Filipenses 2

1 Jñò, nga Cristo tsjáâla̱ nga’ñó ini̱ma̱ânò, ko̱ nga jè kjoa̱tjòcha síje takònânò, ko̱ nga jè Ini̱ma̱ Tsjeèâla̱ Nainá ndaà síkítsa̱jnajtínânò nga nìxákjoò, ko̱ nga nguì ko̱ó ini̱ma̱ânò tjínânò kjo̱hi̱ma̱takòn, 2 k’oa̱á maâne nga síjéânò nga ta jngoò kjo̱hítsjeèn kàtas’eânò, jngoò kjoa̱tjòcha, ngásòn t’èâlà takòn, ko̱ ngásòn chibàânò mé xi nìkítsjeèn méâne nga ìsa̱ ndaà ko̱tsjaâna. 3 Kì kjoa̱ ’nga takòn onguíchjaà, ko̱ kì ’nga nìkítsa̱jna yijoânò. Ta̱ sa̱á nangui ti̱kítsa̱jna yijoânò, k’oa̱á s’ín jcha̱xkón xi̱ta̱ xi kj’ei̱í koni tsà jñà títsa̱jna ítjòn. 4 Kì ta koi nìkájno xi kjo̱ndaà tsa̱jòn. Ti̱koa̱á ti̱kájnoânò mé xi mochjeénâla̱ xi̱ta̱ xi kj’ei̱í. 5 K’oa̱á tjín kjo̱hítsjeèn xi kàtas’eânò koni tjín kjo̱hítsjeèn xi tjínâla̱ Cristo Jesús. 6 Na̱s’ín ti̱jè sobàâne Nainá, mìtsà ko̱s’ín kisìkítsjeèn nga kjo̱’ñó mejènâla̱ nga ko̱s’ín kíjna koni s’ín tíjna Nainá. 7 Ta sa̱á ‘ñó nangui kisìkíjna yijoâla̱ nga ko̱s’ín tsibìjna koni jngoò xi̱ta̱ chi̱’nda, koni xi ta̱xki̱ xi̱ta̱ i̱sò’nde. 8 K’e̱ nga jye ta̱xki̱ xi̱ta̱ komà, kisìkajeénâla̱ ini̱ma̱âla̱ nga ndaà kisìkitasòn yijeâla̱ Nainá skanda kó nga k’en nga ya̱ kinìk’enât’aà krò. 9 K’oa̱á maâne, Nainá, k’e̱ nga jye kisìkjaáyaâla̱, ta̱xki̱ ‘ñó ’nga kisìkíjna. Kitsjaà jngoòâla̱ ‘ín xi ìsa̱ ‘ñó ’nga tíjna méâne jè ko̱tìxoma yijeâla̱ xi̱ta̱. 10 Méâne nga i̱t’aà ts’e̱ Jesús ki̱ncha-xkó’nchiâla̱ ngats’iì xi títsa̱jna ngajmiì, xi títsa̱jna i̱ i̱t’aà nangui, ko̱ xi títsa̱jna i̱jiìn nangui. 11 K’oa̱á s’ín ki̱tso̱ ngats’iì xi̱ta̱ nga Jesucristo, jè xi otíxoma; k’oa̱á maâne nga jeya kíjna Nainá xi Na̱’ènâná. 12 K’oa̱á maâne, jñò ndí ’ndsè xi ‘ñó matsjake̱ânò, k’e̱ nga tsohóti̱jnako̱ânò, kjit’aà na̱chrjein ndaà kinìkitasòn. I̱’ndei̱ nga kjiìn tìjna̱a, tákó k’oa̱s’ín ndaà ti̱kitasòn. K’oa̱s’ín t’e̱en nga kàta’yaânò nga jyeé itjokàjñoò kjo̱’in kjoa̱ ts’e̱ jéânò koií kjoa̱âla̱ nga ‘ñó tsakjoònâchaà yijoânò. 13 Nga̱ jè Nainá xi ndaà tísíxájiìn ini̱ma̱ânò. Jè síkítsjeènânò nga k’oa̱á s’ín mejènânò koni s’ín ndaà sasénâla̱ Nainá ko̱ ti̱jèâne xi tsjáânò nga’ñó nga ma k’oa̱s’ín ’nè. 14 Ndaà t’e̱en yije ni̱ta̱ mé kjoa̱âne; kì ta̱xki̱ tsajét’aàâlà Nainá ko̱ kì chitiyaânò ni̱ta̱ mé kjoa̱âne. 15 K’oa̱á s’ín ko̱maâne nga i̱xti tsjeèâla̱ Nainá k’oínânò; ni̱mé jé s’e̱ânò nga titsa̱jnajiìnâlà xi̱ta̱ ts’e̱n ko̱ xi ch’o s’ín; jñò, k’oa̱á s’ín kàta’yaânò koni ni’ínâla̱ ni’ño xi síhiseèn ñánda jñò choòn. 