Luka 18

1 Aêa̱ri pini, Yesu yankai atoni a ne agisani tsa̱ra̱ u wenike an u gain a rongo a uyansa kavasu bawu ubula̱. 2 U danai, “A ilyuci i roku a yan ta̱ uza u afada u roku uza Éa bawu wa pana uwonvo u Kashila̱, kpam u wula̱ uza wa. 3 A ilyuci yi tani, mara̱na̱ ma roku ma pini uza Éa u rongoi ubansa ara ne n u foli u yanka le afada a Éa aêa̱ri dere a mere ma ne n utokulalu u ne. 4 “Wa̱ri u êyuwan ta̱, shegai u tuwa̱i u danai a katakasuvu ka ne, ‘Ko u wokoi bawu ma pana uwonvo u Kashila̱, kpam ko bawu n wula̱i uza, 5 tyoku Éa mara̱na̱ ma na ma damgbara̱sa mu ma yanka le ta̱ afada a Éa aêa̱ri dere. Kute wa, wa togboluso mu ta̱ n utuwusa̱ kure kure.’ “ 6 Aku Asheku a danai, “Panai ili iêya uza u afada u cingi u na vi u danai. 7 Ya wundya Kashila̱ ka yanka aÉangi a ne a Éa a ka sa̱ka̱ yi kaara n kayin ukuna u Éa wa̱ri dere wa? Wa Éa̱ra̱kpa̱ a asu u uwushunku le Éa? 8 N tonuko Éa̱, wa yanka le ta̱ ukuna u Éa wa̱ri dere gogo. Shegai, aêayin a Éa baci mpa Maku ma Vuma n tuwa̱i, ma cina gba̱m ama ushani n upityanangu a likimba?" 9 Yesu yanka le agisani a aza roku aza Éa a bidyai kaci ka le ama a maci a Éa, aku a goroi aza Éa a buwai. U da, 10 “Ama a roku ama a re, a uwai a Kuwa ku Kashila̱ uyan kavasu. Uza u te Kafarishi ka, uza u ire tani kawushi ka utafa. 11 Kafarishi ki ka êya̱nga̱i ka shamgbai ka yanka kaci ka ne kavasu ka na ki, u da, ‘Kashila̱, n cikpa vu ta̱ an u wokoi mpa ma̱ tyoku u ama Éa a buwai wa. Wata, aza a maga̱la̱ka̱, aza Éa bawu a ka yan dere, ashankala, ko kpam tyoku u kawushi ka utafa ka na ki. 12 N tsu yan ta̱ kakuli kure a asuvu a aêayin a shindere. Kpam n tsu wutukpa̱ ta̱ u te a asuvu a kupa a ili iêya baci dem n tsa̱ra̱i.’ 13 “Kawushi ka utafa ki tani ka̱ri kushani dan. U wushuku gba̱m u gaÉigba kaci ka ne a zuba wa, shegai u shamgbai wa lapa makamba ma ne adama a katsuma̱ ka lima̱, n u dansi, ‘Kashila̱, pana asuvayali a va̱, mpa uza u unyushi u cingi u Éa.’ 14 “N tonuko Éa̱, kawushi ka utafa ka na ka gono ta̱ a kuwa n katakasuvu ka ne dere a kapala ka Kashila̱. Tyoku uza niÉe u Éa wa. Kpaci uza Éa baci u bidyai kaci ka ne ili i roku, a ka vakunku yi ta̱. Uza Éa baci kpam u vakunki kaci ka ne, a ka êya̱nga̱sa̱ yi ta̱." 15 Aêa̱ri pini, ama a ka tukuso Yesu mmuku n kenu n kenu kotsu u sawa le. An atoni a ne a wenei nala, a Éarana le. 16 Shegai u isa̱i mmuku ara ne u danai, “A̱sa̱ka̱i mmuku n tuwa̱ ara va̱, Éishinka le wa. Kpaci tsugono tsu Kashila̱ tsu icun i le tsa. 17 Mayun n tonuko Éa̱, gba̱ uza Éa baci bawu u wushai tsugono tsu Kashila̱ tyoku u maku ma kenu, wa uwa tsa wa." 18 Uzapige u roku u wecei Yesu, “Kawenishiki ka shinga, ndya ma yan n tsa̱ra̱ uma u Éa bawu wa̱ri n utyoku?" 