San Mateo 23

1 Xi komà i̱skan kitsòâla̱ Jesús jñà xi̱ta̱ xi kjìn maâne ko̱ xi̱ta̱ xi kota’yàt’aàâla̱: 2 âJñà xi̱ta̱ xi okóya kjo̱tíxomaâla̱ Nainá xi kiskiì Moisés ko̱ jñà xi̱ta̱ fariseo tjínâla̱ xá nga okóya kjo̱tíxomaâla̱ Nainá xi kiskiì Moisés. 3 Ti̱ná’yaà yijeâlà koni s’ín okóyaânò. Ta̱nga mìkiì k’oa̱ ’nè koni s’ín jñà xi̱ta̱ koi. Kj’ei̱í tsò ko̱ kj’ei̱í s’ín. 4 Jñà xi̱ta̱ koi bínèâla̱ xi̱ta̱ xi kj’ei̱í kjo̱tíxomaâla̱ xi ‘ñó ‘in tjín koni tsà ch’á i’í sík’a xi mìkiì k’aâla̱; koa̱ jñà xi̱ta̱ xi okóya kjo̱tíxoma, ni̱ i̱tsé síchját’aàâla̱ jñà xi̱ta̱ nga si̱ìkitasòn kjo̱tíxomaâla̱. 5 Koni s’ín s’ín yije kjoa̱ koi, tà jèâné nga mejènâla̱ nga ìsa̱ ndaà skoe̱ xi̱ta̱. Jè Xo̱jo̱nâla̱ Nainá xi ót’aà tje̱nâla̱ ko̱ chrjaâla̱, ìsa̱á iì s’ín; koa̱ jè nikje xi ókjá, ìsa̱á ndojò kjoàn s’ín lixto xi títjònâla̱ nikjeâla̱, tà jè xi mejènâla̱ nga okó yijoâla̱ nga tsò nga xi̱ta̱ tsjeèâla̱ Naináâné. 6 Mejènâla̱ nga jñà kítsa̱t’aà ítjòn ími̱xa̱ k’e̱ nga kjèn xi̱ta̱ ñánda tjín s’eí ko̱ ya̱ ni’ya i̱ngo̱ sinagoga mejènâla̱ nga jñà kítsa̱nè íxi̱le̱ xi jncha ítjòn. 7 Ti̱koa̱á mejènâla̱ nga skoe̱xkón xi̱ta̱ xi kj’ei̱í, ndaà si̱ìxat’aà ya̱ ndi̱tsi̱n; ki̱tso̱âla̱: “Maestro, Maestro." 8 ‘Ta̱nga jñò, mìkiì biì’nde nga “Maestro” ki̱tso̱ânò xi̱ta̱; ngats’ioò jñò, ’ndsè chibàko̱o xinguio̱o; tà jngoò ma xi Maestroânò, jè Cristo [xi̱ta̱ xi xó kisìkasénâne Nainá]. 9 Ni̱jngoò xi “Na̱’èn” ‘mìâlà i̱ i̱t’aà nangui; tà jngoò ma xi Na̱’ènânò xi tíjna ngajmiì. 10 Koa̱ ni̱ yá xi xi̱ta̱ sko̱âla̱ ki̱tso̱ânò; ta̱jngoò Cristo xi sko̱âla̱ tíjnaânò. 11 Jè xi ‘ñó ’nga síkíjna yijoâla̱ i̱t’aà tsa̱jòn, jèâné xi si̱ìxáâla̱ xi̱ta̱ xi i’nga. 12 Jè xi ’nga síkíjna yijoâla̱, ìsa̱á nangui kíjna nga ko̱ma i̱skan; ko̱ jè xi nangui síkíjna yijoâla̱, ìsa̱á ’nga kíjna nga ko̱ma i̱skan. 13 ‘¡I̱ma̱ xóânò jñò, xi̱ta̱ xi okoòya kjo̱tíxomaâla̱ Nainá xi kiskiì Moisés, ko̱ jñò xi xi̱ta̱ fariseo, xi̱ta̱ xi jò i̱sén tjínânò! Bíchjoàâlà ndi̱yáâla̱ ngajmiì jñà xi̱ta̱ xi mejènâla̱ fahas’en ya̱ ñánda nga tíhotíxoma Nainá. Jñò, mìkiì bitjaàs’enâjñoò ko̱ mìkiì biì’ndeâlà xi kj’ei̱í xi̱ta̱ nga fahas’enâjiìn. 