San Lucas 7

1 Jesús, k’e̱ nga jye tsakóyaâla̱ xi̱ta̱ na̱xa̱ndá xi nchi’nchré ‘énâla̱, kiì, jahas’enâjiìn na̱xa̱ndá Capernaum. 2 Ya̱ tíjna jngoò soldado ítjòn. Jè chi̱’ndaâla̱, ‘ñó xk’én. Kjo̱meè biyaà. Ta̱nga ‘ñó tjòkeè. 3 K’e̱ nga kiì’nchré xi̱ta̱ jè i̱t’aà ts’e̱ Jesús, kisìkasén xi̱ta̱ jchínga xi ts’e̱ xi̱ta̱ judío nga kiì kítsi’baâla̱ Jesús méâne nga kàtjanchrobá, kàtasíxkiìâla̱ jè chi̱’ndaâla̱ xi xk’én. 4 Jñà xi̱ta̱ jchínga, k’e̱ nga ijchòkon Jesús ‘ñó tsibítsi’baâla̱, kitsòâla̱: âOk’ínâla̱ nga si̱chját’aàâla̱ xi̱ta̱ ítjòn jè. 5 Tsjakeè na̱xa̱ndá xi chja̱âne Judea, koa̱ jè tsibíndaà jngoòâná ni’ya i̱ngo̱ sinagoga i̱ na̱xa̱ndáâná. 6 Jesús kiìko̱ jñà xi̱ta̱ jchínga koi, ta̱nga k’e̱ nga jye kjo̱meè bijchó chrañàt’aàâla̱ ni’ya, jè xi̱ta̱ ítjònâla̱ soldado kisìkasén i’nga amigoâla̱ nga kitsòâla̱ Jesús: âNa̱’èn, kì yijoâlè nìjtiâla̱. ‘A̱n, mìkiì ok’ìnâna nga ngaji̱ k’oín sobì ni’yaâna̱. 7 Ti̱koa̱á mìkiì ok’ìnâna nga ‘a̱n kòfìkon sobàâlè. Ta̱nga tjiì o̱kixi̱ nga kàtandaàâne chi̱’ndaâna̱. 8 ‘A̱n, tíjiìnâna nga tjínâlè kjo̱tíxoma. Ti̱koa̱á ‘a̱n, tjínâna xi̱ta̱ ítjòn xi otíxomaâna, ti̱koa̱á tjínâna soldado xi ‘a̱n otiìxomaâla̱, k’e̱ nga xan jngoòâla̱: “T’in”, fìâné; xanâla̱ xi ìjngoò: “Nchroboí”, nchrobáâné; koa̱ k’e̱ nga xanâla̱ jè xi chi̱’ndaâna̱: “K’oa̱ t’i̱in”, síkitasònâna. 9 K’e̱ nga kiì’nchré Jesús jñà ‘én koi, tà kjòxkónâla̱. K’e̱é kiskoòtsejènâ‘a jñá xi̱ta̱ xi tji̱nguiâla̱; kitsòâla̱: âK’oa̱á xanânò, ya̱ Israel, ni̱ saà jngoò xi̱ta̱ sakóâna xi ko̱s’ín ndaà mokjeiínâla̱ koni jè xi̱ta̱ jè. 10 Jñà xi̱ta̱ xi kiìkjaá Jesús, k’e̱ nga j’iìâne, jè chi̱’nda xi xk’én, jyeé kjòndaàâne. 11 Nga komà i̱skan Jesús kiì jngoò na̱xa̱ndá xi ‘mì Naín. Tji̱ko̱ xi̱ta̱ xi kota’yàt’aàâla̱, ti̱koa̱á kjìn xi̱ta̱ xi tà xi̱ta̱ na̱xa̱ndá tji̱nguiâla̱. 12 K’e̱ nga jye ijchò chrañà i̱jto xotjoa̱ na̱xa̱ndá, kjìn ma xi̱ta̱ na̱xa̱ndá xi kjihijtako̱ chjo̱ón ka’àn nga nchifì kíhijiìn jngoò mik’en xi ti ta̱ jngoòâla̱ jè chjo̱ón ka’àn. 13 Na̱’ènâná Jesucristo, k’e̱ nga kijtseèxkon, kjòhi̱ma̱keè; kitsòâla̱ chjo̱ón ka’àn: âKì chìhindáyaâjèn. 