1 Corintios 7

1 I̱t’aà ts’e̱ ‘én xi kichjìnanguiâná nga kinìkasénâná xo̱jo̱n nga bixón: “Ndaàâla tjín, jngoò xi̱ta̱ x’i̱n ko̱ jè chjo̱ón tsà mìkiì ki̱xan." 2 Ta̱nga koií kjoa̱âla̱ nga ‘ñó tjín kjoa̱ chijngui, nga jngoò ìjngoò xi̱ta̱ x’i̱n kàtas’eâla̱ chjo̱ón, ko̱ nga jngoò ìjngoò chjo̱ón kàtas’eâla̱ x’i̱n. 3 Koni s’ín tjín kjo̱tíxoma ts’e̱ kjoa̱ bixan, jè x’i̱n, ndaà kàtasís’inâla̱ chjo̱ónâla̱ k’e̱ nga kójnako̱, ti̱koa̱ jè chjo̱ón, ndaà kàtasís’inâla̱ x’i̱nâla̱. 4 Jè chjo̱ón, mìtsà ti̱jè otíxomaâla̱ yijoâla̱, jè x’i̱nâla̱ otíxomaâla̱. Ti̱koa̱ jè x’i̱n mìtsà ti̱jè otíxomaâla̱ yijoâla̱, jè chjo̱ónâla̱ otíxomaâla̱. 5 K’e̱ nga tsjáyijòko̱o xinguio̱o, kì yijoânò nìxkonâlà xinguio̱o. Tà k’e̱âné tsà ngásòn chibàyaânò kótjín na̱chrjein mìkiì tsjáyijòko̱o xinguio̱o tsà Nainá ki̱nókjoa̱t’aàâlà. Xi ko̱ma i̱skan mochjeénâné nga si̱s’inâlà xinguio̱o nga mì jè xi̱ta̱ nei̱í skóna̱cha̱nânò k’e̱ nga tsà mì ti̱ kiì chíkjoa̱ânò nga xìn tsjáyijòâlà xinguio̱o. 6 ‘Ãn xi tìxanânò tà ‘a̱nâná xi tìtsjaà’ndeânò; mìtsà kjo̱tíxoma tìbìnèânò. 7 Xi i̱t’aà ts’a̱n, mejènâna̱ tsà ngats’iì xi̱ta̱ k’oa̱s’ín kàtìtsa̱jna ta̱jngoò, koni ‘a̱n, ta̱jngoó tìjna̱a. Ta̱nga ìjngoò ìjngoò xi̱ta̱ kits’iìâla̱ kjo̱tjò xi Nainá kitsjaàâla̱, kós’ín kítsa̱jna. Ka̱kj’ei̱í ka̱kj’ei̱í s’ín títsa̱jna nga ìjngoò ìjngoò xi̱ta̱. 8 Jñà xi̱ta̱ xi títsa̱jna ta̱jngoò ko̱ jñà íchjín xi jye k’en x’i̱nâla̱, ndaàâla tjín tsà tà k’oa̱s’ín kítsa̱jna ta̱jngoò koni ‘a̱n. 9 Ta̱nga tsà mìkiì chíkjoa̱âla̱ nga bìtsa̱jna íjngó, ìsa̱á ndaàâne tsà kàtixan, mì k’oa̱âne tsà tsjè si̱ìk’en. 10 ‘A̱n, k’oa̱á s’ín bìnèâla̱ jñà xi̱ta̱ xi jye chixàn, nga mìkiì ko̱ma tsjeín xíkjín. Jè chjo̱ón, mìkiì ko̱ma si̱ìkíjna x’i̱nâla̱. Mìtsà kjo̱tíxoma ts’a̱n xi tsjaàânò; ts’e̱é Nainá. 11 Jè chjo̱ón xi tsjeiìn x’i̱nâla̱, mìkiì tjí’ndeâla̱ nga kj’ei̱í x’i̱n ki̱xanâko̱ ìjngoò k’a. Ti̱koa̱áâne kàtajoóndaàâne. Ti̱koa̱ jè x’i̱n, mìkiì tjí’ndeâla̱ nga tsjeín chjo̱ónâla̱. 