San Mateo 8

1 K’e̱ nga itjojenâne Jesús ya̱ i̱sò’nga nindoò, kjìn xi̱ta̱ j’iìtji̱nguiâla̱. 2 Jngoò xi̱ta̱ xi tíbindojno chrjoa̱ yijoâla̱ ijchòkon koa̱ tsasìxkó’nchit’aàâla̱, kitsòâla̱: âNa̱’èn, tsà mejènâlè, ti̱tsjeèâná ch’in xi tjínâna. 3 Jesús, k’e̱é tsijmeé tsja nga tsohót’aàâla̱ yijoâla̱ xi̱ta̱ jè, kitsòâla̱: âMejènâna, kàtandaàâne yijoâlè. K’e̱ nga o̱kitsò Jesús, ni̱to̱ón kjòndaàâne. 4 K’e̱é kitsòâla̱ Jesús: âTi̱ná’yi, kì yá xi̱ta̱ xi bèno̱jmíâla̱. T’in ñánda tíjna no̱’miì, ta̱kóâla̱ yijoâlè nga jyeé kjòndaàâne; koa̱ jch’i̱i kjo̱tjòâlè, tsojmì xi síjé kjo̱tíxomaâla̱ Nainá xi kiskiì Moisés, méâne nga kàteèâne jñà xi̱ta̱ nga jyeé kjòndaàâne ch’inâlè. 5 K’e̱ nga jahas’en Jesús ya̱ na̱xa̱ndá Capernaum, jngoò xi̱ta̱ sko̱âla̱ soldado ts’e̱ Roma ijchòkon, kisìjéâla̱ kjo̱ndaà. 6 Kitsòâla̱: âNa̱’èn, xi̱ta̱ chi̱’ndaâna̱ kijnaâné ján ni’yaâna̱. Tsí ‘ñó xk’én koa̱ tífa kjo̱’in nga mìkiì ma síhiníyá yijoâla̱. 7 Jesús kitsòâla̱: âKo̱ma kjísìndaàâna. 8 Jè xi̱ta̱ sko̱âla̱ soldado kitsò: âNa̱’èn, mìkiì ok’ìnâna nga ngaji̱ k’oín sobì ni’yaâna̱, ta̱ sa̱á tjiì o̱kixi̱ nga kàtandaàâne, koa̱ ko̱ndaàâne chi̱’ndaâna̱. 9 ‘A̱n, tíjiìnâna nga tjínâlè kjo̱tíxoma. Ti̱koa̱á ‘a̱n, tjínâna xi̱ta̱ ítjòn xi otíxomaâna, ti̱koa̱á tjínâna soldado xi ‘a̱n otiìxomaâla̱, k’e̱ nga xan jngoòâla̱: “T’in”, fìâné; xanâla̱ xi ìjngoò: “Nchroboí”, nchrobáâné; koa̱ k’e̱ nga xanâla̱ jè xi chi̱’ndaâna̱: “K’oa̱ t’i̱in”, síkitasònâna. 10 K’e̱ nga kiì’nchré Jesús jñà ‘én koi, tà kjòxkónâla̱. Kitsòâla̱ jñà xi̱ta̱ xi tji̱nguiâla̱: âO̱kixi̱í xi xanânò, ya̱ Israel ni̱ sa̱á jngoò xi̱ta̱ sakóâna xi k’oa̱s’ín ndaà mokjeiínâla̱ koni jè xi̱ta̱ jè. 11 K’oa̱á xanânò, kjìn xi̱ta̱ kjoi̱íâne nga ñijòn chrja̱ngui̱âla̱ i̱sò’nde xi ko̱kje̱nâko̱ Abraham ko̱ Isaac ko̱ Jacob ya̱ ngajmiì ñánda tíhotíxoma Nainá. 12 Ta̱nga jñá xi̱ta̱ xi tjínâne nga ya̱ kítsa̱jna ñánda ko̱tìxoma Nainá, ki̱tjokàjiìnâné; ján kjoi̱ ndi̱tsin ñánda jñò choòn, ko̱ ya̱á ski̱ndàya koa̱ si̱ìjts’iìn ni̱’ño̱. 13 K’e̱é kitsòâla̱ Jesús jè xi̱ta̱ sko̱âla̱ soldado: âT’inâne ni’yaâlè; koni s’ín nga ndaà mokjeiínâlè, k’oa̱á s’ín ko̱ma. Jè chi̱’ndaâla̱ ti̱k’e̱é kjòndaàâne. 14 Jesús kiì ni’yaâla̱ Pedro koa̱ kijtseè na̱chíyaâla̱ nga kijna xk’én; ch’in tìjnga tjínâla̱. 15 Jesús tsohót’aàâla̱ tsja jè chjo̱ón, ni̱to̱ón kjòndaàâne ch’in tìjngaâla̱, tsasítje̱nâne jè chjo̱ón, i̱kjoàn kisìs’inâla̱ Jesús. 16 K’e̱ nga jye kòjñò, kjìn xi̱ta̱ xk’én j’iìko̱âla̱ Jesús xi ini̱ma̱ ch’oâla̱ nei̱í tjínâla̱. Jesús tà jngoò o̱kixi̱ kitsjaà nga tsatíxomaâla̱ méâne nga itjokàjiìnâne ini̱ma̱âla̱ jñà xi̱ta̱ ngats’iì ini̱ma̱ ch’oâla̱ nei̱í, koa̱ kjòndaà yijeâne xi̱ta̱ xk’én. 17 Kjoa̱ koi koni s’ín komà, koií tsitasòn koni kitsò Isaías xi̱ta̱ xi kiìchja̱ ngajoâla̱ Nainá k’e̱ nga kitsò: “Jè jaàxìn ch’inâná ko̱ jè kisìkjeiín kjo̱’in nga kjòndaàâne ñánda kitsì’on yijoâná." 