Romanos 12
WBT1 Cunc’aipimaye, toĆ‘nujuaisle Č˝anDios liximpolhuo’ unc’icuanuc’la, itoc’ipolhuo’ acueca’. ToĆta’a caxa’huelhuo’ toĆtsufco’moĆtsi Č˝anDios. Itine itine ma coĆmaf’i’ toĆsim’moĆtsi i’huexi Č˝anDios, tolihuejco’me. LoĆ‘ejma’ tetenĆcocoĆa’ Č˝anDios. ToĆmuj’me tolihuejyi jahuay Ćolunxajma’. ToĆta’a, Č˝anDios tepenuf’molhuo’ molaxc’onĆingoĆaiyi. 2 Camilhuo’: Aimolihuej’me liĆ‘ejma’ lan xanuc’ naihuejpá quiĆtuca’ liĆpicuejma’. ToĆspic’eĆe tonĆ‘eĆe ituca’. ToĆta’a ti’i’ma coĆsina’ te ts’ipic’a Č˝anDios. IĆque tixpic’e’ma ma le’a al c’a, tixpic’e latenĆcocoya. IĆque aimimenajya. 3 Iya’ a’i caituca’ laipicuejma’ caxc’ai’ilhuo’. Ma Č˝anDios lapi’ipa iĆe laipenic’. Itsiya camilhuo’: Anuli anuli timetsaicoxoxi lipicuejma’ li’ejma’ te ts’i’ic’ mopa’a. Nij nuli imanc’ micua’ma: “Iya’ xonca nincueca’”. MoĆ‘huaiyijnyi Č˝anDios tolimetsaicotsoĆtsi te ts’i’ic’ iĆe loĆpicuejma’ lepi’ipolhuo’ Č˝anDios. 4 Tama ma’ anuli laĆcuerpo axpe’ mipa’a. Anuli anuli tipa’a liĆpenic’. 5 ToĆta’a illanc’. Tama ninc’xpela’, ma’ aĆmana’ anuli. Illanc’ icuerpo Cristo. Aimi’iya malanajyacoĆtsi anuli anuli. Anuli Ćinca locuenaye iĆ‘huexi. Locuenaye Ćinca i’huexi cal nuli. 6 Č˝anDios lapi’iponga’ anuli anuli laĆ‘eyacu, ituca’ ituca’. Ja’ni epi’icopo’ lopicuejma’ to’itsola’ lan xanuc’ loxpic’epa Č˝anDios, ne’ to’i’mola’. Mo’huaiyinge Č˝anDios iĆque tu’i’mo’ te ts’i’ic’ lofmuc’iyacola’ lopimaye. ToĆta’a to’itsola’. 7 Ja’ni epi’icopo’ lopicuejma’ totoc’itsola’ lof’as xanuc’, ne’, totoc’i’mola’. Ja’ni epi’icopo’ lopicuejma’ tomuc’iyaleĆa’, ne’, tomuc’i’mola’. 8 Ja’ni epi’icopo’ lopicuejma’ toxc’ai’itsola’, ne’, toxc’ai’i’mola’. Ja’ni tapi’i’ma pe lahue’epa, ne’, jahuay Ćomunxajma’ tapi’i’ma. Ja’ni ifajpo’, epi’ipo’ copenic’ tocuxeĆa’, aimo’e’moxi mahui, ma to’eĆa’. Ja’ni epi’ipo’ lopicuejma’ toxinĆa’ cuanuc’, ne’, tixojla’ meta to’eĆa’. 9 Imanc’ aimoĆ‘e’e’moĆtsi le’a. AĆinca tonĆ‘e’etsoĆtsi capic’a. TolanajtsoĆtsi jahuay lixcay, tolihuejle al c’a. 10 Imanc’ unc’apimaye toĆta’a tonĆ‘e’moĆtsi capic’a. ToĆ‘nujuaitsoĆtsi, toĆtoc’itsoĆtsi. AimoĆnes’me: “Iya’ xonca ninc’a xans”. ToĆnesle: “IĆque Ćaipima xonca ac’a xans”. 11 IĆe lanic’ lepi’ipolhuo’ Č˝anDios ĆaĆPoujna, toĆpo’noĆe loĆpicuejma’, tonĆ‘eĆe. Aimixojtolhuo’. 12 ToĆ‘nujuaisle iĆe al c’a lapi’iyacolhuo’ Č˝anDios. ToĆta’a aimijouya loĆpixojma cata. Ja’ni toĆteĆcoyi, toĆsnet’ĆĆe. Ti’hua toĆjoc’iĆe Č˝anDios. ToĆsa’hueĆe titoc’itsolhuo’. 13 ToĆtoc’itsola’ loĆpimaye petsi lahue’epola’. IĆne jouc’a i’huexi Č˝anDios. Tolapenuftsola’ Ćolajut’Ći. 14 Pe naihuetsojpolhuo’ toĆpaxnetsola’. AimoĆnesc’e’mola’ quixcay cataiqui’. ToĆpaxne’mola’. 15 Petsi naixojpá quileta, imanc’ jouc’a tixojla’ cumlata. Petsi nohuotsopá tijolijyi, imanc’ jouc’a toĆjolijle. 16 Aimolatets’i’moĆtsi. TonĆ‘eĆe anuli loĆpicuejma’. AimoĆ‘e’e’moĆtsi. AimoĆnes’me: “Illanc’ ninc’itsila’ xanuc’”. TonĆejmaleĆe loĆpimaye petsi aiquiĆ‘hueca. AimoĆnes’me: “Iya’ xonca aixina’”. 17 AimoĆ‘econa’mola’ lixcay petsi li’epolhuo’ lixcay. Jahuay loĆ‘eyacu ti’iĆa’ ma’ al c’a. TixinĆe toĆta’a iĆne nahuelojmpolhuo’. 18 Ni petsi loĆtseyacu, ja’ni ti’i’ma, toĆmajnle ac’a. Ja’ni iĆpic’a tifuli’i’molhuo’, imanc’ aimoĆfuli’icona’mola’. 19 Maicunc’aipimaye, iya’ camilhuo’: Ja’ni ixcay li’epolhuo’ imanc’, aimoĆpai’icona’me. ToĆ‘huaicoĆe titeĆ‘miĆa’ Č˝anDios. ToĆta’a loya’apa al Paxi LiniĆingiya, ticua: Ma le’a iya’ ti’hua laimane capai’icona’ma. Petsi no’epá lixcay ma’ iya’ ca’najtse’e’mola’, cateĆ‘mi’mola’. ToĆta’a locuapa Č˝anDios ĆoĆPoujna. 20 Imanc’ tolihuejcoĆe lataiqui’ loya’apa: Ja’ni tumle’e no’epo’ laic’, ima’ totes’miĆa’. Ja’ni ticui quija’, ima’ tohui’iĆa’ quija’. Ima’ toĆta’a toteĆ‘mi’ma ni’epo’ laic’. 21 ToĆpo’noĆe loĆpicuejma’, toĆnesle: “IĆe lixcay laĆ‘e’epa aimalulijya. Iya’ ca’e’e’ma al c’a, toĆta’a culij’ma lixcay."