2 Corintios 1

1 ‘A̱n, Pablo, tìsìkasénânò xo̱jo̱n jè, nga k’oa̱á s’ín kjòmejènâla̱ Nainá nga ‘a̱n tsibíxáyaâna Cristo Jesús. ‘A̱n, ko̱ ’ndsè Timoteo titsa̱nìkasénânòje̱n xo̱jo̱n jè. Titsa̱nìhixot’aàânòje̱n jñò xi xi̱ta̱ na̱xa̱ndáâla̱ Nainá ‘mìânò xi titsa̱jnaà ya̱ na̱xa̱ndá Corinto, ko̱ ngats’iì xi̱ta̱ tsjeèâla̱ Cristo xi títsa̱jna kóho̱kji nangui Acaya. 2 Nainá xi Na̱’ènâná, ko̱ jè Jesucristo xi otíxomaâná kàtatsjáânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 3 Ndaà kàtayaxkón Nainá xi Na̱’ènâla̱ ma Jesucristo xi otíxomaâná. Jè Nainá xi Na̱’ènâná ma, tse kjo̱hi̱ma̱takòn tjínâla̱ i̱t’aà tsa̱ján. Ko̱ jè, kjit’aà na̱chrjein síje takoán. 4 K’e̱ nga mé kjo̱’in titsa̱jnajñaá, jè Na̱’ènâná síjetakònâná méâne jñá, k’oa̱á ti̱s’ín si̱jetakoán xinguia̱á xi ti̱koa̱ kjo̱’in títsa̱jnajiìn koni s’ín kisìjetakónâná Nainá. 5 Koni tjín kjo̱’in xi tse nìkjiaán xi kjoa̱ ts’e̱ Cristo, k’oa̱á ti̱s’ín tse kjo̱jetakòn sakóâná i̱t’aà ts’e̱ Cristo. 6 Ngaje̱n, tsà kjo̱’in titsa̱nìkjeiínâje̱n, kjo̱ndaà tsa̱jònânò nga s’e̱ânò kjo̱jetakòn, koa̱ ki̱tjokàjñoò kjo̱’in. Tsà Nainá síjetakònânaje̱n, jèâné nga ti̱koa̱ jñò s’e̱ânò kjo̱jetakòn, koa̱ ki̱chìkjoa̱ ko̱ânò kjo̱’in xi ji̱n titsa̱nìkjeiínâje̱n. 7 Tjín kixi̱í kjoa̱ xi chiñàâla̱je̱n i̱t’aà tsa̱jòn. Tíjiìnânaje̱n, koni s’ín tíhoko̱t’aàânò kjo̱’in xi titsa̱nìkjeiínâje̱n, k’oa̱ ti̱s’ín o̱kot’aàânò kjo̱jetakòn xi tjínânaje̱n. 8 Jñò ’ndsè ko̱ tichjaá, mejènânaje̱n nga kàtasijiìnânò kjo̱’in xi kis’eânaje̱n ján nangui Asia. Tse jchán kjo̱’in kinìkjeiínâje̱n. Jyeé mì ti̱ kiì kichìkjoa̱ko̱ânáje̱n skanda mì ti̱ kiì bixónânaje̱n tsà ki̱tsa̱jnakon ìsa̱âje̱n. 9 K’oa̱á s’ín komàânaje̱n nga jyeéâla tjínèâla̱ nga ki̱yáâje̱n. K’oa̱á s’ín komàt’inâje̱n méâne nga ìsa̱ ndaà kjót’aà takònânaje̱n Nainá xi maâla̱ síkjaáyaâla̱ mik’en, nga mì tà yijoânaje̱n kjót’aà takònâje̱n. 10 Nga jyeé kjo̱meè k’enâje̱n, ta̱nga Nainá tsasìko̱ânaje̱n nga kisìkatojiìnânaje̱n kjo̱’in ko̱ tákó si̱ìkatojiìnâìsaânaje̱n kjo̱’in. Ko̱ k’oa̱á s’ín kjit’aà takònâje̱n nga jè si̱ìkatojiìn ìsa̱ânaje̱n ni̱ta̱ mé kjoa̱âne. 11 Jñò, mochjeénâné nga si̱chját’aàânáje̱n nga ki̱nókjoa̱t’aàâlà Nainá i̱t’aà tsa̱je̱n méâne nga ìsa̱ kjìn ko̱maâne xi̱ta̱ xi ki̱chja̱t’aàâla̱ Nainá, ti̱koa̱á kjìn ko̱ma xi̱ta̱ xi tsjáâla̱ kjo̱ndaà Nainá koni s’ín machikonât’inâje̱n. 12 Tjín jngoò kjoa̱ nga ndaà nìkítsa̱jnaâje̱n yijoânaje̱n. K’oa̱á s’ín beèâla̱je̱n takònâje̱n nga i̱t’aà ts’e̱ Nainá nchrobáâne nga tsjeè ko̱ kixi̱ tihonguíko̱âje̱n yijoânaje̱n i̱ i̱sò’nde, ko̱ jè tíjna ítjòn i̱t’aà tsa̱jòn. Mìtsà kjoa̱chji̱ne̱âla̱ xi ta̱xki̱ xi̱ta̱ nga ko̱’nèâje̱n, kjo̱ndaàâla̱ Naináâné. 