Romanos 9

1 O̱kixi̱í xi xan i̱t’aà ts’e̱ Cristo; mì ‘én ndiso chjà; jè Ini̱ma̱ Tsjeèâla̱ Nainá síkíchi̱yaâla̱ kjo̱hítsjeènâna̱ nga tsjá ‘én i̱t’aà ts’a̱n, 2 nga kjit’aà na̱chrjein ba tjínâna̱ koa̱ ‘on maâla̱ ini̱ma̱âna̱, 3 i̱t’aà ts’e̱ jñà xi̱ta̱ ’ndsè xi xinguia̱a ma koiâné nga ‘ñó matsjake̱. ‘Ãó mejènâna nga kàtasakóâla̱ kjo̱ndaà. Skanda ko̱maáâlà kósi̱t’aàxìnâla̱ Cristo tsà k’oa̱s’ín sa̱kòâla̱ kjo̱ndaà jñà xi̱ta̱ xinguia̱a xi ts’e̱ na̱xa̱ndá Israel, ta̱nga mìkiì tjí’ndeâna nga ko̱s’ín s’iaàn. 4 Nga̱ jñà xi̱ta̱ Israel, jè Nainá kiskoétjò nga i̱xtiâla̱ ma, ko̱ ya̱á ki’yaâla̱ kjoa̱jeyaâla̱ Nainá, ko̱ kitjoéâla̱ jñà kjoa̱ xi tsibíndaàjiìnâko̱, ti̱koa̱ kitjoéâla̱ kjo̱tíxomaâla̱ Moisés, ko̱ kitjoéâla̱ o̱kixi̱ kós’ín skoe̱xkón Nainá, ko̱ kitjoéâla̱ ‘én koni s’ín kitsjaàâla̱ tso’ba Nainá. 5 Jñà xi̱ta̱ Israel ya̱á inchrobàt’aàâne ts’e̱ xi ‘ñó xi̱ta̱ jchínga kjiìn xi Nainá xó jaàjiìnâne. Jè Cristo [xi xó kisìkasénâne Nainá] nga xi̱ta̱ i̱sò’nde komà, ya̱á inchrobàt’aàâne i̱t’aà ts’e̱ xi̱ta̱ jchínga koi. Jè Cristo xi Nainá; jè otíxoma yijeâla̱ kjoa̱; jeya kàtìjna ni̱ta̱ kjéâne. K’oa̱s’ín kàtama. 6 [Nga mìtsà mokjeiínâla̱ ngats’iì xi̱ta̱ Israel], mìtsà koi kjoa̱âla̱ nga jè ‘énâla̱ Nainá mìkiì bitasòn. Koiâné nga i̱t’aà ts’e̱ Nainá, mìtsà ngats’iì xi̱ta̱ xi ya̱ nchrobát’aàâne tje̱âla̱ Israel nga nguì kixi̱ kjoa̱ nga ya̱ chja̱âne. 7 Na̱s’ín ya̱ tje̱nâla̱ i̱t’aà ts’e̱ Abraham, mìtsà ngats’iì nga kitjoéâla̱ kjo̱ndaà nga i̱xtiâla̱ ma. Nga k’oa̱á tsò Xo̱jo̱nâla̱ Nainá: “Jñà xi̱ta̱ tje̱âlè, ya̱á kji̱nchrobàâne i̱t’aà ts’e̱ Isaac." 8 Kjoa̱ koi, k’oa̱á tsòyaâne, nga jñà i̱xtiâla̱ Nainá, mìtsà jè xi chjíâla̱ yá ts’e̱ tje̱ xi nchrobát’aàâne. Ta jñàâné xi i̱xtiâla̱ Nainá ma jñà xi jye k’oa̱s’ín kitsjaà tso’ba Nainá nga i̱xtiâla̱ ko̱ma. Tà jñáâné xi k’oa̱s’ín oxki̱t’aà nga kixi̱ kjoa̱ nga nguì tje̱âla̱ Abraham ma. 9 Nga̱ jè ‘én xi Nainá kitsjaàâla̱ tso’ba Abraham, k’oa̱á tsò: “Jè nó xi sa̱ nchrobá kjoi̱í ìjngoò k’aâna; jè Sara, ki’ndí s’e̱ jngoòâla̱." 