2 Timoteo 2

1 Mai’hua Timoteo, aimitafqueco’. Ti’hua taihuejcoÆa’ Jesucristo. ToÆta’a ȽanDios ti’hua titoc’i’mo’, tepi’i’mo’ copujfxi. 2 To’nujuaisla’ te ts’i’ic’ laimipo’ iÆe litine lolafot’ÆepoÆtsi imanc’, ima’ y lanxpela’ lapimaye. IÆe litine nu’ipo’ te ts’i’ic’ lofmuc’iyaleya. IÆe lataiqui’ tomuc’i’mola’ lapimaye lof’huif’eyacola’. To’huijf’e’mola’ petsi ac’a naihuejpá, petsi joupa epi’impola’ liÆpicuejma’ timuc’iyaleÆe, iÆniya timuc’icona’mola’ lapimaye. 3 Fa’a cateÆma. JiÆpe ima’ aimi’iya moyaicoya ma le’a al c’a. ToteÆco’ma jouc’a. Ma to mixnet’Æyi lan soldado ima’ jouc’a toxnet’Ætsi. Cristo ticuxehuo’, taihuejcoÆa’. 4 Mifule cal soldado aiminesya: “¿Te caifnuyaicoya al c’a lapajnya?” A’i. Joupa ipo’nopa lipicuejma’ ti’eÆa’ ma le’a latenÆcocopa Æipincuxepa. 5 Ma’ anuli lo’epa lan xanuc’ nocuicalepá laipa’apa cafxi. IÆne ma tihuejcoyi lataiqui’ locuxepola’. Ja’ni aimihuejma, aimulijya lapi’inyacu. 6 Cal xans no’epa canic’, tefot’Æe Æaipammaispa jiÆpe Æemats’, iÆque ti’i’ma cal te’a tite’ma lafot’Æepa. 7 Topo’noÆa’ cuenna laitaiqui’ laifmipo’. ȽaÆPoujna tepi’i’mo’ lopicuejma’ tocuec’eÆa’ taihuic’iÆa’ jahuay. 8 To’nujuaisla’ li’ipa Jesucristo, iÆque lipajnta fa’a li’a Æamats’ ibisnieto cal rey David. Lijoupa limapa, ȽanDios imaf’i’inapa. ToÆta’a loya’apa Lataiqui’ iÆe laifnuya’apa, iÆe lataiqui’ tuya’e’ al c’a lixpic’epa ȽanDios. 9 Timana’ petsi aimetenÆcocola’ iÆe lataiqui’ laifnuya’apa. ToÆiya cateÆma itsiya. AÆ‘onÆiconno to Æixcay xans, aÆteÆ‘minno. Tama iya’ aÆfi’empa, litaiqui’ ȽanDios aiquifiyiya. IÆiya lataiqui’ tuya’aleyi, tepenufyi. 10 Iya’ ma caxnet’Æqui jahuay ca’nujuaitsila’ lapimaye iÆne Æo’huijf’epola’ ȽanDios. Cacua: Ma mi’huaiyijnyi Jesucristo iÆniya jouc’a ti’iÆa’ quiÆsina’ tunÆu’ela’, ti’iÆa’ quiÆsina’ aÆinca tilaitsufcotola’ ȽanDios, timetsaicotola’ nulemma ixanuc’. 11 Al Æinca lataiqui’ loya’apa: Ja’ni joupa aÆmanaponga’ anuli Cristo, jouc’a aÆmaf’i’im’monga’, anuli aÆmajnta pu’hua. 12 Ja’ni aÆsnet’ÆÆe to lixnet’Æpa Cristo, jouc’a aÆcuxeta anuli. Ja’ni aimalimetsaicoyi, jouc’a aimalimetsaicoyaconga’. 13 Ja’ni aimaÆ‘eyi Æinca, ȽanDios tenant’Æi’ma litaiqui’, aimaÆfel’miyaconga’. Ja’ni joupa icupa cataiqui’ aiminesya: “IÆe lataiqui’ a’i caicuac’”. 14 Laitaiqui’ laifmipo’ ima’ to’icona’mola’ lapimaye nomana’ jiÆpiya. Aimimenc’eco’me laitaiqui’. Tomitsola’: “ToÆ‘etsoÆtsi cuenna. ȽaÆPoujna tehuelongilhuo’, ixina’ te ts’i’ic’ loÆ‘ejma’. AimonÆ‘e’e’moÆtsi to iÆniya petsi ja’ni aiquiÆpic’a o aimetenÆcocola’ anuli lataiqui’ tixtulecu. Petsi toÆta’a liÆ‘ejma’ aimuyalaicoyacu al c’a. Jouc’a pe noquimf’epá timints’ela’ liÆpicuejma’." 