1 Tesalonicenses 2

1 Jñò ndí ’ndsè ko̱ ndí tichjaá, ‘yaânò k’e̱ nga ijchochónânòje̱n mìtsà ta kjo̱tjò. 2 Nga jyeé ndaà tíjiìnânò koni s’ín komàt’inâje̱n ján na̱xa̱ndá Filipos, nga ‘ñó tse kjo̱’in kinìkjeiínâje̱n; ‘ñó kijtseètoònânaje̱n xi̱ta̱; ta̱nga Nainá kisìchját’aàânaje̱n nga kitsjaàânaje̱n nga’ñó nga komà tsanguìâje̱n ya̱ na̱xa̱ndáânò nga komà tsibèno̱jmíânòje̱n ‘én ndaàâla̱ Nainá na̱s’ín ‘ñó kjìn ma kondra̱ânaje̱n. 3 Nga ‘én kixi̱í kinokjoàyaâje̱n, mìtsà jò tjín ini̱ma̱âna̱je̱n nga tsibèno̱jmíânòje̱n, ti̱koa̱ mìtsà xi̱ta̱ kichona̱cha̱nâla̱je̱n. 4 Nga̱ Nainá jyeé kiskoòt’aàânaje̱n ko̱ k’oa̱á kitsò nga ok’ínânaje̱n nga ngaje̱n kjònga̱tsjaâje̱n ‘én ndaàâla̱ Nainá xi kjoa̱ ts’e̱ Cristo méâne nga ko̱ma ki̱nókjoa̱yaâje̱n. Mìtsà jè xi mejènânaje̱n nga ndaà ki̱tsa̱jnaâje̱n nguixko̱n xi̱ta̱; jèâné nga ndaà ki̱tsa̱jnaâje̱n nguixko̱n Nainá nga jè xi tíbeè ini̱ma̱âná. 5 Jyeé ndaà tíjiìnânò nga mìtsà ‘én tsjén nokjoàâje̱n koni tsà mé xi mejènânaje̱n nga k’oi̱ânáje̱n, ti̱koa̱á mìtsà to̱n binchaàtsji’maâje̱n. Kjoa̱ koi, Nainá tíbeèâné. 6 Mìtsà jè binchaàtsjiâje̱n nga jñò, ko̱ xi̱ta̱ xi kj’ei̱í, nga ’nga si̱ìkítsa̱jnaânáje̱n. Tsà ji̱n xi mejènânaje̱n nga tsibìnèânòje̱n kjo̱tíxoma xi tjínânaje̱n nga i̱t’aà ts’e̱ Cristo kisìxáyaânaje̱n, komaáâla o̱kinìko̱ânòje̱n. 7 Ta̱nga mìtsà ko̱s’ín kinìko̱ânòje̱n. Ta sa̱á k’oa̱s’ín kinìko̱ânòje̱n koni ndí i̱xti. K’oa̱á ngayaâla̱ koni jngoò nea̱ xi síkaki i̱xtiâla̱ nga ndaà síjchá i̱xtiâla̱. 8 ‘Ãó tjòcha ki’yaânòje̱n. K’oa̱á maâne nga ko̱ kjo̱tsjaânaje̱n tsibèno̱jmíânòje̱n ‘én ndaàâla̱ Nainá xi kjoa̱ ts’e̱ Cristo. Ti̱koa̱á matsjaáânaje̱n nga ndaà kinìko̱ânòje̱n ni̱ta̱ mé kjoa̱ xi komàt’ioòn ta koií kjoa̱âla̱ nga ‘ñó matsjachaânòje̱n. 9 Ndí ’ndsè ko̱ ndí tichjaá, bítsjeènânò kós’ín kinìxáâje̱n nga binchaàtsji’aâje̱n yijoânaje̱n. Ko̱ na̱chrjein ko̱ ni̱tje̱n nìxáâje̱n, méâne nga mì jñò si̱jtiânòje̱n jñà na̱chrjein k’e̱ nga kinokjoàyajiìnânòje̱n ‘én ndaàâla̱ Nainá. 10 Jñò, ndaà ki’yaà, ti̱koa̱á Nainá kijtseèâné, nga ngaje̱n ndaà kinìko̱ânòje̱n. K’oa̱á s’ín kinìko̱ânòje̱n koni s’ín sasénâla̱ Nainá koni s’ín tjín xi kjoa̱ kixi̱. Ko̱ ni̱yá xi jé ko̱ònèânaje̱n koni s’ín kinìko̱ânòje̱n jñò xi mokjeiínânò ‘én ndaàâla̱ Nainá. 