Filipenses 3

1 Cunc’aipimaye, itsiya ti’hua ticula’a’ma iÆe coÆje’e. Camilhuo’: ToÆ‘nujuaisle ÆaÆPoujna li’epa. ToÆta’a tolixoc’i’moÆtsi cunlata. Ma caxc’ai’ilhuo’ toÆta’a iya’ aicaixina’ juisquitine. Imanc’ ja’ni tolihuejle iÆe laitaiqui’ aimimenajyacolhuo’. 2 Caxc’ai’ilhuo’: ToÆpo’noÆe cuenna lixcay xanuc’, iÆne no’onÆcospola’ to lan xujc’a quinneja. Ticuxe’enai’ilhuo’ tolisuac’etsoÆtsi. Tu’ilhuo’: “ToÆ‘etsoÆtsi circuncidar, toÆta’a tepenuf’molhuo’ ȽanDios”. Camicona’molhuo’: ToÆpo’noÆe cuenna iÆniya. 3 Ƚi’Espíritu ȽanDios aÆmuc’inga’ te ts’i’ic’ malihuejyacu. Tixoqui calata aÆ‘nujuaisyi li’epa Cristo. AimaÆ‘nujuaisyi ja’ni latec’emponga’ laÆpixic’ o a’i. ȽanDios joupa lapenufponga’, aÆsinninga’ ixanuc’. 4 Iya’ Æinca nipajnya canesla’: “Joupa latec’empa laipixic’. AÆ‘empa circuncidar.” IÆne pe nocuapá toÆta’a ti’huaiyijnyi iÆe li’empola’ jiÆpe liÆpixic’. Ne’, iya’ nipajnya culij’mola’. 5 Iya’ laipajntsi lixhuaitsi apaico quitine aÆ‘enghuo’ma circuncidar. Laitatahueló ixanuc’ Israel. Benjamín i’hua Israel iÆtatahuelo iÆniya. Lai’aillí a’hebreo, tipalaiyi liÆtaiqui’ a’hebreo, iya’ jouc’a nin’hebreo. Ma to quilihuequi licuxepa Moisés iÆne lan xanuc’ fariseo, iya’ jouc’a nihuejpa iÆe lataiqui’, jouc’a ninfariseo. 6 Iya’ acueca’ aijanaj’ma ca’eÆa’ lipenic’ ȽanDios, toÆiya aiteÆ‘mi’mola’ lan xanuc’ lefot’Æepola’ ȽanDios. Jahuay locuxepa litaiqui’ Moisés ainihuequi, jiÆpe ailopa’a caijunac’. 7 ToÆta’a aiximpoxi ninc’a xans. Cacua: “Iya’ canant’Æi. ȽanDios lapenufi.” Lijoupa lainimetsaicopa Cristo aiximpa aimaÆtoc’iya ni anuli laif’huaiyijmpa. Aixpic’epa nimenc’ecopa jahuay iÆiya. 8 Ma’ anuli itsiya, ti’hua quimenc’ejma, ti’hua caxina aimaÆtoc’iya ni anuli iÆiya. Aimi’iya mi’onÆicoya to al cueca’ al c’a laÆ‘ipa, lainimetsaicopa Cristo. Lainihuejpa iÆque nejac’epa jahuay. Iya’ cacua: Tejac’la’ nulemma. IÆiya li’ipa lalatenÆcocopa, itsiya caxina to cal cueca’ quifuc. Ma le’a aipic’a aÆejmale’me Cristo, iÆque aiPoujna. 9 Cacua: “AÆsinÆa’ ȽanDios joupa lapenufpa Cristo”. Aicanesconaya: “Iya’ ninc’a xans, canant’Æi locuxepa ȽanDios, toÆta’a limetsaico’ma”. A’i. Xonca cacua: AÆsinÆa’ ȽanDios ca’huaiyinge Cristo, toÆta’a limetsaico’ma, lapenuf’ma to ailopa’a caijunac’. 10 Cacua: QuimetsaicoÆa’ xonca te ts’i’ic’ Cristo lipicuejma’. CaxingufcoÆa’ fa’a laicuerpo al cueca’ li’ipa iÆe litine limaf’i’inapa ȽanDios, lipa’anapa pe lomana’ limanapola’. Jouc’a caxingufcoÆa’ te ts’i’ic’ liteÆcopa Cristo. Ma cateÆma iya’ cacua: Lai’ejma’ ti’iÆa’ to li’ejma’ Cristo mima jiÆpe lancruz. 