10 Mìtsà ta jñá kjoa̱ koi xi komà. Ti̱koa̱á jè Rebeca kis’eâla̱ i̱xti’ño̱ xi ts’e̱ Isaac, jè xi xi̱ta̱ jchíngaâná ma. 11 Nainá k’oa̱á s’ín kitsjaà tso’ba k’e̱ nga ti̱kj’eè ts’iìn jñà i̱xti’ño̱ nga ti̱kj’eè kiì ‘yaâla̱ mé kjoa̱ xi s’i̱in, a jè xi ndaà tjín, o jè xi mìkiì ndaà tjín. K’oa̱á s’ín kjòkixi̱ nga Nainá tjí’ndeâla̱ nga kjoa̱ájiìn xi̱ta̱ koni s’ín jye tjíndaàâla̱ nga ki̱chja̱âla̱ jñà xi̱ta̱ xi jè mejènâla̱. Mìtsà kinda̱ s’ín mé xi jye kis’iìn xi̱ta̱. 12 Nainá k’oa̱á kitsòâla̱ Rebeca: “Jè tiâlè xi jts’ín ítjòn, chi̱’ndaâlá ko̱ma jè xi i̱skan jts’ín." 13 K’oa̱á s’ín tíchja̱ Xo̱jo̱nâla̱ Nainá nga tsò: “Jè Jacob kjòtsjakeèâná, ko̱ jè Esaú kòjtikeèâná." 14 ¿Mé xi kixoán? Nainá, ¿a mìtsà kjoa̱ kixi̱ xi s’ín? Majìn, mì k’oa̱á s’ín tjín. 15 Nainá k’oa̱á kitsòâla̱ Moisés: “Ko̱hi̱ma̱keèâná xi ‘a̱n mejènâna̱ nga ko̱hi̱ma̱keè, skoehi̱ma̱âná jè xi mejènâna̱ nga skoehi̱ma̱." 16 K’oa̱á s’ín tjín kjoa̱ koi, mìtsà koi nga jñá mejènâná nga s’e̱âná, ni̱ mìtsà koi nga ‘ñó binchaàtsjiaá; jè Nainá tsjáâla̱ kjo̱ndaàâla̱ jñà xi̱ta̱ xi jè mejènâla̱ mahi̱ma̱keè. 17 K’oa̱á s’ín tíchja̱ Xo̱jo̱nâla̱ Nainá nga kitsòâla̱ Faraón: “Koií k’oa̱s’ín kisìkíjnaâlè nga xi̱ta̱xá tijni ya̱ na̱xa̱ndá Egipto méâne nga i̱t’aà tsi̱ji kokoaà nga’ñóâna̱ ti̱koa̱ skoe̱xkonâna xi̱ta̱ nga tíjtsa i̱sò’nde." 18 K’oa̱á s’ín s’ín Nainá, tjínâla̱ kjo̱hi̱ma̱takòn i̱t’aà ts’e̱ xi̱ta̱ xi jè mejènâla̱; ti̱koa̱á maâla̱ sítájaàjiìn ini̱ma̱âla̱ xi̱ta̱ xi jè mejènâla̱ nga kàtasítájaàjiìn ini̱ma̱âla̱. 19 Ta̱nga tsà ji̱ k’oa̱ k’oínâná: “Tsà k’oa̱s’ín s’ín Nainá, ¿méâne jé bínèâla̱ jñà xi̱ta̱?, nga ni̱ yá xi̱ta̱ xi ko̱ma kondra̱ kjoi̱âla̱ koni s’ín mejènâla̱ jè." 20 Ta̱nga ji̱, xi ta̱xki̱ xi̱ta̱âné, ¿yáâné ji̱, nga Nainá otìkjoòkoi̱i? Jngoò ti̱jí xi xó kisindaàâne, ¿a ko̱maá ki̱tso̱âla̱ jè xi tsibíndaà: “Méâne k’oa̱s’ín tsibìndaàâná”? 21 ¿A mì tjí’ndeâla̱ jè xi maâla̱ bíndaà ti̱jí ni’nde nga ti̱jèâne ndási koi̱ìndaà jngoòâne ti̱jí xi tà k’e̱ mochjeén k’e̱ nga tjín s’eí koa̱ koi̱ìndaà jngoò xi na̱chrjein nchijòn mochjeén? 22 Tsà Nainá mejènâla̱ tsakó kjoa̱jtiâla̱ ko̱ nga’ñóâla̱, ¿a ch’o tjín nga kiskoòñà kjoa̱ i̱t’aà ts’e̱ xi̱ta̱ xi tjoéâla̱ kjo̱’in ko̱ xi tjínèâla̱ nga kjoe̱hesòn? 