1 Pedro 4

1 Cristo, koni s’ín kisìkjeiín kjo̱’in yijoâla̱, jñò, ti̱koa̱á mochjeénâné nga ki̱tsa̱jnandaà nga si̱kjioón kjo̱’in. Nga̱ jè xi jye kisìkjeiín kjo̱’in, ya̱á jyehet’aà jéâla̱, 2 méâne jñà na̱chrjein xi kíjna ìsa̱ i̱sò’nde, k’oa̱á s’ín kàtìjna koni s’ín mejènâla̱ Nainá, mìtsà k’oa̱s’ín kíjna koni s’ín mejènâla̱ yijoâla̱. 3 Jyeé ‘ñó kjìn na̱chrjein kinìkato nga ch’o ki’nè koni s’ín xi̱ta̱ xi mìkiì beèxkon Nainá. K’oa̱á s’ín kinìko̱ò yijoânò kjoa̱ xi ch’o tjín koni kjoa̱ chijngui, kjoa̱ ch’o xi síjé yijoânò, ko̱ kjoa̱ ch’i̱, kjoa̱ ts’e̱ s’eí xi ch’o tjín, ko̱ nga ta xán ki’yò kjit’aà, ko̱ nga xkósòn kiyaxkón nga mìtsà kixi̱ kjoa̱ nga Nainá. 4 I̱’ndei̱ jñà xi̱ta̱ koi, ta maxkónâla̱ i̱t’aà tsa̱jòn nga mì ti̱ kiì ya̱ tsjahijtako̱ânò kjoa̱ xi ch’o tjín; bijnòkeèânò; ch’oó chja̱jnoânò. 5 Ta̱nga jñà xi̱ta̱ koi, tjínèâla̱ nga tsjáâla̱ kinda̱ Nainá; jè Nainá xi tíjnandaà nga koi̱ìndaàjiìnâla̱ xi̱ta̱ xi títsa̱jnakon ko̱ xi jye k’en. 6 Koií kjoa̱âla̱ nga k’oa̱ ti̱s’ín kis’eno̱jmíâla̱ ‘én ndaàâla̱ Nainá xi kjoa̱ ts’e̱ Cristo jñà xi̱ta̱ xi jye k’en, méâne na̱s’ín jñà yijoâla̱ kisìkjeiín kjo̱’in koni s’ín bìndaàjiìn xi̱ta̱ i̱sò’nde, ta̱nga jñà ini̱ma̱âla̱ títsa̱jnakonâné ni̱ta̱ kjéâne koni s’ín tíjnakon kjit’aà Nainá. 7 Jyeé tímachrañà nga kjoe̱het’aà i̱sò’nde, koií kjoa̱âla̱ jñò, ndaà titsa̱jnako̱o kjo̱hítsjeènânò; kjit’aà na̱chrjein tìtsi’baâlà Nainá. 8 Jè xi tíjna ítjòn, jèâné nga ‘ñó tjòcha t’e̱en xinguio̱o. Tsà tjínânò kjoa̱tjòcha, ko̱maá si̱jchàat’aàâlà jéâla̱ xinguio̱o. 9 Chjoétjò xi̱ta̱ xinguio̱o k’e̱ nga bijchókonânò tsà mejènâla̱ nga si̱ìkjáya ya̱ ni’yaânò. Tsja t’èâlà ini̱ma̱ânò; kì ch’o chibàyaânò. 10 Nga jngoò ìjngoò, koni s’ín tjín kjo̱ndaà xi kitsjaàânò Nainá, k’oa̱s’ín ti̱si̱ko̱ò xinguio̱o nga ndaà ti̱chjeén, nga kjìn sko̱ya tjínâne kjo̱ndaà xi kitjoéânò. 11 Jè xi̱ta̱ xi k’oa̱s’ín kits’iìâla̱ nga ‘énâla̱ Nainá ki̱chja̱ya, k’oa̱á s’ín kàtìchja̱ya koni tsò ‘énâla̱ Nainá. Ko̱ jè xi̱ta̱ xi k’oa̱s’ín kits’iìâla̱ nga si̱ìxá, k’oa̱á s’ín kàtasíxá koni tjín nga’ñó xi tsjáâla̱ Nainá. Ni̱ta̱ mé xi s’e̱en, k’oa̱á s’ín t’e̱en méâne nga i̱t’aà ts’e̱ Jesucristo jeya kíjnaâne Nainá. Nga ts’e̱é Cristo jè kjoa̱jeya ko̱ ngats’iì nga’ñó xi tjín skanda ni̱ta̱ kjéâne. K’oa̱s’ín kàtama. 12 Jñò ndí ’ndsè xi matsjake̱ânò, kì maxkónânò nga ‘ñó ‘in tjín kjoa̱ xi nchrobánèânò nga tíchìt’aàânò. 13 Ta̱ sa̱á kàtas’eânò kjo̱tsja nga tíhoko̱ chibaânò kjo̱’in ts’e̱ Cristo, méâne nga ti̱koa̱ s’e̱ânò kjo̱tsja k’e̱ nga jcha̱âla̱ kjoa̱jeyaâla̱ Cristo. 14 Jñò, mé ta ndaàânò k’e̱ nga tsà xi̱ta̱ ko̱tít’aàânò xi kjoa̱ ts’e̱ Cristo nga jè kjoa̱jeyaâla̱ Ini̱ma̱ Tsjeèâla̱ Nainá ya̱á tíjnako̱ânò. 15 Tsà kjo̱’in titsa̱nìkjioón, chítsejènâlà yijoânò, a koií kjoa̱âla̱ nga ch’o ’nè, nga xi̱ta̱ nìk’eèn, nga chijé ’nè, nga chingájiìn chingá’a kjoa̱. Kì k’oa̱á tjín jé xi binchaàtsjioò. 16 Ta̱nga tsà kjo̱’in titsa̱nìkjioón nga xi̱ta̱âla̱ Cristo maá, kì masobàânò; ta sa̱á jeya ti̱kíjna Nainá nga xi̱ta̱âla̱ tsòânò. 17 Jyeé ijchò na̱chrjein nga ko̱ts’ia̱ nga si̱ndaàjiìnâla̱ xi̱ta̱ na̱xa̱ndáâla̱ Nainá. Tsà jñá tímats’ia̱ ítjòn ko̱âná, ¿mé xi ko̱mat’in jñà xi̱ta̱ xi mìkiì síkitasòn ‘én ndaàâla̱ Nainá? 18 Jè xi xi̱ta̱ kixi̱, chjá ko̱maâla̱ nga ki̱tjokàjiìn kjo̱’in. ¿Kós’ín ko̱mat’in jñà xi̱ta̱ xi mìkiì beèxkón Nainá ko̱ xi jé ótsji? 19 K’oa̱á maâne, jñà xi̱ta̱ xi kjo̱’in síkjeiín nga ko̱s’ín mejènâla̱ Nainá, kì bíkjoànâla̱ nga ndaà s’ín. Jè Nainá kàta’ñót’aà takòn nga jè kàtasíkinda̱, nga jè tsibíndaà jñà xi̱ta̱ ko̱ jè síkitasònâné koni s’ín tsjá tso’ba.