Filipenses 1

1 Ngats’ioò xi titsa̱jnaà ján na̱xa̱ndá Filipos xi xi̱ta̱âla̱ Nainá maà nga Cristo Jesús titsa̱jnako̱o, ti̱koa̱ jñò xi nìkitasòn xá nga nìkinda̱a na̱xa̱ndáâla̱ Nainá ko̱ jñò xi nìchját’aà, ‘a̱n xi ‘mìâna Pablo ko̱ Timoteo titsa̱nìhixot’aàânòje̱n nga chi̱’ndaâla̱ Jesucristo ‘mìânaje̱n. 2 Nainá xi Na̱’ènâná, ko̱ jè Jesucristo xi otíxomaâná kàtatsjáânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 3 Jè Nainá xi ‘a̱n bexkoán, tsjaàâla̱ kjo̱ndaà nga indiaà indiaà bítsjeènâna i̱t’aà tsa̱jòn. 4 K’e̱ nga indiaà indiaà chjàt’aàâla̱ Nainá, ‘ñó ndaà matsjaâna nga ngats’ioò chjàtjìânò, 5 koií kjoa̱âla̱ nga jñò titsa̱nìchját’aàâná nga ma chjàya ‘én ndaàâla̱ Nainá xi kjoa̱ ts’e̱ Cristo tje̱nâne jè na̱chrjein k’e̱ nga kòkjeiínânò skanda na̱chrjein i̱’ndei̱. 6 ‘A̱n, k’oa̱á s’ín makixi̱âna nga jè Nainá, koni s’ín tsibíts’ia̱ko̱ânò nga tísíkjatjìyaâla̱ ini̱ma̱ânò ko̱ kjo̱hítsjeènânò, skanda k’e̱é si̱ìjngoòâne kjoa̱ koi jè na̱chrjein k’e̱ nga kjoi̱í ìjngoò k’a Na̱’ènâná Jesucristo. 7 Ndaà tjín nga k’oa̱s’ín sìkítsjeènânò ngats’ioò jñò xi ‘ñó matsjake̱ânò nga ngásòn kitjoéânò kjo̱ndaàâla̱ Nainá koni ‘a̱n; nga jñò titsa̱nìchját’aàâná nga ma beno̱jmíâla̱ jñà xi̱ta̱ jè ‘én ndaàâla̱ Nainá xi kjoa̱ ts’e̱ Cristo na̱s’ín nda̱yá tìjna̱a i̱ya, ko̱ na̱s’ín xìn tìjna̱a nga ósi̱koa̱a jè ‘én ko̱ okoòâla̱ xi̱ta̱ nga ‘én kixi̱âné. 8 Tíbeè Nainá nga kixi̱í kjoa̱ nga ngats’ioò, ‘ñó matsjake̱ânò koni s’ín tjín jè kjoa̱tjòcha xi ‘ñó tse tjínâla̱ Jesucristo. 9 K’e̱ nga bìtsi’batjìânò, k’oa̱á s’ín síjét’aàâla̱ Nainá nga jè kjoa̱tjòcha xi tjínânò, ìsa̱ ndaà ti̱tsjacha xinguio̱o, ìsa̱ ndaà kjo̱hítsjeèn kàtas’eânò ko̱ ìsa̱ ndaà kàtamachi̱yaânò ngats’iì kjoa̱ xi kixi̱ tjín, 10 méâne ko̱ma chjaàjiìnânò kjoa̱ xi nguì ndaà tjín. K’oa̱á s’ín ko̱maâne nga tsjeè si̱jchá yijoânò ko̱ ni̱mé jé sa̱kòt’aàânò jè na̱chrjein k’e̱ nga kjoi̱í ìjngoò k’a Cristo. 11 Nga kàta’yaâla̱ nga jñò, nguì kixi̱í tjín kjoa̱ xi ’nè nga ko̱ nga’ñó xi tjínâla̱ Jesucristo méâne jè Nainá jeya kíjnaâne ko̱ ’nga kíjna. 12 Ndí ’ndsè, mejènâna nga ndaà kàtasijiìnânò nga k’oa̱á s’ín tímochjeén ngats’iì kjoa̱ xi tímat’ian nga ìsa̱ kjìn xi̱ta̱ mokjeiínâla̱ ‘én ndaàâla̱ Nainá xi kjoa̱ ts’e̱ Cristo. 13 Nga̱ ngats’iì soldado xi síkinda̱ ni’ya osen ko̱ ngats’iì xi̱ta̱ xi i’nga, tjíjiìnâla̱ nga koií kjoa̱âla̱ ‘énâla̱ Cristo nga nda̱yá tìjna̱a. 14 Jñà xi̱ta̱ xinguia̱á xi ’ndsé chibá, nga nchibeè nga nda̱yá tìjna̱a’ya, kjìn maâne xi ma’ñó ikon, mì ti̱ kiì tsakjónâne i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo nga chja̱yajiìnâla̱ xi̱ta̱. 15 Kixi̱í kjoa̱, tjín i’nga xi̱ta̱ xi ‘énâla̱ Cristo chja̱ya ta koií kjoa̱âla̱ nga machi̱ni̱keèâna nga jè xi mejènâla̱ nga ìsa̱ kjìn xi̱ta̱ kjit’aàâla̱. Ta̱nga ti̱koa̱á tjín i’nga xi ndaà tjín ini̱ma̱âla̱ nga béno̱jmí kixi̱ jè ‘énâla̱ Cristo. 