1 Timoteo 4

1 Cal Espíritu Santo joupa inespa lo’iya, ticua: “Ticuaitsi lijoujma quitine lan xanuc’ aimihuejconayacu al Ƚinca Cataiqui’. Tiquimf’e’me locuapa locuenaye lan espíritu, iÆne nofelÆaiquepá. Tihuej’me lomuc’iyalepa lontahue." 2 IÆne petsi naihuejpá ituca’ cataiqui’ ti’e’eyoÆtsi to lan c’a xanuc’. Ticuayi: “Illanc’ aÆmuc’iyaleyi al Ƚinca Cataiqui’”. Ma le’a ticuayi toÆta’a, tifel’miyaleyi. Ni aimimetsaicoyoÆtsi ixcay lo’epa. Joupa iminscopa liÆpicuejma’, i’ipa capeme, aimixingufcoyi. 3 Ticuayi: “Timajnle quiÆtuca’ lan xanuc’. Jouc’a lacaÆ‘no’ timajnle toÆta’a. AimejonÆi’moÆtsi.” Jouc’a ticuayi: “IÆta’a o jiÆu’hua aimoÆte’me. ȽanDios aimepi’ilhuo’ lane.” IÆne nonescopá toÆta’a tinescoyi ma lilanc’epa ȽanDios. Ja’ni aÆ‘huaiyijmpá, aÆcuec’eyi al Ƚinca Cataiqui’, ȽanDios ipic’a aÆs’najtsi’iÆe, aÆteÆe. 4 Jahuay lilanc’epa ȽanDios ma ac’a. Ailopa’a calatets’iyacu. AÆs’najtsi’iÆe ȽanDios, aÆte’me. 5 Litaiqui’ ȽanDios joupa lu’iponga’ ac’a lilanc’epa ȽanDios. Ja’ni aÆsahue’eÆe iÆque tipaxne’ma ÆaÆtejacu. 6 Ja’ni toÆta’a lofxc’ai’iyacola’ lapimaye aÆinca to’e’ma lipenic’ Jesucristo. Tomuj’moxi te ts’i’ic’ litoc’empo’. Tomuj’moxi joupa imuc’impo’ te ts’i’ic’ Lataiqui’ lalihuequi’, te ts’i’ic’ al c’a lomuc’iyalepa. Tomuj’moxi ma ti’hua taihuequi. 7 Tipa’a lataiqui’ ti’onÆcospa to liÆtaiqui’ lacaÆ‘no’ joupa itojnapola’, iÆe lataiqui’ tipa’ayi quiÆtuca’ liÆpicuejma’. A’ij Æinca lataiqui’, tuya’e’ nixpiya. Aimapenuf’ma ni aimoquimf’e’ma. Xonca taipa’aÆa’ lopujfxi tanant’ÆiÆa’ locuxepa ȽanDios. 8 Ja’ni taipa’aÆa’ lopujfxi pe lafil’ya tepi’im’mo’ lofmulijya. Ja’ni taipa’aÆa’ lopujfxi tanant’ÆiÆa’ locuxepa ȽanDios xonca acueca’ tolij’ma. ȽanDios joupa icupa cataiqui’. Toxim’ma al c’a mopa’a fa’a li’a Æamats’ jouc’a Locuena Quitine toxinna al c’a. 9 Ticuayi: “ToÆiya aÆ‘eyi lanic’, lipa’ayi acueca’ laÆpujfxi, aÆteÆ‘miyoÆtsi. Joupa aÆ‘huaiyijmpá ȽanDios, iÆque Ƚimaf’i’ CanDios. Ma le’a iÆque ti’i’ma tunÆu’e’mola’ lan xanuc’ ni petsi lomana’. AÆinca lunÆu’e’monga’ illanc’ petsi joupa aÆ‘huaiyijmpá.” IÆe lataiqui’ tuya’e’ al Æinca. Tepenufle jahuay lan xanuc’. 11 Ima’ toxc’ai’itsola’ lapimaye jiÆpe nomana’. Tomuc’itsola’ laifmipo’, iÆe laininiÆ‘epo’. 12 Tama mamijcano aimetets’i’mo’, ni’anuli. TopalaiÆa’ al c’a, to’eÆa’ al c’a, to’etsola’ capic’a lopimaye, tanant’ÆiÆa’ lopenic’ jahuay, tanajxoxi al xujc’a. Ja’ni lapimaye tihuejhuo’ toÆta’a lo’ejma’ iÆne jouc’a ti’i’ma al c’a liÆ‘ejma’. 13 Ca’hua’ma pu’hua, cahuejnto’. Ma mopa’a cotuca’ ti’hua toxhuef’itsola’ lapimaye litaiqui’ ȽanDios, ti’hua toxc’ai’itsola’, tomuc’itsola’. 14 To’nujuaitsola’ liÆtaiqui’ pe noya’apá lixpic’ejma’ ȽanDios. IÆniya uya’apá, imi’me lan ts’ilaj capimaye: “Timoteo ti’eÆa’ lipenic’ Jesucristo. ToÆpo’nof’iÆe loÆmane’ Æijuac.” JiÆpe litine ȽanDios epi’ipo’ lopicuejma’, to’eÆa’ lipenic’. Itsiya aimatets’i’ma lepi’ipo’ ȽanDios. To’eÆa’ lanic’. 15 Topo’notsi cuenna iÆe laininiÆ‘epo’, aimaimenc’eco’ma. To’etsi ma to laixc’ai’ipo’. ToÆta’a ti’hua ti’i’ma xonca al c’a lopicuejma’. Jahuay lapimaye tixim’mo’ iÆe li’ipo’. 16 Ti’hua taicuis’exoxi ja’ni ac’a lo’ejma’, ja’ni ac’a lofmuc’iyalepa. ToÆta’a tonÆu’e’moxi jouc’a tunÆul’me iÆne noquimf’epo’.