Luka 6

1 Kain ka te n kain ka Ashibi, Yesu wa wura ashina a ilya kaÉolo n atoni a ne, pini nala, atoni yi a gita̱i ukoÉuso aratu a ilya n a yuruwi n a takumi. 2 Afarishi a roku a danai, “Ndya i zuwai ya yan ili iêya i nangasai mele ma Ashibi?" 3 Yesu wushunku le, “EÉa̱ kotsu i yan ka̱neshi u ili iêya Dawuda yain, aêayin a Éa u panai kambulu, eyi n aje a nwalu a ne wa? 4 An u uwai a Kuwa ku Kashila̱, u bidyai iburodi i uwulukpi u takumai. Ili iêya aÉara̱kpi a Éa koshi a wushunki a takuma. Kpam u na̱ka̱i aje nwalu n ne i roku." 5 Pini nala, u tonuko le, “Maku ma Vuma ma Asheku a kain ka Ashibi." 6 Kain ka Ashibi ka roku, Yesu uwai a kagata ka Kashila̱ wa̱ri a uwenishike. Pini a asuvu yi, uza roku u Éa pini uza Éa ili i soi kukere ku ulyaki ku ne. 7 Aku awenishiki a Mele n Afarishi a ka putsa̱ yi ko wa ta̱na̱sa̱ yi n kain ka Ashibi ki, kotsu a tsa̱ra̱ unyushi u Éa a ka ba a sapula yi. 8 Eyi tani u revei uyawunsa u le, aku u tonukoi vuma vi, “êYa̱nga̱ vu shamgba a mere.” Aku u êya̱nga̱i u shamgbai. 9 U tonuko le, “Ma wece Éa̱, ndya iêa̱ri dere kain ka Ashibi? A yain ili i shinga, ko a yain i cingi? A wauwa uma, ko a wuna u Éa?" 10 Aku u lingana le gba̱ le, u tonukoi vuma vi, “Ba̱ra̱kpa̱ kukere ku vunu.” U ba̱ra̱kpa̱i kukere ki, aku ku ta̱na̱i. 11 A panai upan cika, a gita̱i usheshe tyoku Éa a ka yan n Yesu. 12 Aêayin a nala yi, Yesu wuta̱i u yuwa̱i masasa tsa̱ra̱ u yain kavasu. U rongoi uyan kavasu ubana a asu u Kashila̱ hal kain ka wansai. 13 An kain ka wansai, u isa̱i atoni a ne, aku u Éanga̱sai kupa n ama a re a asuvu a le, u isa̱ le asuki. 14 Alya Simo (uza Éa u isa̱i Bituru) n utoku u ne Andurawu n Yakubu, n Yahaya, n Filibu, n Batalamawu. 15 U Éanga̱sa ta̱ dem Matiyu, n Toma n Yakubu maku ma Halfa, n Simo uza Éa a ka isa̱ Ziloti. 16 U Éanga̱sai kpam Yahuza maku ma Yakubu, n Yahuza Isikariyoti uza Éa u tuwa̱i u neke yi. 17 Aku u gida̱la̱i kaÉolo n ele, u shamgbai a asu u Éa wa̱ri kateshe. Kakuma̱ ka atoni a ne, n kakuma̱ ka ama ushani a tuwa̱i a pana̱ka yi, tsa̱ra̱ a ta̱na̱sa̱ le. A wutusa̱i a uyamba u Yahuda n Urishelima, n aza Éa aêa̱ri a Taya n Sida u una̱ u kushiva̱. 