San Lucas 8

1 K’e̱ nga komà i̱skan, Jesús, kjìn na̱xa̱ndá tsajmeè, ko̱ rancho̱, nga kiìchja̱ya ko̱ kisìka’bí ‘én ndaàâla̱ Nainá koni s’ín otíxoma Nainá. Tji̱ko̱ xi̱ta̱âla̱ xi tejò maâne. 2 Ti̱koa̱á tji̱ko̱ i’nga íchjín xi jye kjòndaàâne ch’in nei̱íâla̱ ko̱ xi kj’ei̱í ch’in. Ya̱á tji̱ko̱ María jè xi Magdalena ‘mì, xi itoò ini̱ma̱ ch’oâla̱ nei̱í itjojiìn yijoâla̱; 3 tji̱ko̱ Juana, chjo̱ónâla̱ Chuza xi síkinda̱ tsojmìâla̱ xi̱ta̱xá ítjòn xi ‘mì Herodes; ti̱koa̱á tji̱ko̱ xi ‘mì Susana koa̱ kjìnâìsa íchjín tji̱ko̱ xi síchját’aàâla̱ mé tsojmì xi tjínâla̱. 4 K’e̱ nga jye kòkjìn xi̱ta̱ xi xki̱ xi ján na̱xa̱ndá j’iìâne, Jesús, tsibéno̱jmíâla̱ kjoa̱ xi mangásòn. Kitsòâla̱: 5 âJngoò xi̱ta̱ xi kiì kíjndi̱ xojmá. K’e̱ nga tsibíts’ia̱ nga kiskíjndi̱ xojmá, chixò chiba ya̱ i̱ya ndi̱yá. Koa̱ chinchanè xi̱ta̱ koa̱ jñà ni̱se tsakjèn. 6 Nguì k’oa̱ tjín chixòsòn ya̱ ñánda na̱xi̱ choòn, ta̱nga k’e̱ nga isò xojmá, ni̱to̱ón kixì nga mìkiì ’nchi̱’nde nangui. 7 Nguì k’oa̱ tjín chixò ya̱ i̱jiìn na’yá; ya̱á ta̱ña isòkjoò; k’e̱ nga kjò’nga na’yá, kisìk’enângui xka̱âla̱ xojmá. 8 Nguì k’oa̱ tjín chixò ñánda nangui ndaà; isò, kjò’nga, koa̱ tsajàâla̱ toò; kitsjaà jngoò sìndo̱ nga jngoò ìjngoò. Jesús k’e̱ nga jye tsibéno̱jmí kjoa̱ koi, ‘ñó kiìchja̱, kitsò: â¡Ndaà ti̱ná’yaà koni xanânò! 9 Jñà xi̱ta̱ xi kota’yàt’aàâla̱ Jesús kiskònanguiâla̱ kó tsòyaâne jè kjoa̱ xi mangásòn xi tsibéno̱jmíâla̱ xi̱ta̱. 10 Jesús kitsò: âJñò, Nainá jye kitsjaàânò nga jcha̱a kjoa̱’maâla̱ xi béno̱jmíya kó s’ín otíxoma Nainá; ta̱nga jñà xi̱ta̱ xi kj’ei̱í, tà kjoa̱ xi mangásòn s’e̱no̱jmíâla̱, méâne nga mìkiì skoe̱âne xi kjoa̱ kixi̱ na̱s’ín skótsejèn, mìkiì ko̱chi̱yaâla̱ na̱s’ín nchi’nchré. 11 ‘Jè kjoa̱ xi mangásòn ts’e̱ xojmá, kií tsòyaáâne: Jñà xojmá, jè ‘énâla̱ Nainá. 12 Jñà xojmá xi chixò i̱ya ndi̱yá, jñà ngayaâla̱ xi̱ta̱ xi ’nchré ‘énâla̱ Nainá, i̱kjoàn f’iì xi̱ta̱ nei̱í, faáxìn jè ‘én i̱jiìn ini̱ma̱âla̱ méâne nga mìkiì ko̱kjeiínâla̱ koa̱ mìkiì ki̱tjojiìn kjo̱’in ini̱ma̱âla̱. 