2 Timoteo 3

1 To’nujuaisla’, tocuec’eÆa’ lo’iya lijoujma quitine. To’nujuaisla’ ti’i’ma ipime lapajnya. 2 Lan xanuc’ ti’e’moÆtsi capic’a ma le’a quiÆtuca’, tixim’me acuanuc’ liÆtomí, tipalaico’moÆtsi acueca’ al c’a, tetets’i’me liÆf’as xanuc’, tinesc’e’me cataiqui’. Aimicuec’eyacu liÆ‘aillí, aimix’najtsi’iyacu iÆne pe notoc’ipá. Ti’i’ma ma lixcay liÆpicuejma’. 3 La’aillí liÆnaxque’ aimi’eyacoÆtsi capic’a. Aimimenc’e’econayacu ja’ni lixcay li’empola’, ti’hua tixtuc’oyi. Tixahuale’me, aimicuxeyacoÆtsi al c’a, timuj’moÆtsi oyac’la juaiconapa, tixtuc’o’me petsi no’epá al c’a. 4 Ticufquim’mola’ loyejmalepá. Aimixpic’eyacu al c’a lo’eyacu, toÆta’a ti’e’me pangay nixpiya. Ti’e’e’moÆtsi to acueca’ liÆpicuejma’. Aimicuaispa quiÆpic’a ȽanDios, xonca iÆpic’a lixojma cata. 5 IÆne tama ti’hua texc’onÆingoÆaiyi joupa etets’ipá ȽanDios, aimihuejcoyi. Xonca tihuejco’me lojanajyacu jiÆpe liÆpicuejma’. Aimaihuej’mola’ iÆne lan xanuc’. AimonÆejmale’me, tanajxoxi. 6 Lan xanuc’ liÆ‘ejma’ to laifmipo’ iÆne ma infel’miyale. Tehueyi te co’iya mitsuflaiyacu Æajut’Æi. JiÆpiya tifel’mi’me lacaÆ‘no’ petsi aimixpic’eyi liÆpicuejma’. IÆniya lacaÆ‘no’ iÆtaic’ acueca’ quiÆjunac’. Tihuejcoyi ni tintsi cataiqui’, iÆiya lataiqui’ petsi iÆniya quiÆtuca’ tijanajyi, tixinyi tetenÆcocola’. Ti’hua tiquimf’eyi jahuay lomuc’impola’, aimicuec’eyi. Ni micuec’eyi te ts’i’ic’ al Ƚinca Cataiqui’. 8 IÆniya lan xanuc’ petsi ituca’ lomuc’iyalepa ti’onÆcospola’ to Janes y Jambres. IÆna’a loquexi’ ipa’ne’me litaiqui’ Moisés. ToÆta’a liÆ‘ejma’ iÆniya lomxiye, tipa’neyi litaiqui’ ȽanDios. IÆne iminscola’ liÆpicuejma’. Joupa imujpoÆtsi aimi’huaiyijnyi ȽanDios, iÆque aimimetsaicola’. 9 Ƚinca, itsiya tocomma ti’hua tulijyi. A’i. Aimi’iya mulijconayacu. IÆne Janes y Jambres imetsaicompola’ liÆpemac’ta. Ma’ anuli timetsaicom’mola’ iÆniya lan xanuc’ lainescopola’. 10 Ima’ a’i toÆta’a lof’epa. Joupa mepenufpa laitaiqui’ laifmuc’iyalepa. ToÆta’a taihuequi. Ima joupa aÆsimpa lai’ejma’, aÆsimpa te ts’i’ic’ laifxpic’epa, aÆsimpa te ts’i’ic’ lai’huaiyijmpa ȽanDios. AÆsimpa aiquixtumma, aÆsimpa ca’ehuale capic’a ma to ca’ay capic’a ȽanDios. AÆsimpa caxnet’Æqui jahuay ma lahuenno aÆ‘enÆa’ quixcay. AÆsimpa laifteÆcopa, aÆsimpa te ts’i’ic’ lainuyaicopa jiÆpiya ÆiÆeloÆya’ Antioquía, Iconio y Listra. AÆsimpa lahuenno, lihuetsoquimpa. Ƚinca ÆaÆPoujna alunÆu’epa jahuay iÆiya. 12 Itsiya camihuo’: Petsi joupa nepenufpá Jesucristo, ixpic’epá tihuejco’me ȽanDios, iÆniya Æinca tehuem’mola’, ti’entsola’ quixcay. 13 Lixcay xanuc’ jouc’a linfel’miyale jahuay iÆniya ti’e’moÆtsi xonca axujc’a xanuc’. Ti’hua tifel’miyale’me, ti’hua tifel’mi’moÆtsi. 14 Ima’ cumTimoteo joupa omihuic’ipa Lataiqui’, joupa o’epa Æinca. Ti’hua taihuejla’ toÆta’a, aimanaj’moxi. Ima’ oxina’ naitsi iÆne limuc’ipo’ iÆe Lataiqui’. Omimetsaicola’ ac’a liÆpicuejma’. 15 To’nujuaisla’ lomuyaicopa. Maj ma’hua omimetsaicopa al Paxi LiniÆingiya. IÆe liniÆiya Æinca ti’hua tepi’ihuo’ lopicuejma’, tunÆu’e’mo’. ToÆta’a ti’i’mo’ ja’ni ti’hua to’huaiyinge Jesucristo. 16 IÆe al Paxi LiniÆingiya lan xanuc’ aiquilipa’e quiÆtuca’ liÆpicuejma’. Ma miniÆyi, Æi’Espíritu ȽanDios timuc’ila’ te lainiÆyacu. ToÆiya iÆe a’i ninaitsi cataiqui’, mane itaiqui’ ȽanDios. Ja’ni tomuc’itsola’ lapimaye, ja’ni toxc’ai’itsola’, ja’ni totaletsola’, ja’ni to’itsola’ te ts’i’ic’ al c’a lo’eyacu, jiÆpe litaiqui’ ȽanDios taipa’a’ma lofmuc’iyacola’. 17 ToÆiya ma mo’ey lanic’ lepi’ipo’ ȽanDios ti’i’ma to’e’ma al c’a. Ma’ o’hueca litaiqui’ ȽanDios ailopa’a quehue’epo’. Ac’a ti’i’ma totoc’i’mola’ lapimaye.