2 Corintios 2

1 K’oa̱á maâne nga k’oa̱s’ín kiskoòsònâla̱ nga mì ti̱ kiì kiìkonânò. Majìnâna nga ba ki̱tsa̱jnaà. 2 Ta̱nga tsà ‘a̱n, ba síkítsa̱jnaânò, nga ko̱ma i̱skan, mì ti̱ yá tjínâne xi si̱ìtsjako̱âna, nga jñò, jyeé ba titsa̱jnaà. 3 Koií xá jye kiskiì jngoòânò xo̱jo̱n, méâne k’e̱ nga kìjchokon ìjngoò k’aânò nga mì ba si̱kíjnaâná nga mochjeénâné nga jñò si̱tsjako̱âná. Nga k’oa̱á s’ín tíjngoò takoàn, ‘a̱n, matsjaâna ti̱koa̱ jñò, matsjaáânò. 4 K’e̱ nga k’oa̱s’ín kiskiìânò, ndaà jchán kokájnoâla̱ ini̱ma̱âna̱, baá kis’eâna skanda ndáxkoaàn tsibíxteèn. Ta̱nga ‘a̱n mìtsà koi xá kiskiìânò nga kàtabaânò. Jèâné nga jcha̱a nga ‘ñó matsjake̱ânò. 5 Jè xi̱ta̱ xi tsohótsji jé, mìtsà ta ‘a̱n xi ba kisìkíjnaâna, mejèn tsà ba kisìkítsa̱jna ngats’iì xi̱ta̱ na̱xa̱ndáâla̱ Cristo. Tà k’oa̱á xanânò nga mì ko̱to chi̱ba̱âla̱ koni s’ín tìxanânò. 6 Nga kjìn maânò xi tsibìnèâlà kjo̱’in jè xi̱ta̱ jè; jyeé ndaà tjín, ta ko̱maâne. 7 I̱’ndei̱, jè xi s’e̱en nga si̱jchàat’aàâlà jéâla̱; si̱jetakòn xi̱ta̱ jè, méâne nga mì kjo̱ba ki̱yájiìnâne. 8 K’oa̱á maâne nga bìtsi’bàânò nga ndaà jchi̱bàyaânò nga ìjngoò k’a ti̱tsjacha xi̱ta̱ jè. 9 Ti̱koa̱ koií xá kiskiìânò i̱t’aà ts’e̱ kjoa̱ koi, mejènâna skot’aàânò, a kixi̱í kjoa̱ nga maânò nìkitasòn yije. 10 Jè xi̱ta̱ xi jñò nìjchàat’aàâla̱ jéâla̱, ti̱koa̱á ‘a̱n siìjchàat’aàâla̱. Tsà mochjeénâné nga ‘a̱n siìjchàat’aàâla̱ xi̱ta̱ jè, ‘a̱n jyeé kisìjchàat’aàâla̱ xi kjo̱ndaà tsa̱jòn ko̱ tíbeè Cristo. 11 Méâne jè xi̱ta̱ nei̱í mìkiì ko̱ma jè si̱ìkijneâná, nga jyeé ndaà ‘yaá kjoa̱maña̱âla̱ kós’ín síxá. 12 K’e̱ nga ijchoa ján na̱xa̱ndá Troas, nga kichjàya ‘én ndaàâla̱ Nainá xi kjoa̱ ts’e̱ Cristo, i̱t’aà ts’e̱ Na̱’ènâná kitáx’a̱’ndeâna nga kisìxákoa̱a ‘én ndaàâla̱ Nainá. 13 Ta̱nga mìkiì ndaà kis’eâla̱ ini̱ma̱âna̱ nga mìkiì kiskaàjñaà jè ’ndsé Tito. K’oa̱á komàâne kisìkítsa̱jna jñà xi̱ta̱ xi ya̱ i̱’ndeâla̱, i̱kjoàn kiaà ján nangui Macedonia. 14 Ndaà chjíâla̱ Nainá nga i̱t’aà ts’e̱ Cristo fìko̱ânaje̱n k’e̱ nga okóâla̱je̱n jñà xi̱ta̱ i̱sò’nde nga jye kisìkijne. I̱t’aà tsa̱je̱n k’oa̱á s’ín obísòn kjo̱hítsjeènâla̱ Nainá xi ko̱s’ín ngayaâla̱ koni jngoò jta̱âla̱ tsojmì xi ‘ñó ndaà jne̱, méâne nga skoe̱âne jñà xi̱ta̱ ni̱ta̱ ñándaâne nga títsa̱jna. 15 I̱t’aà tsa̱je̱n k’oa̱á s’ín ngayaâla̱ koni ni̱’ndi̱âla̱ chrjongóâla̱ Nainá, k’e̱ nga jè Cristo tsját’aàâla̱ Nainá. K’oa̱á s’ín bijchókajiìnâla̱ jñà xi̱ta̱ xi bitjokàjiìn kjo̱’in ko̱ xi̱ta̱ xi chija. 16 I̱t’aà ts’e̱ jñà xi̱ta̱ xi chija, [k’e̱ nga beèânaje̱n nga bèno̱jmíyaâje̱n ‘énâla̱ Nainá], k’oa̱á s’ín ch’o jne̱âla̱ koni jngoò jta̱ xi sík’enâná. Ta̱nga jñà xi̱ta̱ xi bitjokàjiìn kjo̱’in, k’oa̱á s’ín ndaà jne̱âla̱ koni jngoò jta̱ xi síkíjnakonâná. I̱t’aà ts’e̱ xá koi, ni̱jngoò xi̱ta̱ chíkjoa̱âla̱ nga síkitasòn xi ta kjo̱hítsjeèn ts’e̱. 17 Ngaje̱n, mìkiì k’oa̱s’ín ’nèâje̱n koni s’ín xi̱ta̱ xi kj’ei̱í xi chja̱ya ‘énâla̱ Nainá nga to̱n síkijne. Ngaje̱n, ‘én kixi̱í nokjoàâje̱n. Nainá tíbeèâne nga jè kisìkasénânaje̱n ko̱ nga’ñó ts’e̱ Cristoâné nga nokjoàyaâje̱n, nga jè Cristo titsa̱jnako̱âje̱n.