13 Jñà xojmá xi chixòsòn na̱xi̱, jñà ngayaâla̱ xi̱ta̱ xi ’nchré ‘énâla̱ Nainá, k’e̱ nga tàts’enâla̱ kjoa̱ tsjaá maâla̱ nga mokjeiínâla̱, ta̱nga tsjìnâla̱ i̱’ma̱; tà chibaá na̱chrjein mokjeiínâla̱; k’e̱ nga mé kjoa̱ xi sakóâla̱, ni̱to̱ón síkíjnaâne. 14 Jñà xojmá xi chixò i̱jiìn na’yá, jñà ngayaâla̱ xi̱ta̱ xi ’nchré ‘énâla̱ Nainá; k’e̱ nga jye tjímaya ndi̱yáâla̱ Nainá, bíts’ia̱ nga síkájnoâla̱ yijoâla̱, ótsji xi kjoa̱ nchi̱ná ko̱ xi kjoa̱ kjo̱tsja. Jñà kjoa̱ koi xi tjín i̱sò’nde bíchjoàâikònâla̱ nga mìkiì makixi̱ nga ojàâla̱ toò. 15 Jñà xojmá xi chixò ñánda nangui ndaà, jñà ngayaâla̱ xi̱ta̱ xi ndaà tjín ko̱ xi kixi̱ tjín ini̱ma̱âla̱; ’nchré ‘énâla̱ Nainá ti̱koa̱ bíjiìnâikon ‘én xi ’nchré; ndaà bincha kixi̱ skanda k’e̱ nga ndaà makjìnâya jñà ‘én. 16 ‘Tsjìn xi̱ta̱ xi oká ni’ín, i̱kjoàn bíjtsa’ma, o xi ya̱ síkíjnangui na̱chan; jngoò ni’ín xi tì, sijna ’ngaâné; ya̱á sijnaya candelero méâne nga ko̱hiseènâla̱ jñà xi̱ta̱ xi kjoa̱has’en ni’ya. 17 Ni̱mé kjoa̱ tjín xi tjí’ma i̱’ndei̱ xi mìkiì ko̱tsejèn nga ko̱ma i̱skan; ti̱koa̱á tsjìn kjoa̱ xi tjí’ma i̱’ndei̱ xi mìkiì jcha̱âla̱. Ngats’iì kjoa̱ skoe̱xkon yije xi̱ta̱. 18 ‘T’e̱en kinda̱ kjo̱hítsjeènânò k’e̱ nga ki̱ná’ya ‘énâla̱ Nainá. Ndaà ti̱ná’yaà. Nga̱ jè xi tjínâla̱ kjo̱hítsjeèn k’oi̱í ìsa̱âla̱; ta̱nga jè xi tsjìnâla̱, skanda tjá’aánâla̱ mé xi k’oa̱s’ín síkítsjeèn nga tjínâla̱. 19 Nea̱âla̱ ko̱ ’ndse̱ kiìkon ñánda tíjna Jesús. Ta̱nga mìkiì komà ijchò skanda ñánda tíjna nga ‘ñó kjìn maâne xi̱ta̱ xi títsa̱jna. 20 Jesús kis’eno̱jmíâla̱, kitsòâla̱: âNea̱âlè ko̱ jñà ’ndsì, ján ndi̱tsiaán títsa̱jna, mejèn xóâla̱ nga skótsejènâlè. 21 Kiìchja̱ Jesús, kitsò: âXi nea̱âna̱ ko̱ xi ’ndsè xanâla̱, jñàâné xi ’nchré ‘énâla̱ Nainá, ti̱koa̱ síkitasòn. 22 Jngoò na̱chrjein, Jesús ko̱ xi̱ta̱ xi kota’yàt’aàâla̱ jahas’en jngoò chitso, kitsò Jesús: âTíkjiaán, ki̱tjájtoaá ján xijngoaà ndáchikon. I̱kjoàn kiì. 23 Ta̱nga k’e̱ nga kiìsòndá chitso, Jesús tsohojnafèâné. I̱kjoàn kjòts’ia̱ nga j’iì tjo̱xkón ya̱ i̱jiìn ndáchikon. Jyeé tífahas’en nandá chitso; xkón tjín tsà ya̱ ska̱jiìnândá. 