14 ‘¡I̱ma̱ xóânò jñò, xi̱ta̱ xi okoòya kjo̱tíxomaâla̱ Nainá, ko̱ jñò xi xi̱ta̱ fariseo, xi̱ta̱ xi jò i̱sén tjínânò! Chja̱à’anâlà ni’yaâla̱ íchjín ka’àn xi jye k’en x’i̱nâla̱; i̱kjoàn ‘ñó ndojò onguíko̱o o̱chikonânò nga mejènânò nga bitsa̱jna’ma nga mì jcha̱ânò mé kjoa̱ xi ’nè. Koií kjoa̱âla̱ ìsa̱á tse kjo̱’in s’e̱ânò. 15 ‘¡I̱ma̱ xóânò jñò, xi̱ta̱ xi okoòya kjo̱tíxomaâla̱ Nainá, ko̱ jñò xi xi̱ta̱ fariseo, xi̱ta̱ xi jò i̱sén tjínânò! Bitjaàsòn yije i̱sò’nde ko̱ ndáchikon nga nokjoàâlà na̱s’ín tà jngoò xi̱ta̱ nga ya̱ fìt’aàânò. Ko̱ k’e̱ nga jye bitasònânò xi̱ta̱ jè, jò k’a o̱kji ok’ìnâla̱ koni jñò nga s’e̱âla̱ kjo̱’in ya̱ ñánda títì ni’ín ts’e̱ i̱’nde kjo̱’in. 16 ‘¡I̱ma̱âxóânò jñò, xi̱ta̱ xi mìkiì tsejènânò nga mejènânò okoòâlà ndi̱yá xi̱ta̱ xi kj’ei̱í! Bixónânó: “Tsà jngoò xi̱ta̱ xi tsjá ‘énâla̱ xi i̱t’aà ts’e̱ i̱ngo̱, mìtsà méâne. Ta̱nga tsà jngoò xi̱ta̱ tsjá ‘énâla̱ xi i̱t’aà ts’e̱ tsojmì chjí xi oro ts’e̱ i̱ngo̱, koií xi kjo̱’ñó ki̱tasòn ‘énâla̱." 17 ¡Jñò xi xi̱ta̱ tòndo̱ ko̱ xi̱ta̱ xka̱n ‘mìânò! ¿Ãáâla̱á xi ìsa̱ ndaà tjín? ¿A jñà tsojmì chjí xi oro a xi jè i̱ngo̱ xi síchikonât’in tsojmì chjí? 18 Jñò k’oa̱á ti̱ bixón: “Tsà jngoò xi̱ta̱ tsjá ‘énâla̱ nga ki̱tso̱: Tíbeè i̱’nde tsjeè ñánda binchasòn kjo̱tjò xi tsjáâla̱ Nainá, jñà xi̱ta̱ mìkiì kjo̱’ñó ki̱tasòn ‘énâla̱. Ta̱nga tsà tsjá ‘énâla̱ xi i̱t’aà ts’e̱ tsojmì xi ya̱ títsa̱jnasòn jè i̱’nde tsjeè, jè xi o̱kixi̱ nga kjo̱’ñó ki̱tasòn." 19 ¡Jñò xi xi̱ta̱ tòndo̱ ko̱ xi̱ta̱ xka̱n ‘mìânò! ¿Ãáâla̱á xi ìsa̱ ndaà tjín? ¿A jñà tsojmì xi tjínâsòn ya̱ i̱’nde tsjeè a xi jè i̱’nde tsjeè xi síchikonât’in tsojmì? 20 Jè xi tsjá ‘énâla̱ xi i̱t’aà ts’e̱ i̱’nde tsjeè, ti̱koa̱á tsjá ‘énâla̱ xi i̱t’aà ts’e̱ ngayije tsojmì xi ya̱ tjínâsòn ya̱ i̱’nde tsjeè. 