18 N aza Éa ityoni i cingi ya yan mavura dem, a ta̱na̱sa̱ le. 19 Gba̱ ama yi a ka ciga a sawusa yi, kpaci ucira wa wutusa̱ ta̱ a asuvu a ne, u ta̱na̱sa̱ le gba̱ le. 20 Aku Yesu gaÉigbai kaci ka ne, u weÉelei atoni a ne, u danai: “EÉa̱ aza a una̱ u shinga a Éa, eÉa̱ aza a unambi, kpaci tsugono tsu Kashila̱ tsu Ée tsa. 21 EÉa̱ aza a una̱ u shinga a Éa, eÉa̱ aza Éa ya yan kambulu gogoâna, kpaci a ka cuwa̱ta̱ngu Éa̱ ta̱. EÉa̱ aza a una̱ u shinga a Éa, eÉa̱ aza Éa ya sa̱ gogoâna, kpaci ya dosuso ta̱. 22 EÉa̱ aza a una̱ u shinga Éa, aêayin a Éa ama a êyuwan Éa̱, a wutukpa̱ Éa̱ a asuvu a le, a wisha Éa̱, a panai icaÉi i Ée adama a va̱ Maku ma Vuma. 23 “Pelei a kain ki, i raÉugusu n maza̱nga̱, kpaci katsupi ka malen ma manyan ma Ée ka̱ ta̱ ushani a zuba. Nala dem akaya a le a yankai ntsumate. 24 “Shegai ter Ée eÉa̱ aza a utsa̱ri, kpaci i wusha Ée upana u kayanyan u Ée. 25 Ter Ée, eÉa̱ aza Éa iêa̱ri n ucuwi gogoâna, kpaci ya tuwa̱ ta̱ i yain kambulu. Ter Ée, eÉa̱ aza Éa ya dosuso gogoâna, kpaci ya namgba ta̱ katsuma̱, kpam i sa̱i. 26 Ter Ée, eÉa̱ aza Éa ama a ka cikpala̱sa, kpaci nala dem akaya a le a cikpala̱sai ntsumate n kaÉan." 27 Yesu doki u danai, “Shegai n tonuko Éa̱, eÉa̱ aza Éa ya pana̱ka mu, i cigi atokulalu a Ée, i yanka aza Éa a êyuwan Éa̱ ukuna u shinga. 28 I zuwuka aza Éa a ka wishisa Éa̱ una̱ u shinga. Aza Éa a ka kovo Éa̱ kpam i yanka le kavasu. 29 Uza Éa u Éasa vu a kagbaguzu ka te, kpatala̱ka yi ka ire ki. Uza Éa u wusa vu kunya, kotsu vu Éishinka yi matogo ma vunu wa. 30 Gba̱ uza Éa baci u folo vu ili, vu na̱ka̱ yi. Uza Éa baci kpam u wusa vu ucanga, kotsu vu boli iêya wa. 31 Yankai ama tyoku Éa ya ciga a yanka Éa̱. 32 “Aza Éa a ka ciga Éa̱ alya baci ya ciga koshi, katsupi ka malen ma manyan ka eni ka ya tsa̱ra̱? Ko aza a unyushi u cingi dem a ka ciga ta̱ aza Éa a ka ciga le. 33 Aza Éa baci a ka yansa̱ka Éa̱ ukuna u shinga a Éa baci ya yanka ukuna u shinga koshi, katsupi ka malen ma manyan ka eni ka iêa̱ri n ka? Ko aza a unyushi u cingi dem nala a ka yansa. 34 Kpam aza Éa baci i wenei a ka tuwa̱ a tsupa Éa̱ a Éa baci ya na̱ka̱ akopi, katsupi ka malen ma manyan ka eni ka iêa̱ri n ka? Ko aza a unyushi u cingi dem, a tsu na̱ka̱ ta̱ aza a unyushi u cingi akopi, tsa̱ra̱ a tsupa le dere. 35 Shegai i cigi atokulalu a Ée, i yanka le ukuna u shinga. Na̱ka̱i akopi, kotsu i zuwa aêeshi a tsupa Éa̱ wa. Katsupi ka malen ma manyan ma Ée kpam ka yan ta̱ ushani. Ya woko ta̱ kpam mmuku n Kashila̱ ka Zuba, kpaci eyi uza u ukuna u shinga u Éa a asu u aza Éa bawu a tsu cikpa n aza a cingi. 