San Lucas 21

1 Jesús k’e̱ nga kiskoòtsejèn, kijtseè xi̱ta̱ nchi̱ná xi ‘ñó tjínâla̱ to̱n nga nchibítsa̱jnaya to̱nâla̱ ya̱ kaxa̱ ñánda sinchá to̱n kjo̱tjòâla̱ Nainá. 2 Ti̱koa̱á kijtseè jngoò chjo̱ón ka’àn xi ‘ñó i̱ma̱ nga tsibítsa̱jnaya jò ndí to̱n xi chibachjí chjíâla̱. 3 K’e̱é kitsò: âXi kjoa̱ kixi̱, k’oa̱á xánânò, chjo̱ón ka’àn i̱ma̱ jè, ìsa̱á tse to̱n kòbíjna mì k’oa̱áâne ngats’iì xi̱ta̱ xi i’nga. 4 Ngats’iì xi̱ta̱ koi xi tjínâla̱ to̱n, koií tsjáâla̱ Nainá jè xi ninguiâla̱, ta̱nga jè chjo̱ón i̱ma̱, kàtsjá yijeé to̱n xi tjínâla̱ xi tímajcháâne. 5 Ti̱koa̱ nchijoóya i’ngaâne xi̱ta̱ xi nchikotsejènâla̱ i̱ngo̱ ítjòn nga ndaà kjoàn nda̱jo̱âla̱; ti̱koa̱ ndaà kjoàn tsojmì xi kitsjaà kjo̱tjòâla̱ Nainá jñà xi̱ta̱. Jesús kitsòâla̱: 6 âKjoi̱í na̱chrjein k’e̱ nga jñà nda̱jo̱ ko̱ tsojmì xi ndaà kjoàn xi chìtsejènâlà, ni̱í ti̱ jngoò si̱yijòsònâla̱ xíkjín, ki̱xo̱ña yijeâné. 7 K’e̱é kiskònanguiâla̱ kitsòâla̱: âMaestro, ¿mé na̱chrjeinâne nga o̱ko̱ma kjoa̱ koi? ¿Mé seña xi s’e̱ k’e̱ nga jye ko̱chrañà nga k’oa̱s’ín ko̱ma kjoa̱ koi? 8 Jesús kitsò: âTi̱kinda̱a yijoânò nga mì yá xi̱ta̱ xi skóna̱cha̱nânò. Kjìn xi̱ta̱ kjoi̱í xi ‘ín ts’a̱n si̱ìkjeén; ki̱tso̱: “‘A̱nâná xi Cristo, [nga ‘a̱án kisìkasénâna Nainá]”, ti̱koa̱ ki̱tso̱ânò: “Jyeé tíjna chrañà na̱chrjein nga ‘a̱n kotiìxoma.” Kì kiì onguítji̱nguiâlà. 9 K’e̱ nga ki̱ná’ya kjoa̱ ts’e̱ kjo̱jchán, kjoa̱siì, kì tsakjoònâjèn; mochjeénâné nga k’oa̱s’ín ko̱ma ítjòn ta̱nga kj’eè tsà jè na̱chrjein nga kjoe̱het’aà. 10 Kitsòâìsaâla̱: âNa̱xa̱ndá ska̱ànâkjoò xi kj’ei̱í na̱xa̱ndá. Koa̱ xi̱ta̱xá koi̱ìts’ia̱ nga ska̱ànâkjoòko̱ xi̱ta̱xá xi kj’ei̱í na̱xa̱ndá. 11 Ndaà jchán k’oa̱ ch’ón xkón; xki̱ xi ján na̱xa̱ndá s’e̱ kjinchrá ko̱ ch’in xi ‘ñó kjan. Ján ngajmiì jcha̱âla̱ kjo̱xkón xi ch’o tjín ko̱ xi ch’o kjoàn. 