Romanos 1

1 Jè xo̱jo̱n carta jè, ‘a̱án tìkjiìânò xi Pablo ‘mìâna xi chi̱’ndaâla̱ Jesucristo ma, xi xó kiìchja̱âna Nainá nga ‘a̱n tsibíxáyaâna ko̱ xó kitjaàjiìnâna nga ‘a̱n sìka’bísoàn ‘én ndaàâla̱ Nainá. 2 I̱t’aà ts’e̱ ‘én koi, Nainá jye k’oa̱s’ín kitsjaà tso’ba nga ti̱sa̱ kjòtseé, koni s’ín tíchja̱ Xo̱jo̱n Tsjeèâla̱ xi kiskiì xi̱ta̱ xi kiìchja̱ ngajoâla̱ Nainá. 3 Nga ya̱ tíchja̱ i̱t’aà ts’e̱ Ki’ndíâla̱, jè Na̱’ènâná Jesucristo xi jè otíxomaâná. Koni xi̱ta̱ i̱sò’nde, ya̱á inchrobàt’aàâne tje̱âla̱ xi̱ta̱xá ítjòn David. 4 K’e̱ nga jaáyaâla̱ i̱t’aà ts’e̱ kjoa̱biyaà, Jesucristo, k’oa̱á s’ín kiyaxkonâla̱ nga Ki’ndíâla̱ Naináâné xi tse nga’ñó tjínâla̱ koni s’ín ndaà síkíchi̱yaâná jè Ini̱ma̱ Tsjeèâla̱ Nainá xi sítsjeèâná. 5 I̱t’aà ts’e̱ Jesucristo, kitjoéâna kjo̱ndaà nga ‘a̱n tsibíxáyaâna nga kèno̱jmíyaâla̱ ‘én ndaàâla̱ jñà xi̱ta̱ na̱xa̱ndá xi tjín nga tíjtsa i̱sò’nde nga kàtasíkitasòn ko̱ kàtakjeiínâla̱ i̱t’aà ts’e̱ Cristo, méâne nga jeya kíjnaâne Cristo. 6 Ti̱koa̱á jñò, xó kinokjoàânò nga xi̱ta̱âla̱ Cristo k’oínânò. 7 Tìkjiìânò ngats’ioò xi titsa̱jnaà Roma xi matsjakeèânò Nainá nga ti̱koa̱ xó kinokjoàânò nga xi̱ta̱ tsjeèâla̱ ko̱ma. Nainá xi Na̱’ènâná, ko̱ jè Jesucristo xi otíxomaâná kàtatsjáânò kjo̱ndaà ko̱ kjoa̱’nchán ya̱ i̱jiìn ini̱ma̱ânò. 8 Xi mats’ia̱âne, i̱t’aà ts’e̱ Jesucristo tsjaàâla̱ kjo̱ndaà Nainá xi i̱t’aà tsa̱jòn, koi kjoa̱âla̱ nga xki̱ xi ján na̱xa̱ndá xi tjín nga tíjtsa i̱sò’nde, na’yáânò nga ndaà mokjeiínânò i̱t’aà ts’e̱ Cristo. 9 I̱t’aà ts’e̱ Nainá xi ‘a̱n sìxáâla̱ nga tíjngoò takoàn nga sika’biá ‘én ndaàâla̱ xi kjoa̱ ts’e̱ Ki’ndíâla̱, jè tíbeè nga na̱chrjein nchijòn síkítsjeènânò k’e̱ nga chjàt’aàâla̱. 10 K’e̱ nga bìtsi’baâla̱ Nainá, k’oa̱á s’ín síjét’aàâla̱ tsà ikon xi tsò nga chaán tsjá’ndeâna nga kjíkonânò. 11 Ti̱koa̱á mejènâna skoe̱xkonânò méâne nga tsja chibaânò kjo̱hítsjeèn ts’e̱ ini̱ma̱âná méâne nga ìsa̱ kixi̱ ki̱tsa̱jnaânò. 12 Jè xi tìxanânò nga ngásòn k’oi̱âlá nga’ñó xinguia̱á i̱t’aà ts’e̱ kjoa̱ xi mokjeiínâná. 