Apocalipsis 21

1 Aixim’ma al ts’e quema’a y ats’e Æamats’. Ailopa’a caja. Lomana’ itsiya lema’a y li’a Æamats’ joupa ejac’pola’. 2 Aixim’ma al Paxi QuiÆya’, iÆe al ts’e Jerusalén imuyomma lema’a pe lopa’a ȽanDios. IÆiya al cuecaj quiÆya’ etejyoxi juaiconapa al c’a, ma to metej’moxi Æahuats’ namaneya, litine tilecoÆa’ Æipe’ailli’. 3 Aicuej’ma anuli tipalay, iÆque Æopa’a jiÆpe lexpats’qui li’nof’quiya. Tipalay ujfxi, ticua: “¡ToxinÆa’, icuaico’me ȽanDios y lixanuc’, itsiya timajm’me anuli! ȽanDios tines’ma: ‘IÆne Æinca aixanuc’, iya’ ilenDios’. IÆque ÆilenDios aimecanujyacola’ quiÆtuca’. 4 ȽanDios tetufc’ena’mola’ lilujay lixanuc’, aimijolijconayacu. IÆpe litine aimi’iya camaya, tijouna’ma nulemma. AimixhueÆmot’Æeconayacu, aimijolijconayacu, aimiteÆconayacu cumla. Ti’iÆa’ toÆta’a joupa ipaicopa jahuay." 5 Nocutsafya lexpats’qui li’nof’quiya ticua: “¡ToxinÆa’! Ca’e’econghua ats’e.” AÆpalaic’opa, aÆmi: “TainiÆijnla’ laifmipo’ itsiya. Al Æinca laitaiqui’, aimipaicoya." 6 Ti’hua aÆpalaic’o, aÆmi: “Joupa enanÆpa jahuay laimipo’. Iya’ aÆ‘onÆcospa to Æainila cal A, jouc’a aÆ‘onÆcospa to Æainila cal Z. Iya’ aipangopa jahuay, iya’ jouc’a cajou’ne’ma jahuay. Pe Æaicuipa quija’ iya’ cuhui’i’ma quija’, tixnaÆa’ petsi laipayomma laja’, iÆe lapi’iya lipitine aimijouya. Aica’najtsi’iya, ma le’a cuhui’i’ma tixnaÆa’. 7 “Cal xans nolijya, toÆta’a ti’i’ma, toÆta’a tepenuf’ma. IÆque ai’hua, iya’ enDios, aicacanujya. 8 Ituca’ lo’iyacola’ pe notaipá calaic’ata, iÆne aimalihuequi. Jouc’a ituca’ lo’iyacola’ pe aimaÆ‘huaiyinge, jouc’a iÆniya lan xujc’a xanuc’, jouc’a noma’ahualepá, jouc’a nahuepá quilecaÆ‘no’, jouc’a lam brujo, jouc’a naxc’onÆingoÆaipá lilendiosla’, jouc’a linfel’miyalepá. Jahuay iÆniya tepenuf’me lapi’iyacola’. Tecajm’mim’mola’ al cuecaj capa imanna cunga, tipi Æazufre. ToÆta’a lo’iyacola’ pe nomaconayacola’ oquemma." 9 JiÆpe lema’a lan caitsi capaluc’ quema’a liluhuaic’ liÆtaza, iÆne imanoÆila’ lan caitsi lijoucola’ cateÆcoya, anuli iÆniya lapaluc’ quema’a aÆpalaic’o, aÆmi: “To’huanni. Ƚepá. Camuc’ito’ Æahuats’ namaneya. Ƚa’huaj MoÆ tileco’ma." 10 Lijou’ma aixim’ma to i’hua’ma laipicuejma’, aÆÆeco’ma al toncay anuli cal cuecaj quijuala itoqui. Aixim’ma al Paxi QuiÆya’ Jerusalén timuyomma lema’a pe lopa’a ȽanDios. 11 IÆta’a liÆya’ epalc’o’. Lipepalc’o’ maÆe lipepalc’o’ ȽanDios. Ma to munts’ifqui Æapic acueca’ quipitali, ma toÆe tepalc’o’i al Cuecaj QuiÆya’, tunts’ifqui to Æapic cuftine jaspe, cangufca i’huáqui. 12 Canumicay liÆya’ tipa’a cal cuecaj quitoqui caitaÆ. IÆiya ÆaitaÆ tipa’a imbamaj coque’ lipuertá. JiÆpe cal puertá tecaxoÆanna lapaluc’ quema’a, anuli anuli al puerta. IÆpe cal puertá iniÆingiya liÆpuftine limbamaj coquexi’ linaxque’ cal xans Israel, iÆne laÆtatahueló. Apuerta apuerta tipa’a lipuftine. 