JUAN 21

1 Dɨga irui illanona, Tiberíana mamecɨrede jorai fuemo Jesús ie llofueoicaiganodɨcaɨmo dane bairede. 2 Nainomo dɨese itɨcaɨ: Simón Pedro, Tomás, Natanael, cue ama Jacobo, cue, jɨaɨe iaɨmaiaɨ. Tomás mamecɨ jɨaɨcɨdɨ Dídimo. Natanael Galilea ie Caná naɨraɨ imɨe. 3 Simón Pedro caɨmo llote: âLloiji faɨaitɨcue. Naimɨe uai otɨcaɨ: âO dɨga jaitɨcaɨ. âIese raillano, botemo jaidɨcaɨ. Namona naɨo lloijina faɨtɨcaɨ; ia jaca buena oñedɨcaɨ. 4 Monaiacademo, Jesús jorai fuemo bite; iadedɨ naimɨena uiñoñedɨcaɨ. 5 Jesús caɨmo jɨcanote: âCaɨmacɨ, ¿nɨe dɨese llɨcɨaɨna jai otomoɨ? Uai otɨcaɨ: âJaca oñedɨcaɨ. 6 Naimɨe dane uai ote: âOmoɨ bote nabei dɨne omoɨ lloijina faɨno. Ie jira faɨtɨcaɨ. Ailluena llɨcɨaɨ naiemo jilla jira, a aiñonidɨcaɨ. 7 Iena cɨuamona, Pedromo llotɨcue: âCaɨ motomo caɨ Namadɨ ite. Pedro iena cacajano, naimɨe taɨmɨena jira, ie ɨniroi jɨtade. Jesús dɨne naimɨe raɨre rillena, joraimo daiade; 8 iadedɨ botedo bitɨcaɨ. Enɨrue iaɨre illa jira, na llɨcɨaɨmo sonocana, lloijina atɨdɨcaɨ. Nɨbaɨ cien metros oni ite. 9 Jorai fuemo caɨ ria, coocɨmona bonoca iraina cɨodɨcaɨ. Llɨcɨaɨ iraimo ruica jai ite. Llomenico jɨaɨ ite. 10 Jesús caɨmo llote: âOmoɨ oga llɨcɨaɨmona janore atɨ. 11 Ie jira Simón Pedro botemo jaillano, lloijina llɨnuanona, enɨruemo arɨ sonode. Ciento cincuenta y tres jemɨerie jitatɨcaɨ. Ailluena ite; iadedɨ lloiji cuarariñede. 12 Jesús llote: âMai guisaɨbi. âJesúna caɨ uiñua jira: “¿Budɨo?” jaca buna raiñena. 13 Jesúdɨ llomenico dɨga llɨcɨaɨna caɨna ecade. 14 Fiodaillamona jillua facaisemona dacaiño amani caɨmo Jesús jai abɨna bairetate. 15 Guilla mei, Jesús Simón Pedromo llote: âSimón, odɨ Juan jitodɨo. âJɨaɨ jɨcanoteâ ¿Nana o nabaiñɨaɨ baɨfemo cuena isiruitɨo? Simón uai ote: âJɨɨ, Nama, ona cue isiruillana uiñotɨo. Jesús uai ote: âToɨca llaudaɨaɨ uruiaɨna omoɨ raise sedaja isoi, cuena ɨɨnotɨnona raise seda. Naimacɨna cue rafuena raise llofue. 16 Dane llote: âSimón, odɨ Juan jitodɨo. âDane jɨcanoteâ ¿Cuena isiruitɨo? Simón uai ote: âJɨɨ, Nama, ona cue isiruillana uiñotɨo. Jesús dɨnena uai ote: âToɨca llaudaɨaɨ uruiaɨna omoɨ raise sedaja isoi, cuena ɨɨnotɨnona seda. 17 Dane jɨcanote: âSimón, ¿cuena isiruitɨo? âJesús naimɨemo dane jɨcanua jira, “Jesús cue uaina ɨɨnoñede” raillanona, Pedro comecɨ sunaite. Uai ote: âNama, naga rafuena uiñotɨo. Ona cue isiruillana uiñotɨo. Jesús uai ote: âToɨca llaudaɨaɨ uruiaɨna omoɨ raise sedaja isoi, cuena ɨɨnotɨnona seda. 18 Daje rafue omo nia lloitɨcue. O nia conirue facai o ɨniroi dama jɨtadɨo. Ie mei o jitaillanomo jaidɨo. O uaɨcɨroma facaiseconi o onollɨ oni ñuitaitɨo. Ie mei jɨaɨmɨe o ɨniroi ona jɨtajano, o jitaiñenanomo ona uite. Cue lluana ɨɨnocana o jai. 19 Fiodaillena Pedro uiñollena, uicodo Jesús iese llote. Cristo llua isoi, Cristo rafue muidona, illaɨcomɨnɨ Pedrona jɨaɨruido meinetɨmacɨ. Naimɨe fiodaillanona, Jusiñamuina iobitade. 20 Pedro dɨga Jesús nia ñaɨa facaise, Pedro dobaicaillanona, cuena cɨode. Iaɨmaiaɨ jɨnafona racadɨcue. Jesús gaɨamɨedɨcue. Navui caɨ guia, Jesús nia fiodaiñenia, Jesús abɨmo cue ia, Jesúmo jɨcanotɨcue: “¿Bu gaɨtatallɨo?" 21 “Cuena ɨɨnotɨnona seda” Pedromo Jesús llua mei, Pedro dobaicaillanona, cuena cɨuano, Jesúmo jɨcanote: âNama, ¿nɨese naimɨe fiodaite? 22 Jesús uai ote: âNaimɨe nia itemo, cue abɨdo bia, dama iesede. Naimɨe rafuedɨ omo duiñede; ia cue lluana ɨɨnocana o jai. 23 Ie jira creyentiaɨ naie lluana fɨdɨano cuena raitɨmacɨ: âNaimɨe fiodaiñeite. âIese raitɨmacɨ; iadedɨ Jesús iese raiñede. Jesús llote: “Naimɨe nia itemo, cue abɨdo bia, dama iesede. Naimɨe rafuedɨ omo duiñede”. 24 Nana rafuena cɨuano llotɨcue. Iena cuetɨcue. Uanaicɨnuaɨna cuetɨcue. 25 Jesús ailluena jɨaɨe rafuena fɨnode. Nana ie rafue cuegadena, enɨrue baiñede, naie libros eenollena. Mai. Juandɨcue.