14 Kiì kasìt’aà chrañàâla̱ jè kaxa̱ mik’en, tsohósònâla̱ tsja; jñà xi̱ta̱ xi yangui mik’en chinchako̱. Kitsò Jesús: âNgaji̱ ti, k’oa̱á xánâlè: ¡Ti̱sítji̱in! 15 Jè mik’en ni̱to̱ón tsibìjna kixi̱; i̱kjoàn kiìchja̱. Jesús, k’e̱é kisìnga̱tsja nea̱âla̱. 16 Ngats’iì xi̱ta̱ xi tji̱ko̱, tà kitsakjònâné; k’e̱é jeya kisìkíjna Nainá kitsò: âJngoò xi̱ta̱ tíjnako̱âná xi ‘ñó ndaà chja̱ ngajoâla̱ Nainá. Ti̱koa̱á tjín xi kitsò: âNainá j’iì kasìko̱ na̱xa̱ndáâla̱. 17 Jñà ‘én koi, kina’yàâla̱ kóho̱kji nangui Judea, ngats’iì i̱’nde nga jngoò itjandiì nangui Judea. 18 Juan xi kis’iìn bautizar xi̱ta̱ kiì’nchré yije kjoa̱ xi tís’ín Jesús; jñà xi̱ta̱ xi kota’yàt’aàâla̱ tsibéno̱jmíâla̱. K’e̱é kiìchja̱ jòâla̱ xi xi̱ta̱ ts’e̱. 19 Kisìkasén ñánda tíjna Jesús nga sko̱nanguiâla̱, ¿a jèâné xi Cristo xi tjínèâla̱ nga kjoi̱í a xi kj’ei̱í chíñaâlá? 20 Jñà xi̱ta̱âla̱ Juan, k’e̱ nga ijchòkon Jesús, kitsòâla̱: âJè Juan kàsíkasénânaje̱n xi i̱t’aà tsi̱ji nga chji̱nanguiâlèje̱n, ¿a ji̱âné xi Cristo xi tjínèâlè nga kjoi̱i a xi kj’ei̱í chíñaâla̱je̱n? 21 Ti̱jèâne hora, Jesús, kjìn xi̱ta̱ kisìndaàâne xi xk’én, xi kjo̱’in nchisíkjeiín, xi ini̱ma̱ ch’oâla̱ nei̱í tíjiìn ini̱ma̱âla̱; ti̱koa̱á kjìn xi̱ta̱ xi mìkiì tsejènâla̱ kjòndaàâne. 22 Jesús kitsòâla̱ jñà xi̱ta̱ xi ijchòkon: âTanguió tèno̱jmíâlà Juan jñà kjoa̱ xi kà’yaà ko̱ xi kàna’yà. Jñà xi̱ta̱ xi mìkiì tsejènâla̱, jyeé tsejènâla̱; jñà xi tsá’yá kjoàn, jyeé ma fìâne; jñà xi tíbindojno chrjoa̱ yijoâla̱, tímatsjeèjnoóâne yijoâla̱; jñà xi̱ta̱ xi jtayaà, jyeé ’nchréâne; ko̱ xi̱ta̱ xi jye k’en, nchifaáyaáâla̱; koa̱ jñà xi̱ta̱ i̱ma̱, jye tís’eno̱jmíâla̱ ‘én ndaàâla̱ Nainá. 23 ¡Mé tà ndaàâla̱ jè xi̱ta̱ xi nguì jngoò k’a ndaà mokjeiínâla̱ i̱t’aà ts’a̱n nga ni̱mé xi osìjnaâikònâla̱! 24 K’e̱ nga jye kiìâne xi̱ta̱ xi kisìkasén Juan, tsibíts’ia̱ Jesús nga tsohóko̱ xi̱ta̱ xi i̱t’aà ts’e̱ Juan, kitsòâla̱: â¿Mé xi tsanguì chìtsejènâlà ya̱ i̱’nde i̱t’aà xìn ñánda nangui kixì choòn? ¿A jè tsanguì chìtsejènâlà jngoò yá ína̱xo̱ xi síjtìyaâla̱ tjo̱? 25 ¿Méâné xi tsanguì chìtsejènâlà? ¿A jngoò xi̱ta̱ xi ‘ñó ndaà kji nikjeâla̱? Jñò, jyeé ‘yaà, jñà xi ndaà kjoàn nikje xi ókjá, xi ti̱koa̱ ‘ñó ndaà kjoàn tsojmì xi tjínâla̱, ya̱á títsa̱ya ni’yaâla̱ xi̱ta̱xá ítjòn. 