2 Corintios 2

1 Iya’ aixpic’epa, camiyoxi: “Aica’huaconaya liÆya’ Corinto. ToÆta’a aiquixtuc’oyacola’ laipimaye." 2 Cacua: “Iya’, ja’ni cahuos’mitolhuo’, ¿naitsi nalixoc’iya neta? Ailopa’a. Ja’ni joupa aihuos’mipolhuo’, imanc’ aimi’iya malixoc’iconaya neta." 3 ToÆta’a niniÆ‘epolhuo’ iÆe al je’e lainumme’epolhuo’. Cacua: “Tixanu’itsoÆtsi, tijouÆa’ ca’hua’ma. ToÆta’a lixoc’i’ma caineta, aimalapi’iya quixhuejma’.” Cacua: “Ja’ni iya’ quixoqui neta, laipimaye jiÆpe Corinto jouc’a tixoj’ma quileta”. ToÆta’a laif’huaiyijncopolhuo’ imanc’. 4 Iya’ ma quiniÆi iÆe coÆje’e cajoqui juaiconapa, tic’equi axpe’ cainujuay. Li’ipolhuo’ imanc’ aÆhuos’mipa acueca’. Unlejpa Æainunxajma’. LaininiÆ‘epolhuo’ aicaipic’a cahuos’miyacolhuo’. Ma’ aipic’a ti’iÆa’ coÆsina’ ca’elhuo’ capic’a juaiconapa, toÆta’a laininiÆ‘epolhuo’. 5 IÆque ni’epa aijc’a aicaÆscai’e iya’. Ixcai’epolhuo’ imanc’. Tama toÆta’a laifcuapa jouc’a cacua: IÆque aimixingufco’ma ujfxi iÆe laitaiqui’, iya’ aicateÆ‘miconaya. 6 Lanxpela’ imanc’ joupa oÆspic’epá loÆ‘eyacu. Joupa oÆ‘epá toÆta’a, oÆteÆ‘mipá. MaÆpe tipanenni. 7 Itsiya aimoÆteÆ‘micona’me. Tolimenc’e’ecoÆe lijunac’. Tolixoc’iÆe queta. Ja’ni a’i, aga xonca tihuotso’ma, teteÆquehuo lipicuejma’ nulemma, tenaj’moxi xonca. 8 Caxc’ai’ilhuo’ toÆpalaic’oÆe al c’a, ti’iÆa’ quixina’ tonÆ‘eyi capic’a. 9 Iya’ laininiÆ‘epolhuo’ iÆe loÆje’e aipic’a lihuejcoÆa’ iya’ laicuxe’epolhuo’. ToÆta’a lonÆ‘epa. Joupa oÆteÆ‘mipá ÆoÆpima. Itsiya aixina’ imanc’ aÆcuec’e iya’ laifcuxe’epolhuo’. 10 Camilhuo’: Anuli Æapima ja’ni tolimenc’e’ecoyi lijunac’, iya’ jouc’a quimenc’e’eco’ma lijunac’. Iya’ cacua: Petsi Æaicuicomma quimenc’e’ecoÆa’ lijunac’ ma quimenc’e’eco’ma, joupa nimenc’e’ecopa. ToÆta’a cai’ecopa ca’nujuaitsilhuo’ imanc’, ma’ anuli li’epa Cristo. 11 Ticuicomma limenc’e’ecoÆe lijunac’ ÆaÆpima. Ja’ni a’i Æonta’a Satanás lulij’monga’. Joupa limetsaijma te ts’i’ic’ lipicuejma’ iÆque. Tehuay te co’iya maÆc’aiÆcoÆeyacu. 12 Litine lai’huapa liÆya’ Troas joupa aixpic’epa cuya’ata jiÆpe litaiqui’ Cristo, iÆe loya’apa al c’a lixpic’epa ȽanDios. Laicuaitsi jiÆpe Æamats’ Æinca tipa’a lane ca’etsi lanic’, iÆe lalapi’ipa ÆaÆPoujna Jesucristo. 13 Iya’ a’i quixoqui neta. JiÆpe Troas ailopa’a Æaipima Tito. IÆque laÆejmalepa, anuli aÆ‘eyi lanic’. Aiquicuaiya. Iya’ caxhueÆmot’Æe. AicaÆcoÆi. Aixc’ai’ina’mola’ lapimaye. Nipanni jiÆpiya ai’hua’ma Æamats’ Macedonia. 14 ¡X’najtse’eya ȽanDios! Illanc’ pe Cristo lapenufponga’, ȽanDios joupa alulijponga’, i’ipa aÆPoujna, lihuejcoyi iÆque. Itine itine aÆejmaleyi. Ni petsi laÆtseyacu lan xanuc’ aÆsinguf’monga’ ixanuc’ Cristo. Ti’i’ma quiÆsina’ te ts’i’ic’ lipicuejma’ iÆque. ToÆta’a tixpic’e ȽanDios. 15 Ma ȽanDios aÆÆanc’e’enaponga’ laÆpicuejma’, ti’iÆa’ quiÆsina’ lan xanuc’ te ts’i’ic’ lipicuejma’ Cristo. Ja’ni iÆne nonÆu’eyacola’, ja’ni nacaniyacola’, ma’ anuli aÆsingufinga’ ixanuc’ Cristo. 16 Ƚinca iÆne nacaniyacola’ aimepenufyi lataiqui’ loya’apa: “Cristo imaf’inapa”. Ticuayi: “Imanapa nulemma”. IÆne aimepi’inyacola’ al ts’e quiÆpitine. Petsi nonÆu’enyacola’ iÆne Æinca iÆsina’ Cristo imaf’inapa, tipa’a al ts’e liÆpitine. Anuli cal xans, ¿ja’ni quituca’ nipajnya ti’e’ma iÆta’a lanic’ laÆ‘epa illanc’? A’i, aimi’iya. 17 Illanc’ aimaÆ‘eyi to iÆne pe a’ij Æijca loya’apa litaiqui’ ȽanDios. IÆne tihuants’iyi Lataiqui’ y ocuena cataiqui’. Illanc’ a’i oque’ laÆpicuejma’. AÆsina’ joupa lapenufponga’ Cristo, ȽanDios aÆquimf’enga’. AÆ‘nujuaisyi ȽanDios lummeponga’ luya’aÆe litaiqui’.