18 K’e̱ nga kijtseè Jesús nga kjìn maâne xi̱ta̱ xi kitseèndiìâla̱, kitsjaàâla̱ o̱kixi̱ xi̱ta̱ xi kota’yàt’aàâla̱ nga kiì ján xijngoaà ndáchikon. 19 K’e̱é j’iì jngoò xi̱ta̱ xi okóya kjo̱tíxomaâla̱ Nainá xi kiskiì Moisés, ijchòkon Jesús, kitsòâla̱: âMaestro, kjítji̱nguiâlè ni̱ta̱ ñánda nga k’oín. 20 Jesús kitsòâla̱: âJñà ni̱nda̱ tjínâla̱ nguijo ñánda oyijò, koa̱ jñà ni̱se tjínâla̱ tjé, ta̱nga ‘a̱n xi Ki’ndíâla̱ Xi̱ta̱ xanâla̱ yijoâna̱, tsjìnâna i̱’nde ñánda síkjáya. 21 Ãjngoò xi̱ta̱ xi kota’yàt’aàâla̱ kitsòâla̱: âNa̱’èn, tjiì’ndeâná nga ítjòn kjián kìhijñaà na̱’ènâna̱. 22 Jesús kitsòâla̱: âJi̱, nchrobátji̱nguiâná, jñà mik’en kàtìhijiìn mik’enâla̱. 23 Jahas’en Jesús jè chitso; kjihijtako̱ jñà xi̱ta̱ xi kota’yàt’aàâla̱. 24 Tà ni̱to̱ón tsatsejèn jngoò tjo̱xkón ko̱ jtsí ya̱ i̱jiìn ndáchikon, ko̱ jè ndáchikon ta̱xki̱ komàâné, mejèn bíjtsa’ma jè chitso. Ta̱nga jè Jesús kjinaféâné. 25 Jñà xi̱ta̱ xi kota’yàt’aàâla̱ k’e̱é kiìkon nga kisìkjaáâla̱ Jesús, kitsòâla̱: âNa̱’èn, ti̱kinda̱ânáje̱n. Jye titsa̱bixònguindá. 26 Kiìchja̱ Jesús kitsò: â¿Méâne tsakjoònânò? ‘Ãó chiba mokjeiínânò xi i̱t’aà ts’a̱n. K’e̱é tsasítje̱n Jesús, tsohótiko̱ tjo̱xkón ko̱ ndáchikon koa̱ ni̱to̱ón kisijyòâne tjo̱ koa̱ kjòndaàyaâne. 27 Koa̱ jñà xi̱ta̱ xi kota’yàt’aàâla̱ tà kjòxkónâla̱, kitsò: âYá xi̱ta̱âne jè skanda jè tjo̱ ko̱ ndáchikon síkitasònâla̱. 28 K’e̱ nga ijchò Jesús ján xijngoaà ndáchikon ya̱ nangui Gadara, jò xi̱ta̱ ijchò kinchat’aàâla̱ xi ya̱ itjoâne ya̱ ñánda sihijiìn mik’en. Ini̱ma̱ ch’oâla̱ nei̱í tjínâla̱. ‘Ãó jchán ts’e̱n, kjaánâko̱âne tsà yá xi ya̱ kjoa̱haya ndi̱yá. 29 ‘Ãó kiìchja̱ nga kitsò: â¿Mé xi mejènâlè ko̱ ngaje̱n, ji̱ xi Ki’ndíâla̱ Nainá ‘mìâlè? ¿A koií xá kòf’i̱âne nga jcha̱toònânáje̱n k’e̱ nga ti̱kj’eè bijchó na̱chrjeinâla̱ kjo̱’in? 30 Ya̱ chrañàt’aàâla̱ kjìn jchán chi̱nga̱ nchikjènâjno, 31 koa̱ jñà ini̱ma̱ ch’oâla̱ nei̱í tsibítsi’baâla̱ Jesús, kitsòâla̱: âTsà ki̱nachrjekàjiìnânáje̱n, tjiì’ndeânáje̱n nga ki̱tjás’e̱nâjiìnâje̱n yijoâla̱ chi̱nga̱ koi. 32 Jesús kitsòâla̱: âNdaà tjín, tanguió. I̱kjoàn itjojiìn yijoâla̱ jñà xi̱ta̱ koi, k’e̱é jahas’enâjiìn yijoâla̱ jñà chi̱nga̱, koa̱ ngats’iì chi̱nga̱ tsatíkjájenâjno ya̱ na̱xi̱ skanda i̱jiìn ndáchikon ko̱ ya̱á k’en. 33 Jñà xi̱ta̱ xi ko’ndà chi̱nga̱ tsanga; k’e̱ nga ijchò i̱jiìn na̱xa̱ndá, tsibéno̱jmí yije kjoa̱ xi komà ko̱ kjoa̱ xi komàt’in jñà xi̱ta̱ xi ini̱ma̱ ch’oâla̱ nei̱í tíjiìn ini̱ma̱âla̱. 34 K’e̱é ijchò ngats’iì xi̱ta̱ na̱xa̱ndá ñánda tíjna Jesús; k’e̱ nga kijtseèxkon tsibítsi’baâla̱ nga xìn nangui kàtjì.