1 Timoteo 5

1 Anuli Æitojpa xans aimotale’ma, topalaic’o’ma al c’a, ma le’a tomiÆa’. TaimetsaicoÆa’ to co’ailli’. Lof’as camijcanó, taimetsaico’mola’ to copimaye. 2 Litojpola’ cacaÆ‘no’ taimetsaico’mola’ to co’máma’. Lahuats’la taimetsaico’mola’ to copimaye cacaÆ‘no’. Aimopalaic’o’mola’ quixcay cataiqui’, aimailotsojnco’mola’ cataiqui’. Jahuay iÆniya, aimotale’mola’, le’a tomi’mola’. 3 Tomitsola’ lapimaye nomana’ jiÆpiya: “ToÆtoc’itsola’ lam potsateya cacaÆ‘no’, iÆniya petsi ma’ aÆinca quiÆtuca’”. 4 Anuli cal potsate caca’no’, ja’ni timana’ linaxque’ o linietó, titoc’iÆe iÆniya. Ate’a ti’eÆe al c’a quiÆtuca’ liÆpimaye. Tihuic’iÆe titoc’iÆe quiÆ‘ailli’, quiÆ‘máma’. ToÆta’a lipic’a ȽanDios, tetenÆma. 5 Iya’ cacua: Cal potsate caca’no’ petsi joupa i’huaiyimpa ȽanDios, mipa’a quituca’ ja’ni iÆque ti’hua ti’huaiyinge, ipuqui’ itine tipalaic’o’ma ȽanDios, tixahue’e’ma titoc’iÆa’. Ja’ni toÆta’a li’ejma’ iÆque aÆinca apotsate. 6 Timana’ ocuenaye lam potsateya cacaÆ‘no’ ituca’ liÆ‘ejma’. IÆne tehueyi te co’iya muyalaicoyacu al c’a liÆpitine. Tehueyi liÆpixojma cata. ToÆta’a, tama iÆmaf’i’, ȽanDios tixinnila’ to limac’la, to nenajpoÆtsi ȽanDios. 7 To’itsola’ lapimaye laifmipo’. Tomitsola’: “Tolihuejle iÆe laÆmiponga’ ÆaÆpima Pablo”. Ja’ni ti’eÆe toÆta’a locuenaye lan xanuc’ aiminescoyacu a’ijc’a. 8 Lapimaye ticuicomma titoc’intsola’ liÆxanuc’. Ƚapima xonca titoc’i’mola’ nomana’ lejut’Æ. Ja’ni aimi’eyi toÆta’a, acueca’ a’ijc’a liÆ‘ejma’, aimihuejyi Lataiqui’ loya’apa iÆe al c’a lixpic’epa ȽanDios. Petsi aimimetsaicoyi ȽanDios iÆniya titoc’innila’ liÆxanuc’. 9 To’itsola’ lapimaye: “Cal potsate caca’no’ petsi aiquixhuaiya afane’ nuxans Æemats’, aimoliniÆijnc’e’me lipuftine. ToliniÆijnc’eta lipuftine ja’ni Æoxhuaiya afane’ nuxans Æemats’, ja’ni imajmpá ma le’a anuli Æipe’ailli’, aiquehuaic’ ocuenaj xans, 10 ja’ni imetsaicompá i’epa al c’a, ja’ni ac’a itoc’epola’ linaxque’, ja’ni epi’ipola’ lejut’Æ tunxac’eÆe noyepá al culi’ cane, ja’ni epac’epola’ liÆ‘mitsi’ lipimaye, iÆne jouc’a i’huexi ȽanDios, ja’ni itoc’ipola’ noteÆcopá, ja’ni itine itine tehuay te co’iya mi’eya al c’a. Ma le’a toÆniya toliniÆijnc’etsola’ liÆpuftine." 11 Lam potsateya cacaÆ‘no’ petsi aiquixhuaiya afane’ nuxans Æilemats’ aimoliniÆijnc’e’mola’ liÆpuftine. IÆne tipango’me ti’e’me lipenic’ Cristo, tijouÆa’ tixojtola’, ticuanaj’moÆtsi, tijanaj’me temalÆicona’me. 12 Ate’a ticuayi: “Ne’ ne’, liniÆijnc’eÆa’ laipuftine, ca’e’ma ma le’a lipenic’ Cristo”. A’ij Æinca locuapa. Aimenant’Æiyacu. Tijanaj’me temalÆicona’me, tijouÆa’ titai’me lajunac’, tipo’no’me iÆe lipenic’ Cristo. 13 IÆne lacaÆ‘no’ lijoupa loliniÆijmpola’ liÆpuftine tihuinaj’mola’. Aimi’eyacu canic’, ma le’a tehuengaleta ajut’Æ ajut’Æ. Xonca lixcay ti’e’me, tixahuale’me, tehuelaifyi, tehuejmaleyi liÆf’as cacaÆ‘no’, tipalaiyi lataiqui’ aimentenÆma. 