Zabuli 127

1 Kamba Mndewa Imulungu haizenga ng’anda, waja oizenga ogaya bule kusang’hana, Kamba Mndewa Imulungu hadikaliza buga, awo odikaliza ogaya bule kukala meso. 2 Moigaza bule kulamuka ulukwili, na kukawa kuwasa, mweye muigaza kwa ndiya imuja, Kwavija Imulungu kowagwaa awo yowanogela hata kamba wahawasa. 3 Wana awo uhazi kulawa kwa Mndewa Imulungu, wana awo nhunza kulawa kumwake. 4 Kamba misale mumkono wa galu, vivo viweli wana iwolela munhu muubwanga wake. 5 Kamweda munhu yeli na misale ayo mingi. Honda yahumwe yahalonga na iwanhu omwihila mkitala .