23 Mìtsà ch’o tjín; nga koií k’oa̱s’ín kis’iìnâne méâne nga ma tsakó kjoa̱jeyaâla̱ xi i̱t’aà tsa̱ján nga kjòhi̱ma̱keèâná. Nga jè tsibítsa̱jnandaàâná skanda ti̱sa̱ kjòtseé, méâne ti̱koa̱ s’e̱âná kjoa̱jeyaâla̱. 24 Nainá k’oa̱á s’ín xó kiìchja̱âná. Tjín xi̱ta̱ xi ya̱ itjokàjiìn ts’e̱ xi̱ta̱ judío; ti̱koa̱á tjín xi̱ta̱ xi ya̱ itjokàjiìn ts’e̱ xi ta̱xki̱ xi̱ta̱ xi mìtsà xi̱ta̱ judío. 25 K’oa̱á s’ín tíchja̱ xo̱jo̱nâla̱ Oseas xi̱ta̱ xi kiìchja̱ ngajoâla̱ Nainá nga tsò: Jè xi mìtsà na̱xa̱ndáâna̱ ma nga sa̱ ítjòn, na̱xa̱ndá ts’a̱án ko̱ma; jè xi mì tjòkeè kijtseè nga sa̱ ítjòn, tjòkeè skoeè. 26 Ti ya̱âne i̱’nde ñánda o̱ki’mìânò: “Mìtsà na̱xa̱ndá ts’a̱n xanânò”, “i̱xtiâla̱ Nainá xi tíjnakon” k’oínânò. 27 Isaías, xi̱ta̱ xi kiìchja̱ya̱ ngajoâla̱ Nainá, k’oa̱á ti̱ tsò i̱t’aà ts’e̱ na̱xa̱ndá Israel: “Na̱s’ín kjín jchán maâne i̱xtiâla̱ koni tsomì ts’e̱ ndáchikon, tà chiba maâne xi ki̱tjokàjiìn kjo̱’in. 28 Nga jè Na̱’ènâná ni̱to̱ón si̱ìkitasòn jè kjoa̱kixi̱âla̱ xi jye jè kitsjaà koni s’ín tjínèâla̱ jñà xi̱ta̱ nga tíjtsa i̱sò’nde." 29 Koni s’ín kitsò Isaías nga ti̱sa̱ ítjòn: Jè Na̱’ènâná, xi tse nga’ñó tjínâla̱, tsà mìkiì kisìkiningui chibaâne tje̱âná, jyeéâla kisìkjehesòn yijeâná koni kisìko̱ na̱xa̱ndá Sodoma ko̱ na̱xa̱ndá Gomorra. 30 ¿Mé xi kixoán? Jñà xi mìtsà xi̱ta̱ judío, xi mìkiì fìtji̱nguiâla̱ kjoa̱ kixi̱, i̱’ndei̱, jyeé xi̱ta̱ kixi̱âné nga nguixko̱n Nainá tà koií kjoa̱âla̱ nga mokjeiínâla̱ i̱t’aà ts’e̱ Nainá. 31 Ta̱nga jñà xi̱ta̱ Israel xi fìtji̱nguiâla̱ Kjo̱tíxomaâla̱ Moisés nga nchihótsji nga kixi̱ kítsa̱jna nguixko̱n Nainá mìkiì ijchòtji̱nguiâla̱. 32 ¿Méâne nga k’oa̱s’ín komàâne? Koií kjoa̱âla̱ nga mìkiì mokjeiínâla̱ i̱t’aà ts’e̱ Nainá. Tà k’oa̱á s’ín ‘ñó tsohót’aàhikon nga ndaà tjín kjoa̱ xi kis’iìn i̱t’aà ts’e̱ Kjo̱tíxoma. K’oa̱á maâne [k’e̱ nga j’iì Cristo] ya̱á kisatíngui koni jngoò Nda̱jo̱ xi kijnahikòn. 33 Xo̱jo̱nâla̱ Nainá k’oa̱á s’ín tíchja̱ [i̱t’aà ts’e̱ Cristo] nga tsò: Ya̱ nindoò Sión kijnaá jngoaá nda̱jo̱ xi kíjnahikòn, jngoò Nda̱jo̱ xi satíngui xi̱ta̱, ta̱nga jè xi ko̱kjeiínâla̱ i̱t’aà ts’e̱ Nda̱jo̱ jè mìkiì ko̱sobàâla̱.