1 Pita 3

1 Ei mel ku, enim amp mbÊ, en enim nga wanÊmÊl mbÊ nga mana orunga muⱡÊi! Wu mat, Got nga ik ei, pili napiling mbÊ, enim amp mbÊ nga uⱡ kun kai eng ei ndi, wu mbÊ etÊk numan ropÊl runding. Enim ndi, ik ti ning mel mon. Nambuⱡ emel, enim numan kun kai pendÊk, Nuim ei nga mundmong endÊk, eng uⱡ ei ndi, wu ei numan ropÊl romba. 3 En enim nga kÊng orunga mon pangga nÊk, peng kom etÊk, nde mong rumbulk, wal pÊki kai mat pakuk iti nÊtÊi! 4 Ei kelik, en enim nga numan rukrÊng orunga ou ndÊi! Pora ni nandÊtÊm uⱡ kai ei, numan kundil ni kandÊk tÊk, muⱡnga koma ti, ti tek moⱡung ndam, Got nga mong waⱡ ila, uⱡ kai ronduⱡ ti enmin nimba kandrum. 5 Ei nga, unt kor nga mondpa pili amp kai wingti morung mbÊ, en enim nga numan ei, Got kÊn tek, wamÊl nga mana orunga morung. Uⱡ ei ndi, en enim nga numan orunga, etÊk kai mondrÊng. 6 Sara ni amp ei, uⱡ ei mel itim. Aparam nga ik teng ndupa, wam kundpa, nimba mel, “Na nga wu nuim ei,” nitim. Enim akup, amp ei nga mbuⱡmÊl kÊⱡ mel, ti nga mundmong iti natÊk, uⱡ kun mbÊ mint itÊi! 7 Enim amp tÊtmin wu kÊⱡ uⱡ ei mel ku, en enim nga moⱡpa kundi orunga, amp ei nga ronduⱡ ti mon. Ei pilik kÊn, rÊp kai etÊk, eng nduk tek muⱡÊi! I eng uⱡ ei ndi, amp ei, nim wu kÊn, kup etpa moⱡpa, wote Got nga wamp kaⱡpa ti, uⱡ ronduⱡ ei tinggil. Uⱡ ei mel eng ndam, enim nga atinga rong ila mel ti ndi, imp muⱡi nambÊⱡÊmba. 8 Ik nÊmp pora nduimp etÊp ei mel nÊnt. Enim pora numan tenda pilik, wamp kÊn pora, uⱡ kai mbÊ etÊk, angmÊn wung orunga mormin mbÊ, kont kulk, numan nguk, numan meka rui mbÊ kandÊk ti nÊtÊi! 9 Enim etÊk kit mondung ndam, punt rui nÊrÊi! Ik mura ngung ndam, punt rui narÊk memp ik kai mbila mint, punt rÊi! Nambuⱡ emel, memp ik kai ei, Got ndi, enim kÊn unt mi tepa nguimp nimba, enim wi ropa rukÊr titim. 10 Ei nga, unt nga Buk Wingti ila, nimba mel, “Wamp nam ti ndi, elim moⱡÊp, kai mondÊp, wote ui kai mat mbuldung orunga, kandÊp timp nimba pilim ndam, ik kit mat ni nandpa, wote ik kol ropa iti nÊtangga! Uⱡ kit mbÊ, tÊpa mbuⱡ ngumba, uⱡ kai mbÊ etangga! Wamp ei, moⱡpa kundi uⱡ kai ei, kurpa kandpa tÊpa pep rangga. Nuim ei nga mong raⱡ, wamp kun kai ei kÊn purum. Wote atinga rormin mbÊ, kum tepa rÊk rÊk pÊtÊm. Wote, Nuim ei ndi, uⱡ kit etmin wamp mbÊ kÊn, tÊpa mbuⱡ ngorum,” nÊtÊm. 13 Nim uⱡ kai ti itimp nÊk pin ndam, nam ndi, nim romba? 14 Wote, nim uⱡ kai ti etkÊn mindil nun ndam, nim memp kai tin wamp ei morÊn! Wamp mbÊ nga mundmong iti natÊk, kÊⱡ kel numan pili nÊpÊlÊi! 15 Ei kelik, enim ndi, Kraist tÊk mundmong orunga mondÊk, wote etÊk enim nga numan ila Wu Nuim rundÊi! Nim nga numan ila, nokundkÊn morÊn uⱡ ei, wamp ti ndi, nim kÊn omba, waldpa em ndam, ik puⱡ petÊm ei mel nÊkÊn, kai etkÊn nguin ei nga rÊk rÊk ui mbila, tÊkÊn kun etkÊn muⱡi! 16 Wote, enim nga numan orunga piral nangga, koma pou raⱡ tek, wote tÊpa ou ndui uⱡ ei, etÊk molk ik nÊi! Ei mel tanggina, wote enim Kraist pep rok, uⱡ kai mbÊ etangina, wamp mat ndi, ik kit nÊk etmin wamp mbÊ, en enim pipil kuⱡing. 17 Got nga numan ila pep ropÊn, uⱡ kai mbÊ etpÊn, mindil timin ndam, ei kapⱡa. Muna tÊn mbun ⱡawa etpÊn mindil timÊn nda, ei kapⱡa mon! 18 Ui tÊngÊnda mint, Kraist ndi, wamp pora nga uⱡ ⱡawa nit mbÊ nga kurum. Wu kun kai ti, tÊn wamp kit mbÊ nga koⱡpa, wote tÊn mepa, Got kÊn nondpa purum. Elim nga kÊng orunga rok kondrung, wote elim nga min orunga, ⱡoporpa oⱡa omba, akup kont morum. 19 Muⱡnga ila, ⱡoporpa oⱡa omba kun mba, kan ila petÊng muⱡnga mbÊ kÊn, ik puⱡ nimba ngurum. 20 Unt kor nga, Nowa nga nu sip rukrÊm ui ila, muⱡnga mbo kÊⱡ ndi, Got nga ik ei, tÊk roi ndurÊng. Uⱡ ei, Got ndi, punt rui narÊpa puⱡnga mba, nu kui urum ei kÊn, wamp enggika mint, nu ei ndi, mepa oⱡa mba, etpa peng kont titim. 21 Nu pÊnmÊn ei, enim akup nu tilmina, etpa ti uⱡ ila nga to ropa petÊm. Uⱡ ei, kÊng ⱡar kil ngui uⱡ ei nga mon! Numan kai muⱡangga nimbun Got kÊn mi tetmÊn. Jisas Kraist koⱡpa tikil rurum uⱡ ila, enim etpa peng kont titim. 22 Elim muⱡ kona kor purum, Got nga ki mbo orunga moⱡpa, muⱡ kona anggelo mbÊ kÊn, wote uⱡ ronduⱡ elpa elpa tetÊm mbÊ pora, tÊpa mana ndupa, oⱡa orunga morum.