1 Pita 4

1 Kraist pÊtmin ni, elim nga kÊng ila mindil titim. Ei mel, enim numan tenda ei ku pilÊi! Nambuⱡ emel, wamp ti kÊng orunga mbun mindil tÊtÊm ni, uⱡ kit mbila ruk muⱡi nambÊrÊm. 2 Ei nga, akup ui ei kÊn, wote kÊmp kÊm kont monmÊn ui ila, kÊng orunga mbi paka rui uⱡ mbÊ wak rok, Got nga numan ei kandÊk tÊk pep rÊi! 3 Enim unt, wamp rÊⱡaip elpa ekit orunga mbÊ nga numan pendÊk etmin, uⱡ kit mbÊ nga etÊng ni, etÊk pora ndurÊng. Uⱡ mbÊ mel etÊng, wapra rui uⱡ, wamp kandpa kum pindi uⱡ, nu ronduⱡ nok, kupÊr rok, rÊng ou ndupa nok, got kol mbÊ nga atinga rondÊk etmin. 4 Akup wamp rÊⱡaip elpa ekit orunga mbÊ, enim kandÊk rut ninmin ei, en enim nga nombuⱡa mam andurmin ila ruk ui nawÊnmÊn nÊk, aldpa enim ik mura ngurmin. 5 Wote uⱡ mbÊ kapⱡa iteing, tÊnggÊt ui tila, Got nga kuimp keta ila, uⱡ enmin mbÊ mel kÊmp tÊk nguing. Got ndi, wamp kui kont mbÊ, kÊmp tÊmba ei nga, tÊpa kun etpa morum. 6 Uⱡ puⱡ ila nga RÊnang Ik Kai ei, unt wamp korung mbÊ kÊn purum ku. Got ndi, tÊn kont mormun wamp kÊmp tÊtÊm ei mel, wamp kÊⱡ morung puⱡ orunga unt kÊmp titim. RÊnang Ik Kai ei, wamp kui kÊⱡ kÊn purum ei, pilik tilingina ndam, en enim nga muⱡnga orunga, kont mul uⱡ ei, Got kont morum ei mel, kont puk moⱡÊngina. 7 Mel mbÊ pora nimba, ui ei nondpa enim. Ei kÊn, enim nga numan orunga kun pangga, ronduⱡ mundÊk, tÊk mendÊk molk, atinga rÊk rÊk rÊi! 8 Uⱡ nant mbÊ nga pora, wamp numan ngui uⱡ ei, etÊk mint muⱡÊi! Nambuⱡ emel, wamp numan ngui uⱡ ei ndi, uⱡ wei etmÊn mbÊ, tÊpa mana ndupa, wote uⱡ nit ou ndupa pendpa kitim. 9 Enim numan kit pili napilik, numan kai pendÊk, enim nga manga tÊma ong wamp mbÊ, rawe etÊk tÊi. 10 Enim wamp tenda tenda nimba ei, Got nga kongun ronduⱡ kai mat, iteing nimba kÊmp tÊpa ngurum. Kongun mbÊ tÊk, wamp kÊn kongun tangina, wote enim Got nga kongun wu kai ei neing. 11 Wamp nam ti ndi, Got nga ik nindÊm wamp ei, elim kongun ei ronduⱡ mba tangga! Wote, wamp nam ti ndi, elim wamp tÊpa rÊpÊndi uⱡ em wamp ei pilin, elim nga ronduⱡ Got ndi ngurum ei paka rondukÊn iti! Wote uⱡ mbila pora, Jisas Kraist nga mbi ila, Got nga mbi paka reing. Got elim kÊn uⱡ ronduⱡ eng nui wang ndupa etÊm uⱡ mbÊ kÊn, mbi oⱡa orunga ti uⱡ mbÊ, uⱡ nga kÊnt nga tetÊm. Ei kupa. 12 Na nga wamp puⱡ mendpÊⱡ kÊⱡ, enim oⱡa tÊpa kÊni uⱡ kit wei mbÊ, kandÊk tÊk mindil nonmÊn. Ei pili napÊtmin uⱡ ti, enim nÊk pilik, min ngÊn mundi nÊmÊndÊi! 13 Wote, i iti natÊk, numan ngÊk, Kraist nga mindil titim mel tÊnmÊn nÊk tÊi! Wote, elim nga mbi ou ti uⱡ ei omba, pena ila tem kÊn, enim ambulk palk muⱡing. 14 Enim Kraist nga mbi ei, ambulk muⱡangina, ik mura ngÊk eng ndam, numan ngÊk muⱡÊi! Nambuⱡ emel, Got nga Muⱡnga ronduⱡ ei, enim kÊn omba morum. 15 Enim mormin ruk ting ila, wamp ti kindÊp norum, muna wamp ropa kondrum, muna uⱡ kit nant mbÊ nga etÊm, muna wamp mat nga etmin uⱡ mbila omba, kuimbal mba. Uⱡ mbÊ nga wamp ti mindil nui nÊnangga! 16 Wote, enim Kraist nga mbi ambulk molk, mindil tÊng ndam, uⱡ ei nga pipil kuⱡi mon! Kraist nga mbi tep mor nÊk, Got kÊn angk nÊi! 17 Got elim nga wamp mbÊ, kuimp tepa kÊmp tÊmba ui ei, akup puⱡ mondpa enim. Ei nga, tÊn kÊn puⱡ mondpa em ndam, wote Got nga RÊnang Ik Kai mondÊk pili napÊtmÊn wamp mbÊ kÊn, kÊmp tÊpa mba, pora ndumba mel nant? 18 Buk Wingti ila ik kat ndi, ei nimba mel, “Wamp kai mbÊ etpa tÊmba, ei nga mindil petÊm ndam, wote Got nga ik tÊk roi nduk, uⱡ kit minal etmin wamp mbÊ kÊn, namba uⱡ ti pemba, nda?” nÊtÊm. 19 Ei nga, wamp namin mat Got ndi, mindil teing nimba pÊtÊm wamp kÊⱡ, en enim pora, Puⱡ Wu ei kÊn, rÊmp nduk mÊlangina, enim rÊp itangga, uⱡ kai mbÊ etÊk mint muⱡeing.