36 I woko aza a asuvayali, tyoku Éa Tata u Ée wa̱ri uza u asuvayali." 37 Yesu doki u danai, “Kotsu i taÉanku uza unyushi wa, adama a Éa a ka taÉanku Éa̱ dem. I kiÉa̱ga uza ugana wa, adama a Éa a ka kiÉa̱ga Éa̱ dem. I cimbusa̱ unyushi u Éa a yanka Éa̱, kotsu a cimbusuka̱ Éa̱ dem. 38 Na̱ka̱i, kotsu a na̱ka̱ Éa̱ dem: kakundatsu ka shinga ka a shaÉangi, a sovonoi, a colukpoi hal ka wotsongusu. Aku a tsunku Éa̱ a matogo. Kakundatsu ka i kundunki ka a ka kundunku Éa̱." 39 U yanka le agisani a roku u danai, “Karumba̱ ka fuÉa ka rono utoku u ne karumba̱? Ama a re a le gba̱ she a rukpa̱ a kaÉa̱ka̱ wa? 40 Karotsongishi ka tsu la kawenishiki ka ne wa. Shegai uza Éa baci a wenishikei mai, she u woko tyoku u kawenishiki ka ne. 41 “Ndya i zuwai va wundya macuku ma kenukulu ma ma̱ri a keshi ka utoku u vunu, aku vu kpa̱Éa̱i ukirana n kagbukulu ka ka̱ri a keshi ka vunu? 42 NiÉa va fuÉa vu tonuko utoku vunu, ‘Utoku u va̱, a̱sa̱ka̱ n takpa vu macuku ma ma̱ri a keshi ka vunu,’ avu tani vu wene kagbukulu ka ka̱ri a keshi ka vunu wa? Avu uza maci u kaÉan, gita̱ ve vu takpa kagbukulu ka ka̱ri a keshi ka vunu, aku vu wene mai tyoku Éa va takpa macuku ma ma̱ri a keshi ka utoku u vunu." 43 Yesu doki u danai, “MaÉanga ma shinga ma̱ la ma ma matsa ilimaci i cingi wa, maÉanga ma cingi ma̱ tani la ma ma matsa ilimaci i shinga wa. 44 Kpaci maÉanga dem, a ilimaci i ne iêya a tsu reve ma. A tsu ta ilimaci i kapopi a kawana wa, ko kpam cinwi a kaworo wa. 45 Vuma u maci u tsu wutukpa̱ ta̱ ili iêya iêa̱ri i shinga a katakasuvu ka shinga ka ne. Vuma u cingi tani a asuvu a katakasuvu ka ne ka u tsu wutukpa̱ ili i cingi. Kpaci ili i ushani iêya iêa̱ri a katakasuvu ka vuma, iêya u tsu dansa." 46 Yesu doki u danai, “Adama a iyen a Éa ya isa̱ mu ‘Asheku, Asheku,’ kpam ya yan tani ili iêya n tonuko Éa̱ i yain wa? 47 Gba̱ uza Éa baci u tuwa̱i ara va̱, wa pana̱ka mu, aku wa tono udani u va̱, ma wenike Éa̱ ta̱ ucun u ne. 48 Wa̱ ta̱ tyoku u uza Éa wa ma kuwa, u ga̱va̱i lyungu-lyungu, aku u zuwai cuku tsi a katali ka upeti. An aga̱ta̱ a wayai, mini ma aga̱ta̱ ma lapai ubana a kuwa ki. Shegai ma gba̱Éa̱ ka wa, kpaci a ma ta̱ ka mai. 49 Shegai uza Éa u panai kadyanshi ka va̱ u êyuwain ka uyanka manyan, wa̱ ta̱ tyoku u uza Éa u mai kuwa a kayala, bawu u zuwai cuku tsu maci. Aêayin a Éa mini ma aga̱ta̱ ma lapai ka, kuteâkute aku ku rukpa̱i ku yuruwai yukuyuku."