14 Iya’ cacua: TemalÆiconÆe lam potsateya cacaÆ‘no’ petsi aiquitoquila’. Tixingonâna’me quiÆnaxque’, ti’e’me cuenna Æilejut’Æi. Ja’ni toÆta’a lo’epa naixtulepá aimi’iya minesyacu: “XinÆa’, ixcay lo’epa iÆne lacaÆ‘no’ petsi nepenufpá Cristo”. 15 Timana’ hualca lam potsateya cacaÆ‘no’ joupa ipo’nopá al C’a Cane, tihuejcoyi Æonta’a Satanás. ToÆiya laifcuapa: Lapimaye lam potsateya temalÆiconÆe. 16 Lapimaye cacaÆ‘no’ ja’ni timana’ liÆpimaye apotsateya titoc’intsola’. Aimines’me: “IÆne lapimaye titoc’iÆe Æaipima”. Ƚinca titoc’im’mola’ lam potsateya cacaÆ‘no’ petsi ma quiÆtuca’. 17 Lapimaye litojpola’, iÆne noxpijpá lataiqui’, ja’ni al c’a ti’eyi liÆpenic’, xonca timetsaicontsola’, xonca ti’najtse’entsola’. Xonca timetsaicontsola’ toÆta’a petsi no’epá lanic’ tuya’ayi o timuc’iyaleyi Litaiqui’ ȽanDios. 18 ToÆta’a tuya’e’ al Paxi LiniÆingiya, ticua: “Cal huacax mi’huailiqui cal trigo, titeÆa’. AimoÆfi’e’me lipu’naÆ.” Jouc’a tuya’e’: “Cal xans no’epa lanic’ ticuicomma ti’najtsenÆe”. 19 Ja’ni anuli ticufla’ Æitojpa capima noxpijpa cataiqui’, ja’ni tuya’aÆa’: “IÆque i’epa quixcay”, ima’ aimoquimf’e’ma nonespa toÆta’a. Ja’ni oquexi’ o afantsi lapimaye tu’ihuo’: “Illanc’ aÆsina’ ma i’epa lixcay, aÆsimpá li’epa”, jiÆpe Æinca toquimf’e’mola’. 20 Petsi no’epá lixcay toxc’ai’itsola’ pe lefoÆya lapimaye. ToÆta’a tixpailijtsola’ lapimaye noquimf’epá, aimi’eyacu lixcay jouc’a. 21 Iya’ cacuxe’ehuo’: To’eÆa’ iÆe laifnu’ipo’. To’nujuaitsola’ naitsi iÆne nahuelojmpo’, maÆniya ȽanDios, Jesucristo y lapaluc’ quema’a li’huijf’epola’ ȽanDios. Aimocua’ma nulemma: “IÆque a’ijc’a li’epa”. Ate’a ti’iÆa’ coxina’ te qui’ipa. TijouÆa’ to’eÆa’ ma to laimipo’. Ni aimocua’ma: “IÆque itojpa xans, tixpic’e lataiqui’, aimi’iya cateÆ‘miya”. Ima’ to’eÆa’ al Æijca. 22 Ja’ni topo’nof’i’ma lomane’ Æijuac anuli Æapima, ticuxetsola’ lipimaye, ate’a ti’iÆa’ coxina’ te ts’i’ic’ lipicuejma’, li’ejma’ Æapima, tijouÆa’ topo’nof’i’ma lomane’. Ja’ni a’i, aga ti’e’ma’ quixcay Æapima pe joupa opo’nof’ipa lomane’, toÆta’a ima’ jouc’a ojunac’. Aimoxisc’e’moxi toÆta’a. 23 Aimoxnacona’ma ma le’a caja’. Itine itine textafhuo’. ToxnaÆa’ tutani laj vino. Ti’ina’ma locu’u. 24 Iya’ camihuo’: Timana’ petsi aimi’iya memiyacu lixcay lo’epa. Tama iÆne quiÆtuca’ aimuya’ayi te ts’i’ic’ lo’epa, aimicoÆya ti’i’ma coxina’, taimetsaico’mola’ ixcay xanuc’. Ocuenaye xonca iÆsina’ mifelÆaiqueyi. Tocomma ac’a xanuc’, tijouÆa’ timuj’moÆtsi ituca’, taimetsaico’mola’ a’ijc’a liÆpicuejma’. 25 Ma’ anuli lo’ipola’ no’epá al c’a. Hualca tocomma a’ijc’a xanuc’, tijouÆa’ taimetsaico’mola’ ac’a liÆpicuejma’. Ja’ni ac’a lo’epa li’ejma’ cal xans, iÆque aimi’iya memiconayacoxi li’ejma’, ticuaita litine ti’huájnata.