21 Jè xi tsjá ‘énâla̱ i̱t’aà ts’e̱ i̱ngo̱ mìtsà tà jè i̱t’aà ts’e̱ i̱ngo̱ tsjá, ti̱koa̱á tsjá ‘énâla̱ xi i̱t’aà ts’e̱ Nainá xi ya̱ tíjna. 22 Jè xi tsjá ‘énâla̱ i̱t’aà ts’e̱ ngajmiì, tsjá ‘énâla̱ xi i̱t’aà ts’e̱ íxi̱le̱ kjo̱tíxomaâla̱ Nainá; ti̱koa̱á tsjá ‘énâla̱ xi i̱t’aà ts’e̱ Nainá xi ya̱ tíjnasòn íxi̱le̱. 23 ‘¡I̱ma̱ xóânò jñò, xi̱ta̱ xi okoòya kjo̱tíxomaâla̱ Nainá, ko̱ jñò xi xi̱ta̱ fariseo, xi̱ta̱ xi jò i̱sén tjínânò! Nga maânò ‘biìâlà Nainá xi teya oko̱âla̱ ts’e̱ xka̱ menta ko̱ xka̱ anís ko̱ xka̱ comino; ta̱nga mìkiì nìkitasòn jè kjo̱tíxoma xi ìsa̱ ‘ñó mochjeén koni jè kjoa̱ kixi̱, kjoa̱hi̱ma̱takòn ko̱ jè kjoa̱ nga kixi̱ kàtakjeiínânò i̱t’aà ts’e̱ Nainá. Koií kjoa̱ xi ‘ñó mochjeén nga ki̱tasòn; ti̱koa̱á mochjeénâné nga ki̱tasòn jñà kjoa̱ xi i’nga. 24 ¡Jñò, xi̱ta̱ xi mìkiì tsejènânò nga mejènânò okoòâlà ndi̱yá xi̱ta̱ xi kj’ei̱í, jñò, nìkjaànguioò na̱tse̱ nga majìnânò nga chíjeèn cho̱ xi tjé, ta̱nga mìkiì ‘yaà k’e̱ nga chíjeèn cho̱ ch’á xi ‘mì camello! 25 ‘¡I̱ma̱ xóânò jñò, xi̱ta̱ xi okoòya kjo̱tíxomaâla̱ Nainá, ko̱ jñò xi xi̱ta̱ fariseo, xi̱ta̱ xi jò i̱sén tjínânò! Onìjnoò chi̱tsínânò ko̱ chro̱ba̱ânò ya̱ i̱sò’ngaâla̱ ta̱nga ya̱ i̱yaâla̱ kitseè tsojmì xi nìchijé ko̱ nga tse mejènânò. 26 Jñò xi xi̱ta̱ fariseo ‘mìânò, xi mìkiì tsejènânò. Ãtjòn ta̱níya chi̱tsínânò ko̱ chro̱ba̱ânò ya̱ i̱yaâla̱, méâne nga ko̱tsjeèâne i̱sò’ngaâla̱. 27 ‘¡I̱ma̱ xóânò jñò, xi̱ta̱ xi okoòya kjo̱tíxomaâla̱ Nainá, ko̱ jñò xi xi̱ta̱ fariseo, xi̱ta̱ xi jò i̱sén tjínânò! K’oa̱á titsjoò koni kjoàn chrjóâla̱ mik’en xi kitsiìnga i̱sò’ngaâla̱. Ndaà kjoàn, ta̱nga ya̱ i̱yaâla̱ kitseè nindaàâla̱ mik’en ko̱ ngats’iì tsojmì xi ch’o kjoàn. 