LUKA 14

1 Sabata hombaŋ mocko farisaio jaŋere micne bapa moczi Jesu nânâre hefâreme ficticnao fewec. Eme ŋic gâcnezi ijaha mâmâc ŋehuc dâŋticnere ruc bambiŋ. 2 Ehame ŋic moc sisiwiŋ sâko ecneweczi mi ferâ ijaha domazejec i. 3 Eme Jesuzi honerâ sâcmutâc mamana â farisaio wio-jarerâ muwec: “Ŋoŋe muniŋ, sabata hombaŋko ŋicko bâbâpiaŋ gie bapane fokac me mâcne?" 4 Mume niniŋkerâ ŋembiŋ. Iŋuc epie menezi ŋic bâuahuc bâpiaŋkerâ soreme rawec. 5 Eme ficko ŋembiŋ jaŋe šiŋuc jazawec: “Motec me bulimakao-ŋeŋic moc hombaŋko nombâŋko hume behepie ŋeocmu, me hombaŋkoa sifu fârepie wefuocmu?" 6 Indiŋ-jopame dâŋ ŋifecne âzâcneniŋte basarâ behembiŋ. 7 Eme ŋic gâcne nânâre mâmâc hefârec-jopakicne jaŋe ŋeŋe mai jaha maŋjeŋicte erâ biac ŋepie honec-joparâ sâc hehuc dâŋ šiŋuc jazawec: 8 “Go ŋic moczi tiwâ bâzire hefârecgume maŋgere ŋeŋe mai jaha mi ŋezemec. Iŋuc ehaŋtecne hefârec-jopakicne gâcne jaŋeraonec gore femicne moczi fisime 9 tiwâ runezi go šiŋuc gazaocmu: I ere ŋeŋe, go rârierâ ŋec. Ž Gazame ŋeŋe rârâpe ŋehuc gâgâmârâcmu.</span> <span class="bch-verse" data-verse="10"><span class="verse-num">10</span> Mâcne, moczi hefârecgume go ŋeŋe rârâpe ŋezemec. Ŋehaŋtecne tiwâ runezi honecgurâ šiŋuc gazaocmu: Âgo, go ferâ ŋeŋe mai jaha ŋec. Ž Iŋuc gazame ŋic gâcne jaŋere maio bubiaŋ manacmu. 11 Moc e e jahacne maŋte feme bawahazo, â moc e e jahacne maŋte wahame bafezo." 12 Iŋuc murâ ŋic hefârewec e šiŋuc âzâcnewec: “Go tiwâ bâzi rikerâ âgo bagofâcge me seŋ sâme hahac ɋafâcge me haefâcge fekicne mi hefârec-jopazemec. Jaŋe tiwâ bâzire hefârec-jopatec go iŋuc jaha hefârecgurâ tofa bazu-garepie taraocmu. 13 Iŋuc mâcne, tiwâ bâzi rikerâ waha qaqane â kike demba, šeke puriŋ â tiŋtuŋ, iŋucne hefârec-jopazemec. 14 Eme šiŋucte manariŋguzo: Tofa i mâc fome juku mitiŋic fafahare dameŋ-jeŋicko Anutuzi bazu-gareocmu." 15 Mume nânâ nâhuc ŋembiŋ jaŋeraonec moczi dâŋ i manarâ šiŋuc muwec: “Anuture uucmaŋko nânâ nâocmu ŋic iŋucnere manape šerine ekac." 16 Mume Jesuzi binaŋ moc šiŋuc bawec: “Ŋic moczi tiwâ bâzi sâko qame fisime ŋic bocjaha hefârec-jopawec. 17 Erâ wiac bâmocke-fârerâ ŋic šâfo ejarekicne jaŋerao kiŋaŋ motec-ticne soreme rarâ šiŋuc jazawec: Wiac rike bâmoc efârekicnere wareniŋ. Ž</span> <span class="bch-verse" data-verse="18"><span class="verse-num">18</span> Jazame jaŋe wiac kosao ɋetickehuc qikiŋne-fârembiŋ. Ehuc moc e muwec, No mâreŋ moc furine bapo izi fârecnukacte honezo rakopac, go irec ŋicbomboŋge âzâcnetec maname mi sâqorezejec. Ž 19 Á moc e muwec, No bulimakao 10 furine bac-jopapo i ra amec-jopa warepemu, go irec ŋicbomboŋge âzâcnetec maname mi sâqorezejec. Ž</span> <span class="bch-verse" data-verse="20"><span