12 ‘Ta̱nga jñò, ítjòn tso̱ba̱’ñóânò xi̱ta̱; kji̱tji̱nguikeèânò kji̱ko̱ânò ya̱ ni’ya i̱ngo̱ sinagoga nga ya̱ si̱ndaàjiìn. Ski̱nìs’enânò nda̱yá; kji̱ko̱ânò i̱t’aà ts’e̱ xi̱ta̱xá ítjòn ko̱ ts’e̱ gobernador, tà koií kjoa̱âla̱ nga mokjeiínânò i̱t’aà ts’a̱n. 13 K’e̱ nga k’oa̱s’ín ko̱mat’ioòn, jè hora nga kéno̱jmíâlà xi̱ta̱ xi i̱t’aà ts’a̱n. 14 K’oa̱á s’ín t’èâlà takòn, kì tà chjà ítjòn nìkítsjeèn kó kixón nga ki̱nókjoa̱a nga ki̱nchako̱o yijoânò, 15 koií kjoa̱âla̱ nga ‘a̱n, tsjaàânò ‘én ti̱koa̱ tsjaàânò kjoa̱ kjìnâtakòn kó s’ín ki̱nókjoa̱a méâne nga jñà xi̱ta̱ kondra̱ânò mìkiì si̱ìkijneânò k’e̱ nga chibàkjoò. 16 Skanda jñà si̱ìnga̱tsjaânò xi na̱’ènânò, ’ndsè, xinguio̱o ko̱ amigoânò, ti̱koa̱ si̱ìk’en i’ngaânò. 17 Ngats’iì xi̱ta̱ i̱sò’nde ko̱jtikeéânò xi kjoa̱ ts’a̱n. 18 Ta̱nga ni̱jngoò tsja̱skoò chi̱ja. 19 ¡Jè xi ki̱chìkjoa̱âla̱ kjo̱’in, kíjnakon ini̱ma̱âla̱! 20 ‘K’e̱ nga jcha̱a na̱xa̱ndá Jerusalén nga kitseè jngoò itjandiìâla̱ soldado, k’oa̱á s’ín tíjiìnânò nga jye kjòchrañà nga jngoò k’a kjoe̱hesòn yije mé xi tjín. 21 Jñà xi̱ta̱ xi títsa̱jna Judea, kàtanga, kàtjì ñánda nindoò choòn; jñà xi títsa̱jna Jerusalén, kàtitjokàjiìn na̱xa̱ndá, jñà xi ján títsa̱jna campo, kì ti̱ kiì nchrobáâne i̱jiìn na̱xa̱ndáâla̱. 22 Koií kjoa̱âla̱ nga na̱chrjein ts’e̱ kjo̱’inâné méâne nga ki̱tasòn yijeâne koni s’ín tíchja̱ Xo̱jo̱n xi tjít’aà ‘Ãn Tsjeèâla̱ Nainá. 23 ¡I̱ma̱ xóâne jñà íchjín xi ki’ndí ‘ya ko̱ xi i̱xti xó nchisíkaki jñà na̱chrjein koi, nga ‘ñó tse kjo̱’in s’e̱ i̱t’aà nangui! Xi kjoa̱jtiâla̱ Nainá, tse kjo̱’in koi̱ì’nèâla̱ xi̱ta̱ na̱xa̱ndá Israel. 24 Tjín xi̱ta̱ xi ki̱cha̱ machìti̱n ki̱yáâne; ti̱koa̱á tjín xi kj’ei̱í nangui kji̱ko̱ preso jñà xi̱ta̱ kjo̱jchán. Jñà xi mìtsà xi̱ta̱ judío, ‘ñó ch’o si̱ìko̱ nga skoe̱toòn jñà xi̱ta̱ na̱xa̱ndá Jerusalén; jñà ko̱tìxoma skanda k’e̱ nga ki̱tasòn na̱chrjeinâla̱ xi̱ta̱ koi. 25 ‘I̱kjoàn jcha̱âla̱ jè ts’oí, sá ko̱ ni’ño nga ko̱tsejènâla̱ seña xi ch’o kjoàn. I̱ i̱t’aà nangui, ngats’iì xi̱ta̱ ‘ñó tsakjón nga kji̱’nchréâla̱ nga ‘ñó kjo̱ne nga fì nchrobá ndáchikon. 