28 Jñò, k’oa̱á s’ín ’nè nga nguixko̱n xi̱ta̱, xi̱ta̱ ndaàânò; ta̱nga i̱jiìn ini̱ma̱ânò kitseè kjoa̱ xi jò i̱sén tjínâla̱ ko̱ kjoa̱ nga ch’o ’nè. 29 ‘¡I̱ma̱ xóânò jñò, xi̱ta̱ xi okoòya kjo̱tíxomaâla̱ Nainá, ko̱ jñò xi xi̱ta̱ fariseo, xi̱ta̱ xi jò i̱sén tjínânò! Bìndaà chrjóâla̱ mik’en ts’e̱ xi̱ta̱ xi kiìchja̱ ngajoâla̱ Nainá ko̱ nìkiìnga chrjóâla̱ xi xi̱ta̱ kixi̱ komà. 30 I̱kjoàn bixón: “Tsà jñáâlaâná xi titsa̱jnakoaán jè na̱chrjeinâla̱ xi̱ta̱ jchíngaâná mìâla kiì kinìchját’aàâlá xi̱ta̱ jchíngaâná nga kisìk’en jñà xi̱ta̱ xi kiìchja̱ ngajoâla̱ Nainá." 31 K’oa̱á s’ín ‘yaâla̱ nga ti̱jñò ‘yaânò yijoânò nga i̱xtiâla̱ maá xi̱ta̱ xi kisìk’en xi̱ta̱ xi kiìchja̱ ngajoâla̱ Nainá. 32 Jñò, koni s’ín tsibíts’ia̱ xi̱ta̱ jchíngaânò, jngoò k’a ti̱kitasòn yije kjoa̱. 33 ‘Jñò, k’oa̱á ngayaâla̱ koni ye̱, nga ya̱ tje̱nânò i̱t’aà ts’e̱ ye̱. Mìkiì ko̱jnoânò i̱’nde ts’e̱ kjo̱’in. 34 K’oi̱í kjoa̱âla̱, ‘a̱n sìkasénânò xi̱ta̱ xi ki̱chja̱ ngajoâla̱ Nainá, xi̱ta̱ xi tjínâla̱ kjoa̱chji̱ne̱ ko̱ xi ko̱kòya kjo̱tíxoma. Ta̱nga jñò, tjín xi si̱k’eèn, tjín xi kjòt’aà krò koa̱ tjín xi ki̱xkànâko̱o ya̱ i̱ya ni’ya i̱ngo̱ sinagoga; koa̱ ko̱nguítji̱ngui kondra̱âlà xi̱ta̱ koi nga xki̱ xi ján na̱xa̱ndá. 35 Jñò ska̱nè yijeânò kjo̱’in jè jní xi kixíxteèn ts’e̱ xi̱ta̱ ndaà xi k’en, mats’ia̱ko̱âne Abel, xi̱ta̱ kixi̱ xi k’en ítjòn, skanda jè Zacarías, ki’ndíâla Berequías, jè xi kisìk’en xi̱ta̱ tsa̱jòn ya̱ i̱’nde jngoò osenâla̱ ñánda tíjna Ni’ya Tsjeèâla̱ Nainá ko̱ ñánda binchásòn kjo̱tjò xi tsjáâla̱ Nainá jñà xi̱ta̱. 36 O̱kixi̱í xi xanânò, ngats’iì kjoa̱ koi, jñà ska̱nèâla̱ kjo̱’in jñà xi̱ta̱ xi tjín i̱’ndei̱. 37 ‘¡Jñò xi xi̱ta̱ na̱xa̱ndá Jerusalén tsa̱jòn xi nìk’eèn xi̱ta̱ xi chja̱ ngajoâla̱ Nainá ko̱ bìnè nda̱jo̱ jñà xi̱ta̱ xi Nainá síkasénânò! ¡Kjìn k’a kjòmejènâna nga tsibíxkóya xi̱ta̱ na̱xa̱ndáânò, koni s’ín xa̱’nda̱ nga bíngui jnga̱áâla̱ jñà i̱xtiâla̱; ta̱nga jñò, mìkiì kòkjeiínânò! 38 Chítsejènâlà ni’yaânò nga jye tsjiìnâtakòn Nainá. 39 K’oa̱á xánânò mats’ia̱âne na̱chrjein i̱’ndei̱ mì ti̱ kiì jcha̱xkoònâná skanda k’e̱ nga jè na̱chrjein nga kixón: “¡Mé ta ndaàâla̱ jè xi nchrobá ngajoâla̱ Nainá!"