. Tipalaic’otsolhuo’ Æocuena capima, tu’itsolhuo’ lu’ipa ȽanDios. 31 ToÆta’a jahuay lapimaye tolihuic’i’me, jahuay tixpai’i’mola’ cunlata. Imanc’ unc’iprofeta nipajnya toÆcuxe’moÆtsi al c’a, toÆpalai’me anuli anuli. A’i jahuay moÆpaloÆai’me. 32 Ƚapima ja’ni aprofeta ti’hua limane ticuxe’moxi. Ti’i’ma tixpic’e’ma ja’ni tipalaiÆa’ o ja’ni aimipalaiya. 33 ȽalanDios aimaÆ‘eyaconga’ lahuoc’aitsoÆtsi. IÆque aÆpac’e’enga’ laÆpicuejma’. Ja’ni imanc’, ja’ni ocuenaye lapimaye, ni petsi lolafot’ÆepoÆtsi toÆta’a li’ejma’ ȽanDios. 34 Molafot’ÆeyoÆtsi anuli aimipalai’me lacaÆ‘no’. Aimi’onÆico’moÆtsi to lan xanuc’. TihuejcoÆe. Pe liniÆiya locuxepa ȽanDios toÆta’a tuya’e’. 35 IÆne laÆpimaye cacaÆ‘no’, ja’ni jiÆpe Æilejut’Æi maÆpiya ti’i’ma ticuis’eta liÆpe’aillí. Pe lolafot’ÆepoÆtsi aimipalai’me lacaÆ‘no’. IÆe a’ijc’a, aimetenÆma. 36 Imanc’ unc’iCorinto, aimolihuejcola’ locuenaye laÆpimaye liÆ‘ejma’. ¿Te ma imanc’ coÆtuca’ toÆcuxe’moÆtsi? ¿Te imanc’ unc’apoujnalá litaiqui’ ȽanDios? ¿Te jiÆpe quipangoyopa? ¿Te ma le’a imanc’ olapenufpá iÆe lataiqui’? ¿Te ma le’a icuaita jiÆpiya? 37 Ƚapima nonespa: “Iya’ ninprofeta”, o “Iya’ Æinca acueca’ lalapi’ipa cal Espíritu Santo”, timetsaicoÆa’ naitsi lalapi’ipa iya’ iÆe laitaiqui’ laininiÆ‘epolhuo’ jifa’a. IÆe a’i caitaiqui’, ma litaiqui’ ÆaÆPoujna Cristo, toÆta’a ticuxe iÆque. 38 Ja’ni aimimetsaicojma toÆta’a iÆque jouc’a aimimetsaicom’me. 39 Unc’aipimaye, camiconalhuo’ lonÆ‘eyacu. ToÆjanajle juaiconapa ti’itsolhuo’ to lam profeta. Lapimaye nopalaipá ipaijma liÆtaiqui’, ne’, tipalaiÆe, aimoÆcuanac’e’mola’. 40 JiÆpiya lonlafot’ÆeyoÆtsi tonÆ‘eÆe ma latenÆcocoya ȽanDios, toÆcuxetsoÆtsi al c’a.