San Lucas 4

1 Jesús ipainamma pe lopa’a al panaj Jordán, cal Espíritu Santo ticuxe lipicuejma’. MaÆque cal Espíritu i’hua’a’ma pe ailopa’a quiÆya’, ailopa’a xanuc’. 2 Mipa’a jiÆpe Æonta’a Satanás ehuai’ma. Oquej nuxans quitine oquej nuxans quipuqui’ icoÆ‘ma lehuaipa. Jahuay iÆniya Æitiné aiquitesma. Lixhuaitsi iÆne Æitiné unle’enni juaiconapa. 3 Ƚonta’a timi: âIma’ ja’ni i’Hua ȽanDios tocuxe’etsi iÆca’a Æapic. TomiÆa’: “To’exoxi ca’i”. 4 Jesús italai’e’e’ma, timi: âAl Paxi LiniÆingiya ticua: “Ƚoteja cal xans aimites’miya lipitine. Ticuicomma jouc’a jahuay litaiqui’ lonespa ȽanDios." 5 Lijou’ma Æonta’a ileco’ma anuli Æi’nof’quiya quijuala. JiÆpe imuc’i’ma nulemma jahuay lan tsilaj nación lomana’ li’a Æamats’. 6 Timi: âCapi’i’mo’ comane, tocuxena’ma jahuay iÆna’a. Timetsaicom’mo’ umcuecaj xonca. Itsiya iya’ cacuxela’, joupa lapi’impa laimane. Ja’ni caxpic’eÆa’ ticuxeÆa’ ocuena iya’ capi’i’ma quimane, iÆque ticuxena’ma. 7 Ima’ ma le’a laxc’onÆingaiÆa’, tijouÆa’ tocuxena’ma jahuay. 8 Jesús italai’e’e’ma, timi: âIma’ monta’a to’huanÆa’. Al Paxi LiniÆingiya ticua: “Taxc’onÆingaiÆa’ ȽanDios, iÆque omenDios. Ma le’a iÆque tomi’ma: Ima’ umCueca’." 9 Lijou’ma Æonta’a i’hua’a’ma liÆya’ Jerusalén. Icuai’etsi pe lopa’a al cuecaj xoute’, xonca al toncay. JiÆpe ecaxu’ma, timi: âIma’, ja’ni i’Hua ȽanDios taiyuÆa’ al ‘ocay. 10 Al Paxi LiniÆingiya ticua: ȽanDios tumme’mola’ lepaluc’ quema’a, titoc’i’mo’, ti’e’mo’ cuenna. 11 Tipulnuf’mo’ liÆmane, toÆta’a lapic’ cane ailopa’a co’eyaco’. Aimixcai’eyaco’. 12 Jesús italai’e’e’ma, timi: âJouc’a ticua: “Aimahuai’ma ȽanDios; iÆque omenDios." 13 Ƚonta’a lijou’nepa lehuaipa Jesús ipo’nona’ma quituca’. Aimehuaiconaya. 14 Jesús ipainamma, icuaita al distrito Galilea. JiÆpe ixinguf’moxi acueca’ lipaxnepa cal Espíritu Santo. JiÆpe Æamats’ ni petsi lomana’ lan xanuc’ iÆniya icuej’me lo’epa, lonespa Jesús. 15 Ƚajut’Æi pe lafoÆyomma lan xanuc’ judío, jiÆpiya timuc’iyale. Jahuay ticuayi ac’a lipicuejma’. 16 Icuaitsi liÆya’ Nazaret pe litojyopa. JiÆpe i’e’ma ma to mi’ay. Litine conxajya itsufai’ma lajut’Æ pe lafoÆyomma lan xanuc’. Ecax’ma tixhue’ma al Paxi LiniÆingiya. 17 Ini’im’me lijuisquiya je’e liniÆingiya litaiqui’ cal profeta Isaías. Ux’malaif’ma al je’e, tixhuef’i’mola’ liniÆingiya, ticua: 18 ȽanDios alapi’ipa Æi’Espíritu Santo. AÆ‘huijf’epa, aÆfajpa cu’itsola’ Lataiqui’ loya’apa iÆe al c’a lixpic’epa ȽanDios. Tiquimf’eÆe lan xanuc’ pe aiquiÆ‘hueca. Lummepa camitsola’ litats’ila’: “CuhuaÆna’molhuo’”. Jouc’a cu’itsola’ lan fohue: “CaxaÆ‘mena’molhuo’, tolahuetsalena’me”. Pe noximpá ipime lapajnya quiÆonc’e’e’mola’ cal cunta. 19 Alummepa camitsola’ lan xanuc’: “Itsiya Æinca ȽanDios titoc’i’molhuo’, tepenuf’molhuo’”. 20 Lijoupa lu’ipola’ iÆiya, ijuitsaf’ina’ma al je’e, ini’ina’ma notoc’iyalepa jiÆpe lajut’Æ. Icutshuaina’ma. Jahuay nomana’ jiÆpe lajut’Æ tehuelojnyi Jesús. 21 IÆque timila’: âImanc’ joupa oÆcuejpá iÆe laixhuepa. Itsiya enanÆcopa jiÆe lataiqui’ liniÆiya. 22 Jahuay etenÆcoco’mola’ lonespa Jesús. Icuaitsi quiÆpic’a. Ticuis’eyoÆtsi, timiyoÆtsi: âIÆque, ¿te ma aÆinca i’hua José? o ¿a’i? 23 Jesús timila’: âImanc’ aÆmi’ma: “Ima’ oxina’ Æafxi, ¡toxaÆ‘mexoxi cotuca’!” AÆmi’ma: “AÆcuejpá lo’epa liÆya’ Capernaum. Jouc’a to’eÆa’ toÆta’a jifa’a lopiÆya’." 