13 IÆpe ÆaitaÆ lehuoc’ocojma laipammaiyomma cal ‘ora tipa’a afane’ cal puertá. Lehuoc’ocojma lo’huayomma Æujfxi cahua’ tipa’a afane’ cal puertá. Lehuoc’ocojma lo’huayomma Æahua’ quema caja tipa’a afane’ cal puertá. Lehuoc’ocojma lof’acaiyopa cal ‘ora tipa’a afane’ cal puertá. 14 IÆpe ÆipitaÆ liÆya’ itsahuecomma imbamaj coque’ lapic’. Anuli anuli Æapic tiniÆijnya anuli laftine. LiÆpuftine iÆne limbamaj coquexi’ lan apóstole, iÆne ts’ilihuequi Ƚa’huaj MoÆ. 15 Ƚapaluc quema’a ÆaÆpalaic’o’ma itaic’ Æoxpijcompa. Tocomma al Æajâjaxa, ilajncopa a’oro. Tixpijta iÆpe liÆya’ jouc’a lipuertá, jouc’a ÆipitaÆ. 16 LiÆya’ ma’ anuli lipitoqui lipexpats’qui. Ƚapaluc quema’a tixpicufi liÆya’. Lixpicufpa imbamaj coquej mil estadio. LiÆya’ lipitoqui, li’nofquiya, lipexpats’qui ma’ anuli lixpicufpa. IÆne limbamaj coquej mil estadio ixhuaitsi to oquej mil, oquej maxnu kilómetro. 17 Tixpicufi ÆaitaÆ ma to mixpicufyi lan xanuc’, ma toÆe tixpicufi Æapaluc quema’a. IÆque ÆaitaÆ tixhuaispa anuli maxnu oquej nuxans malpu codo. (Tocomma to afane’ nuxans y amaque’ metro.) 18 ȽaitaÆ ilajncopa Æapic cuftine ajaspe. LiÆya’ ilajncopa a’oro xonca al c’a. Tunts’ifqui to al pulu lepaquiya. 19 Pe lipanc’micopa ÆipitaÆ liÆya’ i’huáqui ac’a juaiconapa, ilanc’empa al c’a. IÆpiya timana’ imbamaj coque’ lapic’, acueca’ ipitali iÆniya lapic’. Cal te’a capic ajaspe, Æihuequi azafiro, Æocuena a’ágata, Æocuena a’esmeralda, 20 Æocuena asardónica, (iÆque a’onix), Æocuena acornalina, Æocuena acrisólito, Æocuena aberilo, Æocuena atopacio, Æocuena acrisoprasa, Æocuena ajacinto, Æijoujma capic a’amatista. 21 Limbamaj coque’ lipuertá ilajncopa aperla. Anuli anuli lipuerta ilajncopa anuli cal perla. Al cuecaj cane liÆya’ ilajncopa a’oro xonca al c’a. Tunts’ifqui to lepaquiya al pulu. 22 IÆpiya aicaixim’ma xoute’. Ailopa’a. IÆpiya liÆya’ tipa’a ÆaÆPoujna ȽanDios, ticuxe jahuay. Lan xanuc’ texc’onÆingoÆaiyi ȽanDios, texc’onÆingoÆaiyi Ƚa’huaj MoÆ. 23 Ni cal ‘ora ni cal mut’Æa aimepalc’o’i liÆya’. Aimicuicomma. Ma ȽanDios lipepalc’o’ tepalc’o’i, Ƚa’huaj MoÆ jouc’a epalc’o’. 24 IÆe lipepalc’o’ iÆpe liÆya’ tepalc’o’ila’ lan nación, tiyeÆe al c’a lan xanuc’. IÆpiya liÆya’ tiÆcuaispa lan tsila’ quincuxepá nomana’ li’a Æamats’. IÆtaic’ cal cueca’ quiÆ‘huexi tipo’nota jiÆpe. 25 Cal puertá timanemma exiliya. IÆpe pangay quitine. Aimimufc’o’. Ailopa’a quipuqui’, aimixnif’miya cal puertá. 26 IÆpe tiÆcuaispa lan xanuc’ quiyouyomma jahuay lan nación. TiÆcuai’espa al cueca’ quiÆ‘huexi, jahuay al c’a li’hueca. 27 JiÆpe titsulfaiyi ma le’a lan xanuc’ liniÆingiya liÆpuftine lije’e Ƚa’huaj MoÆ, iÆe al je’e petsi liniÆingiya liÆpuftine pe nepenufpá liÆpitine aimijouya. Aimitsufaiya jiÆpiya petsi aimetenÆma ȽanDios. Jouc’a aimitsuflaiyacu pe no’epá al xujc’a, ni nofel’miyalepá.