11 Ti̱koa̱á jyeé ndaà tíjiìnânò nga je̱n, ndaà kinìko̱ânòje̱n nga jngoò ìjngoò koni s’ín síko̱ i̱xtiâla̱ jngoò xi̱ta̱ xi na̱’èn ma. 12 Kinìje ikonânòje̱n koa̱ kinì’ñójiìnâje̱n takòn ko̱ k’oa̱s’ín tsibìnèânòje̱n nga k’oa̱s’ín s’e̱en koni s’ín ok’ìnâla̱ xi xi̱ta̱âla̱ Nainá maà; nga jèâné xi síkí’nchréânò nga ya̱ titsa̱jnajiìnâlà xi̱ta̱ xi jye jè tíhotíxomaâla̱ ko̱ ti̱koa̱ ya̱ titsa̱jnajñoò kjoa̱jeyaâla̱. 13 Kjit’aà na̱chrjein ‘biìâla̱je̱n kjo̱ndaà Nainá koni s’ín ndaà kichjoétjò ‘énâla̱ nga mìtsà k’oa̱s’ín kichjoétjò koni ‘énâla̱ xi ta̱xki̱ xi̱ta̱. K’oa̱á s’ín kichjoétjò koni tjín xi nguì kjoa̱ kixi̱ nga ‘énâla̱ Naináâné. Jñà ‘én koi, tí’yaáâla̱ nga nchisíxájiìn ini̱ma̱ânò jñò xi mokjeiínânò. 14 Jñò ndí ’ndsè ko̱ ndí tichjaá, k’oa̱á s’ín komàt’ioòn koni s’ín komàt’in jñà xi̱ta̱ na̱xa̱ndáâla̱ Nainá xi mokjeiínâla̱ i̱t’aà ts’e̱ Cristo Jesús xi títsa̱jna ján nangui Judea. Ti̱jñàâne xi̱ta̱ na̱xa̱ndá judío xíkjín kiìtji̱ngui kondra̱âla̱. Jñò ti̱jñàâne xi̱ta̱ na̱xa̱ndá tsa̱jòn kiìtji̱ngui kondra̱ânò. 15 Jñà xi̱ta̱ judío kisìk’en Na̱’ènâná Jesús ko̱ ti̱jñàâne xi̱ta̱ jchíngaâla̱ kisìk’en jñà xi̱ta̱ xi kiìchja̱ya̱ nga̱jo̱âla̱ Nainá kjòtseé. I̱’ndei̱, tákó k’oa̱á síko̱ânaje̱n nga fìtji̱ngui kondra̱ânaje̱n. Nainá mìkiì sasénâla̱ kjoa̱ xi s’ín xi̱ta̱ koi, nguì kondra̱á fìâla̱ ngats’iì kjoa̱, 16 nga mìkiì tsjá’nde nga nokjoàâla̱je̱n jñà xi mìtsà xi̱ta̱ judío méâne nga ti̱koa̱ ki̱tjokàjiìnâne kjo̱’in. K’oa̱á maâne xi̱ta̱ koi, skanda nchisíkatonèâla̱ nga ótsji jéâla̱ yijoâla̱. Jyeé kjo̱meè f’iìkanèâla̱ kjo̱’in xi tji̱ko̱ kjo̱jtiâla̱ Nainá. 17 ‘Ndseé ko̱ tichjaá, k’e̱ nga chinchat’aàxìn chiba na̱chrjeinânòje̱n, na̱s’ín mì ti̱ kiì kiyaxkonâná xinguia̱á, ngaje̱n ‘ñó nìkítsjeènânòje̱n. ‘Ãó mejènânaje̱n nga onguíchoònânòje̱n. 18 Mejèn tsanguìâje̱n. ‘A̱n xi ‘mìâna̱ Pablo, kjìn k’a mejèn kiaà, ta̱nga jè xi̱ta̱ nei̱í mìkiì kitsjaà’ndeânaje̱n. 19 Kjoa̱ tsa̱jònânò nga titsa̱chiñáâla̱je̱n nga ‘ñó ko̱tsjaânaje̱n ko̱ nga ndaà ki̱tjoâje̱n k’e̱ nga kjoi̱í ìjngoò k’a Na̱’ènâná Jesucristo. 20 Kixi̱í kjoa̱ i̱t’aà tsa̱jònânò nga ndaà ki̱tjonguiâje̱n ko̱ nga s’e̱ânaje̱n kjoa̱ tsja.