11 Cacua: CateÆcoÆa’. Litine timaf’inÆe, titsolinanca limanapola’, lapi’inÆa’ laipitine aimijouya. 12 Ƚinca, iÆe laifpalaicopa aiquenanÆi. Aicaixingufi jahuay iÆta’a. A’i quixhueya nulemma laipicuejma’, lahue’e’. Mane ti’hua quipa’e laipujfxi. Cristo joupa ixpic’epa ti’iÆa’ toÆta’a laipicuejma’. ToÆta’a lahuepa. Icuai’ma pe laifpa’a. Alulijpa. Iya’ cacua: “Ne’, ti’iÆa’ iÆe lixpic’epa Cristo”. 13 Maicunc’aipimaye, iya’ aicacua: “Joupa i’ipa”. Ma le’a cahuay ti’iÆa’. Aica’nujuaitsi luyaipa li’ipa. Ma capa’a fa’a li’a Æamats’ ca’onÆicoyoxi to cal xans nainupa lane. Iya’ ma quinu ca’nujuaitsi lopa’a jiÆpe lema’a. Ca’nujuaitsi laÆ‘iya tijouÆa’ laininupa. 14 Quipa’e laipujfxi, cacua: “Cacula’aÆa’. Cajou’ne’ma laipenic’, iÆe lalapi’ipa ȽanDios Nopa’a lema’a.” Litine lai’huaiyijmpa Jesucristo, ȽanDios aÆjoc’ipa ca’eÆa’ iÆe lanic’. Cajou’neÆa’, lapi’ita iÆe laifnulijya. 15 Imanc’ iya’ ja’ni ȽanDios joupa lapi’iponga’ laÆpicuejma’, ja’ni joupa aÆcuec’epá, aÆspic’eÆe ti’iÆa’ toÆta’a laÆpicuejma’, laÆ‘ejma’, to joupa laimipolhuo’. Imanc’ petsi ituca’ loÆpicuejma’, ma ȽanDios timuc’i’molhuo’ te ts’i’ic’ al c’a lonÆ‘eyacu, ma to lijoupa lainu’ipolhuo’ jiÆpe laipalaicopoxi iya’ lai’ejma’. 16 Ma le’a cacua: “Ja’ni joupa aÆcuec’eyi, ma toÆta’a aÆ‘eÆe”. 17 Cunc’aipimaye, jahuay imanc’ toÆspic’eÆe nulemma lihuejla’ iya’. Iya’ quihuequi Cristo. OÆsina’ laÆ‘ejma’ illanc’, iya’ y laif’as lin’epá canic’. Tolahuelojntsola’ iÆne no’epá toÆta’a. Tolihuejtsola’. 18 Joupa axpe’ ainu’ipolhuo’ timana’ petsi ituca’ liÆ‘ejma’. Itsiya capalaicocona’mola’. Ma ca’nujuaitsila’ iÆniya cajoqui. IÆne muyalaicoyi lapajnya aimi’nujuaisyi Cristo liteÆcopa jiÆpe lancruz. Tocomma ti’eyi laic’ lencruz. 19 IÆne aimunÆulyacu, tecani’mola’ nulemma. Aimihuejcoyi ȽanDios, mane tihuejcoyi liÆcu’u lojanajpa. AquiÆsina’ calaic’ata iÆe liÆ‘ejma’. Xonca tixoqui quileta tuyalaicoyi toÆta’a. Ma le’a ti’nujuaisyi lopa’a fa’a li’a Æamats’. 20 Illanc’ ituca’ laÆ‘ejma’. AÆ‘nujuaisyi laÆpiÆya’ lopa’a lema’a. JiÆpe ti’huayohuo NalunÆu’eyaconga’, iÆque Jesucristo. AÆ‘huaicoyi ticuaiyunni. 21 AÆpai’i’monga’ illanc’ laÆcuerpo. MaÆmana’ fa’a li’a Æamats’ aÆteÆcoyi jouc’a laÆcuerpo. Cristo, Nopa’a lema’a, iÆque licuerpo i’ipa ituca’. ToÆta’a timujyoxi acueca’ icueya limane lepi’ipa ȽanDios. Ti’hua limane ticuxeÆa’ jahuay. Jahuay tixinguf’me iÆta’a limane, tihuejco’me. ToÆta’a ti’i’ma aÆpai’i’monga’, laÆcuerpo ti’iÆa’ to licuerpo iÆque.