Apocalipsis 22

1 Ƚapaluc quema’a aÆmuc’i’ma al pana’. JiÆpe al pana’ a’i quijueÆ laja’, tunts’ifqui to lepaquiya al pulu. Al pana’ tipayomma lexpats’qui li’nof’quiya pe lomana’ ȽanDios y Ƚa’huaj MoÆ. Tinu al cuecaj cane liÆya’. Jahuay noxnapá jiÆe laja’ ti’hua ts’iÆmaf’i’. Ƚema Æema al pana’ tipa’a al ’ec. Notepá Æi’as iÆe al ’ec tepenufyi liÆpitine aimijouya. Amut’la amut’la al ’ec ti’atsi. Tixhuaitsi anuli camats’ joupa i’aspa imbamaj coquemma. Afxi Æipela, tixaÆ‘mela’ lan xanuc’ nomana’ lan nación. 3 JiÆpe tipa’a ma le’a letenÆcocopa ȽanDios. Licuajquimpa ailopa’a. MaÆpe liÆya’ tipa’a lexpats’qui li’nofquiya pe lomana’ ȽanDios y Ƚa’huaj MoÆ. Lan xanuc’ naimetsaicopá ȽanDios to quiÆPoujna, iÆpiya ti’eyi lipenic’, texc’onÆingoÆaiyi pe Æopa’a. 4 Tehuelojnyi li’a Ƚa’huaj MoÆ, lipuftine tiniÆijnya Æilepali. 5 IÆpe ailopa’a quipuqui’. Aimicuicomma quepalc’o’, ni ÆepaÆ ‘ora ni ocuena quepalc’o’ to lapalc’o’ipa Æamats’. ȽiÆPoujna, iÆque ȽanDios, tepalc’o’ila’. Lixanuc’ ticuxe’me, aimijouya liÆcuxejma. 6 Ƚapaluc quema’a aÆmi: “Al linca jiÆe lataiqui’ laifmipo’. Ma toÆta’a ti’i’ma. ȽanDios, iÆque ÆiÆPoujna lam profeta, alummepa iya’ epaluc. AÆmuc’ipa lo’iya. Lixanuc’ no’epá lipenic’, ȽanDios ipic’a ti’iÆa’ quiÆsina’ iÆe lo’iya." 7 “¡ToxinÆa’! AimaÆcoÆya. Ma cacuaihuo. Tixoqui queta naitsi nopo’nopa cuenna loya’apa ȽanDios, iÆe litaiqui’ liniÆingiya fa’a iÆta’a al je’e." 8 Iya’ ninJuan joupa aicuejpa iÆniya Æataiquí, joupa aiximpa li’ipa. ToÆiya nexc’onÆingai’ma li’mitsi’ Æapaluc quema’a, iÆque ÆaÆmuc’ipa toÆta’a, iÆe joupa niniÆpa fa’a al je’e. 9 Ƚapaluc aÆmi: “A’i. Aimo’e’ma toÆta’a. Jahuay aÆ‘eyi lipenic’ ÆaÆPoujna ȽanDios, ima’ jouc’a lapimaye lam profeta, jouc’a no’epá cuenna lominiÆijmpa fa’a iÆta’a al je’e. Taxc’onÆingaiÆa’ ȽanDios." 10 Jouc’a aÆmi: “IÆta’a al je’e aimoxpats’ijm’ma lisello. Jifa’a tiniÆijnya lixpic’epa ȽanDios. Itsiya aimicoÆya, ma ti’i’ma. 11 Cal xans latenÆcocopa lixcay lo’epa, ti’hua ti’econÆa’ lixcay. Cal xans latenÆcocopa al xujc’a lo’epa, ti’hua ti’econÆa’ al xujc’a. Cal xans latenÆcocopa al c’a lo’epa, ti’hua ti’econÆa’ al c’a. Cal xans pe i’huexi ȽanDios ti’hua tihuejla’ ȽanDios, aimenaj’moxi." 12 “¡ToxinÆa’! AimaÆcoÆya. Cacuaicoconno. Lan xanuc’ to lo’epa, ma’ anuli tepenufcona’me. Cacuaiyunni, lan c’a xanuc’ tepenuf’me al c’a. Lixcay xanuc’ tepenuf’me lixcay. 