24 Jñà xi̱ta̱âla̱ k’e̱é kiìkon nga kisìkjaáâla̱ Jesús; kitsòâla̱: â¡Maestro! ¡Maestro! ¡Chitso, jye tíkaànguindá! Jyeéâla ki̱yá. Jaáâla̱ Jesús; i̱kjoàn tsohótiko̱ tjo̱xkón ko̱ ndáchikon, ni̱to̱ón kisijyòâne, kjòndaàyaâne. 25 Jesús kitsò: â¿Méâne mìkiì mokjeiínânò i̱t’aà ts’e̱ Nainá? Jñà xi̱ta̱âla̱ tà kitsakjònâné. Tà kjòxkónâla̱. Kitsòâla̱ xíkjín: â¿Yá xi̱ta̱âne jè nga chja̱âla̱ tjo̱ ko̱ nandá koa̱ síkitasònâla̱? 26 I̱kjoàn ijchò ya̱ nanguiâla̱ xi̱ta̱ Gadareno xi kijna xijngoaà ndáchikon ts’e̱ Galilea. 27 K’e̱ nga itjojen chitso, Jesús, ijchò kasìt’aà jngoòâla̱ xi̱ta̱ x’i̱n xi ya̱ i̱’ndeâla̱ na̱xa̱ndá Gadara. ‘Ãó kjòtseé tíjiìn yijoâla̱ ini̱ma̱ ch’oâla̱ nei̱í; mìtsà nikje ókjá, koa̱ mì ni’ya tjínâla̱; ya̱á xó bìjnaya nga̱jo̱âla̱ mik’en. 28 Xi̱ta̱ jè, k’e̱ nga kijtseè Jesús, ‘ñó kiskindàyat’aàâla̱ koa̱ tsasènâxkó’nchit’aàâla̱; i̱kjoàn ‘ñó kiìchja̱, kitsò: âJesús, ngaji̱ xi Ki’ndíâla̱ Nainá ‘mìâlè xi ‘ñó ’nga tíjna, ¿mé xi mejènâlè ko̱ ‘a̱n? ¡Bìtsi’bàâlè, kì yatoònâná! 29 Koií o̱kitsòâne, nga jè Jesús, jyeé ko̱s’ín tsatíxomaâla̱ jè ini̱ma̱ ch’oâla̱ nei̱í nga kàtitjojiìn yijoâla̱ xi̱ta̱ jè. Jyeé kjòtseé ko̱s’ín tíjiìn yijoâla̱ nga biyaàxín; na̱s’ín na’ñó ki̱cha̱ cadena sit’aà’ñó ndso̱ko̱ ko̱ tsja, chíkjoa̱áâla̱ nga otejtso, i̱kjoàn fìko̱ jè ini̱ma̱ ch’oâla̱ nei̱í ya̱ nangui kixì ñánda tsjìn xi̱ta̱. 30 Jesús kiskònanguiâla̱, kitsòâla̱: â¿Kó ‘mìâlè? Xi̱ta̱ jè kitsò: âLegión ‘mìâna. Koií ko̱’mìâne nga ‘ñó kjìn ini̱ma̱ ch’oâla̱ nei̱í tíjiìn yijoâla̱. 31 Jñà ini̱ma̱ ch’oâla̱ nei̱í tsibítsi’baâla̱ Jesús nga mì ya̱á si̱ìkatsjoya ni̱tja̱nâla̱ nei̱í ñánda tjín kjo̱’in. 32 Ya̱ i̱t’aà nindoò, ‘ñó kjìn ma chi̱nga̱ xi nchikjènâjno i̱jiìn ijñá. Jñà ini̱ma̱ ch’oâla̱ nei̱í, tsibítsi’baâla̱ Jesús nga tsjá’ndeâla̱ nga ya̱ kjoa̱has’enâjiìn yijoâla̱ chi̱nga̱. Jesús, kitsjaà’ndeâla̱. 