15 Ima’ cumTimoteo, tahueÆa’ latenÆcocoya ȽanDios. Timitso’: “Iya’ nimetsaicohuo’ ac’a lo’epa”. Al c’a to’eÆa’ lanic’ lepi’ipo’ ȽanDios. Toxpijla’ al c’a al Ƚinca Cataiqui’. Tomuc’iyaleÆa’ toÆta’a. Ja’ni toÆta’a lof’epa, litine tacaxingaitsi ȽanDios aimoxinya calaic’ata. 16 AimonÆejmale’me petsi juaiconapa nopalaipá. IÆne ailopa’a quiÆmuc’iyale, lonespa tipa’acoyi quiÆtuca’ liÆpicuejma’. IÆne ti’hua ti’e’e’moÆtsi xonca lixcay xanuc’, xonca aimihuejconayacu ȽanDios. 17 Lomuc’iyalepa iÆniya ti’onÆcospa to al cuana. TeteÆquiyaleyi, tima’ahualeyi. ToÆta’a lomuc’iyalepa Himeneo y Fileto. 18 IÆne joupa imenajpola’. Aimihuejconayi al Ƚinca Cataiqui’. Ticuayi: “Ja’ni joupa lapenufpá al ts’e laÆpitine, tocomma to joupa aÆmaf’i’iponga’. TijouÆa’ aÆmatsonga’ ailopa’a xonca. ȽanDios aimaÆmaf’i’iyaconga’.” IÆniya lomuc’iyalepa timenac’ila’ lapimaye, hualca aimihuejconayi to li’ipa. 19 Petsi ȽanDios ifa’epola’ liÆpicuejma’ aimi’iya mimenac’inyacola’. IÆne Æinca i’huexi ȽanDios. ToÆta’a loya’apa lataiqui’, ticua: “ȽaÆPoujna timetsaicola’ naitsi iÆne lixanuc’”. Jouc’a tuya’e’: “IÆne pe nocuapá: ȽanDios aiPoujna, aimi’econa’me al xujc’a, tipalunca nulemma lixcay cane." 20 Al cueca’ cajut’Æ tipa’a axpe’ capixú, ituca’ ituca’. Tipa’a lilanc’ecompa a’oro o aplata. Jouc’a tipa’a lilanc’ecompa a’ec o ixitsqui. Tipa’a Æapixú petsi lo’e’epa cuenna juaiconapa, ma le’a al c’a lo’nicoya. Ocuenaye a’i. Tixhuicoyi nij naitsi lanic’. 21 ToÆna’a lapimaye. Ƚapima ja’ni tenajxoxi lixcay, ti’onÆcospa to al c’a capixu, tetenÆcoco’ma ÆiPoujna, iÆque timetsaico’ma i’huexi. Iximpa joupa ilanc’e’empa lipicuejma’. ȽaPoujna litine tixpic’eÆa’ ti’eÆa’ al c’a tepi’i’ma Æapima lipenic’, iÆque ti’e’ma toÆta’a. 22 Ima’ aimaihuej’mola’ lof’as camijcanó liÆ‘ejma’. IÆne tihuejco’me lojanajpa iÆne quiÆtuca’ liÆpicuejma’. Ima’ topo’noÆa’ lopicuejma’ taihuejla’ al Æijca, ti’hua to’huaiyijnla’ ȽanDios, ti’hua to’etsola’ capic’a lapimaye. TonÆejmaleÆe lapimaye nojoc’ipá ÆaÆPoujna Cristo, iÆne naihuejcopá, aimolixtuc’o’moÆtsi. 23 AimonÆejmale’me petsi nofulecopá lamac’ta cataiqui’. Petsi toÆta’a liÆ‘ejma’ ma le’a tixtuc’o’moÆtsi, tifuli’i’moÆtsi. 24 Ƚapima no’epa lipenic’ ÆaÆPoujna aimifuli’i’mola’ lipimaye. IÆque tipalaic’o’mola’ al c’a jahuay lapimaye, timuc’i’mola’ al c’a. Ja’ni ti’eÆa’ a’ijc’a anuli Æipima, iÆque pe no’epa lipenic’ ȽanDios aimixtuc’o’ma. 25 Panca panca tixc’ai’i’mola’ iÆne pe aimihuejcoyi. Aimijaic’o’mola’. Aga ȽanDios titoc’i’mola’ tixhuej’menacu. Ti’iÆa’ quiÆsina’ te ts’i’ic’ al Ƚinca Cataiqui’. 26 ToÆta’a tilanc’e’ena’mola’ liÆpicuejma’. Aimimanecu petsi lic’aiÆpola’ Æonta’a, tunÆul’me. IÆque Æonta’a joupa li’e’epola’ to lixpic’epa, i’noÆpola’, itats’epola’.