16 Ti̱ka’bísòn ‘én ndaà xi síkíjnakon ini̱ma̱âná, méâne jè na̱chrjein k’e̱ nga kjoi̱í ìjngoò k’a Cristo, ndaà ko̱tsjaâna nga mìtsà ta kjo̱tjò koni s’ín kis’iaàn nga ‘ñó kisìxájiìnânò nga tsakoòyaânò ‘én ndaàâla̱ Nainá xi kjoa̱ ts’e̱ Cristo. 17 ‘A̱n, matsjaáâna ko̱ síjngoaà kjo̱tsja xi tjínânò na̱s’ín kjo̱’in tìsìkjiaán koni jñò nga kjo̱’in titsa̱nìkjioón nga koií kjoa̱âla̱ nga mokjeiínânò i̱t’aà ts’e̱ Cristo. Kjo̱’in xi tjínânò k’oa̱á ngayaâla̱ koni jngoò kjo̱tjò xi jñò ‘biìâlà Nainá, ko̱ jè kjo̱’in xi ‘a̱n tjínâna ti̱koa̱á ‘a̱n tsjaàâla̱ Nainá koni kjo̱tjò tsa̱jòn. 18 Jñò, k’oa̱á ti̱s’ín kàtatsjaânò méâne ko̱jngoòâne kjo̱tsja xi tjínâná. 19 K’oa̱á s’ín tísíkítsjeèn, tsà Na̱’ènâná Jesús mejènâla̱ nga sìkasén ni̱to̱nânò Timoteo, méâne ‘a̱n ko̱tsjaâna k’e̱ nga kjoi̱íko̱âna o̱kixi̱ i̱t’aà tsa̱jòn kós’ín titsa̱jnaà. 20 Mì ti̱ yá xi̱ta̱ tjín ìsa̱âna xi k’oa̱s’ín ngásòn síkájno i̱t’aà tsa̱jòn koni jè Timoteo. 21 Ngats’iì xi̱ta̱ xi kj’ei̱í, saà kjo̱ndaà ts’e̱é ótsji, mìkiì ótsji xi kjo̱ndaà ts’e̱ Cristo. 22 Jñò, jyeé ndaà tíjiìnânò, jè Timoteo xi̱ta̱ kixi̱âné. Ndaà síchját’aàâna i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo, k’oa̱á ngayaâla̱ koni tsà ki’ndí ts’a̱nâná. 23 Tìkoña kjoa̱âná nga sìkasénânò Timoteo k’e̱ nga skoeè kós’ín si̱ndaàjiìn kjoa̱âna̱. 24 Ta̱nga jè Na̱’ènâná ma’ñót’aà takoàn, nga tsjá’ndeâna nga ti̱koa̱ ‘a̱n ko̱ma kjíkon ni̱to̱nânò. 25 Ta̱nga k’oa̱á s’ín kisìkítsjeèn nga ítjòn siìkasén ìjngoò k’aânò jè ’ndsè Epafrodito. Ndaà kisìxáko̱âna. K’oa̱á s’ín tsajmeiìko̱âna koni jngoò soldado nga bixkànâtjiâje̱n ‘énâla̱ Nainá. Nainá kàtíchjíânò nga kinìkasénâná k’e̱ nga ‘ñó tímochjeénâna. Ndaà kisìchját’aàâna. 26 I̱’ndei̱, mejènâla̱ nga skoe̱xkonânò ngats’ioò, ‘ñó tísíkájno nga jñò jyeé kina’yà nga kjòxk’énâné. 27 Kixi̱í kjoa̱ nga kjòxk’énâné, kjo̱meé k’en. Ta̱nga Nainá kjòhi̱ma̱keè; mìtsà ta jè xi kjòhi̱ma̱keè, ko̱ó ‘a̱n, méâne nga mì ìsa̱ tse kjoa̱ba s’e̱âna. 28 K’oa̱á maâne nga tìsìkasén ni̱to̱nânò, méâne k’e̱ nga jcha̱xkoòn ìjngoò k’a, ko̱tsjaânò i̱t’aà ts’e̱, koa̱ ‘a̱n, tjáxìn chibaâna kjoa̱ba. 29 Chjoétjò nga ko̱ kjo̱tsjaânò nga ’ndseé chibá i̱t’aà ts’e̱ Na̱’ènâná. Cha̱xkón yije xi ngásòn ok’ìnâla̱ koni jè. 30 Koií kjoa̱âla̱ i̱t’aà ts’e̱ xáâla̱ Cristo nga kjo̱meé k’en. Jè kjoa̱ xi jñò mìkiì komà kinìchját’aàâná, jé Epafrodito, ‘ñó tsibínèâla̱ yijoâla̱ nga ndaà kisìchját’aàâna na̱s’ín kjo̱meé k’en.