33 Jñà ini̱ma̱ ch’oâla̱ nei̱í, nga jye itjojiìn yijoâla̱ xi̱ta̱ jè, i̱kjoàn jahas’enâjiìn yijoâla̱ jñà chi̱nga̱. I̱kjoàn jñà chi̱nga̱ tsatíkjájenâjno ya̱ na̱xi̱ skanda i̱jiìn nandá; ya̱á k’enâjiìn nandá ngats’iì jñà chi̱nga̱. 34 Jñà xi̱ta̱ xi nchikondà chi̱nga̱, k’e̱ nga kijtseè kjoa̱ xi komà, tsangachikon nga kisìkí’nchré na̱xa̱ndá kóho̱kji ñánda rancho̱. 35 Jñà xi̱ta̱ na̱xa̱ndá, k’e̱ nga kiì’nchré, itjo katsejèn jñà kjoa̱ xi komà. Kiì ñánda tíjna Jesús. Ti̱koa̱ ya̱ tíjnat’aà ndso̱ko̱ Jesús jè xi̱ta̱ xi jye itjojiìnâne yijoâla̱ jñà ini̱ma̱ ch’oâla̱ nei̱í. Jyeé íkjáâne nikjeâla̱, ti̱koa̱á jyeé ndaà tjínâne kjo̱hítsjeènâla̱. Jñà xi̱ta̱ k’e̱ nga kijtseèxkon, tà kitsakjònâla̱. 36 Jñà xi̱ta̱ xi kijtseè kjoa̱ koi, tsibéno̱jmíâla̱ xíkjín kó s’ín komà nga kjòndaàâne jè xi̱ta̱ xi ini̱ma̱ ch’oâla̱ nei̱í kisijiìn yijoâla̱. 37 Ngats’iì xi̱ta̱ xi títsa̱jna ya̱ nanguiâla̱ xi̱ta̱ Gadareno, kóho̱kji jngoò itjandiì, tsibítsi’baâla̱ Jesús nga kàtjìâne, koií kjoa̱âla̱ nga ‘ñó kitsakjòn xi̱ta̱ koi. Jesús jahas’enâne chitso, i̱kjoàn kiìâne. 38 Jè xi̱ta̱ xi jye itjokàjiìnâne yijoâla̱ ini̱ma̱ ch’oâla̱ nei̱í tsibítsi’baâla̱ Jesús nga mejènâla̱ nga ya̱ ko̱jmeiìko̱; ta̱nga jè Jesús kitsjaàâla̱ o̱kixi̱ nga kàtìjna; kitsòâla̱: 39 âT’inâne ni’yaâlè, tèno̱jmí yijeâla̱ xi̱ta̱ nga ‘ñó tse kjoa̱ kàsíko̱âlè Nainá. Xi̱ta̱ jè, kiìâne; i̱kjoàn tsibíts’ia̱ nga tsibéno̱jmí, kisìhingasòn ‘én kóho̱kji na̱xa̱ndá jè nga ‘ñó tse kjoa̱ kisìko̱ Jesús xi i̱t’aà ts’e̱. 40 K’e̱ nga jye j’iì ìjngoò k’aâne Jesús ján xijngoaà ndáchikon, kjòtsjaáâla̱ jñà xi̱ta̱ xi kjìn maâne, koií kjoa̱âla̱ nga ngats’iì, nchikoñaâla̱. 41 J’iìkon jngoò xi̱ta̱ sko̱âla̱ xi ts’e̱ ni’ya i̱ngo̱ sinagoga xi ‘mì Jairo; tsasènâxkó’nchit’aà ndso̱ko̱ Jesús, tsibítsi’baâla̱ nga mejènâla̱ kji̱ko̱ ni’yaâla̱. 42 Koií xá j’iìkjaáâne nga jye tíbiyaà ndí tsòtiâla̱ xi ta̱jngoò maâne xi tejò nó tjínâla̱. Jesús, k’e̱ nga tífì, jñà xi̱ta̱ nga kjìn maâne, chi̱ba̱âla̱ tsohó’nchò’ñóâné. 43 Ya̱ tsóhojiìn jngoò chjo̱ón xi jye kjò tejò nó tjínâla̱ ch’in jní. Jye kjò tse to̱n ko̱ tsojmì xi tjínâla̱ kisìkjeheya xi kjoa̱ ts’e̱ chji̱ne̱xkiì; mìkiì mandaàâne ni̱ta̱ yá xi síxkiìâla̱. 