26 Jñà xi̱ta̱ chi̱ba̱âla̱ ki̱yáyaâné nga tsakjón k’e̱ nga skoe̱ kjoa̱ xi ko̱mat’in i̱sò’nde. Skanda jñà ni’ño xi tjín ngajmiì ki̱jtiyaáâla̱. 27 I̱kjoàn skoe̱âna xi̱ta̱ xi Ki’ndíâla̱ Xi̱ta̱ xanâla̱ yijoâna̱ nga kji̱nchrobàjñaà i̱jiìn ifi. Tseé nga’ñó ko̱ kjoa̱jeya kjoi̱ikoa̱a. 28 K’e̱ nga ko̱ts’ia̱ kjoa̱ koi nga k’oa̱s’ín ko̱ma, kixi̱ ti̱nchaà, chjímiì’ngaà skoò, tsja t’èâlà ini̱ma̱ânò, chíñakjoa̱a nga jyeé kjòchrañà na̱chrjein nga jñò ki̱tsa̱jnandei̱íânò. 29 K’e̱é tsibéno̱jmí jngoòâla̱ kjoa̱ xi mangásòn; kitsòâla̱: âChítsejènâlà yá toò iko̱, ngats’iì yá xi tjín. 30 K’e̱ nga jye bíts’ia̱ nga bíjts’én xka̱âla̱ yá, jyeé ‘yaà nga nchrobá machrañà cho̱n ndobá. 31 K’oa̱á ti̱s’ín tjín, k’e̱ nga jcha̱a nga k’oa̱s’ín tíma kjoa̱ koi, kàtasijiìnânò nga jye tíjnat’aà chrañàânò na̱chrjein nga jcha̱a kó s’ín otíxoma Nainá. 32 ‘Xi o̱kixi̱, k’oa̱á xánânò: Mìkiì ki̱yá xi̱ta̱ xi tjín na̱chrjein koi skanda kóni nga jye ki̱tasòn yije jñà kjoa̱ koi. 33 Jè ngajmiì ko̱ i̱sò’nde kjoe̱het’aàâné, ta̱nga jñà ‘énâna̱ mìkiì kjoe̱het’aà; ki̱tasònâné. 34 ‘T’e̱en kinda̱ yijoânò; mìkiì biì’nde nga sítájaàjiìn ini̱ma̱ânò jñà kjoa̱ xi ch’o tjín koni kjoa̱ ch’i̱, kjoa̱ chrjá’a, ko̱ kjoa̱ xi nìkájnoò i̱ i̱sò’nde. Tsà k’oa̱s’ín s’e̱en, mìkiì titsa̱jnandaà jè na̱chrjein k’e̱ nga ‘a̱n kjoia̱a ìjngoò k’a; tà ni̱to̱n kjoi̱í na̱chrjein, ska̱nèânò koni jngoò ch’a̱n. 35 K’oa̱á s’ín ko̱mat’in ngats’iì xi̱ta̱ xi tjín nga tíjtsa i̱sò’nde. 36 Jñò, ndaà ti̱tsa̱jna, tìtsi’ba kijndà nga kjit’aà na̱chrjein méâne nga s’e̱ânò nga’ñó nga ko̱ma kitjo̱jñoò ngats’iì kjo̱’in xi k’oa̱s’ín ko̱ma, ti̱koa̱ méâne nga mìkiì ko̱sobàânò nga ki̱ncha nguixko̱n Ki’ndíâla̱ Xi̱ta̱. 37 K’e̱ nga na̱chrjein, Jesús, ya̱á tsakóya ya̱ ndi̱tsin i̱ngo̱ ítjòn. K’e̱ nga majñò ya̱á fìsìkjáya ya̱ nindoò xi ‘mì Yá Olivo. 38 Kjìn xi̱ta̱ na̱xa̱ndá, f’iìkon ya̱ ndi̱tsin i̱ngo̱ ítjòn nga xki̱ ta̱jñòya; f’iì ’nchréâla̱ mé ‘én xi okóya.