26 Ta̱nga, ¿mé xi tsanguì chìtsejènâlà? ¿A jngoò xi̱ta̱ xi chja̱ ngajoâla̱ Nainá? O̱kixi̱âné, k’oa̱á xanânò, Juan, ìsa̱á ‘ñó ndaà koni jngoò xi̱ta̱ xi chja̱ ngajoâla̱ Nainá. 27 I̱t’aà ts’e̱ Juan, ya̱á tíchja̱ Xo̱jo̱nâla̱ Nainá nga tsò: ‘A̱n, sìkasén ítjònâlè xi̱ta̱âna̱ xi kji̱ko̱ ‘én; jè xi koi̱ìndaàya ítjònâlè ndi̱yáâlè. 28 K’oa̱á xánânò, ngats’iì xi̱ta̱ xi tjín i̱ i̱sò’nde, ni̱jngoò xi̱ta̱ xi mangásòn koni jè Juan xi kis’iìn bautizar xi̱ta̱, ta̱nga ya̱ i̱jiìn na̱xa̱ndá ñánda otíxoma Nainá, jè xi̱ta̱ xi fehet’aàâne, ìsa̱á jeya tíjna mì k’oa̱áâne koni Juan. 29 K’e̱ nga kiì’nchré jñà xi̱ta̱ na̱xa̱ndá ko̱ jñà xi̱ta̱âla̱ xi̱ta̱xá Roma xi síkíchjítjì tsojmì, kjòjngoòâikon nga ndaà tjín jè ndi̱yá kixi̱âla̱ Nainá, nga jye komà bautizar i̱t’aà ts’e̱ Juan. 30 Ta̱nga jñà xi̱ta̱ fariseo ko̱ xi̱ta̱ chji̱ne̱ xo̱jo̱n ts’e̱ kjo̱tíxomaâla̱ Nainá, mìkiì komà bautizar i̱t’aà ts’e̱ Juan. Tsachrjenguiâné kjo̱ndaà xi tjíndaàâla̱ Nainá nga tsjáâla̱ xi̱ta̱ koi. 31 Jesús kitsò: â¿Yá xi siìngásònâkoa̱a jñà xi̱ta̱ xi tjín na̱chrjein i̱’ndei̱? ¿Kó kjoàn xi ko̱ngásònâko̱? 32 Jñà ko̱ngásònâkjoò jñà i̱xti xi bìtsa̱jna ndi̱tsi̱n nga síská, chja̱âla̱ xíkjín, tsòâla̱: “Kànìkjaneéânòje̱n xo̱bí ta̱nga jñò mìkiì kàchà; kàjndaáânòje̱n sò xi ba tsò ta̱nga mìkiì kàchìhindáyaà." 33 J’iì Juan xi kis’iìn bautizar xi̱ta̱ xi mìtsà i̱nchra̱jín tsakjèn, ti̱koa̱ mìtsà xán kits’iì koa̱ jñò bixónânò: “Ini̱ma̱ ch’oâla̱ nei̱í tjínâla̱." 34 I̱kjoàn j’ia̱a xi Ki’ndíâla̱ Xi̱ta̱ xanâla̱ yijoâna̱; maâna kje̱en, ti̱koa̱ maâna ‘bia̱a; jñò, k’oa̱á s’ín bixón i̱’ndei̱: “Xi̱ta̱ chrjá’aâné, xi̱ta̱ ch’i̱âné, amigoâla̱âné jñà xi̱ta̱âla̱ xi̱ta̱xá Roma xi síkíchjítjì tsojmì ko̱ jñà xi xi̱ta̱ jé." 35 Ta̱nga jè kjoa̱chji̱ne̱âla̱ Nainá, ‘yaáâla̱ nga kixi̱ tjín k’e̱ nga jye bitasòn. 36 Jngoò xi̱ta̱ fariseo kiìchja̱âla̱ Jesús nga mejènâla̱ ko̱kje̱nâko̱. K’e̱ nga jahas’en ni’yaâla̱ jè xi̱ta̱ fariseo, tsibìjnat’aà ími̱xa̱. 37 Ya̱ na̱xa̱ndá jè, tíjna jngoò chjo̱ón xi tse jé tjínâla̱. K’e̱ nga kiì’nchré nga ya̱ tíjnat’aà ími̱xa̱ Jesús, ya̱ ni’yaâla̱ jè xi̱ta̱ fariseo, ijchòko̱ jngoò chi̱tsín xi tjíyaâla̱ xkiì xi ndaà jne̱. 