13 Iya’ aÆ‘onÆcospa to Æainila cal A, jouc’a aÆ‘onÆcospa to Æainila cal Z. Aipangopa jahuay, jouc’a jahuay cajou’ne’ma. Iya’ ninTe’a jouc’a niJoujma." 14 Tixoj’ma quileta petsi joupa epajpa liÆpijahua’, ȽanDios tixim’mola’ limpio. IÆniya tepi’i’mola’ liÆmane titeÆe Æi’as al ’ec lapi’iyacola’ liÆpitine aimijouya. Titsuflai’me cal puertá, timajnta jiÆpe al Paxi LiÆya’. 15 Ƚuna timana’ lan xujc’a xanuc’ lo’onÆcospola’ to lan tsiÆqui. Jouc’a timana’ lam brujo, jouc’a pe nahuepá quilecaÆ‘no’, jouc’a noma’ahualepá, jouc’a pe naxc’onÆingoÆaipá lilendiosla’, jouc’a pe natets’ipá al Æinca, jouc’a linfel’miyale. 16 “Iya’ ninJesús nummepa Æainepaluc. IÆe laitaiqui’ lomuc’impo’ cu’ila’ jahuay lapimaye lolafot’ÆepoÆtsi. Iya’ lanef’epa cal rey David, iÆque aitatahuelo. Iya’ capalc’o’i acueca’, toÆta’a lacui’impa ninXamna QuiÆic’ejma’." 17 Cal Espíritu Santo jouc’a Ƚipeno cal MoÆ timiyi: “¡To’huanni!” Naitsi nocuejpa iÆe lataiqui’ jouc’a timiÆa’: “¡To’huanni!” Imanc’, ja’ni ticui conÆja’, toliÆoc’oÆaiyunca. Laja’ lapi’iyacolhuo’ loÆpitine aimijouya, toÆsnaÆe. IÆe laja’ tepi’im’molhuo’, aimi’najtsi’inyacolhuo’. 18 Lataiqui’ liniÆiya fa’a al je’e ma’ itaiqui’ ȽanDios, tuya’e’ lixpic’epa. Iya’ camilhuo’ jahuay imanc’ noÆquimf’epá: Aimolatonc’i’me. Ja’ni tolatonc’i’me ȽanDios xonca’ titeÆ‘mi’molhuo’. TiteÆ‘mi’moÆhuo’ to liniÆingiya jiÆta’a al je’e, iÆe tuya’e’ lixpic’epa ȽanDios. 19 Jouc’a aimoliÆonc’e’me anuli lataiqui’. Ja’ni toliÆonc’e’me anuli jiÆta’a lataiqui’ ȽanDios tiÆonc’e’e’molhuo’ lapi’ipola’ lixanuc’, iÆe loya’apa iÆta’a al je’e. ToÆta’a aimepi’inyacolhuo’ lane moÆtejacu Æi’as jiÆe al ’ec lapi’ipola’ lan xanuc’ liÆpitine aimijouya. AimoÆsulfaiyacu al Paxi QuiÆya’. 20 Lataiqui’ liniÆiya fa’a al je’e itaiqui’ Nopalaipa itsiya, ticua: “Ƚinca cacuaiyoconno. AimaÆcoÆya.” Amén. ToÆta’a ti’iÆa’. Ima’ maiPoujna Jesús: ¡To’huanni! 21 ȽaÆPoujna Jesús mouqui mouqui titoc’itsolhuo’ jahuay imanc’. Amén. ToÆta’a ti’iÆa’.