12 Jñà xi̱ta̱ xi i’nga, k’oa̱á xanâla̱, xi tà kjo̱hítsjeèn ts’a̱n, mìtsà jè Na̱’ènâná tsibíjna kjo̱tíxoma jè. Tsà jngoò xi̱ta̱ x’i̱n xi mokjeiínâla̱ ‘énâla̱ Nainá, tsà jè chjo̱ónâla̱ xi tíjnako̱, tsà mìkiì mokjeiínâla̱, tsà tsò ikon jè chjo̱ón nga bìjnako̱, kàtìjnako̱, kì tsjeiìn takòn jè chjo̱ónâla̱. 13 Tsà jngoò chjo̱ón xi mokjeiínâla̱ ‘énâla̱ Nainá, jè x’i̱n xi tíjnako̱, tsà mìkiì mokjeiínâla̱, tsà tsò ikon jè x’i̱n nga bìjnako̱, kàtìjnako̱, kì tsjeiìn takòn jè x’i̱nâla̱. 14 Jè x’i̱n xi mìkiì mokjeiínâla̱ ‘énâla̱ Nainá, i̱t’aà ts’e̱ chjo̱ónâla̱á matsjeèâné; ti̱koa̱á jè chjo̱ón xi mìkiì mokjeiínâla̱, i̱t’aà ts’e̱ x’i̱nâla̱á matsjeèâné. Tsà majìn, jñà i̱xtiâla̱ mìtsà xi̱ta̱ kixi̱ nga nguixko̱n Nainá, ta̱nga i̱’ndei̱ i̱xtiâla̱, ya̱á chja̱âne na̱xa̱ndáâla̱ Cristo. 15 Ta̱nga tsà jè chjo̱ón xi mìkiì mokjeiínâla̱ ‘énâla̱ Nainá tsà mejènâla̱ tsjeín x’i̱nâla̱ xi mokjeiínâla̱, kàtatsjeiìn. Ko̱ tsà jè xi̱ta̱ x’i̱n xi mìkiì mokjeiínâla̱ ‘énâla̱ Nainá, tsà mejènâla̱ nga tsjeín chjo̱ónâla̱ xi mokjeiínâla̱, kàtatsjeiìn. Jñà xi̱ta̱ koi mìkiì tjínèâla̱ nga kjo̱’ñó kítsa̱jnako̱ xíkjín. Nainá, jè xi mejènâla̱ nga ’nchán kítsa̱jna. 16 Ji̱ chjo̱ón xi mokjeiínâlè i̱t’aà ts’e̱ Cristo, mìkiì tíjiìnâlè tsà koi na̱chrjein i̱t’aà tsi̱ji ko̱ma ki̱tjokàjiìn kjo̱’in x’i̱nâlè. Ko̱ ji̱ xi x’i̱n ‘mìâlè nga mokjeiínâlè i̱t’aà ts’e̱ Cristo, mìkiì tíjiìnâlè tsà koi na̱chrjein i̱t’aà tsi̱ji ko̱ma ki̱tjokàjiìn kjo̱’in chjo̱ónâlè. 17 Jngoò kjoa̱ mejènâna nga ndaà síkíjnaâla̱ ngats’iì xi̱ta̱ na̱xa̱ndáâla̱ Cristo, nga ìjngoò ìjngoò xi̱ta̱ x’i̱n ko̱ chjo̱ón, mochjeénâné nga ko̱s’ín kàtasíjchá yijoâla̱ koni s’ín kitsjaàâla̱ Nainá koni s’ín títsa̱jna k’e̱ nga Nainá kiìchja̱âla̱ nga xi̱ta̱âla̱ komà. 18 Tsà tjín i’nga xi̱ta̱ xi jye tjít’aà chi̱ba̱ yijoâla̱ kjoa̱ ts’e̱ circuncisión k’e̱ nga xi̱ta̱âla̱ Cristo komà, tà k’oa̱á s’ín kàtìjna. Tsà tjín i’nga xi kj’eè kiì tjít’aà chi̱ba̱ yijoâla̱, kì bít’aà chi̱ba̱âla̱ yijoâla̱. 