JUAN 20

1 Domingo jitɨramo nia monaiñenia, raɨafomo María Magdalena jaide. Raɨafo ɨbailla nofɨcɨ oni joillana cɨode. Jesús abɨna cɨoiñede. 2 Ie jira aisɨcana Pedrona jenuaide. Cuena jɨaɨ jenuaide. Baillano, llote: âCaɨ illaɨcomɨnɨ caɨ Nama abɨna raɨafomona otɨmacɨ. Naimɨena jonianona uiñoñedɨcue. 3 Ie mei raɨafomo jaidɨcoco. 4 Aisɨcana jaidɨcoco; iadedɨ rɨire cue aisɨcana jailla jira, nano ridɨcue. 5 Ana bɨtadacaida, fo erodatɨcuemo, useroi joillana cɨodɨcue; iadedɨ fo jaiñedɨcue. 6 Ie mei Simón Pedro rillano, fo jaide. Useroi joillana jɨaɨ cɨode. 7 Ie ɨfogɨmo ferɨnoga ɨniroi eneno illana cɨode. Raise nacuana cɨode. 8 Iemei jɨaɨ fo jaidɨcue. Æniroina cɨuamona, Jesús jai jilluana ɨɨnotɨcue. 9 Jaie cuegafuiaɨ llote: “Fiodaillamona jilloite”. Naie cuegafuiaɨna como raise ɨɨnotɨcoco. 10 Ie mei jofomo jaidɨcoco. 11 Raɨafomo abɨdo billano, coco jailla mei, nainomo María fɨebide. Eede. Ana bɨtadacaida, fo erodatemo, 12 Jusiñamuimona mena jaɨenicɨ jai billana cɨode. Userede ɨniroi jɨtadɨaɨmaiaɨ. Jesúna navui jonianomo ana raɨdɨaɨmaiaɨ. Damɨe ɨfogɨ dɨbeimo raɨde. Jɨaɨmɨe eɨllɨ dɨbeimo raɨde. 13 Naiñaiñomo jɨcanotɨiaɨmaiaɨ: â¿Bue ñellena eedɨo? Naiñaiño uai ote: âCue Namana bu oni uillanona, naimɨena jonianona jai uiñoñedɨcue. 14 Naie facaise jɨnafo dɨne erocaillanona, Jesúna cɨode; iadedɨ naimɨena uiñoñede. 15 Naiñaiño comecɨna facade; “Naimɨedɨ bie illano sedaraɨma”. Jesús naiñaiñomo jɨcanote: â¿Bue ñellena eedɨo? ¿Bu jenodɨo? Naiñaiño uai ote: âJesúna o uia, naimɨe jonianona cuemo llono. Ie mei naimɨena oni uitɨcue. 16 Jesús dɨnena uai ote: â¡María! Naimɨe dɨne naiñaiño como raise dobaicaide. Judíuaɨ uaido llote: â¡Raboni! âNaie uai oni dobaiñuamona: “Llofueraɨma”. 17 Jesús uai ote: âCuena llɨɨnoñeno cuena faɨcai. Cue Moo dɨne nia a jaiñedɨcue. Cue amatɨaɨ dɨne mai jaillanona, cue rafuena lluai. Cue Moo dɨne jaitɨcue. Naimɨedɨ cue Jusiñamui. Naimɨe jɨaɨ omoɨ Moo. Jɨaɨ omoɨ Jusiñamui. 18 Ie jira María Magdalena Jesús llofueoicaiganodɨcaɨmo lluaɨbite: âCaɨ Namana jai cɨodɨcue. âIemei caɨmo naimɨe naiñaiñomo lluana llote. 19 Domingo naɨo Jesús llofueoicaiganodɨcaɨ jofomo ofidɨcaɨ. Judíuaɨ illaɨcomɨnɨna caɨ jacɨruillamona, nasiaɨ nana caɨ ɨbaica. Nase econoñeno ieconi Jesús caɨ motomo billanona, caɨna uaiduano, llote: âUri omoɨ i. 20 Ie onollɨna acatate. Ie cɨraigɨna jɨaɨ acatate. Caɨ Namana jai caɨ cɨuari eo iobidɨcaɨ. 21 Jesús dane llote: âUri omoɨ i. Cue Moo cuena oretaja isoi cue rafuena llollena, omoɨna oretaitɨcue. 22 Ie facaise caɨna firaiñuanona, raite: âJusiñamui Joreñona omoɨ feiñuana jitaidɨcue. 23 “O jeacɨnona jai dotade” bumo omoɨ lloia, Jusiñamui jai dotaca. “O jeacɨnona nia dotañede” bumo omoɨ lloia, Jusiñamui nia dotañega. 24 Naie naɨo Tomásna mamecɨrede llofueoicaigamɨe caɨ dɨga iñede. Dídimona jɨaɨ mamecɨrede. Naimɨedɨ gorasa. 25 Naimɨemo llotɨcaɨ: âCaɨ Namana aillɨ cɨodɨcaɨ. Tomás uai ote: âClavo ifona naimɨe onollɨ jeraimo cue cɨoiñenia, naie ifona cue jetañenia, naimɨe cɨraigɨ ifona cue jetañenia, ɨɨnoñeitɨcue. 26 Ocho dɨgarui illanona, Jesús llofueoicaiganodɨcaɨ dane ofillano, Tomás caɨ dɨga ite. Nana nasiaɨ ɨbaica; iadedɨ nase econoñeno ieconi Jesús caɨ motomo dane fo billano, uaiduano, llote: âUri omoɨ i. 27 Iemei Tomásmo llote: âEroda cue onollɨmo. Naifo jeta. Cɨraigɨ ifona jɨaɨ jeta. Æɨnoñeno jaiñeno. Mai ɨɨno. 28 Tomás uai ote: âCue Namadɨo. Cue Jusiñamuidɨo. 29 Jesús dane uai ote: âCuena o cɨua jira, cuena ɨɨnotɨo; iadedɨ cuena cɨoiñedɨno cuena ɨɨnoia, jɨaɨ caɨmare iitɨmacɨ. 30 Jesús dɨga siño rafuena fɨnode. Iena cɨodɨcaɨ. Nana naie rafuena bie rabenicomo cueñedɨcue; 31 iadedɨ dajerie cuetɨcue. Jesúdɨ caɨ Jilloitaraɨmana omoɨ ɨɨnollena, iena cuetɨcue. Naimɨedɨ Jusiñamui Jitona omoɨ ɨɨnollena, iena jɨaɨ cuetɨcue. Naimɨena omoɨ ɨɨnuano, naimɨe dɨga jaca iitomoɨ.