13 Mìtsà kj’ei̱í kjoa̱ nga titsa̱chjiìânòje̱n, ta jèâné nga kíxke̱jñoò ko̱ kjoa̱s’enâjiìnânò koni tsò ‘én xi tjít’aà xo̱jo̱n jè. K’oa̱á s’ín majngoò takoàn nga nguì ndaà kji̱yaânò 14 koni s’ín jye kjòchi̱ya chibaânò nga tsja kàtamaânò i̱t’aà tsa̱je̱n ko̱ nga ti̱koa̱ tsjaá ko̱maânaje̱n i̱t’aà tsa̱jòn k’e̱ nga kjoi̱í ìjngoò k’a Jesucristo xi otíxomaâná. 15 ‘A̱n, jyeé ndaà tíjngoò takoàn i̱t’aà ts’e̱ kjoa̱ koi, k’oa̱á maâne nga k’oa̱s’ín kiskoòsònâla̱ nga jò k’a kjíkonânò méâne jñò, jò kjo̱ndaà sa̱kòânò. [Ta̱nga mì k’oa̱á s’ín tsitasòn.] 16 K’oa̱á s’ín kisìkítsjeèn, k’e̱ nga kiaà nangui Macedonia nga ya̱ jahato ítjònânò. Tjínânè nga kjoa̱hato ìjngoò k’aânò k’e̱ nga kji̱nchrobàâna méâne jñò ko̱ma si̱chját’aàâná nga kjián nangui Judea. 17 K’e̱ nga k’oa̱s’ín kiskoòsònâla̱, ¿a k’oa̱á s’ín kinìkítsjeèn nga ‘a̱n, tìsìskáko̱ânò? Majìn, nga mì k’oa̱á s’ín s’iaàn koni s’ín xi ta̱xki̱ xi̱ta̱ i̱sò’nde. Mìtsà ítjòn xanânò: “Ko̱maâné”, ko̱ ti̱k’e̱âne ìjngoò k’a xanânò: “Mìkiì ko̱ma." 18 Tíbeè Nainá; ‘én kixi̱í xi kixanânò, ngaje̱n, mì k’oa̱á s’ín nokjoàâje̱n nga bixónâje̱n: “Jon, ko̱maâné”, ko̱ “Mìkiì ko̱ma." 19 Timoteo, Silvano ko̱ ‘a̱n, k’oa̱á s’ín nokjoàyajiìnânòje̱n i̱t’aà ts’e̱ ‘énâla̱ Jesucristo xi ki’ndíâla̱ Nainá. Tsjìnâla̱ ‘én xi tsò jon ko̱ majìn. Nainá jngoò k’a síkitasòn i̱t’aà ts’e̱ Cristo nga tsò: “Jon, ko̱maâné." 20 Ngats’iì ‘én xi chja̱ Nainá koni s’ín tsjá tso’ba, i̱t’aà ts’e̱ Cristo bitasòn yijeâné. Nga jè Cristo xi tsò “ko̱maâné”. Ko̱ i̱t’aà ts’e̱ Cristo, jñá bixónâná: “K’oa̱s’ín kàtama”, méâne jeya kíjnaâne Nainá. 21 Jè Nainá, xi síkixi̱yandaàâná nga jè titsa̱jnakoa̱á Cristo [xi xó jaàjiìnâne Nainá], ti̱koa̱á jñá xó jaàjiìnâná Nainá. 22 Ko̱ ti̱jèâne Nainá xi tsibít’aà chi̱ba̱âná koni jngoò sello; kisìkíjnajiìn ini̱ma̱âná jè Ini̱ma̱ Tsjeèâla̱ xi tjoé ítjònâná nga kixi̱ kjoa̱ nga ti̱koa̱ tjoé yijeâná kjo̱ndaà xi tjíndaàâla̱ nga tsjáâná. 23 Tíkotsejèn Nainá, jè tíbeè ini̱ma̱âna̱, méâne kj’eè kiì fìâna Corinto koni s’ín tíjiìnâna; koií kjoa̱âla̱, majìnâna̱ nga ‘on ko̱maâla̱ ini̱ma̱ânò nga ‘én ts’e̱n kichjàko̱ânò. 24 Ngaje̱n, majìnânòje̱n nga ngaje̱n, kjo̱’ñó ko̱tìxomaânòje̱n i̱t’aà ts’e̱ ‘én xi mokjeiínânò. Ta sa̱á nìchját’aàânòje̱n méâne nga s’e̱ânò kjo̱tsja nga kixi̱ titsa̱jnaà koni s’ín mokjeiínânò.