LUKA 15

1 Takesi roro â sâqocne bapa Jesurao miti-ticne mananiŋte mâretec fisi jumbieŋ. 2 Epie farisaio â miti qaqazu jaŋe irec manapie sâqoreme Jesure šiŋuc mumbiŋ: “Ŋic e sâqocne bapa rocjoparâ iqic-joparâ jaŋehec nânâ nâekac." 3 Eme irec Jesuzi dâŋ suŋsuŋne moc šiŋuc jazawec: 4 “Ŋoŋeraonec moc e lama 100 jucneniŋmu. Eme mocsâkoazi qâsorieme beheocmu me? Aricne, e gâcne sâko 99 tuhuo behec-joparâ qâsoriekicne basaocmu. 5 Basaku bâfuarâ bubiaŋ manahuc âsickerâ 6 haeo fisirâ âgofâcne wira-jarerâ muocmu: Lama-nane qâsoriekicne bâfuakopacte šeri enaŋ. Ž</span> <span class="bch-verse" data-verse="7"><span class="verse-num">7</span> No ŋazape mananiŋ, ŋic tiŋne 99 maŋ bâbârisiere mi mumu-jarene jaŋere erâ sambâŋko šeri aafecne fuaha sâqocne bapa mocjaha maczi maŋne bârisieme ere erâ sambâŋko šeri fekicne fuaocmu.</span> <span class="bch-verse" data-verse="8"><span class="verse-num">8</span> "Ŋokac moczi siliwa moneŋ 10 bajuocmu. Bajuhame mocjaha wahame beheocmu me? Aricne, e waha qazerâ fic ofaŋne qâzuc ehuc basaocmu.</span> <span class="bch-verse" data-verse="9"><span class="verse-num">9</span> Basaku bâfuarâ ŋokac âgofâcne wira-jarerâ šiŋuc jazaocmu: Moneŋ-nane sifuckejec i bâfuakopacte šeri enaŋ. Ž 10 Mupe mananiŋ, Anuture aŋelofâc jaŋe iŋuc jaha sâqocne bapa mocjahazi mac maŋne bârisieme bubiaŋ manaeŋgopieŋ." 11 Jesuzi binaŋ moc šiŋuc bawec: “Ŋic moc ŋokâ jahec-ticne jajahec jupic. 12 Juku šâhec ŋokâzi mamac-ticne šiŋuc âzâcnewec: Mamac, go moneŋ mafa nore biŋe qakicne i narec. Ž Mume moneŋ mafa bâtâc barâ jactewec.</span> <span class="bch-verse" data-verse="13"><span class="verse-num">13</span> Eme šâhec ŋokâ e gie bapa afecne jurâ mafa wiac-ticne bâmockerâ ame susuckerâ rawec. Erâ ocna sasec gie bahuc nânâ qowire nâ areŋ ehuc moneŋ mafa-ticne ititiŋke-fârewec.</span> <span class="bch-verse" data-verse="14"><span class="verse-num">14</span> Ititiŋke-fârerâ juhame mâreŋ ira roroc sâko fuawec. Eme motec e kitac qatac eku</span> <span class="bch-verse" data-verse="15"><span class="verse-num">15</span> mâreŋ rune moc erao ra qohotame eki mume susubecfâc-ticne soŋaŋ-jopawec.</span> <span class="bch-verse" data-verse="16"><span class="verse-num">16</span> Ehuc bec jaŋere nânâ nâocte ecnewec i wâc sakarecnembiŋ.</span> <span class="bch-verse" data-verse="17"><span class="verse-num">17</span> Iŋuc juku maŋnezi mumu hehec ecneme šiŋuc muwec: Mamac-nanere kiŋaŋ qaqa wemo afecne juŋgopieŋ, eme jaŋe nânâ nâqiŋ qâqiŋ ehuc juhapie no ŋokâ-ticnezi šira rorocte sipirickezo ekopac. 18 Irec no hae-naneo rarâ mamac-nanerao fisirâ šiŋuc muhuc âzâcnezepac: Mamac, no sâqocne bape kiŋnanezi sambâŋko â gorao ŋemâckekac. 19 Irec wemocko ŋokâge mocwâc munarepie jupemu, go mâc kiŋaŋ motecge bacnutec juzepac. Ž 20 Iŋuc murâ šawierâ mamac-ticnerao rawec. Raku hae upeo fisihame mamac-ticnezi biac honerâ bune sâqoreme gasacke ra hâpo mumuduc ecnewec. 21 Eme motec e šiŋuc âzâcnewec: Mamac, no sâqocne bape kiŋnanezi sambâŋko â gorao ŋemâckekac, irec wemocko ŋokâge mocwâc munarepie jupemu. Ž</span> <span class="bch-verse" data-verse="22"><span class="verse-num">22</span> Iŋuc mume mamac-ticnezi kiŋaŋ motec jazarâ muwec: Ŋoŋe picpac jaha ŋaqi biaŋne jâmbâŋ moc baware hecnepie huoc, â megâŋ menao hecnepie feoc, â kikehuhu mâmâc râcneniŋ. 23 Erâ bulimakao motecne biuc sâko i hezu rikec epie nâhuc šeri enšepeneŋ. 24 Ŋokâ-nane e hâmoweczi mocwâc ɋârekac, erâ e qâsorieweczi mocwâc fuakac. Ž Iŋuc mume šeri embiŋ. 25 “Ehame mârâc ŋokâ e gieo juweczi risierâ hae râpeo domahuc gae â šeri mic šonšoŋ manarâ 26 kiŋaŋ motec moc ecneme fisime mu wioc ecnerâ muwec: Wiac i wemocte? Ž</span> <span class="bch-verse" data-verse="27"><span class="verse-num">27</span> Eme eki muwec: Ɋage ware fisikac. Eme sahac furu fisikacte mamac-ŋekiczi mume bulimakao motecne biuc sâko i qa rikec eŋgopeneŋ. Ž 28 Iŋuc âzâcneme mârâc ŋokâ e kimbeŋ qarâ haeo feocte qikiŋnewec. Eme mamac-ticnezi manarâ hae upeo hurâ mu bâmiriŋ ecnewec. 29 Ecneme mi mamana šiŋuc muwec: Manakic, no jara wemo afecne kiŋaŋ qagarehuc juhuc dâŋge moc mi qatara-gareekopac. Eme go noniŋ motecne mac moc mi qikiŋne-naretec âgofâc-nane jaŋehec nâ šeri embeŋ.</span> <span class="bch-verse" data-verse="30"><span class="verse-num">30</span> Á šâhec ŋokâge e gore moneŋ mafa sasec gie bahuc sipiricke-fârewec, e iŋucnezi fisime mutec bulimakao motecne biuc sâko i hezu rikec ecneŋgopieŋ. Ž</span> <span class="bch-verse" data-verse="31"><span class="verse-num">31</span> Mume mamacnezi šiŋuc âzâcnewec: Ŋokâ-mae, go dameŋ sâc nohec juwareekiczi wiac mi basaekic, wiac sasawa wirec-nâhec fokac. 32 Á ɋage e hâmoweczi mocwâc ɋârekac, erâ e qâsorieweczi mocwâc fuakac, irec šeri bubiaŋ epene sâckekac. Ž “