44 Chjo̱ón jè, kiì kasìt’aà chrañàâla̱ Jesús ya̱ i̱jto̱n íts’i̱n nga kitsobà’ñó i̱tjòn nikjeâla̱, koa̱ jè jní xi tíxíxteènâla̱, ni̱to̱ón kisijyòâne. 45 K’e̱é kiskònangui Jesús, kitsò: â¿Yáâné xi kàtsobàâna? Ngats’iì xi̱ta̱ kitsò: âMìtsà yáâjèn. K’e̱é kitsò Pedro ko̱ xi̱ta̱ xi i’nga: âMaestro, jñà xi̱ta̱ nga kjìn maâne fàhitje̱nâlè koa̱ ó’nchò’ñóâlè, ngaji̱ siâné: “¿Yáâné xi kàtsobàâna?" 46 Jesús kitsò ìjngoò k’a: âTjín xi kàtsobàâna; kàbeéyaáâna nga kòbitjojiìn nga’ñó yijoâna̱. 47 Jè chjo̱ón, k’e̱ nga kijtseè nga mìkiì ko̱ma kójna’ma nga ki’yat’inâla̱, chi̱ba̱âla̱ tíhotsé yijoâla̱ nga tsasènâxkó’nchit’aàâla̱ Jesús. Tsibéno̱jmíâla̱ nga nguixko̱n ngats’iì xi̱ta̱ na̱xa̱ndá mé kjoa̱âne nga nikjeâla̱ Jesús kitsobàâne, koa̱ kó s’ín nga ni̱to̱n kjòndaàâne ch’inâla̱. 48 Jesús kitsòâla̱: âNdí nea̱a, koiâné nga mokjeiínâlè i̱t’aà ts’a̱n nga kòmandaàâne. T’inâlà ndaàâne. 49 Tákó ti̱k’e̱é tíchja̱âìsa Jesús nga j’iì jngoò xi̱ta̱ xi ts’e̱ xi̱ta̱ ítjòn xi inchrobàâne ni’yaâla̱ nga kitsò: âNdí tsòtiâlè jyeé k’en; kì ti̱ kiì nìjtiâla̱ Maestro. 50 K’e̱ nga kiì’nchré Jesús kitsòâla̱: âKì tsakjoònâjèn; tà jèâné nga kàtakjeiínâlè, jè ndí tsòtiâlè ko̱ndaáâne. 51 K’e̱ nga jahas’en ni’ya, Jesús, mìkiì kitsjaà’ndeâla̱ xi̱ta̱ xi kj’ei̱í nga jahas’enâko̱, tà jè Pedro, Jacobo, Juan, ko̱ na̱’ènâla̱ ko̱ nea̱âla̱ ndí tsòti. 52 Ngats’iì xi̱ta̱ xi títsa̱jna, nchikjindáyaâné koa̱ nchisíkájnoâné xi i̱t’aà ts’e̱ ndí tsòti. Ta̱nga jè Jesús kitsòâla̱: âKì chìhindáyaâjèn; mìtsà kòbiyaà ndí tsòti, tà kjinafèâné. 53 Jñà xi̱ta̱ xi títsa̱jna tà tsijnòkeè Jesús nga tíjiìnâla̱ nga jyeé k’en. 54 Ta̱nga Jesús kiskoé tsja ndí tsòti; ‘ñó kiìchja̱âla̱ kitsòâla̱: âTsòti, ¡ti̱sítji̱in! 55 J’iì ìjngoò k’aâne ini̱ma̱âla̱; i̱kjoàn ni̱to̱ón tsasítje̱n; Jesús kitsjaà o̱kixi̱ nga tsjáâla̱ xi ski̱ne̱. 56 Jñà xi̱ta̱ jchíngaâla̱, tà kjòxkónâla̱; ta̱nga jè Jesús kitsòâla̱: âKì yá xi̱ta̱ xi bèno̱jmíâla̱ jè kjoa̱ xi kòma.