16 Jñà xi̱ta̱ xi ndaà tjín ini̱ma̱âla̱, k’oa̱á s’ín béno̱jmí nga matsjakeèâna, nga jyeé ndaà tíjiìnâla̱ nga Nainá i̱í kisìkíjnaâna nda̱yá méâne nga ‘a̱n kichjàtjià ‘én ndaàâla̱ Nainá xi kjoa̱ ts’e̱ Cristo. 17 Ta̱nga jñà xi̱ta̱ xi i’nga, nga chja̱ya i̱t’aà ts’e̱ Cristo, mìtsà ko̱ ini̱ma̱âla̱ béno̱jmí. Ta jè xi mejènâla̱ nga kjìn xi̱ta̱ kjit’aàâla̱. K’oa̱á s’ín mejènâla̱ nga ìsa̱ tse kjo̱’in si̱kjiaán nga jye nda̱yá tìjna̱a’ya. 18 Mìtsà méâne, tsà ndaá tjín ini̱ma̱âla̱ nga okóya ‘én ndaàâla̱ Nainá, ko̱ tsà majìn; mì ‘a̱án oko̱âna̱. Ta jè xi mejènâna nga kàtachja̱ya ‘én ndaàâla̱ Nainá xi kjoa̱ ts’e̱ Cristo. K’oa̱á maâne nga tsja maâna. Mé xi ‘ñó mejènâla̱ Pablo Nga tífì na̱chrjein ko̱tsjaáâìsaâna, 19 koií kjoa̱âla̱ nga ngats’iì kjoa̱ xi tíma, jyeé tíjiìnâna nga ki̱jchò na̱chrjein nga kítjokàjñaà kjo̱’in koiâné nga jñò bìtsi’batjìâná ko̱ nga tsjáâná nga’ñó Ini̱ma̱ Tsjeèâla̱ Cristo. 20 Ta jè xi ‘ñó mejènâna ko̱ tìkoña kjoa̱ nga mì ko̱sobàâna nga ch’o síkíjna Cristo. Jè xi mejènâna nga mì kì tsakjoònâla̱ xi̱ta̱ nga ma kichjàâla̱ méâne ‘a̱n, tsà tìjna̱koan, ko̱ na̱s’ín ki̱yá, jè Cristo jeya kíjna i̱t’aà ts’a̱n. 21 ‘A̱n, nga tìjna̱koan, jèâné nga jeya kíjna Cristo. Ko̱ tsà ‘a̱n ki̱yá, ìsa̱áâla ndaà s’e̱. 22 Ta̱nga tsà ta̱kó kóti̱jnakoan i̱ i̱sò’nde, tsà koií na̱chrjeinâla̱ s’i̱inâìsa xáâla̱ Nainá. K’oa̱á maâne, mìkiì be mé xi ìsa̱ ndaà tjín. 23 Ingajò kjoa̱ koi ‘ñó ‘in maâna; jòya tjín kjo̱hítsjeènâna; mejènâna nga kàtiyaà méâne nga ya̱ kóti̱jnakoa̱a Cristo; nga ìsa̱áâla ‘ñó ndaà s’e̱. 24 Ta̱nga xi kjo̱ndaà tsa̱jòn, ìsa̱ ‘ñó mochjeén nga kóti̱jnakon ìsa̱. 25 K’oa̱á s’ín beèâla̱ takoàn nga kóti̱jnakon ìsa̱, nga k’oa̱á s’ín tíjngoò takoàn nga mochjeénânò i̱t’aà ts’a̱n. Kóti̱jnajiìnânò méâne ko̱ma siìchját’aàânò nga ìsa̱ tsja ko̱maânò koni s’ín mokjeiínânò ko̱ nga ìsa̱ ndaà ko̱kjeiínâìsaânò. 26 Méâne k’e̱ nga kìjchokon ìjngoò k’aânò, ìsa̱á tsja ko̱maânò nga ìsa̱ ’nga si̱kíjna Cristo Jesús koni s’ín osìko̱âna. 27 Ta jè xi ‘ñó mochjeén nga k’oa̱s’ín ti̱jchá yijoânò koni tsò ‘én ndaàâla̱ Nainá xi kjoa̱ ts’e̱ Cristo; méâne tsà ko̱ma kjíkonânò ko̱ tsà mìkiì ko̱ma kjián, tákó kji̱’nchrèâná nga kixi̱ titsa̱jnako̱o ‘én, nga jngoó tjín kjo̱hítsjeènânò nga ngásòn titsa̱bixkànâtjiò koni s’ín mokjeiínânò ‘én ndaàâla̱ Nainá xi kjoa̱ ts’e̱ Cristo, 28 nga mì tsakjoònâlà jñà xi̱ta̱ kondra̱ânò. Koni s’ín titsa̱’nè ngats’iì kjoa̱ koi, k’oa̱á s’ín si̱jna koni jngoò chi̱ba̱ xi okó nga jñà xi̱ta̱ kondra̱, kjoe̱hesònâné, ta̱nga jñò, ki̱tjokàjiìnânò kjo̱’in. Kjoa̱ koi, i̱t’aà ts’e̱ Nainá nchrobáâne. 29 Nga̱ Nainá ti̱koa̱á tsjáânò kjo̱ndaà nga kjo̱’in titsa̱nìkjioón xi kjoa̱ ts’e̱ Cristo koni s’ín kitsjaàânò kjo̱ndaà nga kòkjeiínânò ‘én ndaàâla̱. 30 Nga jñà kjoa̱ xi tjínânò i̱’ndei̱, ti̱jñàâne xi ‘a̱n kis’eâna koni s’ín ki’yaà jñò, ko̱ tákó koií kjoa̱ tjínâna skanda na̱chrjein i̱’ndei̱ koni s’ín titsa̱na’yà.