38 Ya̱á tsasìjnat’aà i̱jto̱n ndso̱ko̱ Jesús nga tíkjindáya. I̱kjoàn tsaníjno ndso̱ko̱ Jesús ko̱ ndáxko̱n. K’e̱é kisìxìjnoâne ko̱ tsja̱ sko̱. Kjìn k’a kiskine’a ndso̱ko̱. I̱kjoàn kisìkaàjno xkiì xi ndaà jne̱. 39 Jè xi̱ta̱ fariseo xi kiìchja̱âla̱ Jesús, k’e̱ nga kijtseè kjoa̱ koi, kitsò i̱jiìn ini̱ma̱âla̱: “¿Méâne nga mìkiì beèxkonâne yá chjo̱ónâne xi o̱tísíko̱? Tsà kixi̱ kjoa̱ nga jè xi̱ta̱ xi chja̱ ngajoâla̱ Nainá, skoe̱xkonâné nga chjo̱ón xi jé tjínâla̱." 40 K’e̱é kiìchja̱ Jesús, kitsòâla̱: âSimón, jngoò kjoa̱ ko̱xánâlè. Simón kitsò: âMaestro, ko̱t’ìnâná. 41 Jesús kitsò: âJò xi̱ta̱ títsa̱jna xi to̱n tje̱nâla̱ ts’e̱ xi̱ta̱ xi síkìña to̱n; jngoò xi ‘òn sìndo̱ tje̱nâla̱; jè xi ìjngoò icháte tje̱nâla̱. 42 Ingajò xi̱ta̱ koi, tsjìnâla̱ to̱n xi koi̱ìchjí ngajoâne. Jè neiâla̱ to̱n kisìjchàat’aàâla̱ ingajò. Ko̱t’ìnâná, ¿ñáâla̱á ingajò xi̱ta̱ koi xi ìsa̱ ‘ñó matsjakeè jè neiâla̱ to̱n? 43 Kiìchja̱ Simón kitsò: â‘A̱n, k’oa̱á s’ín sìkítsjeèn, jèâla xi ìsa̱ tse to̱n kitje̱nâla̱. Jesús kitsò: âNdaà kichoòsònâla̱. 44 Jesús kiskoòtsejènâjno jè chjo̱ón, kitsòâla̱ Simón: âChítsejènâla̱ chjo̱ón jè. ‘A̱n, k’e̱ nga kòfaha̱s’eèn ni’yaâlè [mìkiì kànìkitasoìn koni s’ín tjín kjo̱tíxoma tsa̱ján]; mìkiì kò’biìâná nandá xi mochjeénâla̱ ndso̱koaà nga saníjno; ta̱nga chjo̱ón jè, ndáxko̱ón kòhoníjnoâne ndso̱koaà koa̱ tsja̱ sko̱ó kàsíxìjnoâne. 45 K’e̱ nga kànìhixat’aàâná mìkiì kichine’aâná ta̱nga chjo̱ón jè, kóni kòfaha̱s’eèn ni’yaâlè tíkine’a ndso̱koaà. 46 ‘Ngaji̱, mìkiì kànáhijnoi asìti̱ skoaà, ta̱nga chjo̱ón jè, kòfàhijno ndso̱koaà xkiì xi ndaà jne̱. 47 Koií k’oa̱s’ín xanâlè: Chjo̱ón jè, jyeé kàchàat’aà yijeâla̱ ngats’iì jéâla̱ koi kjoa̱âla̱ nga ‘ñó matsjakeèâna, ta̱nga jè xi̱ta̱ xi chiba kàchàat’aàâla̱ jéâla̱, ìsa̱á chiba matsjakeèâna. 48 K’e̱é kitsòâla̱ Jesús jè chjo̱ón: âJéâlè jyeé kàchàat’aàâlè. 49 Jñà xi̱ta̱ xi ta̱ña títsa̱jnat’aà ími̱xa̱ kitsòâla̱ xíkjín: â¿Yá xi̱ta̱âné jè nga ti̱koa̱ maâla̱ síjchàat’aàâná jéâná? 50 Jesús kitsò ìjngoò k’aâla̱ jè chjo̱ón: âKoiâné nga mokjeiínâlè i̱t’aà ts’a̱n nga bitjotjìâne jéâlè; t’inâlà ndaàâne.