13 ‘Ndsè, tichja, mejènâna nga kàtasijiìnânò nga kjòtseé tjínâne nga kjíkonânò ta̱nga skanda i̱’ndei̱ mì tà jngoò kjoa̱ bíchjoà ikònâna. Xi kjo̱hítsjeèn ts’a̱n, jè xi mejènâna nga siìxáko̱ânò jñò, koni s’ín kisìxá ñánda nga xìn na̱xa̱ndá méâne nga ti̱koa̱ skoeèâna kjo̱ndaàâla̱ xáâna xi ‘a̱n s’iaàn i̱t’aà tsa̱jòn. 14 Tjínèâna nga kokoòyaâla̱ ngats’iì xi̱ta̱ xi ‘én griego chja̱ ko̱ xi mìkiì chja̱, xi̱ta̱ xi tjínâla̱ kjoa̱chji̱ne̱ ko̱ xi tsjìnâla̱. 15 K’oa̱á maâne nga ‘ñó mejènâna nga ti̱koa̱ kichjàyajiìnânò jè ‘én ndaàâla̱ Nainá xi kjoa̱ ts’e̱ Cristo, jñò xi titsa̱jnaà na̱xa̱ndá Roma. 16 Mìkiì masobàâna i̱t’aà ts’e̱ ‘én ndaàâla̱ Nainá xi kjoa̱ ts’e̱ Cristo, nga nga’ñóâla̱ Naináâné. Jè ‘én xi maâla̱ síkítsa̱jnandei̱í xi̱ta̱ kjoa̱ ts’e̱ jé, ngats’iì xi̱ta̱ xi mokjeiínâla̱ i̱t’aà ts’e̱, mats’ia̱ko̱âne jñà xi xi̱ta̱ judío ko̱ ti̱koa̱ xi mìtsà xi̱ta̱ judío. 17 Jñà ‘én ndaàâla̱ Nainá xi kjoa̱ ts’e̱ Cristo okóâná kós’ín s’ín Nainá nga síkixi̱ xi̱ta̱. Tà jèâné nga mokjeiínâla̱ i̱t’aà ts’e̱ Cristo méâne nga ìsa̱ ndaà ko̱kjeiínâla̱. K’oa̱á s’ín tíchja̱ Xo̱jo̱nâla̱ Nainá nga tsò: “Jè xi xi̱ta̱ kixi̱, i̱t’aà ts’e̱ kjoa̱ xi mokjeiínâla̱ kíjnakonâne." 18 Nga jè Nainá skanda ján ngajmiì tíhokó kjoa̱jtiâla̱ i̱t’aà ts’e̱ xi̱ta̱ xi mìkiì beèxkón ko̱ xi ch’o s’ín. Jè kjo̱hítsjeèn ch’o xi tjínâla̱ mì kì tsjá’ndeâla̱ nga kjoétjò xi kjoa̱kixi̱. 19 Jè kjoa̱ xi ‘yaâla̱ i̱t’aà ts’e̱ Nainá, ndaà tíjiìnâla̱ jñà xi̱ta̱ koi, nga ti̱jèâne Nainá tíhokóâne. 20 Nga jñà kjoa̱ ts’e̱ Nainá xi mìkiì tsejèn, ndaà tíyaxkonâla̱ kóni nga ti̱sa̱ kisindaà i̱sò’nde. Yaxkoónâla̱ nga tjínâla̱ nga’ñó Nainá ni̱ta̱ mé na̱chrjeinâne nga tà jè ta̱jngoò xi Nainá ‘mì. Kjoa̱ koi tí’yaáâla̱ i̱t’aà ts’e̱ tsojmì xi tsibíndaà Nainá. K’oa̱á maâne nga jñà xi̱ta̱ mì kì ko̱ma ki̱nchako̱ yijoâla̱ nga ki̱tso̱: “Mìkiì tíjiìnâna tsà tíjna Nainá." 21 Jñà xi̱ta̱ na̱s’ín tíjiìnâla̱ nga tjín Nainá xi tsibíndaà i̱sò’nde, ta̱nga mìkiì jeya kisìkíjna, ni̱ mìkiì kitsjaàâla̱ kjo̱ndaà. Ta̱ sa̱á tà koií ‘ñó ndaà kisìs’inâla̱ kjo̱hítsjeèn xi ni̱mé chjíâla̱. Kjo̱hítsjeèn tájaàâla̱ kisìjñòâla̱. 22 Xi kjo̱hítsjeèn ts’e̱, xi̱ta̱ chji̱ne̱é kitsòâla̱ yijoâla̱; ta̱nga mìtsà kixi̱ kjoa̱, xi̱ta̱ nchi̱kónâné. 23 Kisìkíjnat’aàxìn Nainá xi jeya tíjna xi mìkiì fehet’aà na̱chrjeinâla̱; ta̱ sa̱á koi kijtseèxkón i̱sén ts’e̱ xi̱ta̱ xi fehet’aà na̱chrjeinâla̱; skanda jñà i̱sénâla̱ cho̱ xi tjímajiìn i̱sén kijtseèxkón, ko̱ i̱sénâla̱ cho̱ xi ñijòn ma ndso̱ko̱ ko̱ i̱sénâla̱ ye̱. 