San Marcos 16

1 K’e̱ nga jye tsato na̱chrjein nìkjáya, María Magdalena, Salomé, ko̱ María nea̱âla̱ Jacobo, tsatse xkiì jne̱ nga mejènâla̱ si̱ìkaàjno yijoâla̱ Jesús. 2 Jè na̱chrjein nga tàts’en xomàna̱, ‘ñó ta̱jñòya kiì katsejènâla̱ ñánda kisìhijiìn Jesús. Ti̱k’e̱é tíbitjokàtji ts’oí. 3 Tsòâla̱ xíkjín: â¿Yá xi kjoa̱áxìnâná nda̱jo̱ xi tíchjoàjto ya̱ xotjoa̱âla̱ nga̱jo̱ i̱tsjó? 4 K’e̱ nga ijchò, kiskoòtsejèn, kijtseè nga jè nda̱jo̱ je xi ‘ñó i’í xi tíchjoàjtoâla̱ nga̱jo̱ i̱tsjó ñánda kisijna Jesús, jye kitjaàxìn. 5 K’e̱ nga jahas’enângui nguijo kijtseè jngoò xi̱ta̱ i̱xti xi tíjnajté jngoò nikje chroba ndojò. Tíjnat’aà kixi̱âla̱ nga̱jo̱. Jñà íchjín tà kitsakjònâné. 6 Ta̱nga jè xi̱ta̱ i̱xti kitsòâla̱: âKì tsakjoònâjèn. Jñò, jè binchaàtsjioò Jesús xi Nazaret i̱’ndeâla̱, jè xi kisit’aà krò. Jye kòfaáyaâla̱. Mì ti̱ i̱ tíjnaâne. Chítsejènâlà i̱’ndeâla̱ ñánda kisijna. 7 Tanguió koa̱tìnâlà xi̱ta̱ xi kota’yàt’aàâla̱ ko̱ Pedro: “Jè tífì ítjònânò ján Galilea. Ya̱á jcha̱xkoòn ìjngoò k’a koni s’ín kitsòânò." 8 Jñà íchjín, itjo ni̱to̱ónâne ya̱ i̱ya nguijo. Kiì, tsangachikon. Chi̱ba̱âla̱ nchihotséâné nga kitsakjòn. Ni̱yá xi tsibéno̱jmíâla̱ nga ‘ñó tsibíxkónâla̱ yijoâla̱. 9 Jè na̱chrjein nga tàts’en xomàna̱, Jesús jaáyaâla̱ nga ta̱jñòya. Jè kijtseè ítjòn María Magdalena, jè xi tsachrjekàjiìn itoò ini̱ma̱ ch’oâla̱ nei̱í ini̱ma̱âla̱. 10 María Magdalena kiì, kisìkí’nchré ngats’iì xi̱ta̱âla̱ Jesús nga ba tjínâla̱ koa̱ nchikjindáya. 11 Jñà xi̱ta̱ xi kota’yàt’aàâla̱, k’e̱ nga kiì’nchré nga tíjnakon Jesús nga jè chjo̱ón kijtseè, mìkiì kòkjeiínâla̱. 12 K’e̱ komà i̱skan, Jesús, kj’ei̱í kji i̱sénâla̱ k’e̱ nga tsakóâla̱ yijoâla̱ jò xi̱ta̱âla̱ xi nchifì campo. 13 Tsohótjiâne jñà xi̱ta̱ xi jò ma, kisìkí’nchré jñà xi̱ta̱ xi i’nga. Ti̱koa̱á mìkiì kòkjeiínâla̱. 14 Xi jyehet’aàâne, Jesús tsakóâla̱ yijoâla̱ jñà xi̱ta̱ xi tejngoò maâne k’e̱ nga títsa̱jnat’aà ími̱xa̱ nga nchikjèn. Tsohótiko̱ nga tájaà tjín ini̱ma̱âla̱ nga mì kòkjeiínâla̱ k’e̱ nga tsibéno̱jmíâla̱ jñá xi̱ta̱ xi tsakó ítjònâla̱ yijoâla̱ nga jè jye jaáyaâla̱. 15 Koa̱ kitsòâla̱: âTanguió nga tíjtsa i̱sò’nde. Tèno̱jmí yijeâlà ngats’iì xi̱ta̱ jè ‘én ndaàâla̱ Nainá xi kjoa̱ ts’a̱n. 16 Jñà xi̱ta̱ xi ko̱kjeiínâla̱ i̱t’aà ts’a̱n koa̱ ko̱ma bautizar, ki̱tjokàjiìn kjo̱’in. Ta̱nga jñà xi mìkiì ko̱kjeiínâla̱, kjo̱’iín s’e̱âla̱. 17 Jñà xi ko̱kjeiínâla̱ i̱t’aà ts’a̱n, k’oa̱á s’ín jcha̱âla̱; nga ko̱maâla̱ ko̱chrjekàjiìn ini̱ma̱ ch’oâla̱ nei̱í xi tíjiìn ini̱ma̱âla̱ xi̱ta̱; ti̱koa̱á ko̱maâla̱ ki̱chja̱ ‘én xi kj’ei̱í tsò; 18 tsà ye̱ tsobà’ñó, tsà xkiì kjan ski̱ne̱, ni̱mé xi ko̱maâla̱; ko̱hòsònâla̱ tsja xi̱ta̱ xi xk’én, ko̱ndaàâne. 19 K’e̱ nga jye o̱kitsòâla̱ xi̱ta̱ xi kota’yàt’aàâla̱, Na̱’ènâná Jesús, kitjámiì’nga; nga kiì ngajmiì, tsibìjna i̱t’aà kixi̱âla̱ Nainá. 20 Jñà xi̱ta̱âla̱ kiì; kisìka’bí ‘én ndaàâla̱ nga kijndà i̱’nde, ko̱ jè Na̱’ènâná Jesús kisìchját’aàâla̱ ko̱ kisìkixi̱yandaà ‘énâla̱ ko̱ kjo̱ndaà xi kis’iìn xi̱ta̱âla̱. K’oa̱á s’ín kàtama.