Zabuli 126

1 Mndewa Imulungu viyawabwezile ako Sayuni, tona kamba wanhu olota nzozi. 2 Baho milomo yetu imema seko, na milimi yetu imema nyila za deng’ho. Wanhu wa isi ziyagwe walonga, “Mndewa Imulungu kawatendela mbuli ng’hulu!" 3 Mndewa Imulungu katutendela mbuli ng’hulu, tudeng’helela kweli. 4 Go Mndewa Imulungu, ututende kamba vitukalile umwaka, kamba mazi vigokilima mvizanda va Negebu. 5 Waja ohanda kwa mahozi, osenga kwa nyila za deng’ho. 6 Heyo yosola mbeyu za kuhanda akuno kolila, kobwela ukae kwa nyila za deng’ho, kuno kakapa mgelo wa ndiya.