Asuki 23

1 Bulus wundyai azapige a Asheshi a Pige yi mai, aku u danai, “Aza a va̱, n rongo ta̱ mai a kapala ka Kashila̱ a aêayin a va̱!" 2 Aku Ananiya Magono ma AÉara̱kpi u zuwai aza Éa aêa̱ri evu n Bulus vi a lapa yi a una̱. 3 Aku Bulus danai, “Kashila̱ ka lapa vu ta̱ avu uza u maci u kaÉan u gbani, dusuku Éa vu dusuki tsa̱ra̱ vu yanka mu afada tyoku Éa Mele ma danai, shegai avu gonoi vu koÉoi Mele mi, kpaci vu zuwai a lapa mu." 4 Aza Éa aêa̱ri evu n Bulus vi a danai, “Magono ma AÉara̱kpi ma Kashila̱ ma va wishisa!" 5 Bulus wushunku le, “Yanka numu ahankuri atoku a va̱, n reve an Magono ma AÉara̱kpi ma wa. Kpaci a korongu ta̱ a da ‘Kotsu uza u wisha uzapige uza Éa wa tono n ama wa.’ “ 6 An Bulus wenei Asheshi a Pige yi aza roku aza a Sadusi a Éa aza roku kpam Afarishi, aku u êya̱nga̱sa̱i kala̱ga̱tsu u danai, “Aje a va̱, mpa Kafarishi ka ilimaci i Kafarishi. An u wokoi n zuwai katakasuvu ka va̱ a asu u uêya̱nga̱ u ukpa̱, Éa i zuwai a ka yanka mu afada." 7 An u danai nala, aku kananamgbani ka uwai a mere ma aza a Sadusi n Afarishi hal kaÉolo ki ka pecei kure. 8 Aza a Sadusi a wushuku n uêya̱nga̱ u ukpa̱, n atsumate a eri, n aêulu wa, shegai Afarishi a wushuku ta̱ n ili i nala yi gba̱. 9 Aku kacan ka êya̱nga̱i cika, awenishiki a Mele aza Éa aêa̱ri Afarishi a êya̱nga̱i a ka Éa̱nga̱ Bulus a danai, “Tsu wene unyushi u vuma u na vi wa, ko kenu. Gaawan kulu ko kpam katsumate ka zuba ka roku ka ka yanka yi kadyanshi." 10 An kacan ki ka̱ri uyan ushani, aku ama yi aêa̱ri uvinga̱sa̱ Bulus apashi a re gba̱. Pini nala, uzapige u kuvon u aza a Roma u zuwai asoje a wushi Bulus a akere a le, kotsu a banka yi a kuwa ku asoje. 11 N kayin ka nala ki, Yesu Asheku u wenikei kaci ka ne ara Bulus, u danai, “Lya kapala n ugbami u asuvu. Tyoku Éa vu yain kadyanshi ka va̱ pini naha a Urishelima, u ka̱na̱ ta̱ kpam vu yain ka a Roma." 12 An kain ka wansai, aku aza a Yahuda a roku a foÉusoi tsa̱ra̱ a wuna yi. A tsinai a da a ka lya ko a soi wa, she a wuna Bulus. 13 Aza Éa a yain afoÉi a cingi a nala yi a la ta̱ ama amangare. 14 Aku a banai a asu u aÉara̱kpi a pige n azapige a tonuko le, “Tsu tsina ta̱, tsu da tsa lya ili ko tsu soi wa, she tsu wuna vuma u nala vi. 15 EÉa̱ n Asheshi a Pige, she i tonuko uzapige u kuvon u aza a Roma u tuko yi pini na a asu u Asheshi, aku i yain yavu ciga Éa ya ciga i doku i veci ukuna vi sawu. A̱tsu kpam ufoÉusi u Éa tsa̱ri tsu pite yi a ure tsa̱ra̱ tsu wuna yi." 16 Kalobo ka utaku u Bulus ka pana ta̱ ukuna u Éa a sheshei vi, aku u banai a kuwa ku asoje ki u tonuko yi ukuna vi. 17 Pini nala, Bulus isa̱i katigi ka te u tonuko yi, “Banka kalobo ka na a asu u uzapige u kuvon, Wa̱ ta̱ n ukuna u Éa wa tonuko yi." 18 Aku vuma vi u