Romanos 10

1 Jñò ndí ’ndsè, xi nguì o̱kixi̱, koií xi ‘ñó mejènâla̱ ini̱ma̱âna̱ ko̱ xi ‘ñó sìjét’aàâla̱ Nainá i̱t’aà ts’e̱ na̱xa̱ndá Israel, nga kàtìtsa̱jnandei̱í kjoa̱ ts’e̱ jéâla̱. 2 ‘A̱n be kixi̱âná nga ‘ñó mejènâla̱ nga ndaà skoe̱xkón Nainá jñà xi̱ta̱ Israel, ta̱nga mìkiì mangásòn kjo̱hítsjeènâla̱ koni s’ín tjín jè kjo̱hítsjeèn xi nguì kixi̱ tjín. 3 Nga mìkiì fahas’enâjiìnâla̱ nga tà jngoò jè Nainá xi maâla̱ kixi̱ síkítsa̱jna xi̱ta̱. Tà jè xi mejènâla̱ nga tà jñà kixi̱ si̱kítsa̱jna yijoâla̱. Majìnâla̱ kjoé xi o̱kixi̱âla̱ Nainá xi maâla̱ kixi̱ si̱ìkíjnaâná. 4 Nga jè Cristo kisìkjehet’aà kjoa̱ ts’e̱ kjo̱tíxoma méâne nga s’e̱âla̱ kjoa̱ kixi̱ ngats’iì xi̱ta̱ xi mokjeiínâla̱ i̱t’aà ts’e̱ Nainá. 5 Jè Moisés, k’oa̱á s’ín kiskiì i̱t’aà ts’e̱ xi̱ta̱ xi mejènâla̱ kixi̱ kítsa̱jna i̱t’aà ts’e̱ kjo̱tíxoma nga tsò: “Jè xi̱ta̱ xi si̱ìkitasòn kjo̱tíxoma, i̱t’aà ts’e̱é kjo̱tíxoma kíjnakonâne." 6 Ta̱nga i̱t’aà ts’e̱ xi̱ta̱ xi kixi̱ kítsa̱jna k’e̱ nga mokjeiínâla̱, k’oa̱á tsò: “Kì k’oa̱á tsò ini̱ma̱âlè: ¿Yá xi kji̱mijìn ngajmiì?” (’Ãn koi tsòyaáâne nga mejènâla̱ kji̱nchrobàjenâko̱ Cristo.) 7 Ko̱, kì k’oa̱á tsò ini̱ma̱âlè: “¿Yá xi ma koi̱ìs’enâjiìn i̱’nde ñánda nchisíkjeiín kjo̱’in jñà mik’en?” (’Ãn koi tsòyaáâne nga mejènâla̱ skímiì’nga ìjngoò k’aâne Cristo ya̱ i̱jiìnâla̱ mik’en.) 8 Ta̱nga, ¿kó tsòâìsa ‘énâla̱ Moisés? Tsòâne: “Chrañàt’aà tíjnaâlè jè ‘én, ya̱á tíjna’a ndso̱boi, ya̱á tíjnajiìn ini̱ma̱âlè.” K’oa̱á tsò ‘én xi ‘a̱n chjàya xi mochjeén nga ko̱kjeiínâná. 9 Tsà ndso̱boi kéno̱jmíâne nga Jesucristo, jè xi Na̱’ènâná, koa̱ tsà ko̱ ini̱ma̱âlè ko̱kjeiínâlè nga Nainá kisìkjaáyaâla̱ i̱t’aà ts’e̱ kjoa̱biyaà, ki̱jnandei̱íâné xi kjoa̱ ts’e̱ jéâlè. 10 Nga ko̱ó ini̱ma̱âná mokjeiínâná méâne nga kixi̱ ki̱tsa̱jnaá nguixko̱n Nainá ti̱koa̱ ko̱ó ndso̱baá bèno̱jmiá nga Jesucristo, jè xi Na̱’ènâná, méâne nga ko̱ma ki̱tsa̱jnandei̱íâná xi kjoa̱ ts’e̱ jéâná. 11 K’oa̱s’ín tíchja̱ Xo̱jo̱nâla̱ Nainá nga tsò: “Ngats’iì xi ko̱kjeiínâla̱ i̱t’aà ts’e̱ Cristo mìkiì ko̱sobàâla̱." 