19 Xi kjoa̱ ts’e̱ circuncisión, tsà tjít’aà chi̱ba̱ânò ko̱ tsà majìn, mìtsà méâne. Jè xi chjíâla̱ nga ndaà si̱kitasòn jè kjo̱tíxomaâla̱ Nainá. 20 Nga jngoò ìjngoò, k’oa̱á s’ín ti̱tsa̱jna koni s’ín titsa̱jnaà k’e̱ nga kiìchja̱ânò Nainá. 21 K’e̱ nga kiìchja̱âlè Nainá, tsà chi̱’nda tijni, kì makájnoâlè. Ta̱nga i̱’ndei̱ tsà ko̱ma ki̱jnandei̱íâne, ndaà s’e̱, ti̱jnandei̱íâne. 22 Jè xi chi̱’nda tís’ín k’e̱ nga kiìchja̱âla̱ Nainá nga kòkjeiínâla̱ ‘énâla̱, i̱’ndei̱ tíjnandei̱íâné i̱t’aà ts’e̱ Cristo. K’oa̱á ti̱s’ín tjín, jè xi tíjnandei̱í k’e̱ nga kiìchja̱âla̱ Nainá, i̱’ndei̱ chi̱’ndaâla̱ Cristoâné. 23 Jñò, Nainá jye tsatseânò, kì kiì biì’nde nga xi̱ta̱ xi kj’ei̱í chi̱’nda ’nèâlà. 24 Jñò ndí ’ndsè ko̱ tichjaá, koni s’ín titsa̱jnaà nga jngoò ìjngoò k’e̱ nga kiìchja̱ânò Nainá, k’oa̱á s’ín ti̱tsa̱jna ya̱ nguixko̱n Nainá. 25 I̱t’aà ts’e̱ xi̱ta̱ xi títsa̱jna ta̱jngoò, tsjìn jngoòâna kjo̱tíxoma xi ts’e̱ Na̱’ènâná. ‘A̱n, k’oa̱á s’ín kosònâla̱ koni tsò kjo̱hítsjeènâna̱ nga Nainá kis’eâla̱ kjo̱hi̱ma̱takòn méâne nga i̱t’aà ts’a̱n kjoa̱àt’aà takònâna jñà xi̱ta̱. 26 Koií kjoa̱âla̱ nga ‘ñó ‘in choòn na̱chrjein i̱’ndei̱, ‘a̱n, k’oa̱á s’ín sìkítsjeèn, ìsa̱áâla ndaà tjín, tà k’oa̱s’ín kàtìtsa̱jna xi̱ta̱ koni s’ín títsa̱jna skanda na̱chrjein i̱’ndei̱. 27 Tsà tjínâlè chjo̱ón, kì nìkíjnaâjèn chjo̱ónâlè. Tsà tsjìnâlè, kì chjo̱ón binchaàtsji. 28 Tsà kixein, mìtsà jé tìbinchaàtsji. Ko̱ tsà jngoò chjo̱ón xo̱ngó xi ki̱xan, ti̱koa̱á mìtsà jé tíhótsji. Ta jèâné, k’e̱ nga jye ki̱xan, kjoa̱á s’e̱ânò. ‘A̱n, mejènâna nga mì kjoa̱ kàtas’eânò. 29 Ndí ’ndsè, mejènâna̱ nga kàtasijiìnânò, nga chiba jchán na̱chrjein chija nga ma si̱xáâlá Nainá. Koií kjoa̱âla̱ jngoò xi̱ta̱ x’i̱n xi tjínâla̱ chjo̱ón, k’oa̱á s’ín kàtas’ín koni tsà tsjìnâla̱ chjo̱ón. 30 Ko̱ jñà xi̱ta̱ xi kjoa̱ba títsa̱jnajiìn, k’oa̱á s’ín kàtìtsa̱jna koni tsà mì ba títsa̱jna. Koa̱ jñà xi s’eí tjínâla̱, k’oa̱á s’ín kàtìtsa̱jna koni tsà mì s’eí tjínâla̱. Koa̱ jñà xi tsojmì otse, k’oa̱á s’ín kàtas’ín koni tsà nìmé tjínâla̱. 