24 Jouc’a timila’: âIya’ camilhuo’ al Æinca: Ja’ni anuli cal profeta ticuaitsi ma lipiÆya’, aimepenufyacu. 25 ‘Ƚitiné lipajmpa cal profeta Elías fa’a li’a Æamats’ uyaipa afane’ camats’ y onÆca aiquicuic’. Jahuay Æamats’ i’ipa cumemma. JiÆpe Æamats’ Israel pe lopa’a Elías timana’ axpela’ lacaÆ‘no’ lam potsateya. 26 ȽanDios aicummaic’ Elías pe lomana’ iÆniya lacaÆ‘no’. Umme’ma ti’huaÆa’ locuenaj nación, liÆya’ Sarepta, pu’hua titoc’ita anuli Æaca’no’ apotsate. IÆe liÆya’ Sarepta ahuejnca al cuecaj quiÆya’ cuftine Sidón. 27 ‘Ƚitiné lipajmpa cal profeta Eliseo fa’a Æamats’ Israel, timana fa’a axpela’ lan xanuc’ titeÆcoyi al cuana lepra. IÆne lafcualÆay ailopa’a quixaÆcopa. Anuli Æafcuana cuftine Naamán qui’huayomma ocuena camats’ cuftine Siria, Æinca ixaÆcona’ma iÆque. 28 Liquimf’epa toÆta’a locuapa Jesús lan xanuc’ nomana’ jiÆpiya lajut’Æ, jahuay ixtulenca juaiconapa. 29 Itsolinanca, i’noÆ‘me Jesús, ipa’a’me lema quiÆya’. LiÆya’ copa’a letefcaic’ quijuala. I’hua’a’me li’huesca Æijuala, teca’nita liculhuo. 30 Jesús uyaico’ma nolojmay xanuc’, i’huana’ma. 31 Icuaitsi liÆya’ Capernaum, lopa’a al distrito Galilea. Litine conxajya imuc’i’mola’ lan xanuc’. 32 Imetsaico’me acueca’ comxi. Ixim’me tipa’a limane, al c’a timuc’iyale. 33 Lajut’Æ pe lafoÆyomma lan xanuc’ jiÆpe tipa’a anuli cal xans itsufaipa conta’a. Cal xans ija’a’ma ujfxi, timi Jesús: 34 âIma’ cunJesús, mas Nazaret, ¿te cotsufaicomma pe laÆmana’ illanc’? ¿Ja’ni ocuaiyoco’ma aÆjou’netsonga’? AÆpo’notsonga’ caÆtuca’. Iya’ nimetsaicohuo’ naitsi ima’. Ima’ umPaxi, co’huayomma ȽanDios. 35 Jesús itale’ma Æonta’a, timi: â¡Tiâch’ixcotso’! ¡Taipanni iÆca’a cal xans! Mehuelojnyi jahuay lan xanuc’ Æonta’a eca’ni’ma cal xans Æamats’, ipananni. Aiquixcai’e cal xans. 36 Lan xanuc’ ixpailij’mola’, timiyoÆtsi: â¿Te cataiqui’ jiÆta’a? IÆque cal xans ti’hua limane ticuxe’ela’ lontahue, iÆniya tilipalnamma. 37 Jahuay iÆe Æamats’ ni petsi lomana’ lan xanuc’ icuej’me lo’epa jouc’a lonespa Jesús. 38 Jesús ipanni jiÆpe lajut’Æ pe lafoÆyomma lan xanuc’. I’hua’ma itsufai’ma lejut’Æ Simón. JiÆpe Æi’maco Simón tunouya textafque, tepi’i Æinu’ juaiconapa. Ixa’hue’me Jesús titoc’iÆa’ jiÆque Æaca’no’. 39 Jesús icuaitsi pe lopa’a Æaca’no’ Æaxtafpa, ic’ommai’ma itale’ma Æipinu’. Ƚipinu’ iÆojnâna’ma. AiquicoÆ‘ma, Æaca’no’ itsahuenanni, ites’mi’mola’ lan xanuc’. 40 Joupa if’acoÆaipa cal ‘ora, lan xanuc’ iÆejma jahuay lilefcualÆay pe lopa’a Jesús, ituca’ ituca’ liÆcuana. Jesús ixpayaf’mola’ anuli anuli, ixaÆ‘mena’mola’. 41 Axpela’ lontahue ipalumma lafcualÆay. IÆne lontahue tija’ayi timiyi: âIma’ i’Hua ȽanDios. Jesús itale’mola’. Timila’: âAimoluya’acona’me toÆta’a. IÆniya iÆsina’ naitsi Jesús, iÆque cal Cristo. 42 Lihuequi litine liÆic’ejma Jesús ipanni i’hua’ma petsi ailopa’a quiÆya’. Lan xanuc’ tehueyi. Ixim’me, timiyi: âAimo’huana’ma, topajnla’ fa’a laÆpiÆya’. 43 Jesús timila’: âIya’ ai’huanapa cuyaicota ocuenaye quiÆeloÆya’. Jouc’a cu’itola’ iÆniya lan xanuc’: “ȽanDios cal Rey tijoc’ila’ lixanuc’ tihuejcoÆe”. ȽanDios alummepa toÆta’a ca’eÆa’. 44 Lijou’ma i’huana’ma. JiÆpiya Æilemats’ lan xanuc’ judío ni petsi lomana’ Æajut’Æi pe lafoÆyomma lan xanuc’ ti’hua tuya’e’ Lataiqui’ loya’apa iÆe al c’a lixpic’epa ȽanDios.