ናህመ ማፃፋ 3

1 ካህነ ሀላቃይ ኤልያሴብነ ሀራ ካህነት ዶርሳ ፐንግያ ዛር ግምብድ ፆሳስ ዱማይዶሶና፤ ሳንቃ አዶሶና። ኤንቲ ፄታ ጌተትያ ግምበ ሻኩዋፈ ብድ ሀናንኤላ ጌተትያ ግምበ ሻኩዋ ጋካናዉ ግምብድ ፆሳስ ዱማይዶሶና። 2 ኤንታ ላንቀን ደእያ በሳ እያርኮ አሳይ ግምብን፥ ካልድ ደኤይሳ እምራ ናአይ ዛኩር ግምብስ። 3 ሀስናአ ናይት ሞሎ ፐንግያ ግምብዶሶና። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስዶሶና። 4 ኤንታ ካልድ ደእያ በሳ ሀቆፃ ናአ ግድዳ ኡራያ ናአይ ማረሞት ግምብስ። እያፐ ካልድ ደእያ በሳ ማሰዛቤላ ናአ ባራካ ናአይ ማሱላም ግምብስ። እያፐ ካልድ ደእያ በሳ ባአና ናአይ ሳዶቅ ግምብስ። 5 እያ ማታን ደእያ በሳ ታቆሀ ካታማ አሳት ግምብዶሶና። ሽን ሄ ካታማ ሀላቃት ባንታዉ እመትዳ ኦሱዋ ኦና እፅዶሶና። 6 ፓሰሀ ናአይ ዮዳሄይነ ባሶድያ ናአይ ማሱላም ጋልአ ፐንግያ ግምብዶሶና። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስዶሶና። 7 ኤንታ ላንቀን ደእያ በሳ ጋባኦና ካታማ አስ ግድዳ ማላፅነ መሮኖታ ካታማ አስ ግድዳ ያዶን ግምብዶሶና። ጋባኦናነ ምፅጳ ካታማ አሳይ ኤንታራ እስፈ ግድድ፥ ኤፍራፂሳ ሻፋፐ ዉሎሀ ባጋ ቢታ ሃረይስ ደእያ ኬ ጋካናዉ ደእያ በሳ ግምብዶሶና። 8 ዎርቃ ሼሽያ ሀርሀያ ናአይ ኡዝኤል ኤንታ ማታን ደእያ በሳ ግምብስ። ቃስ እያ ማታን ደእያ በሳ ሽቶ ኦያ ሀናን ግምብስ። ኤንቲ ናምአይ እስፈ የሩሳላመ ዳልጋ ግምብያ ጌተትያ በሳ ጋካናዉ ደእያ በሳ ግምብዶሶና። 9 ኤንታ ማታን ደእያ በሳ ሁራ ናአይ፥ የሩሳላመ ዎራዳስ ባጋ ሃርያ ራፋይ ግምብስ። 10 ሀሩማ ናአይ ያዳይ ባ ኬፈ ስን ባጋራ ደእያ በሳ ግምብስ። እያ ማታን ደእያ በሳ አሰባና ናአይ ሀቱሽ ግምብስ። 11 ሀርማ ናአይ ማልከይነ ፓሀት-ሞአባ ናአይ ሀሹብ እያ ማታን ደእያ በሳነ እቶነ ሻኮ ግምብያ ግምብዶሶና። 12 ኤንታ ማታን ደእያ በሳ ሀሎሄሳ ናአይ፥ የሩሳላመ ዎራዳስ ናምአን ባጋ ሃርያ ሳሉምነ እያ ማጫ ናይት ግምብዶሶና። 13 ሀኑንነ ዛኖሀ ካታማን ደእያ አሳይ እስፈ ዛንጋራ ፐንግያ ግምብዶሶና። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ምነ ም ገልስያ ሳጋዩዋ ጊግስዶሶና። ፕቶ ፐንግያ ጋካናዉ እስ ሙኩሉ ዋ አዱሳ ግምብያ ጉጅድ ግምብዶሶና። 14 ራካባ ናአይ፥ ቤት-ሀካሬማ ዎራዳ ሃርያ ማልከይ ፕቶ ፐንግያ ግምብስ። ኤንቲ ጎባነ ኤስድ፥ ሳንቃ አዶሶና፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስዶሶና። 15 ኮልሃዛ ናአይ፥ ምፅጳ ዎራዳ ሃርያ ሳሉም ፑልቶ ፐንግያ ዛሪድ ግምብስ። እ ፐንግያስ ካማ ጊግስድ ሳንቃ አስ፤ ሳንቃ ጎርድያ ካሱዋነ ካሱዋ ገልስያ ሳጋዩዋ ጊግስስ። ቃስ፥ ሰላሀ ተቀ ሃይ ደእያ ባጋራ ካዋ አታክልተ በሳፈ ዶምድ፥ ዳዊታ ካታማፐ ዱገ ዎስያ ደ ጋካናዉ ደእያ ግምብያ ግምብስ። 