12 Jñà xi̱ta̱ judío ko̱ xi mìtsà xi̱ta̱ judío, tà ngásònâné xi i̱t’aà ts’e̱ Nainá; nga ti̱jèâne Cristo xi Na̱’èn tsòâla̱ ngats’iì xi̱ta̱. Jè kjo̱ndaà xi ‘ñó tse tjínâla̱ Cristo, jè tsjáâla̱ ngats’iì xi̱ta̱ xi chja̱t’aàâla̱. 13 Nga k’oa̱á ti̱ tsò Xo̱jo̱nâla̱ Nainá: “Ngats’iì xi̱ta̱ xi ki̱chja̱t’aàâla̱ Na̱’ènâná, kítsa̱jnandei̱íâné xi kjoa̱ ts’e̱ jéâla̱." 14 Ta̱nga mìkiì ko̱ma ki̱chja̱t’aàâla̱ Cristo jè xi̱ta̱ xi kj’eè kì mokjeiínâla̱. Ko̱ mìkiì ko̱kjeiínâla̱ xi̱ta̱ xi kj’eè mé ‘én ’nchré i̱t’aà ts’e̱ Cristo. Koa̱ mìkiì ko̱ma kji̱’nchré xi̱ta̱ tsà mì yá xi̱ta̱ tjín xi ke̱èno̱jmíâla̱ i̱t’aà ts’e̱ Cristo. 15 Koa̱ jè xi̱ta̱ xi ke̱èno̱jmí ‘én, mìkiì ko̱ma si̱ìxá tsà mì yá xi si̱ìkasén. K’oa̱s’ín tjít’aà xo̱jo̱n: “Mé tà ndaàâne nga k’oa̱s’ín binchimasòn jñà xi̱ta̱ xi chja̱ya ‘én ndaàâla̱ Nainá xi kjoa̱ ts’e̱ Cristo xi ts’e̱ kjoa̱’nchán." 16 Ta̱nga mìtsà tà ngats’iì xi̱ta̱ Israel kisìkitasòn jè ‘én ndaàâla̱ Nainá xi kiì’nchré. Nga jè Isaías xi̱ta̱ xi kiìchja̱ ngajoâla̱ Nainá, k’oa̱á kitsò: “Na̱’èn, ¿yá xi kòkjeiínâla̱ ‘én xi ji̱n kinokjoàyaâje̱n?" 17 K’oa̱á maâne, k’e̱ nga mokjeiínâná, ya̱á nchrobát’aàâne k’e̱ nga na’yáâlá ‘én. K’oa̱ jñà ‘én xi na’yá, ‘én ndaàâla̱ Nainá xi kjoa̱ ts’e̱ Cristoâné. 18 Ta̱nga, k’oa̱á xan: ¿A mìtsà kiì’nchré xi̱ta̱ Israel jè ‘én ndaàâla̱ Nainá? Jon, kiì’nchréâné. Nga k’oa̱á tsò jè Xo̱jo̱nâla̱ Nainá: Kijndà i̱sò’nde jyeé tsabísòn ‘énâla̱. Jyeé ijchò skanda ñánda fehet’aàâne nangui. 19 Ti̱koa̱á xanâná: jñà xi̱ta̱ Israel, ¿a mì kisijiìnâla̱ kjoa̱ koi? Kisijiínâla̱. Jè xi tíjna ítjòn, k’oa̱á kitsò Moisés: ‘A̱n, k’oa̱á s’ín s’iaàn nga kàtachi̱ni̱cha jñò jngoò na̱xa̱ndá xi mìtsà na̱xa̱ndá ts’a̱n xanâla̱. Kàtamajticha i̱t’aà ts’e̱ na̱xa̱ndá xi chiba kjo̱hítsjeèn tjínâla̱. 20 Ti̱koa̱á Isaías ‘ñó tsi’beéâla̱ ikon nga kiìchja̱ ‘énâla̱ Nainá nga kitsò: Kisakòâla̱ jñà xi̱ta̱ xi mìkiì ‘a̱n tsohótsjiâna. Tsakóâla̱ kjo̱ndaàâna̱ jñà xi̱ta̱ xi mìkiì ‘a̱n kiskònanguiyaâna. 21 Ta̱nga jè Isaías k’oa̱á s’ín kiskiì i̱t’aà ts’e̱ xi̱ta̱ Israel koni s’ín kitsò Nainá: “Na̱chrjein nchijòn tsijmeéâla̱ ndsa̱a nga kichjà’nchréâla̱ jngoò na̱xa̱ndá xi kondra̱ kiìâla̱ ‘énâna̱ nga mì kì kisìkitasòn."