31 Ko̱ jñà xi fìtji̱nguiâla̱ kjoa̱ xi tjín i̱sò’nde, k’oa̱á s’ín kàtas’ín koni tsà mì ya̱ fìtji̱nguiâla̱; nga jè i̱sò’nde xi titsa̱jnasoán i̱jndé, kjoe̱het’aàâné. 32 ‘A̱n, k’oa̱á s’ín mejènâna nga ni̱mé kjoa̱ ts’e̱ i̱sò’nde si̱kítsjeèn. Jè xi̱ta̱ x’i̱n xi tíjna ta̱jngoò, koií síkítsjeèn kjoa̱ ts’e̱ Nainá, mé xi s’i̱in nga ko̱tsjaâla̱ Nainá. 33 Ta̱nga jè xi jye chjo̱ón tjínâla̱, koií síkítsjeèn kjoa̱ xi tjín i̱sò’nde mé xi s’i̱in nga ko̱tsjaâla̱ chjo̱ónâla̱, 34 k’oa̱á maâne nga jò kjoa̱ síkítsjeèn. Ti̱koa̱á jè chjo̱ón ka’àn xi jye k’en x’i̱nâla̱ ko̱ jè chjo̱ón xi tíjna ta̱jngoò xi kj’eè x’i̱n tjínâla̱, koií síkítsjeèn kjoa̱ ts’e̱ Nainá méâne nga tsjeè síkítsa̱jnaâne yijoâla̱ ko̱ ini̱ma̱âla̱. Ta̱nga jè chjo̱ón xi x’i̱n tjínâla̱, koií síkítsjeèn kjoa̱ ts’e̱ i̱sò’nde mé xi s’i̱in nga ko̱tsjaâla̱ x’i̱nâla̱. 35 Kjoa̱ xi beno̱jmíânò kjo̱ndaà tsa̱jònânò, mìtsà xanânò nga ‘a̱n ósi̱jna ikonânò, jèâné nga nguì ndaà si̱jchá yijoânò nga ni̱mé kjoa̱ ki̱ìchjoà ikonânò nga si̱xáâlà Nainá. 36 Tsà jngoò x’i̱n xi ko̱s’ín tísíkítsjeèn nga mì ndaà tísíko̱ chjo̱ón nga mì xátí tíbixanâko̱ nga jye tíhóto nóâla̱ chjo̱ón, k’oa̱á s’ín kàtas’ín koni s’ín síkítsjeèn, kàtixan; jè kjoa̱ bixan, mìtsà jé nchihótsji. 37 Ta̱nga tsà jngoò xi k’oa̱s’ín bínèâla̱ yijoâla̱ ko̱ ini̱ma̱âla̱ nga majìnâla̱ ki̱xan, nga kjo̱hítsjeèn ts’e̱âné, ko̱ tsà chíkjoa̱âla̱ yijoâla̱ nga mìkiì ki̱xan, ko̱ tsà jye ko̱s’ín kiskoòsònâla̱, ndaà tjín. 38 Jñà xi̱ta̱ xi bixan, ndaà s’ín, ta̱nga jñà xi mìkiì bixan, ìsa̱á ndaà s’ín. 39 Jngoò chjo̱ón xi x’i̱n tjínâla̱, mìtsà tíjnandei̱í. K’e̱éâné tsà jye k’en x’i̱nâla̱ nga jye tíjnandei̱í. Ko̱ma ki̱xanâko̱ ni̱ta̱ yá x’i̱nâne xi matsjakeè tsà ta̱nga mokjeiínâla̱ ‘énâla̱ Nainá. 40 ‘A̱n, k’oa̱á s’ín sìkítsjeèn, ndaàâla tjín tsà mì ti̱ kiì ki̱xanâne jñà íchjín ka’àn. Ti̱koa̱á ‘a̱n, k’oa̱á s’ín machi̱yaâna nga jè Ini̱ma̱ Tsjeèâla̱ Nainá tísíchi̱yaâna.