16 ቤት-ፁራ ዎራዳስ ባጋ ሃርያ አዝቡቀ ናአይ ናህመይ ግምብስ። እ ዳዊታ ዱፉዋፐ ስን ባጋራ ደእያ በሳ ጋካናዉ፥ አስ ኦዳ ተቀ ሃይ ደእያ በሳ ጋካናዉ፥ ኦላንቾታ ኬ ጋካናዉ ደእያ በሳ ግምብስ። 17 ሀይሳፈ ካለይሳ ባና ናኣ ረሁማ አዋተ ጋርሳን ደእያ ሌወት ግምብዶሶና። ኤንታ ማታን ደእያ በሳ ቅኣላ ዎራዳስ ባጋ ሃርያ ሀሻብ ባ ዎራዳ ሱንን ግምብስ። 18 እያፐ ካልድ ሄናዳዳ ናአይ፥ ቅኣላ ዎራዳስ ናምአን ባጋ ሃርያ ባው ግምብዶሶና። 19 ኤንታ ማታን ደእያ በሳ እያሱ ናአይ፥ ምፅጳ ዎራዳ ሃርያ ኤዘር ግምብስ። እ ኦላ ሚሸ ዎያ ኬፈ ስን ባጋራ ግምብያ ማዛንያ ጋካናዉ ደእያ በሳ ግምብስ። 20 እያፐ ካለይሳ ዛባያ ናአይ ባሮክ፥ ግምብያ ማዛንያፐ ብድ፥ ካህነ ሀላቃ ኤልያሴባ ኬ ፐንግያ ጋካናዉ ደእያ በሳ ግምብስ። 21 እያፐ ካለይሳ ሀቆፃ ናኣ ግድዳ ኡራያ ናአይ ማረሞት ኤልያሴባ ኬ ፐንግያፈ ዶምድ፥ ዉርሰ ጋካናዉ ደእያ በሳ ግምብስ። 22 እያፐ ካልድ ደኤይሳ ሄራን ደእያ ካህነት ግምብዶሶና። 23 ኤንታፈ ካልድ ብንያመይነ ሀሹብ ባንታ ኬ ስንን ደእያ በሳ ግምብዶሶና። ኤንታፈ ካልድ አናንያ ናአ ግድዳ ማእሰያ ናአይ አዛር ባ ኬ ስንን ደእያ በሳ ግምብስ። 24 እያፐ ካልድ አዛራ ኬፈ ብድ፥ ግምብያ ማዛንያ ጋካናዉ ደእያ በሳ ሄናዳዳ ናአይ በኑይ ግምብስ። 25 ኡዛያ ናአይ ፓላል ግምብያ ማዛንያፐ ዶምድ፥ እ ናገይሳታ ዳባባ ማታን ደእያ ቆሞ ባጋ ካዎ ጋ ናጎ ግምብያ ጋካናዉ ደእያ በሳ ግምብስ። እያፐ ካልድ ደኤይሳ ፓኖሰ ናአይ ፓዳይነ 26 ኦፌላ ደርያ ቦላ ደእያ ፆሳ ኬ አይለት ግምብዶሶና። ኤንቲ ሃ ፐንግያ ማታን ዶሎሀ ባጋን ደእያ በሳነ ናጎ ግምብያ ጋካናዉ ደእያ በሳ ግምብዶሶና። 27 ኤንታፈ ካልድ ታቆሀ ካታማ አሳይ ግምብያ ስንን ደእያ በሳፈ ብድ፥ ኦፌላ ማታን ደእያ ግምብያ ጋካናዉ ደእያ በሳ ግምብዶሶና። 28 ፓራ ፐንግያፈ ቆሞ ባጋን፥ ባንታ ኬ ስንን ደእያ በሳ ካህነት ግምብዶሶና። 29 ኤንታፈ ካልድ እመራ ናአይ ሳዶቅ ባ ኬ ስንን ደእያ በሳ ግምብስ። እያፐ ካልድ ዶሎሀ ፐንግያ ናግያ ሳካና ናአይ ሻማየይ ግምብስ። 30 እያፐ ካልድ ሳላማ ናአይ ሀናንነ ዛላፋ ኡሱፑን ናአ ግድዳ ሀኑኒራ ግምብዶሶና። ኤንታፈ ካልድ ባራካ ናአይ ማሱላም ባ ክፍልያፐ ስንን ደእያ በሳ ግምብስ። 31 እያፐ ካልድ ፆሞሶ ፐንግያ ስንን ደእያ ፆሳ ኬ ኦሳንቾታነ ዛልአንቾታ ኬ ጋካናዉ ደእያ በሳ ዎርቃ ሼሽያ ማልከይ ግምብስ። ቃስ እ ግምበ ማዛንያስ ቦላ ባጋራ ደእያ በሳካ ግምብስ። 32 ማዛንያስ ቆሞ ባጋ ክፍልያፐነ ዶርሳ ፐንግያፈ ግዶን ደእያ በሳ ዎርቃ ሼሸይሳትነ ዛልአንቾት ግምብዶሶና።