class="verse-num">20</span> Á moc e muwec, No ŋokac ropore wemocko fâpemu. Ž 21 Iŋuc mupie kiŋaŋ moteczi risierâ bomboŋ-ticne dâŋ binaŋ ecneme maname gâpârewec. Erâ kiŋaŋ motec-ticne šiŋuc muhuc âzâcne sorec ewec: Go bâruŋ jaha bozene bozene jufârehuc ŋic roroc qaŋqaŋne â kike demba, šeke puriŋ â tiŋtuŋ rocjopatec warenšepieŋ. Ž</span> <span class="bch-verse" data-verse="22"><span class="verse-num">22</span> Eme kiŋaŋ motec e iŋuc erâ bomboŋ-ticne šiŋuc âzâcnewec: Bomboŋ, go dâŋ mumec i epac, erâ fic ine fâfâoc fokac. Ž 23 Âzâcneme bomboŋzi šiŋuc muwec: Irec go mocwâc rarâ haesoŋko ŋic juraŋgopieŋ fotarie-jaretec ware-jâmbâŋkerâ ficnane fusucmanšepieŋ.</span> <span class="bch-verse" data-verse="24"><span class="verse-num">24</span> Erâ ŋazape mananiŋ: Ŋic bâbâni hefârec-jopakicne jaŋe mâc jâmbâŋ ŋenšepieŋ. Ž "</span> <span class="bch-verse" data-verse="25"><span class="verse-num">25</span> Eme ŋic guru sâko jâmbâŋ Jesu bâjâpepie fotikierâ šiŋuc jazawec:</span> <span class="bch-verse" data-verse="26"><span class="verse-num">26</span> "Moc e nohec juzo murâ neŋgoc mamac, ŋokac motec, hahac ɋa seŋ baŋec jaŋe mi qaisoc-jopaocmu, e motec jâmbâŋ-nane sâcne mi erâ juocmu.</span> <span class="bch-verse" data-verse="27"><span class="verse-num">27</span> Moc e jahacne maripoŋ mi hâpora bâjâpecnuocmu, e motec jâmbâŋ-nane sâcne mi erâ juocmu.</span> <span class="bch-verse" data-verse="28"><span class="verse-num">28</span> "Ŋoŋeraonec moczi wapafic sâko baocte qanaŋ furinere manarâ moneŋ-ticne wose biric erâ eene me mi eene irec fuŋne bataniŋkeocmu.</span> <span class="bch-verse" data-verse="29"><span class="verse-num">29</span> Me iŋuc mi ehuc onšoŋ jaha ficticne wiseme hume šaeckerâ moneŋ basarâ beheocmuo ine ŋic jaŋe hone manac erâ mu gâgâwi ecnehuc</span> <span class="bch-verse" data-verse="30"><span class="verse-num">30</span> šiŋuc muniŋmu: Ŋic keci fazic erâ ficsâko wiseme hume eipierâ beheme ŋekac. Ž 31 Ŋicwofuŋ moczi ŋicwofuŋ âgo-ticne qaocte onšoŋ jaha râsi mi raocmu. E qanaŋ šiŋuc muocmu: Nâŋe ši afecne juŋgopeneŋzi ocni bocjaha juŋgopieŋ jaŋe sâcne jopanaŋmu me mâcne? Ž</span> <span class="bch-verse" data-verse="32"><span class="verse-num">32</span> Iŋuc murâ e jahacne momorifâc jaŋere maname afeckeme rasi-ticne hae-ticnao juhame biac sahac taha-ticne râecnehuc muocmu, Wama fuame junac. Ž 33 Eme ŋoŋeraonec moc e iŋuc jaha wiac-ticne sasawa mi qikiŋne-fârerâ weniŋuc motec-nane erâ juocmu. 34 “Hâwec i wiac aŋacne. Á nonocne eme ine weniŋuc ecnepene hâtâne-ticne mocwâc fuaocmu, i aricne i¡ 35 Izi iŋuc me iŋuc eene mi fokac, i mâc hoŋkepene raocmu. Moc e hazec-ticneheczi dâŋ kecši manazejec."