wushuki u bankai kalobo ki ara uzapige u kuvon vi. Pini nala, katigi ki ka tonukoi uzapige u kuvon vi u danai, “Vuma Éa wa̱ri a kuwa ku aêali ku nala ki uza u kala Bulus vi, aya u zuwa mu n tuko kalobo ka na ara vunu, u da wa̱ ta̱ n ili iêya wa ciga u tonuko vu." 19 Aku uzapige u kuvon vi u ka̱na̱i kukere ku kalobo ki u banka yi paki, u wece yi, ‘Ndya va ciga vu tonuko mu vi?" 20 Kalobo ki ka danai, “Ama roku a Éa pini a sheshei a ka ciga a banka le Bulus a asu u Asheshi a Pige a aza a Yahuda nakpan. A ka yan ta̱ yavu a ka ciga a doku a veci ukuna vi mai. 21 Shegai kotsu vu yain nala wa! Kpaci ama Éa pini a la ta̱ ama amangare a ka pite yi tsa̱ra̱ a wuna yi. A tsina ta̱ a da a ka lya ko a soi wa, she a wuna yi. Gogoâna alya pini ufoÉusi, a Éa a ka vana vu wushunku le." 22 Aku uzapige vi u tonuko yi, “Kotsu vu a̱sa̱ka̱ uza u reve an vu tonuko mu ukuna u na vi wa.” Pini nala, u tonuko yi u wala. 23 Uzapige u kuvon vi u isa̱i atigi a re a tuwa̱, aku u tonuko le, “Tonukoi asoje amangatawanre (200) a foÉuso a bana a Kasariya n ulapa u uwule u kuci u kayin ka ara, n asoje a adoki amangatatsunkupa n asoje a amangatawanre (200) a kuvon na̱ nsari n le. 24 EÉa̱ kpam i zami kadoki ka Bulus wa yuwa̱. Kotsu i banka yi ara Feli gomuna, bawu ko i te iêya ya gita̱ n eyi." 25 Aku uzapige vi u korongi ukanikorongi u na ubana ara gomuna vi. U danai, 26 “Mpa Kaladiyu Lisiya, ma sukunku uzapige Feli gomuna idyani. 27 Aza a Yahuda a roku a Éa a ka̱na̱i vuma u na, hal a ka ciga a wuna yi. Shegai an n vecei ukuna vi, n revei an vuma vi uza u uyamba u Roma u Éa, aku mpa n asoje a va̱ tsu wusa yi. 28 Aku n banka yi a asu u Asheshi a Pige, tsa̱ra̱ a veci unyushi u Éa u yain vi. 29 Pini nala, n cinai unyushi u Éa a ka̱na̱ yi n u Éa vi u Mele ma le u Éa, u rawa gba̱m a ka sira ko a wuna yi wa. 30 Shegai an vuma roku u tonuko mu ukuna u cingi u Éa a foÉusoi a kaci ka ne, Éa i zuwai n sukunku yi ara vunu kuteâkute. Aku n tonukoi aza a kadyanshi yi a tuwa̱ a dana unyushi u Éa a wenei u yain vi ara vunu." 31 Asoje yi a yain ili iêya a danai a yain. N kayin ka nala ka a bidyai Bulus ubana a ilyuci i Antipatari. 32 An kain ka wansai, aku asoje a Éa a ka wala a aêene yi a gonoi a kuwa ku asoje ku le, a a̱sa̱ka̱i asoje a Éa a ka wala̱ka adoki yi a lazai n eyi ubana a Kasariya. 33 An a rawai a Kasariya, aku a na̱ka̱i gomuna vi Bulus n ukanikorongi vi. 34 Pini nala, Feli gomuna u yain ka̱neshi u ukanikorongi vi, u wecei Bulus eyi uza u uyamba u eni u Éa. Aku u wushunku yi, “Kilikiya." 35 Pini nala, gomuna wushunku yi, “Ma pana̱ka vu ta̱ aêayin a Éa baci dem aza Éa a sapula vu vi a rawai. An u danai nala, aku u zuwai a kpada yi a asuvu a kuwa ku tsugono ka Hiridu magono u mai.