24 Koií kjoa̱âla̱ nga kitsjeiìn takòn Nainá nga ta̱xki̱ kàtas’ín nga kàtas’ín ni̱ta̱ mé kjoa̱ chi̱nga̱ xi bitjokàjiìn ini̱ma̱âla̱. K’oa̱á maâne nga tsohótsjiâla̱ kjoa̱ sobà yijoâla̱ koni s’ín kisìko̱ xíkjín. 25 Kisìkjatjìyaáâla̱ kjoa̱ kixi̱âla̱ Nainá; ‘én ndiso kiskoé. Jñà kijtseèxkón koa̱ jñà kisìtsjako̱ tsojmì xi jè Nainá tsibíndaà. Mìtsà jè kijtseèxkón koa̱ kisìtsjako̱ Nainá xi tsibíndaà tsojmì. Nainá kàtayaxkón ni̱ta̱ mé na̱chrjeinâne, k’oa̱s’ín kàtama. 26 Koií kjoa̱âla̱ nga kitsjeiìn takòn Nainá nga ko̱ s’ín kàtas’ínâko̱ yijoâla̱ kjoa̱ sobà xi ch’o tjín. Jñà íchjín kisìkjatjìyaáâla̱ koni s’ín mochjeén x’i̱n; tjín íchjín xi ti̱jñà xíkjín kiskoéâne. 27 K’oa̱á ti̱s’ín kis’iìn íchjá, kitsjeiìn takònâné koni s’ín mochjeén íchjín. Tjín íchjá xi ‘ñó kisaseènâla̱ nga ti̱ x’i̱n xíkjín tsoyijòko̱âne. Tsohótsjiâla̱ kjoa̱ sobà yijoâla̱. K’oa̱á maâne nga kjo̱’in kis’eâla̱ xi ti̱ yijo ts’e̱âne koni s’ín ok’ìnâla̱ kjoa̱ ch’o xi kis’iìn. 28 Xi̱ta̱ koi, mìkiì kisìkítsjeèn tsà mochjeénâné nga skoe̱xkon Nainá; k’oa̱á maâne nga kitsjeiìn takòn Nainá nga kàtasíkjeén kjo̱hítsjeènâla̱ xi nì mée chjíâla̱ méâne nga k’oa̱s’ín kàtas’ínâne kjoa̱ xi mìkiì ok’ìnâla̱. 29 Xi̱ta̱ koi, ya̱á tjíjiìn yije ini̱ma̱âla̱ ngats’iì kjoa̱ xi ch’o tjín koni: kjoa̱ chijngui, kjoa̱ ts’e̱n, kjoa̱ tse mejèn, kjoa̱ toòn, kjoa̱xìtakòn, kjoa̱ nga maâla̱ sík’en xi̱ta̱, kjoa̱ xi kjaánâkjoò, kjoa̱ kona̱cha̱n, kjoa̱ xi ch’o s’ín, kjoa̱ ‘én ndiso; 30 nga chja̱jnoâla̱ xíkjín; nga síjtikeè Nainá; ochrjengui xíkjín; ’nga ikon; ndaà síkíjna yijoâla̱; síkítsjeèn nga mejènâla̱ ìsa̱ ch’o tjín kjoa̱ xi s’i̱in; mìkiì ’nchréñijonâla̱ xi̱ta̱ jchíngaâla̱; 31 mìkiì machi̱yaâla̱; mìkiì síkitasòn ‘én xi chja̱; mìkiì beètjò xi̱ta̱ xíkjín; tsjìnâla̱ kjoa̱ nìjchàat’aà; koa̱ tsjìnâla̱ kjoa̱hi̱ma̱takòn. 32 Jñà xi̱ta̱ koi, ndaà tíjiìnâla̱ nga k’oa̱á s’ín tsjá o̱kixi̱ Nainá: ngats’iì xi k’oa̱ tjín kjoa̱ xi s’ín, ok’ínâla̱ nga ki̱yá. Ta̱nga mìkiì majngoò ikon nga tà jñà xi k’oa̱s’ín, skanda ti̱koa̱á matsjaâla̱ k’e̱ nga k’oa̱ ti̱s’ín xi̱ta̱ xi kj’ei̱í.