Asuki 24

1 An aêayin a tawun a wurai, aku ama roku a rawai a Kasariya, tsa̱ra̱ a dana ili iêya Bulus yain. Alya Ananiya Magono ma AÉara̱kpi kaÉolo n azapige a aza a Yahuda a roku n karevi ka mele ka roku uza u kala Taratulu. 2 An a isa̱i Bulus u uwa a asuvu, aku Taratulu gita̱i utonusuko gomuna vi ili iêya Bulus yain, u danai, “Uzapige Feli, adama a ugboji u vunu, Éa i zuwai ama a tsunu aêa̱ri na̱ ndishi n shinga tun ara wa. Adama a Éa kpam va̱ri n uwene u mÉa̱ri, Éa i zuwai ama a tsunu a ka pana kayanyan ka ndishi n ulya u kapala. 3 Ama ko nte wa a ka cikpa vu ta̱ bawu utyoku. 4 Shegai adama a Éa bawu ma ciga n wowotongusu vu, ma folo vu adama a ugboji u Éa va̱ri n u Éa, vu pana̱ka tsu a asuvu a aêayin a kenu a na yi tsu dana ili iêya vuma u naha vi u yain. 5 “Vuma u na vi kashila̱ka̱ni ka, tsu cina yi ta̱ wa êya̱nga̱sa̱ atakasuvu a aza a Yahuda a likimba gba̱, kpam aya wa tono n kaÉolo ka aza Éa a ka isa̱ Aza a Nazara. 6 Hal gba̱m wa ciga u nangasa Kuwa ku Kashila̱, aku tsu ka̱na̱ yi. [ 7 Tsa ciga tsu yanka yi afada n Mele ma tsunu, shegai Lisiya uzapige u kuvon u aza a Roma u wusa yi ara tsunu. Aku u zuwai tsu tuko kadyanshi ki a kunu ku afada ku vunu.] 8 “Vu vece yi baci n kaci ka vunu ben, va fuÉa ta̱ va reve an ukuna u Éa tsu tukoi a kaci ka ne ki mayun Éa." 9 Aku aza a Yahuda a Éa a buwai a wushuki n ili iêya Taratulu danai. 10 Aku gomuna vi u yankai Bulus kukere u yain kadyanshi. Pini nala, u gita̱i u danai, “Uzapige, n reve ta̱ vu yanka ta̱ ama ushani aza a uyamba u na afada a ayen ushani, kpam n yan ta̱ maza̱nga̱ an ma wutukpa̱ kaci ka va̱ a kunu ku afada ku vunu. 11 Vu vece baci, va laza ta̱ va reve an kotsu u lai aêayin kupa n a re, an n banai a Urishelima ulya u kayala a Kuwa ku Kashila̱ wa. 12 N yan kananamgbani n uza roku a Kuwa ku Kashila̱ wa, ko kpam n êya̱nga̱sa̱ atakasuvu a ama a agata a Kashila̱ ko kpam a asu u roku wa. 13 Ama a naha a ka fuÉa a ka dana ili iêya a ka dansa na vi mayun Éa wa. 14 Ili i te iêya n revei iêya, an ma tono Kashila̱ ka isheku i tsunu a ure u Éa a danai kaÉan ka vi, kpam n wushuki an gba̱ ili iêya iêa̱ri ukorongi a asuvu a tagara̱da u Mele ma Musa na̱ i Ntsumate. 15 N zuwa ta̱ katakasuvu ka va̱ a asu u Kashila̱, tyoku Éa aza Éa a sapula mu na vi a zuwai, a da a ka êya̱nga̱sa̱ ta̱ akushe aza a shinga n aza a cingi a ukpa̱. 16 Adama a nala a Éa ma̱ri a ukirana kain dem tsa̱ra̱ n yain ili iêya iêa̱ri i maci, kpam katakasuvu ka va̱ ka rongo na̱ ndishi n shinga a asu u Kashila̱ n ama. 17 “N Éa̱ra̱kpa̱ n ugono a Urishelima wa, ma̱ri ta̱ a kateshe ayen ushani. N gonoi n ikebe tsa̱ra̱ n na̱ka̱ ama a tsunu aza a unambi, kpam n na̱ka̱ kune a asu u Kashila̱. 18 Mpa pini a uyan nala a Kuwa ku Kashila̱ ki, cina n kotso Ée uwulukpe kaci ka va̱, aku a cina mu pini, kpam kakuma̱ ka ama ka̱ pini wa. 19 Shegai aza a Yahuda a roku a Éa pini aza a uyamba u Asiya, alya wa̱ri u gain a tuko kadyanshi ka va̱ ara vunu aêa̱ baci n ili iêya a ka dana a kaci ka va̱. 20 Ko kpam a̱sa̱ka̱ aza Éa a sapula na vi, a dana unyushi u Éa Asheshi a Pige a tsa̱ra̱ mu n u Éa aêayin a Éa a yanka mu afada a Urishelima. 21 Kadyanshi ka a ka fuÉa a dana a kaci ka va̱ ka na koshi, an n salai n danai ukuna u na a kunu ku afada ku le; ‘Adama a kadyanshi ka uêya̱nga̱ u ukpa̱ u Éa a ka yanka mu afada a kapala ka Ée ara.’ “ 22 Feli gomuna tani u reve ta̱ ili ushani a Ure u Asheku, aku u shamkpa le u danai, “Shamgbai she aêayin a Éa Lisiya Uzapige u Kuvonâ  u tuwa̱i, aku n kiÉa̱ga Éa̱ ugana." 23 Aku u zuwai katigi ka roku ka wundi yi, u tonuko yi kotsu u gida̱ku yi wa, kpam u Éishinka aje a ne utuwa̱ a Éa̱nga̱ yi wa. 24 An a yain aêayin, aku Feli tuwa̱i n uka u ne uza u kala Durusila, kpam uza u Yahuda u Éa. A suki vuma roku u tuko Bulus, pini nala, a zuwuka yi atsuvu a ka pana kadyanshi ka upityanangu n Yesu Kawauwi. 25 Aku Bulus tonuko le ukuna u uyan ili i shinga, n u ka̱na̱ kaci, kpam n kain ka afada ka ka tuwa̱. An u panai nala, aku uwonvo u ka̱na̱ yi cika, u tonukoi Bulus, “Gogoâna u rawa ta̱ ve. Wala. Shegai n tsa̱ra̱ baci kabala, ma isa̱ vu ta̱ vu tuwa̱." 26 Feli tsu sukunku ta̱ Bulus tuwa̱ u dansa n eyi, kpaci u zuwa ta̱ uma wa tsa̱ra̱ ta̱ ikebe ara ne. 27 An ayen a re a wurai, aku a takpai Feli gomuna, a na̱ka̱i Posiya Fesutu u wokoi gomuna. Shegai an Feli wa ciga kala ka shinga a asu u aza a Yahuda, aku u a̱sa̱ka̱i Bulus pini a kuwa ku aêali.