1 Timoteo 3

1 Ticuayi: “Pe ts’ipic’a ticuxetsola’ lipimaye, ac’a lanic’ iÆe lojanajpa lo’eya”. Iya’ cacua: Al Æinca lataiqui’ iÆiya. 2 ToÆiya ticuicomma anuli Æapima petsi joupa imetsaicompa ac’a xans, ts’anuli quipeno, ticuxeyoxi ac’a, ac’a lipicuejma’, a’i caxpennaiqui, tepenufila’ lapimaye jiÆpe lejut’Æ, tepi’ila’ lomanc’eyacu. Jouc’a ticuicomma ts’ixina’ lomuc’iyalepa. Ja’ni toÆta’a li’ejma’, iÆque Æinca ti’i’ma ticuxe’mola’ lipimaye. 3 Aimofaj’ma Æapima ja’ni tixnatsay o Æimfule o tixtumma. Tofaj’ma Æapima ja’ni tixnet’Æ‘ma, ja’ni tipalaic’ola’ al c’a lipimaye. Aimofaj’ma ja’ni ipic’a tulijla’ quitomí. 4 Ja’ni ticuxela’ al c’a nomana’ lejut’Æ, ja’ni linaxque’ tihuejcoyi, aimi’eyi nixpiya, iÆque tofaj’ma. 5 Ƚapima petsi aiquixina’ micuxeyacola’ nomana’ lejut’Æ, ¿te ti’i’ma ti’e’mola’ cuenna lipimaye, lefot’Æepola’ ȽanDios? A’i. Aimi’iya. 6 Ticuicomma Æofajya i’ipa axpe’ camats’ quihuequi Jesucristo. Ja’ni quite’ mihuequi aga tines’ma: “Iya’ xonca nincueca’”. TijouÆa’ ma’ anuli Satanás tecani’em’me. 7 Ja’ni lan xanuc’ petsi aimimetsaicoyi ȽanDios timetsaicoyi ac’a xans ti’i’ma tofaj’ma. Ja’ni a’i tinesco’me cataiqui’, tijouÆa’ Æapima tic’aiÆquehuo ma to ts’ipic’a Satanás. 8 Ma’ anuli lapimaye notoc’iyacu ÆiÆpima micuxeyale. Ja’ni aimilotsoyi, ja’ni ma’ anuli liÆtaiqui’, a’i oque’, tofaj’mola’ iÆniya. Aimofaj’mola’ ja’ni tixnatsoÆaiyi ni ja’ni ts’iÆpic’a tulijle quiÆtomí. 9 IÆe Lataiqui’ lalapenufpa illanc’ ticuicomma ticuec’eÆe lipime xonca jouc’a tihuejle lataiqui’. 10 Ai’a tofaj’mola’ taimetsaicotsola’ te ts’i’ic’ liÆ‘ejma’ jouc’a liÆpicuejma’. Ja’ni aÆinca ac’a xanuc’ tapi’itsola’ quiÆpenic’. Titoc’iÆe ÆiÆpima ma micuxela’ lapimaye. 11 LacaÆ‘no’ notoc’iyacu jouc’a ticuicomma petsi ac’a liÆpicuejma’, aimixahualeyi, ticuxeyoÆtsi al c’a, tenant’Æiyi liÆtaiqui’, aimifelÆayqueyi. 12 Lan xanuc’ notoc’iyacu ticuicomma anuli anuli ti’iÆa’ ÆiÆpeno, a’i oquexi’ afantsi. Ticuicomma ticuxentsola’ al c’a liÆnaxque’ y jahuay nomana’ lilejut’Æ. 13 IÆne notoc’iyacu, acueca’ iÆe lanic’ lo’eyacu. Ja’ni tixhuai’niÆe liÆpenic’, liÆpimaye timetsaico’me. IÆne quiÆtuca’ timetsaico’moÆtsi aÆinca ti’huaiyijnyi Jesucristo. 14 Iya’ cacua aimaÆcoÆconaya fa’a. Ca’hua’ma jiÆpe. AÆsintsoÆtsi. Ma capa’a fa’a quiniÆ‘ehuo’, cu’ihuo’ lof’eya. 15 TijouÆa’, ja’ni aÆcoÆ‘ma fa’a joupa i’ipa coÆsina’ te ts’i’ic’ lonÆ‘eyacu, ima’ y lapimaye nomana’ jiÆpiya. Imanc’ ixanuc’ ȽanDios, maÆque Ƚimaf’i’ CanDios. Ma’ iÆque efot’Æepolhuo’, ipo’nocopolhuo’ toluya’aÆe al Ƚinca Cataiqui’. Ipo’nocopolhuo’ tonÆ‘eÆe cuenna iÆe Lataiqui’, toÆsinÆe aimipai’im’me, aimimuc’iyale’me ituca’. 16 Ƚinca acueca’ ipime Lataiqui’ lalihuejcopa illanc’. IÆe lataiqui’ tipalaijma Cristo, tuya’e’: IÆque i’epoxi xans, icuai’ma fa’a li’a Æamats’. Cal Espíritu Santo imetsaicopa pangay c’a lipicuejma’. Lapaluc’ quema’a ehuelojmpá. Pe lomana’ iÆne petsi aiquilimetsaijma ȽanDios, jiÆpiya uya’ampá te ts’i’ic’ li’ipa, li’epa iÆque. Fa’a li’a lamats’ i’huaiyijmpá, pu’hua lema’a epenufinnapa, imetsaicompa anDios.