19 U wushunku yi, “Ndya i zuwai vu isa̱ mu uza u shinga? Uza u shinga wa̱ la wa, she Kashila̱ koshi. 20 Vu reve ta̱ gai Mele ma na mi: ‘Kotsu vu vaku n uka Éa bawu wa̱ri u vunu wa. Kotsu vu wuna uma u vuma gbani wa. Kotsu vu boko wa. Kotsu vu sira̱ka kaÉan kaÉetsu wa. Vu na̱ka̱ tata na̱ mma u vunu tsupige.’ “ 21 Aku uzapige vi u danai, “Tun mpa kenu Éa ma̱ri a utono ili i na yi." 22 An Yesu panai nala, u tonuko yi, “Hal n gogoâna ili i te iêya pini i gusa̱ vu. Denge gba̱ ili iêya va̱ri n iêya, vu pecike aza a unambi. Va yan ta̱ n utsa̱ri a zuba. Aku vu tuwa̱ vu tono mu." 23 An u panai nala, ukuna u Éa̱la̱ yi cika, kpaci uza u utsa̱ri u Éa cika. 24 Yesu wundyana yi u danai, “U wuyana tani n ni uza u utsa̱ri u uwa a tsugono tsu Kashila̱! 25 U la ta̱ shana karakuma ka wura a kpele ka kujulu, n u Éa uza u utsa̱ri wa uwa a tsugono tsu Kashila̱." 26 Aza Éa a panai kadyanshi ki a danai, “Nala baci, ya wa̱ la vi wa tsa̱ra̱ iwauwi?" 27 Shegai Yesu danai, “Ili iêya baci bawu vuma wa fuÉa wa yan, Kashila̱ ka fuÉa ta̱ ka yan iêya." 28 Bituru danai, “A̱tsa na tsu a̱sa̱ka̱ Ée gba̱ iêya tsa̱ri n iêya, tsu tono vu." 29 Yesu tonuko le, “Mayun n tonuko Éa̱, uza u fuÉa baci u a̱sa̱ka̱i kuwa ku ne, u a̱sa̱ka̱i uka u ne, u a̱sa̱ka̱i atoku a ne, u a̱sa̱ka̱i kpam isheku i ne, wa̱ ta̱ n katsupi. Uza u fuÉa baci dem u a̱sa̱ka̱i mmuku n ne gba̱ adama a tsugono tsu Kashila̱, 30 wa wusha ta̱ ili iêya i lai iêya u a̱sa̱ka̱i aêayin a gogoâna. Kpam n aêayin a Éa a ka tuwa̱, wa wusha ta̱ uma u Éa bawu wa̱ri n utyoku." 31 Yesu isa̱i Kupanamere yi paki, u tonuko le, “A̱tsa na tsa bana a Urishelima. Gba̱ ili iêya iêa̱ri ukorongi a kaci ka Maku ma Vuma a akere a ntsumate ya shaÉangu ta̱. 32 Kpaci a ka neke yi ta̱ a akere a Awulawa, a yanka yi majari, a goruso yi, a cikpunka̱ yi ata̱tsa̱. 33 A ka bawan yi ta̱, a wuna yi, aku u êya̱nga̱ a kain ka tatsu." 34 Shegai ko ukuna u te a fuÉa a reve a asuvu a ili iêya u tonoi vi wa. Kpaci sokongu Éa a sokongi u Éa, a reve ili iêya u danai wa. 35 An Yesu yain evu n Jeriko, karumba̱ ka roku ka̱ri a ikengi i ure wa folo. 36 An u panai kakuma̱ ka ama a ka wura, aku u wecikei ko ndya a ka yan. 37 A tonuko yi, “Yesu uza u Nazara Éa wa wura." 38 U êya̱nga̱sa̱i kala̱ga̱tsu u danai, “Yesu Maku ma Dawuda, pana asuvayali a va̱!" 39 Aku aza Éa aêa̱ri a kapala a Éarana yi u paÉa. Shegai u lapulai u salai cika, “Maku ma Dawuda, pana asuvayali a va̱!" 40 Aku Yesu shamgbai, u zuwai a tuko yi ara ne. An u raÉai evu n eyi, u wece yi, 41 “Ndya va ciga n yanka vu?” U danai, “Asheku, ma ciga n wene asu." 42 Yesu tonuko yi, “Wene asu, upityanangu u vunu u ta̱na̱sa̱ vu Ée." 43 Kuteâkute u wenei asu. U tonoi Yesu n u cikpala̱si Kashila̱. An ama a wenei nala, ele dem a cikpalai Kashila̱.